ئێمە لە تۆرە کۆمەڵایەتیەکان

ئابوری

توركیا بڕیارێكی نوێ‌ لەبارەی ڤیزەی گەشتیارییەوە دەردەكات

خەڵك- بەشی هەواڵ
فەرمانگەی بیانیانی سەر بە وەزارەتی ناوخۆی توركیا بەنیازە، نوێكردنەوەی مانەوەی گەشتیاری بۆ هەموو ڕەگەزنامەكان ڕابگرێت لە سەرەتای ساڵی داهاتوودا.

ماڵپەڕی (توركیا الان) لە زاری سەرچاوە ئاگادارەكانەوە بڵاویكردۆتەوە، “بڕیارەكە ڕاستە و لە سەرەتای ساڵی نوێوە كاری پێدەكرێت، كە هەڵگری مۆڵەتی نیشتەجێی گەشتیاری ناچار دەبێت بۆ مانەوەی ساڵێكی تەواو لە توركیا و پاشان داواكاری بۆ وەرگرتنی ڤیزە پێشكەش بكات و مۆڵەتی نوێی گەشتیاری بۆ ماوەی ساڵێك دەربكات، كە نوێ‌ ناكرێتەوە”.

جەختیشی كردۆتەوە، هەڵگرانی مۆڵەتی مانەوەی گەشتیاری ناتوانن لە دوای ڕێكەوتی 1/1/ 2020وە مانەوەكەیان نوێ بكەنەوە، تەنیا لە حاڵەتی گۆڕینی نەبێت بە جۆرێكی تری مانەوە (مانەوەی كار، مانەوەی وەبەرهێنەر، مانەوەی خێزانی)”.

پێشتر مانەوەی گەشتیاری لە توركیا ئاسانكاری زۆری هەبوو بۆ نوێكردنەوە، كە بەشێوەی ساڵانە خاوەن مۆڵەتەكە نوێی دەكردەوە، ئەمەش لەكاتێكدایە، كە مۆڵەتی مانەوە لە توركیا بەسەر چەند جۆرێكدا دابەش دەبێت، لەوانەش”گەشتیاری، مانەوەی خوێندكار، مانەوەی كار و خانووبەرە و خێزانی و مرۆیی”.

زۆربەی بیانییەكان لە توركیا، مۆڵەتی مانەوەی گەشتیارییان هەیە، كە لێوەی دەیانتوانی بەئازادییەكی زیاتر هاتووچۆ بكەن و وڵاتەكە بەجێبهێڵن و پاشان بۆی بگەڕێننەوە.

ئابوری

پسپۆڕێكی ئابووری: پێویستە حكومەت متمانە بۆ هاووڵاتیان و فەرمانبەران بگەڕێنێتەوە

خەڵك-ئارام سەردار
مامۆستایەكی زانكۆ ڕایدەگەیەنێت، بۆ كەمكردنەوە ڕێژەی هەژاری پێوستە حكومەت هاوكاری پڕۆژەی بچووك و پەرەپێدانی وەبەرهێنان بێت لەسەرجەم كەرتە جیاوازەكان.

ئیدریس ڕەمەزان، مامۆستای زانكۆ و پسپۆڕی ئابووری سەبارەت بە ڕێژەی هەژاری و چۆنیەتی كاركردنی حكومەت بە(خەڵك)ی ڕاگەیاند، پێویستە حكومەت متمانە بۆ هاووڵاتیان بگەڕێنێتەوە، بەتایبەت فەرمانبەرانی كەرتی گشتی، كەوا مووچەكانیان لەكاتی خۆی پێبدرێت و ئێستاش، كە مووچەكانیان لەكاتی خۆی پێدەدرێت و هیچ جۆرە كێشەیەك لەپڕۆسەی دابەشكردنی مووچە نیە.

دەشڵێت،: “دەبێت حكومەت هەوڵی دۆزینەوەی دەرفەت و هەلی كار بدات بۆ گەنجان و تاكەكانی كۆمەڵگە لەكەرتی گشتی یان كەرتی تایبەت بێت، لەهەمان كاتدا حكومەت هاوكاری تاكەكانی كۆمەڵگە بێت بۆ پەرەپێدانی پڕۆژەی بچووك و كاری بچووك بە پێشكەشكردنی هاوكاری دارایی و مەعنەوی”.

ئەو مامۆستایەی زانكۆ ئاماژە بۆ ئەوەش دەكات، بۆ كەمكردنەوەی ڕێژەی بێكاری و هەژاری پێویستە كەرتی وەبەرهێنان ببووژێندرێتەوە و كار بۆ بەردەوامی و فراوانكردنی وەبەرهێنان بدرێت لەسەرجەم كەرتە جیاوازەكان.

بەپێی ئامارێكی دەستەی ئاماری هەرێمی كوردستان ڕێژەی هەژاری لە سەر ئاستی هەرێمی كوردستان و پارێزگاكان و عیراق خستەڕوو و لە خشتەیەكدا ڕێژەی هەژاری بۆ ساڵانی ٢٠١٤ و ٢٠١٨ دیاری كرا، كە بەپێی خشتەی دەستەی ئامار لە ساڵی ۲۰۱۸ ڕێژەی هەژاری لەهەرێم لە ٥.٥٪ بووە، لەعیراق لە ۲۰٪، لەسەر ئاستی پارێزگاكانیش لە دهۆك زۆرترین ڕێژە هەبووە، كە لە ۸.٦٪ بووە، لە هەولێر لە ٦.۷٪ بووە و سلێمانیش كەمترین ڕێژەی بێكاری تێدا تۆماركراوە لە ٤.٥٪ بووە، بەپێچەوانەوە ڕێژەی بێكاری لە ساڵی ۲۰۱٤دا لە دهۆك لە ۱۲.٤٪ بووە لەهەولێر لە ۱.٥٪ بووە، سلێمانیش ۱.۲٪ بووە، لەسەر ئاستی هەرێم ڕێژەی بێكاری لە ۱۲.٥٪ بووە، لەعیراقیش لەهەمان ساڵ ۲۲.٥٪ بووە.

بەردەوام بە لە خوێندنەوە

ئابوری

هاتووچۆ چەند مەرجێكی نوێ‌ بۆ ئێرباگی ئۆتۆمبێل دیاری دەكات

خەڵك- بەشی هەواڵ
بەڕێوەبەرایەتی هاتووچۆی سلێمانی ڕایبدەگەیەنێت، كە ئەو ئۆتۆمبێلانەی مامەڵەیان بۆ دەكرێت لە بەڕێوەبەرایەتییەكەیان دەبێت ئێرباگی كارابێت و لە هەردوولای سەكن و سوكان هەبێت.

ڕائید باقی سابیر، لێپرسراوی هۆبەی وردبینی لە هاتووچۆی سلێمانی بە (ترافیك ئێف ئێم)ی ڕاگەیاندووە، هەر ئۆتۆمبێلێ،ك كە لەبەڕێوەبەرایەتی هاتووچۆی پارێزگای سلێمانی مامەڵەی بۆ دەكرێت، دەبێت سیستمی ئێرباگی كارابێت ‌و ئێرباگی داشبۆرد “سەكن” ‌و ئێرباگی سەر سوكان “شۆفێر”ی تێدابێت ‌و كاربكات.

ئاماژەی بەوەشكرد، هەر شۆفێرێك یەكێك لەو ئێرباگانەی یاخود هەردووكی تەقی بێت یان كارنەكات، پێویستە ئێرباگەكانی بۆ دابنرێتەوە، دواتر خاوەنەكەی دەتوانێت مامەڵەكە لەهاتووچۆی سلێمانی بۆ تەواو بكات.

ڕاشیگەیاند، ئێرباگی لاشان ‌و لا تەنیشتەكان ئەگەر كاریش نەكەن نابنە ڕێگر‌ و كێشە بۆ ڕاییكردنی مامەڵەی ئۆتۆمبێلەكە لە بەڕێوەبەرایەتی هاتووچۆ.

بەردەوام بە لە خوێندنەوە

ئابوری

لە سلێمانی دەست بەسەر دەرمانی سێكسی و قەڵەوبوون و دابەزاندنی كێشدا دەگیرێت

خەڵك- بەشی هەواڵ
لیژنە هاوبەشەكان هەڵمەتێكی فراوانی بۆ دەستبەسەرداگرتنی دەرمانی زیادكردن و كەمكردنی كێش و دەرمانە جنسییەكان دەستپێكرد و هەوڵمەتەكەش بەردەوام دەبێت و ڕێكاری توندی یاسایی بەرامبەر سەرپێچیكاران دەگرنە بەر.

لەشكر حەمید، سەرۆكی لیژنە هاوبەشەكانی قائیمقامیەتی سلێمانی ڕایگەیاند، تێبینیمان كردبوو لە هەندێك شوێن دەرمانی نایاسایی بەتایبەت ئەو دەرمانانەی، كە بۆ زیادكردن و كەمكردنەوەی كێش بەكاردەهێنرێن لەگەڵ دەرمانە سێكسییەكان دەفرۆشرێن، بۆئەو مەبەستەش وەكو لیژنە هاوبەشەكانی قائیمقامیەت و بە چاودێری قائیمقامی سلێمانی هەڵمەتێكی فراوانمان دەستپێكرد بۆ دەستگرتن بەسەر تەواوی ئەو دەرمانە نایاساییانەدا، هەر ئەمڕۆش لەناو شاری سلێمانی لە 9 شوێندا دەستمان بەسەر بڕێكی زۆر لەو دەرمانانەدا گرت و ڕێكاری پێویستمان لەگەڵ خاوەنەكانی گرتۆتە‌بەر.

وتیشی، ” بەشێكی ئەو دەرمانانە لەناو دوكانی فرۆشتنی جل و پێڵاودا دانراون و بەڕێگەی جیاواز دەفرۆشرێن بە هاووڵاتیان”.

سەرۆكی لیژنە هاوبەشەكان ئاماژەی بەشكرد، كە هیچكام لەو دەرمانانە بە كوالێتی كۆنتڕۆڵدا تێنەپەڕیون و پشكنینیان بۆنەكراوە، هەربۆیە ستیكەریان پێوە نییە.

لەشكر حەمید داوای لە هاووڵاتیان كرد، پێش هەموو شتێك لە ڕێگەی پەیجە ئۆنلاینەكانەوە دەرمان نەكڕن و لە هەر شوێنێكیش دەرمان دەكڕن دڵنیابنەوە لەوەی، كە ئەو شوێنە مۆڵتی هەیە و دەرمانەكەش ستیكەری لێدراوە، چونكە هەر دەرمانێك ستیكەری پێوە نەبوو نایاساییە.

وتیشی، “هەڵمەتی گەڕان بە دوای ئەو دەرمانانە و ئەو كەسانەی مامەڵەی پێوەدەكەن بەردەوام دەبێت و ڕێكاری پێویست لەگەڵ فرۆشیارەكەدا دەگیرێتەبەر، هەربۆیە لەكاتی بینینی فرۆشتنی دەرمانی كەمكردن و زیادكردنی كێش و دەرمانە سێكسیەكاندا دەستبەجێ لیژنە هاوبەشەكانی لێ ئاگاداربكەنەوە بۆئەوەی كاری پێویستی لەگەڵدا بكرێت”.

بەردەوام بە لە خوێندنەوە

کوردستان