ئێمە لە تۆرە کۆمەڵایەتیەکان

ژینگە

هەڵمەتی نەمام ناشتن لە ناو پاركی هەواری شار دەستی پێكرد

خەڵك – بەشی هەواڵ
بەڕێوەبەری پاركی هەواری شار لە سلێمانی ڕایدەگەیەنێت، هەڵمەتی نەمام ناشتن لە پاركی هەواری شار هەموو پایزێك دەستپێدەكات و تا ئێستا ژمارەیەكی زۆر لە نەمام لە جۆرەكانی بەڕوو و سنەوبەر نێژراون، دەشڵێت: “كارئاسانی بۆ هەر هاووڵاتی و ڕێكخراو و فەرمانگەیەك دەكەین، كە نەمام لەپاركەكە بڕوێنێت”.

ڕێبین شێخ جەمیل، بەڕێوەبەری پاركی هەواری شار لە سلێمانی بە (خەڵك)ی ڕاگەیاند، وەك نەریتی ساڵانە لە وەرزی پاییز دەست دەكرێت بە هەڵمەتی نەمام ناشتن لە ناو پاركی هەواری شار، بۆ ئەمساڵیش دەستمان پێكردووە و نزیكەی 3 بۆ 4 هەزار نەماممان ناشتووە.

وتیشی، “ڕێكخراوەكان و زانكۆ و پەیمانگاكان ڕۆژانە دێن بۆ هەڵمەتی نەمام ناشتن و بەردەوام لەوجۆرە ژینگە دۆستانە دێنە پاركی هەواری شار بۆ ئەوەی نەمام بڕوێنن و ئێمەش كارئاسانیان بۆ دەكەین”.

ڕاشیگەیاند، بۆ ئەمساڵ زیاتر هەوڵمانداوە هەردوو جۆری نەمامی بەڕوو و لەگەڵ سنەوبەر لە ناو پاركی هەواری شار بڕوێنرێت، لەماوەی ڕابردوودا نزیكەی 600 نەمانی بەڕوومان لە ڕێگەی نەمامگەی سلێمانیەوە ڕواندووە و بەردەوامیش دەبین.

ئاماژەی بۆ ئەوەشكرد، هاووڵاتیانیش دەتوانن سەردانی پاركەكە بكەن بۆ ئەوەی نەمام بڕوێنن و ئێمەش كارئاسانیان بۆ دەكەین و شوێنی تایبەتیان بۆ دابین دەكەین.

ژینگە

كەشناسی هەرێم هۆشداری دەداتە هاووڵاتیان

خەڵك – بەشی هەواڵ
كەشناسی هەرێمی كوردستان هۆشداری دەداتە هاووڵاتیان و شۆفێران دەربارەی دروست بوونی تەم و كەمبوونەوەی ئاستی بینین و ڕایدەگەیەنێت، بەهۆی بەرزبوونەوەی ڕادەی شێ بە ڕێژەی 90% پێشبینی دەكرێت ماوەی بینین بۆ كەمتر لە كیلۆمەترێك بێت.

بەڕێوەبەرایەتی گشتی كەشناسی و بوومەلەرزەزانی هەرێمی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەهۆی بەرزبوونەوەی ڕادەی شێ لە هەوادا لە زۆربەی ناوچەكان بە ڕیژەی 90% پێشبینی دەكرێت ببێتە هۆی دروست بوونی تەم.

ڕاشیگەیاندووە، تەمەكەش ئەمشەو تا بەرەبەیان بەردەوامی دەبێت و بەهەمان هۆ ماوەی بینین بۆ كەمتر لە كلیۆمەترێك دەبێت.

وێنەی ‏بەرێوەبەرایەتی گشتی کەشناسی و بومەلەرزەزانی هەرێمی کوردستان‏.

 

بەردەوام بە لە خوێندنەوە

ژینگە

لە پارێزگای سلێمانی 2 كەس لەسەر ڕاوكردن دەستگیركران

خەڵك- بەشی هەواڵ
پۆلیسی دارستان و ژینگەی سلێمانی ڕایدەگەیەنێت، پاراستنی سروشت و ژینگە ئەركی سەرشانی هەمووانە، بەڵام هەندێك لە هاووڵاتیان بێ هەستكردن بە گیانی بەرپرسیارێتی و لە پێناو بەرژەوەندی تایبەتی خۆیان دەست دەخەنە سروشت و ژینگە بە لەناوبردنی ئاژەڵ و باڵندە و بڕینی داری دارستانەكان دەیشێوێنن.

عەمید هێمن كمرخان، بەڕێوەبەری ڕاگەیاندنی بەڕێوەبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، نیگەرانین لەوەی هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان، بەڵام خۆشبەختانە بەهۆی ئەرك و ماندووبوون و شەونخونی ئەفسە رو كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت و سەرپێچیكارانیش ڕووبەڕوی یاسا بكرێنەوە.

وتیشی، “بۆ ئەو مەبەستە لە ئەنجامی دەرچوونی مەفرەزەیەكی بنكەی پۆلیسی دارستانی پیرەمەگروون بۆ سنوری گوندی (پەسكەندی) توانیان ٢ هاووڵاتی بە تۆمەتی ڕاوكردنی باڵندەی كێوی دەستگیر بكەن، كە هەستابوون بە ڕاوكردنی ١٤ كۆتر و ٥ ڕیشۆڵە”.

ئاشكراشی كرد، كە دەستیان گرتووە بەسەر تاپڕێك و ١٢فیشەكی تاپڕ ٢ دوربین و سەرجەم كەل و پەلەكانیان، كە بۆ ڕاوكردن بەكاریانهێنابوو و پەڕاوی لێكۆڵینەوە ڕێكخراوە و ڕادەستی دادوەر كراوە بۆ وەرگرتنی ڕێكاری یاسایی.

هێمن كمرخان، داوا لە هاووڵاتیان دەكەین، كە لەپێناو پاراستنی سروشت و ژینگەی كوردستان دا پێویستە هەمووان پابەندبن بەڕێنمایەكانی پۆلیسی دارستان .

بەردەوام بە لە خوێندنەوە

ژینگە

كەشناسی: باران بارین بەردەوام دەبێت

خەڵك- بەشی هەواڵ

دەزگای كەشناسی و بومەلەرزەزانی هەرێمی كوردستان ڕایگەیاند، باران بارین بەردەوام دەبێت.

لە ڕاگەیەنراوێكدا دەزگاكە نوسیویەتی، كە ڕۆژی یەك شەممە باران بارین بەردەوام دەبێت و پێشبینی ئەوەش دەكرێت كە لە ناوچە شاخاوییەكاندا بەفر ببارێت.

ماوەی چەند ڕۆژێكە شەپۆلێكی باران و بەفر ڕووی لە زۆربەی ناوچەكانی هەرێمی كوردستان كردووە.

بەردەوام بە لە خوێندنەوە

کوردستان