ئێمە لە تۆرە کۆمەڵایەتیەکان

کوردستان

خەڵك؛ بەرنامەی كاری كۆبوونەوەی پەڕلەمانی كوردستان بڵاودەكاتەوە


خەڵك – بەشی هەواڵ

ڕۆژی چوار شەممەی ئەم هەفتەیە پەڕلەمانی كوردستان كۆدەبێتەوە و خوێندنەوە بۆ چەند پڕۆژە یاسایەك دەكات و جارێكی دیكە دەنگ دەدرێتەوە لەسەر یاسای تاپۆكردنی خانووە زیادەڕۆكان لە سنووری شارەوانیەكان، كە دوای ڕەتكردنەوەی لەلایەن سەرۆكی هەرێمەوە جارێكی دیكە بەدەستكاری كراوی دەنگی لەسەر دەدرێتەوە.

بەپێی بەرنامەی كاری كۆبوونەوەی پەڕلەمان، كە دەست (خەڵك) كەوتووە، ڕۆژی چوار شەممە لە كاتژمێر 11ی پێشنیوەڕۆ كۆبوونەوەی ئاسایی پەڕلەمان ئەنجام دەدرێت.

بەرنامەی كارەكەش بەم شێوەیە دەبێت:
یەكەم: خستنەڕوو و دەنگدان لەسەر پێداچوونەوەی چەند ماددە و بڕگەكانی یاسای ژمارە (3)ی ساڵی 2019 یاسای بەخاوەنكردنی ئەو زەوییانەی لە سنووری شارەوانییەكان زێدەڕۆییان لەسەر كراوە لە هەرێمی كوردستان-عیراق، كە بە بڕیاری ژمارە (4)ی ساڵی 2019ی سەرۆكایەتی هەرێمی كوردستان لەسەر داوای وەزارەتی شارەوانی و گەشتوگوزار گەڕێندراوەتەوە بۆ پەڕلەمان، یەكەم بەرنامەی كار دەبێت.
دووەم: خوێندنەوەی یەكەمی پڕۆژە یاسای ماددە هۆشبەرەكان و كارتێكارە عەقڵییەكان لە هەرێمی كوردستان-عیراق بەپێی حوكمی بڕگەی چوارەمی مادەی 80 و مادەی 81 و بڕگەی (یەكەم)ی مادەی 83 لە پەیڕەوی ناوخۆی پەڕلەمانی كوردستان.

سێیەم: خستنەڕووی بیرۆكەی بەڕێز (لەنجە ابراهیم عبدالرحمن) پەیوەست بە بەرز ڕاگرتنی ڕۆژی جیهانیی قوربانیانی جینۆساید، بەپێی خاڵی (2)ی بڕگەی (یەكەم) لە ماددە (49)ی پەیڕەوی ناوخۆی پەڕلەمانی كوردستان.

چوارەم: خوێندنەوەی دووەمی پێشنیازە یاسای (ڕێكلامی بازرگانی لە هەرێمی كوردستان-عیراق) بەپێی حوكمی مادەكانی (87 و 88 و 89) لە پەیڕەوی ناوخۆی پەڕلەمانی كوردستان.

کوردستان

پزیشکان هۆشداریی دەدەنە حکومەت


پزیشكانی پارێزگاكانی سلێمانی و هەڵەبجە و ئیدارە سەربەخۆكانی ڕاپەڕین و گەرمیان هۆشداری دەدەنە حكومەت و دەڵێن، سەرەڕای بوونی نەختینە، و پارەی بەردەست بەڵام حکومەت خەمساردە لە پێدانی مووچەکانمان.

:دەقی پەیامەکە

وەك ئاگادارن لە دوای زیاد لە ٥٠ ڕۆژ دواكەوتن و پاش وەرگرتنی مووچەی مانگی ۱/۲٠۲٠، سەرەڕای دواكەوتنی مووچەی ٤ مانگمان لەبەر بەرژەوەندی هاونیشتمانیان و پاراستنی تەندروستیان بڕیارماندا بە بەردەوامیدان بە دەوامی فەرمیمان لە بەرواری ٦/٥/۲٠۲٠ بۆ ماوەی مانگێك و لەئێستاشدا و پاش نزیكبوونەوە لە كۆتایی ئەو ماوەی دیاری كرابوو وەك پزیشكان ڕایدەگەیەنین كە لەئەگەری وەرنەگرتنی مووچەی مانگی ۲ پێش تەواو بوونی ماوەی ئەو مانگەی دیاریكرابوو ئەوا لە ( ڕۆژی شەممە بەرواری ٦/٦/۲٠۲٠ كاتژمێر ۸ ی بەیانی ) تەواوی نەخۆشخانە و مەڵبەند و بنكە تەندروستییەكان بە شوێنە فریاگوزاری و ساردەكانەوە لە پارێزگاكانی سلێمانی و هەڵەبجە و ئیدارە سەربەخۆكانی ڕاپەڕین و گەرمیاندا چۆڵ دەكەین و بەرپرسیارییەتی ڕوودانی هەر دۆخێكی نەخوازراو و مەترسییەك لە پاش چۆڵكردنی شوێنەكان لەسەر ئەستۆ و بەرپرسیارییەتی حكومەت دەبێت كە ئامادە نییە سەرەڕای بەردەستبوونی نەختینە پارەی پێویست مووچە دابەش بكات.

لە هەمان كاتدا و لە پاش بڵاوبوونەوەی پلانی دەستكاریكردنی شایستە داراییەكانمان بە كەمكردنەوە و بڕینی دەرماڵەی مەترسی و خواردن و دەرماڵەكانی تر وەك بەشێك لە پلانی بەناو چاكسازی، دەمانەوێت ڕایبگەیەنین كە لە ئەگەری هەر كەمكردنەوەیەك لە مووچە و شایستە داراییەكانماندا تووندترین هەڵوێستمان دەبێت و هۆشیاری دەدەینە حكومەت كە دەست بۆ مووچەی فەرمانبەرە ڕاستییەكانی نەبات و لە جێی ئەوە هەوڵی چاكسازی ڕاستەقینە بات و مووچەی بندیوارەكان ببڕێت بۆ چارەسەركردنی قیرانی دارایی.

 

پزیشكانی پارێزگاكانی سلێمانی و هەڵەبجە و ئیدارە سەربەخۆكانی ڕاپەڕین و گەرمیان

بەردەوام بە لە خوێندنەوە

کوردستان

سلێمانی.. نەخۆشخانەی شەهید د.هێمن (جمهوری) تایبەت كرا بۆ تووشبووانی كۆرۆنا


خەڵك – بەشی هەواڵ

بەڕێوەبەرایەتی گشتی تەندروستی سلێمانی نەخۆشخانەی شەهید د.هێمن (جمهوری) تایبەت كرد بۆ تووشبووانی كۆرۆنا.

د.یاد نەقشبەندی وتەبێژی بەڕێوەبەرایەتی گشتی تەندروستی سلێمانی ڕایدەگەیەنێت: لە ئێستادا نەخۆشخانەی شەهید د.هێمن (جمهوری) لە شاری سلێمانی تایبەت كراوە بۆ ڕووبەڕووبوونەوەی ڤایرۆسی كۆرۆنا و نەخۆشی بۆ گوازراوەتەوە.

د.یاد نەقشبەندی ئاماژەی بەوەشداوە: لە داهاتوودا پێویستە نەخۆشخانەی تریش تایبەت بكەین بۆ ئەم بابەتە.

بەردەوام بە لە خوێندنەوە

کوردستان

تەندروستی سلێمانی داوا لە دانیشتووانی گەڕەكێك دەكات بەپەلە سەردانی بنكەكانی پشكنین بكەن


خەڵك – بەشی هەواڵ

بەڕێوەبەرایەتی گشتی تەندروستی سلێمانی ئاگاداری دانیشتووانی گەڕەكی كوردسات دەكاتەوە هەركەسێك لە (مزگەوتی كوردسات) بەركەوتەی هەبووە بەپەلە پشكین ئەنجام بدات.

د. هێرش سەید سەلیم جێگری بەڕێوەبەری گشتی تەندروستی سلێمانی بە (تۆڕی میدیایی خەڵك)ی ڕاگەیاند: دوای ڕاگەیاندانی دەرئەنجامی ئەمشەوی تووشبووانی ڤایرۆسی كۆرۆنا لە شاری سلێمانی لە لایەن وەزارەتی تەندروستییەوە كە ژمارەیان (48) تووشبوو بوو، دەركەوت بانگبێژ و وتارخوێنی (مزگەوتی كوردسات) لە گەڕەكی كوردسات لە نێو تووشبووەكاندایە.

د. هێرش سەید سەلیم وتیشی: لە پێناو سەلامەتی تەندروستی هاووڵاتیان داوا لە دانیشتووانی گەڕەكی كوردسات دەكەین هەركەسێك لە مزگەوتەكەدا بەركەوتەی هەبووە بە زووترین كات سەردانی بنكەكانی پشكنینی تایبەت بە ڤایرۆسی كۆرۆنا بكات.

جێی ئاماژەیە، ئێوارەی ئەمڕۆ وەزارەتی تەندروستی هەرێم دەرەنجامی نوێی تووشبووانی ڤایرۆسی كۆرۆنای لە پارێزگای سلێمانی ڕاگەیاند، كە 48 تووشبوو بوون و لە و ژمارەیەش 44 تووشبوو دانیشتووی ناو شاری سلێمانی بوون.

بەردەوام بە لە خوێندنەوە

کوردستان