ئێمە لە تۆرە کۆمەڵایەتیەکان

کوردستان

هەرێم داوای هاوكاری تەندروستی لە عیراق دەكات

خەڵك- بەشی هەواڵ
بۆ تاوتوێكردنی كەموكوڕییەكانی كەرتی تەندروستی لەهەرێمی كوردستان، شاندنی باڵای تەندروستی عیراق لەگەڵ شاندنی تەندروستی هەرێمی كوردستان كۆبوونەوە، لە كۆبوونەوەكەشدا شاندی هەرێم داوای هاوكاری تەندروستی زیاتری لە حكومەتی فیدرAاڵ كرد.

سامان بەرزنجی، وەزیری تەندروستی حكومەتی هەرێمی كوردستان لە كۆنفرانسێكی ڕۆژنامەوانیدا ڕایگەیاندبووە، “داوامان لە شاندی تەندروستی عیراق كردووە، زیاتر هاوكاری هەرێمی كوردستان بكەن لە ڕووی تەندروستییەوە، داواشمان لە شاندی میوان كرد، وەك پارێزگایەكی سەربەخۆ مامەڵە لەگەڵ پارێزگای هەڵەبجە بكەن و پێداویستییەكانی تەندروستی ئەو پارێزگایەمان بۆ دابین بكەن، لەگەڵ ئەوەشدا داوامان لێكردن هاوكاری حكومەتی هەرێمی كوردستان بن لەدووبارە دروستكردنەوەی بنكەی تەندروستی ئەو شارۆچكە و شارەدێیانەی بەهۆی تیرۆرستانی داعشەوە خاپوور كراون”.

بە وتەی سامان بەرزنجی، “هەندێك لەبەركەوتووانی چەكی كیمیایی لەهەڵەبجە پێویستیان بە چارەسەر هەیە، بۆیە داوامان لێكردن، كە هاوكاری ئەو نەخۆشانە بكەن و چارەسەریان بۆ بكەن، ئەگەر لە دەرەوەی وڵاتیش بێت”.

لە تەوەرێكی تر كۆبوونەوەكەدا، شاندی هەرێم و عیراق ڕەوشی تەندروستی كەمپی ئاوارەكانیان تاوتوێ‌ كرد، لە بەرامبەردا شاندی تەندروستی عیراق ڕەزامەندییان دەربڕی، تا پێداویستی و پزیشكی تایبەتمەند بۆ ئاوارەی كەمپەكان فەراهەم بكەن.

کوردستان

تووشبوویەكی دیكەی كۆرۆنا لە گەرمیان گیانی لە دەست دا

خەڵك – بەشی هەواڵ
ئەمڕۆ شەممە، تووشبوویەكی پەتای كۆرۆنا لە گەرمیان گیانی لە دەست دا.

ئەو هاووڵاتییە ئەفسەر بوو لە پۆلیسی نەوت و گازی گەرمیان و تەمەنی 40 ساڵە.

لە ماوەی 12 كاتژمێری ڕابردوودا ئەمە سێیەم حاڵەتی مردنی تووشبووانی كۆرۆنایە كە لە گەرمیان تۆمار كرابێت.

شەویش ڕابردووش دوو تووشبوو كە تەمەنیان 40 و 50 ساڵ بوو، لە گەرمیان گیانیان لە دەست دا.

ئەمڕۆش قایمقامیەتی شارۆچكەی سەیدسادق گیانلەدەستدانی تووشبوویەكی كۆرۆنای ڕاگەیاند.

بەردەوام بە لە خوێندنەوە

کوردستان

ژووری ئۆپەراسیۆنی گەرمیان شەش بڕیاری دەركرد

خەڵك – بەشی هەواڵ
ئیدارەی گەرمیان بڕیاری دا لە سبەینێوە بە لەبەرچاوگرتنی ڕێكارە تەندروستییەكان، دەوامی فەرمانگە و دامودەزگا حكومییەكان دەستپێبكاتەوە.

ئەمڕۆ شەممە، ژووری ئۆپەراسیۆنی ئیدارەی گەرمیان كۆبووەوە و ئەم شەش بڕیاری دەربارەی ڕێخستنەوەی دەوام و كردنەوەی بازاڕەكان لە دۆخی كۆرۆنادا دەركرد :

1-ده‌وامی فه‌رمانگه‌ و داموده‌زگاكانی حكومه‌تی هه‌رێم له‌ سبه‌ینێ (12/7/2020) وه‌ به‌ له‌به‌رچاوگرتنی خۆپارێزی و شێوازی ته‌ناوبی ده‌وام به‌ڕێژه‌ی 30% ی فه‌رمانبه‌ران ده‌ستپێده‌كات و هه‌فتانه‌ له‌ رۆژی یه‌كشه‌مه‌ تا چوارشه‌ممه‌ ده‌وام ده‌كرێت، هه‌ر هاوڵاتیه‌كیش كه‌ سه‌ردانی فه‌رمانگه‌كان ده‌كات رێكاری خۆپارێزی نه‌گرێته‌به‌ر مامه‌ڵه‌كه‌ی راییناكرێت.

2-كردنه‌وه‌ی بازاڕ و شوێنه‌ گشتییه‌كان و ماركێت و كافتریا و چێشتخانه‌ و چایخانه‌ و هۆڵه‌كانی له‌شجوانی و مه‌له‌وانگه‌ و سه‌رجه‌م شوێنی كاره‌كان، به‌ گرتنه‌به‌ری رێكاری توندی خۆپارێزی، هه‌ر شوێنێكیش خۆپارێزی نه‌كات داده‌خرێت، بۆ ئه‌و مه‌به‌سته‌ش لیژنه‌كانی چاودێری ته‌ندروستی و قایمقامیه‌ته‌كان چاودێری ورد ده‌كه‌ن.

3-مزگه‌وت و شوێنه‌ ئاینییه‌كان و پرسه‌ و هۆڵ و جێگای بۆنه‌ی كۆمه‌ڵایه‌تی به‌ داخراوه‌یی ده‌مێننه‌وه‌.

4-هاتوچۆی هاوڵاتیان و گه‌شتیاران له‌ نێوان ئیداره‌ی گه‌رمیان و پارێزگاكانی عێراق و مه‌رزی په‌روێزخان، به‌ داخراوه‌یی ده‌مێنێته‌وه‌.

5-ده‌سه‌ڵاتی ته‌واو ده‌درێت به‌ قایمقامه‌كان به‌ له‌به‌رچاوگرتنی بارودۆخی سنوری یه‌كه‌ی ئیدارییان بڕیاری زیاتر ده‌ربكه‌ن.

6-ژووری ئۆپه‌راسیۆنی ئیداره‌ی گه‌رمیان داوا له‌ هاوڵاتیانی خۆشه‌ویستی سنوره‌كه‌ ده‌كات بارودۆخی مه‌ترسیداری گه‌رمیان له‌به‌رچاوبگرن و خۆپارێزی بكه‌ن، ئه‌وه‌ش له‌ پێناو پاراستنی ته‌ندروستی خۆیان و هاوڵاتیان.

بەردەوام بە لە خوێندنەوە

کوردستان

هەولێر؛ دۆخی تەندروستی 15 تووشبووی كۆرۆنا ناجێگیرە

خەڵك – بەشی هەواڵ
دۆخی تەندروستی 15 تووشبووی كۆرۆنا لە هەولێر ناجێگیرە.

د. دلۆڤان محەمەد بەڕێوەبەری گشتی تەندروستی هەولێر ڕایگەیاند 15 تووشبووی ڤایرۆسی کۆرۆنا تەندروستیان ناجێگیرە و لەژێر چاودێری چڕی پزشیکدان.

ڕوونیشیكردەوە كە لە نەخۆشخانەکانی هەولێر 643 تووشبووی کۆرۆنا خەوێندراون.

بەڕێوەبەری گشتی تەندروستی هەولێر ئەوەشی خستەڕوو كە پێیانوایە ژمارەی تووشبووانی کۆرۆنا زۆر لەوە زیاتر بێت كە تۆماركراون، چونكە بەشێکی زۆری ئەو هاووڵاتییانەی تووشی ڤایرۆسەکە بوون ناچن بۆ پشكنین.

بەردەوام بە لە خوێندنەوە

کوردستان