ئێمە لە تۆرە کۆمەڵایەتیەکان

جیهانی

(پێنج یانە چاوەڕوانی بوون) مۆرینیۆ (١٢) ملیۆنی ڕیاڵ مەدریدی لەبەر تۆتنهام ڕەت کردۆتەوە !

خەڵک سپۆرت

یانەی ڕیاڵ مەدریدی ئیسپانی یەکێکە لەو یانانەی لەدابینکردنی جوزێ مۆرینیۆی پورتوگالیدا سەرکەوتوو نەبوون و جگە لەو یانەیەش چوار یانەی تر بەهەمان شێوە شکستیان هێناوە.

مۆرینیۆ لە دیسێمبەری ٢٠١٨وە دەستبەرداری پۆستی ڕاهێنەری یانەی مانچستەر یونایتد بوو، لەو وادەیەوە تا دوو هەفتە لەمەوبەر بێکار مایەوە و لەو ماوەیەشدا لەگەڵ چەندین یانەی گەورە هەوڵیان بۆ گواستنەوەی دا، یەکێک لەو یانانەش ڕیاڵ مەدریدی ئیسپانی بووە.

ڕۆژنامەی “زە سەن”ی بەریتانی ئاشکرای کردووە، سەرۆکایەتی یانەی ڕیاڵ مەدرید چەند جارێک کۆبونەوەیان لەگەڵ مۆرینیۆ ئەنجامداوە و داوایان لێکردووە تا وادەی دوورخستنەوەی زینەدین زێدان چاوەڕێ بکات، ئامادەیشیان نیشانداوە موچەی ساڵانەی بەبڕی (١٢ ملیۆن پاوەند) بۆ تەرخان بکەن، بەڵام ڕاهێنەرەکە ئەو ئۆفەرەی ڕەتکردۆتەوە، جگە لە یانەی شاهانەش یانەکانی بوروسیا دۆرتمۆند و لیۆن و میلان بەهەمان شێوە لە گواستنەوەیدا سەرکەوتوو نەبوون.

لە خولی سوپەری چینەوە ئیدارەی یانەی گوانژو ئێڤەرگراند هاوشێوەی زەبەلاحەکانی ئەوروپا پەیوەندیان بەڕاهێنەرە سپێشەڵەکەوە کردووە و بڕی ٤٠ ملیۆن دۆلار موچەی ساڵانەیان پێبەخشیوە، بەڵام ئەم یانەیەش بەر شاڵاوی ڕەتکردنەوەکانی “مۆو” کەوتووە و لەکۆتاییدا بە ئۆفەری یەکەمی یانەی تۆتنهام قایل بووە کە لەڕووی ئیداریی و ماددیەوە لە بۆندەکانی تر لاوازتریش بووە.

جیهانی

ئارسیناڵ و مانچستەر سیتی، ڕووبەڕوبوونەوەیەک لەسەر ئاگر لەنێوان دوو یانەی بریندار

خەڵک سپۆرت

یانەی ئارسیناڵی ئینگلیزی ئامادەکاری بۆ ئەنجامدانی ڕووبەڕوبونەوەی هەفتەی (١٧)ی خولی ئینگلیزی بەرامبەر یانەی مانچستەر سیتی دەکات و هەردوو یانە پێویستیان بە بردنەوەیە.

لەکۆتا ڕووبەروبونەوەدا تۆپچییەکانی لەندەن بەرامبەر یانەی وێستهام سەرکەوتنیان بەدەستهێنا، لەلایەکی ترەوە یانەی مانچستەر سیتی بەرامبەر مانچستەر یونایتدی ڕکابەری هەمیشەیی دووچاری شکستیكی چاوەڕوان نەکراو هات (٢ – ١)، ئەم دوو ئەنجامەش ڕێخۆشکەرە بۆ دروستبونی کێبڕکێیەکی ئێسکشکێن لەنێوانیاندا کاتێک لە هەفتەی ١٧ی ململانێکانی پریمەرلیگ ڕووبەڕو دەبنەوە.

سەرکەوتنی ئارسیناڵ بەرامبەر وێستهام یەکەمین سەرکەوتنی یانەکە بوو بە سەرکردایەتی فریدی لیۆنبێرگی سویدی، لە هەفتەی (١٧) ئامانجیان هەڵکڕاندنی سێ خاڵە لە مان سیتی لەپێناو توندکردنی پێگەکەیان لە پلەی نۆیەمی ڕیزبەندی (٢٢ خاڵ)، هەروەها پێکهاتەەکەشیان بەبێ پێکان بەتەواوی بۆ ئەم جەنگە وەرزشییە ئامادەکردووە.

لەبەرامبەردا یانەی مانچستەر سیتی بەبارودۆخێکی هەستیاردا گوزەر دەکات و لەکۆتا ڕووبەروبوونەوە شکستیهێناوە و لەڕیزبەندی یانەکانی “پریمەرلیگ” لە یەکەمەوە بۆ سێیەم لەدوای لیڤەرپوڵ و لیستەر سیتی دابەزیوەن، ناچاریشن بەرامبەر ئارسیناڵ بەبێ ئیمیریک لاپۆرتی بەرگریکار و لیرۆی سانێ و سێرجیۆ ئەگویرۆی هێرشبەر یاریی بکەن.

چاوەڕوان دەکرێت لیۆنبێرگ هاوشێوەی ڕووبەروبونەوەی وێستهام بە پلانی (٤ – ٢ – ٣ – ١) یاریی بکات و پشت بەتواناکانی ئۆبامیانگ لە هێڵی هێرشبەر و نیکۆلاس پیپی لەپێگەی ژمارە نۆ ببەستێت، هەروەها کار بە ئوزێل و مارتینێللی بکات لە ناوەندی هێرشبەرەوە.

یانەی مانچستەر سیتیش بە سیتایلی ئاسایی خۆیان (٤ – ٣ – ٣) یاریی دەکەن بەبەشداری ڕیاز مەحریز و ڕەحیم ستێرلینگ و گابریال جیزوس.

بەردەوام بە لە خوێندنەوە

جیهانی

کۆتینیۆ ناگەڕێتەوە بۆ بەرشلۆنە و هاتریکەکەی بریمەن وەڵام بوو بۆ ڕۆمەنیگە

خەڵک سپۆرت

فیلیپی کۆتینیۆ نایەوێت لە وادەی گواستنەوەکانی هاوینەدا دووبارە بگەڕێتەوە بۆ یانەی بەرشلۆنە و حەز دەکات لەگەڵ یانەی بایرن میونشن گرێبەستی هەمیشەیی ئیمزا بکات.

لەم وەرزەدا فیلیپی کۆتینیۆی بەرازیلی بەشێوەی خواستن لە یانەی بایرن میونشن یاریی دەکات و ناچارە لە گواستنەوەکانی هاوینەی ٢٠٢٠ دووبارە بگەڕێتەوە بۆ یانەی بەرشلۆنە، ئیدارەی یانە ئەڵمانیەکەش پێشکەشکردنی ئاستێکی بەرزیان کردووە بە مەرج بۆ ئیمزاکردنی بۆندی هەمیشەیی لەگەڵ یاریزانەکەدا.

لەکۆتا لێدواندا کارڵ هاینز ڕۆمەنیگەی بەڕێوەبەری جێبەجێکاری باڤاری بە میدیاکانی ڕاگەیاند :” بەردەوامبوونی کۆتینیۆ لە بایرن بەندە بەو ئاستەی لەگەڵماندا پێشکەشی دەکات، ئەگەر خراپ بێت دەگەڕێتەوە بۆ یانەی بەرشلۆنە”.

ڕۆژنامەی “تی زێد”ی ئەڵمانی ئاشکرای کردووە، شەوی ڕابردوو “کۆتی” بە خەیاڵی لێدوانەکانی ڕۆمەنیگەوە توانیویەی بەرامبەر ڤێردەربریمەن سێ گۆڵ “هاتریک” تۆمار بکات، کە ئەوەش وەڵامێکی ڕاستەوخۆ و ئاشکرایە و گوزارشت لە خواستی مانەوەو بەردەوامبوون لە خولی ئەڵمانیا و ڕیزەکانی یانەی بایرن دەکات و ڕەتکردنەوەی گەڕانەوەیە بۆ یانەی بەرشلۆنە.

یانەی بایرن میونشن لەم وەرزەدا لوتکەی ڕیزبەندی یانەکانی ئەڵمانیای بەهۆی ئاستێکی ناجێگیرەوە بەرامبەر یانەکانی لایپزیگ و مونشنگلادباخ و دۆرتمۆند لەدەستداوە، لەسەر ئاستی تاکە کەسی فیلیپی کۆتینیۆ تۆمارکەری شەش گۆڵ بووە و لە هێڵی ناوەند ئاستێکی مامناوەندی نیشانداوە و نەیتوانیوە پێگەیەکی سەرەکی مسۆگەر بکات.

بەردەوام بە لە خوێندنەوە

جیهانی

خشتە و کاتی یارییەکانی ئەمڕۆی خولە ناوخۆییەکانی ئەوروپا (یەک شەممە)

خەڵک سپۆرت

ئەمڕۆ کێبڕکێی یانە گەورەکانی ئەوروپا لە خولە ناوخۆییەکانی (ئەڵمانیا، ئیتاڵیا، ئیسپانیا، ئینگلتەرا، فەرەنسا) بەردەوامی دەبێت و چەندین یاریی بەهێز ئەنجام دەدرێن، گرنگترینیان ئەمانەن:

خولی ئینگلیزی

مانچستەر یونایتد – ئێڤەرتۆن (٥:٠٠)

وڵڤەرهامبتۆن – تۆتنهام (٥:٠٠)

ئارسیناڵ – مانچستەر سیتی (٧:٣٠)

خولی ئیسپانیا

خیتافێ – ڤەلەدوەلید (٢:٠٠)

سێلتا ڤیگۆ – ڕیاڵ مایۆرکا (٤:٠٠)

ئیسپانیۆل – ڕیاڵ بیتیس (٦:٠٠)

سڤیلیە – ڤیاڕیاڵ (٨:٣٠)

ڤالێنسیا – ڕیاڵ مەدرید (١١:٠٠)

خولی ئیتاڵیا

هیلاس ڤیرۆنا – تۆرینۆ (٢:٣٠)

بۆلۆنیا – ئاتالانتا (٥:٠٠)

یوڤانتۆس – ئودینێزی (٥:٠٠)

میلان – ساسولۆ (٥:٠٠)

ڕۆما – سپال (٨:٠٠)

فیورنتینا – ئینتەرمیلان (١٠:٤٥)

خولی ئەڵمانیا

ڤۆلفسبۆرگ – بروسیا مونشنگلادباخ (٥:٣٠)

شالکە – ئینتراخت فرانکفۆرت (٨:٠٠)

خولی فەرەنسا

بۆردۆ – ستراسبۆرگ (٥:٠٠)

لیۆن – ڕین (٧:٠٠)

سانت ئیتیان – پاریس سانت جێرمان (١١:٠٠)

بەردەوام بە لە خوێندنەوە

کوردستان