ئێمە لە تۆرە کۆمەڵایەتیەکان

کوردستان

“دەبێت لە دەستووری سوریا دان بە مافی كورد بنرێت”
مەزڵوم كۆبانێ باسی دوو پەیوەندی تەلەفۆنی لەگەڵ ترەمپ دەكات

خەڵك- بەشی هەواڵ
فەرماندەی گشتی هێزەكانی سوریای دیموكرات (هەسەدە) وردەكاری پەیوەندییە تەلەفۆنیەكانی لەگەڵ سەرۆكی ئەمریكا ئاشكرادەكات و ڕاشیدەگەیەنێت، ئەگەر دان بە مافەكانی كورد و خۆبەڕێوەبەری بنرێت سەروەری سنووری سوریا و پایتەختەكەی و دەستوورەكەی داهاتووی قبوڵ دەكەین.

مەزڵوم كۆبانێ، فەرماندەی گشتی هەسەدە لە چاوپێكەوتنێكی بۆ كەناڵی (عەرەبیە حەدەس) ڕایگەیاندووە، شارۆچكەكانی تەل تەمەر و عەین عیسا نە ڕادەستی ڕژێمی سوریا كراون و نە ڕووسەكان، بەڵكو لەژێر كۆنتڕۆڵی خۆماندایە و چەكدارە توندڕەوە سوورییەكانی سەر بە توركیاش بەهۆی زیانە زۆرەكانیان لەو ناوچانە پاشەكشەیان كردووە و چوونەتە بەرەكانی شەڕ لە ئیدلیب.

ڕاشیگەیاندووە، دوو جار بە تەلەفۆن لەگەڵ دۆناڵد ترەمپ قسەم كردووە، جاری یەكەم ڕەخنەم لە بڕیاری كشانەوەی هێزەكانیان گرت و داوام لێ كرد هێرشی توركیا بوەستێنێت، ئەویش پەیمانی ئەوەی پێدەم. ئەوەبوو دواتر شاندێكی نارد بۆ توركیا و ڕێككەوتنی ئاگربەست كرا. لە پەیوەندی دووەمیشدا گفتوگۆمان لەبارەی پرسە ستراتیژییەكان كرد و داوام لێ كرد ئەمریكا ڕۆڵی هەبێت لە چارەسەری كێشەی گەلەكەمان و گەلانی سوریا بەشێوەیەكی گشتی، ئەویش پەیمانی ئەوەی پێدام و هیوادارم پابەندبێت پێوەی، هەروەها وتیشی، كە هیواخوازم لە واشنتن چاوم پێت بكەویت، وەڵامی منیش بەڵێ بوو”.

مەزڵووم كۆبانێ دەشڵێت: “داواكاری ئێمە لامەركەزی سیاسییە، هەمان ئەو ڕێگایەی ماوەی 8 ساڵە ئیدارەی خۆبەڕێوەبەری تێیدایە، ئەوەش ڕێگایەكی چەسپاوە لەسەر ئەرزی واقع و مەشروعێكە، كە لەسەر ئاستی سوریا سەركەوتنی خۆی سەلماندووە و پێویستە بەفەرمی دانی پێدا بنرێت. لە بەرامبەردا ئێمە پارێزگاری دەكەین لە یەكێتی خاكی سوریا و دانی پێدا دەنێین، سەروەری سنوورەكەی و پایتەختەكەی و دەستوورەكەی داهاتووی قبوڵ دەكەین، كە قبوڵی ناكەین ئەوەیە بگەڕێینەوە بۆ پێش ساڵی 2011 و ئەوە شتێكە ڕوونادات. هەندێك ئەوەیان دەوێت، بەڵام ئێمە قبوڵی ناكەین”.

جەختیشی كردۆتەوە، چارەسەرەكە لە ڕوانگەی بەرژەوەندییەكانەوە نایەت، ئێمە باس لە گەلی كورد دەكەین، كە مافی هەیە و پێویستە لە دەستووری سوریا جێگەی بكرێتەوە. هەروەها دان بنرێت بە ئیدارە نا-كوردییەكانی وەك ڕەققە و دێرەزوور و پێویستە گفتوگۆیان لەگەڵدا بكرێت و دواتر دەكرێت باس لە چارەسەری سیاسی بكەین.

سەبارەت بە هۆكاری سەردان نەكردنی واشنتن، كە ئاخۆ لە ترسی داواكاری توركیایە بۆ دەستگیركردنی، كۆبانێ‌ وتی، ” نەخێر، بابەتەكە پەیوەندی بەوەوە نییە، بەڵكو پەیوەندی بە سەرقاڵی و بەرخۆدانەكانمانەوە هەیە لێرە، هەر كاتێك دۆخەكە باشتر بوو ئەو سەردانە دەكەین”.

کوردستان

كارەبای سلێمانی چەند گەڕەكێك لە بەستنی پێوەری زیرەك ئاگادار دەكاتەوە

خەڵك-بەشی هەواڵ

 

بەڕێوەبەرایەتی گشتی كارەبای سلێمانی ڕایدەگەیەنێت، لەگەڵ دەستپێكردنی قۆناغی دووەمی بەستنی پێوەری زیرەك، كە بریتیە لە ناساندنی پێوەرەكە بە ماڵەكە (Linking) لە سنووری پارێزگای سلێمانی، بە تایبەتی گەڕەكەكانی بەكرەجۆ، سەرچنار، شەهیدانی سەرچنار، گردی سەرچنار، داوا لە دانیشوانی ئەو‌ گەڕە‌كانە دەكەین، كە هاوكاری تیمەكان بن بە پێدانی (پسوڵەی كارەبا)ی ماڵەكەیان و ئاسانكاریان بۆ بكەن تا پڕۆسە‌كە ئەنجام دەدەن، ئەوەش تەنیا بۆ ناساندن و كاركردنی پێوەرەكەیە.

بەڕێوەبەرایەتی گشتی كارەبای سلێمانی لە ڕاگەیەنراوێكدا ئاماژە بۆ ئەوە دەكات، دڵنیاین هاووڵاتیان لەبەستنی پێوەرەكە هاوكاربوون و لەمەشدا هاوكاریان دە‌بن، چونكە ئەو‌ پڕۆژەیە یەكێكە لە پڕۆژە گرنگ و ستراتیژییەكان بۆ چارەسەركردنی كێشەی كارەبا لە كوردستان.

بەردەوام بە لە خوێندنەوە

کوردستان

(خەڵك) مەترسییەكانی هەڵبژاردنەكانی داهاتووی عیراق لە كەركوك ئاشكرا دەكات

خەڵك-تەنیا هەورامی

بەرپرسی مەڵبەندی كەركوكی بزوتنەوەی ئیسلامی ڕٍایدەگەیەنێت، لە پەڕلەمانی عیراق پیلانێكی زۆر گەورە بەڕێوەیە دژی كورد.

حەسەن شیخانی بەرپرسی مەڵبەندی كەركوكی بزوتنەوەی ئیسلامی بە (خەڵك)ی ڕاگەیاند، ئێستا لە بەغدا نەیارانی كورد لە بەغدا بە دوو ڕیتم كار دەكەن، یەكەم پشێوێ لەناوچە دابڕاوەكان و چۆڵكردنی كوردنیشینان لەو ناوچانە، دووەم بەناوی هەمواركردنەوەی دەستور دەیانەوێ دەسەڵاتەكانی هەرێم كەم بكەنەوە و لەمانە مەترسیدارتر هەمواركردنەوەی یاسای هەڵبژاردنە.
وتیشی”بیرمان نەچێت كورد لە كاتی نووسینەوەی ڕەشنووسی دەستووردا لەوپەری هێزدا بوو، توانی هەندێك لە مەرجە چارەنووسازەكانی گەلەكەمان بچەسپێنن لە دەستوری عیراقدا، دیارە هەمواركردنەوەی دەستور ویستی پێكهاتەی عەرەبە بەتایبەت و توركمان كەمتر بەمەبەستی كەمكردنەوەی كورسیەكانی كوردە لە پارێزگای كەركوك و ناوچە دابڕینراوەكان”.

ئاماژەی بۆ ئەوەش كرد، ئەوان مەبەستیانە هەر پارێزگایەك بكرێتە چەند بازنەیەك بۆ دابەشبوونی دەنگەكانی كورد، لای هەموومان ئاشكرایە لەو هەڵبژاردنانەی كە عیراق یەك بازنەیی یان بازنەیەكی داخراو بوو، كورد زۆرترین كورسی بەدەستهێنا بۆ ئەنجومەنی نوێنەرانی عیراق، لەكاتی هەمواركردنەوەی یەكەمی هەڵبژاردنەكاندا كە سیستمی یەك بازنەیی بوو، كورسیەكانی ناوچە دابڕاوەكان زۆر كەمی كرد، بۆیە پەنا دەبەن بۆ سەدەها پسپۆری بیانی و ناوەوە بۆ هەمواركردنەوەكەی دەستوور.
ڕوونیشیكردەوە، ئەگەر كورد یەكڕیز نەبێت لە پەڕلەمانی عیراق، پیلانێكی زۆر گەورە بەڕێوەیە لە دژی كورد بۆ ناوچە دابرێنراوەكان، ئەگەر فراكسیۆنە كوردییەكان یەك هەڵوێست نەبن بۆ وەستانەوە دژی و ڕێپێوانی جەماوەری نەكرێ وەك ساڵی ٢٠٠٨ كەنزیكەی ٢٨ شەهیدمان دا بەیاسا و دەستور نیوەی خاكی كوردستان دەدۆرێنین.
ئاشكراشیكرد، پێشبینی دەكرێت كورسییەكانی كورد لە كەركوك هەشت كورسین لە كۆی دوانزە كورسی، دادەبەزێت بۆ دوو یان سێ كورسی، ئەم كارە وردكاری زۆری تێدا كراوە بە شێوازێك ڕۆژێك دێت كورد خۆی داوا دەكات ماددەی ١٤٠ جێبەجێنەكرێ .

شێخانی ڕاشیگەیاند، ئەم پڕۆژە یاسایە لەلایەن سەرۆكایەتی كۆمارەوە پێشنیاز كراوە چۆن دكتۆر بەرهەم واژووی لەسەر كردووە ڕەوانەی كۆمسیۆنی هەڵبژاردنەكان كراوە و ئەوانیش بە دەستكاریەوە ڕەوانەی پەڕلەمانی عیراقی دەكەن بۆ دەنگدان لەسەری و پەسەندكردنی، بەڵام ئەو ڕاویژكارە كوردانەی سەرۆك كۆمار هیچ یاداشتێكیان نەنووسیوە بۆ سەرۆك كۆمار لەسەر مەترسییەكانی ئەم یاسایە یان هەر نەیانخوێندوەتەوە.

حەسەن شیخانی بەرپرسی مەڵبەندی كەركوكی بزوتنەوەی ئیسلامی

حەسەن شیخانی بەرپرسی مەڵبەندی كەركوكی بزوتنەوەی ئیسلامی

بەردەوام بە لە خوێندنەوە

کوردستان

“ڕاگەیاندنی قەدەغەی هاتوچۆ لە هەولێر ئەگەرێكی دوورە”

خەڵك-بەشی هەواڵ

قائیمقامی هەولێر ڕایدەگەیەنێت، ئەمڕۆ دەوام لە فەرمانگەكانی حكومەتی هەرێمی كوردستان ئاساییە.

نەبەز عەبدولحەمید قائیمقامی قەزای ناوەندی هەولێر لە لێدوانێكی ڕۆژنامەوانیدا ڕایگەیاند، ئەمڕۆ یەك شەممە دەوام لە فەرمانگەكانی حكومەت ئاساییەو ڕاگەیاندنی قەدەغەی هاتوچۆش ئەگەرێكی دوورە.

وتیشی”ئەگەر هاووڵاتیان پابەندنەبن، ناچاردەبین ڕێكارەكان توندتر بكەینەوە، كە ئەگەری قەدەغەی هەیە هاتوچۆ وەك بژاردە بەكاربێنین”.

ئەمەش لەكاتێكدایە، لە چەند ڕۆژی ڕابردوودا ژمارەی تووشبووانی ڤایرۆسی كۆرۆنا لە پارێزگای هەولێر بەڕێژیەیەكی بەرچاو زیادی كرد و بەو هۆیەشەوە تاقیكردنەوەكانی خولی دووەمی پۆلە ناكۆتاكان دواخرا.

بەردەوام بە لە خوێندنەوە

کوردستان