ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هاوبەشەكانی هواوی لەرۆژهەڵاتی ناوەڕاست و باكووری ئەفریقیا ئامادەی كۆنگرەی پەكین دەبن

خەڵک –
لەسەنتەری هواوی لەشاری پەكین ، گروپی هواوی كۆنگرەی جیهانی بۆ هاوبەشەكان DigiX 2018 سازكرد بەبەشداری 1000 هاوبەش و پەرەپێدەر لەسەرتاسەری جیهان لەژێر ناونیشانی (كرانەوە و داهێنان) كە جەختی لسەر پەیوەندی و زیرەكی و جیهانگیری كرد، هواوی ئەم دەرفەتەی قۆستەوە و نەخشەرێگەی ستراتیژیەتی ژینگەیی بەفەرمی راگەیاند و بەنیازە بەرنامەی شاینیگ ستار (Shining Star) بەتەواوی جێبەجێ بكات لەگەڵ دامەزراندنی ستۆدبۆی داهێنان DigiX Innovation Studio هواوی بەنیازە ژیانێكی باشتر بۆ بەكارهێنەران دابین بكات، لەهەمان كاتدا هواوی ماركەی های لینكی (Huawei HiLink) بۆ ژینگە وەشاند لەگەڵ وەشاندنی Huawei ZHIXUAN بەفەرمی لە كۆنگرەكە.
تیمی خزمەتگوزاری لە رۆژهەڵاتی ناوەراست و باكووری ئەفریقیا بانگهێشتی هاوبەشەكانیان كرد لەنێوانیان هاوبەشانی دەستپێشخەری لە رۆژهەڵاتی ناوەراست (MEVP)، گەورەترین كۆمپانیاكانی سەرمایەداری لە رۆژهەڵاتی ناوەراست، ویگۆ(WEGO)، پێگەی پێشەنگ لەبواری پلیت و هۆتێلەكان، ئەنغامی پێگەی موسیقای عەرەبی، ئەلتوببی گەورەترین پێگەی پزیشكی لەناوچەكە ، سەرجەم هاوبەشەكان خۆشحاڵ بوون بە دەستپێشخەریەكەی هواوی و پابەندبوونی خۆیان بە دروستكردنی سیستەمێكی ژینگەیی كە لەگەڵ ویستی بەكارهێنەران دەنگونجێت.
لە وتەی كردنەوەی كۆنگرەدا، ڕیچارد یو بەڕێوەبەری جێبەجێكاری هواوی ستراتیژیەتی ژینگەیی راگەیاند، لەڕووی ئامێرەوە، ریچارد یو دووپاتیكردەوە كە مۆبایل دەبێتە دەرگای سەرەكی لەو كاتەی ئایپاد و لاپتۆپ و تەلەفزیۆن و ئۆتۆمۆبیل دەبنە دەرگایەكی لاوەكی، سەبارەت بەخزمەتگوزاریەوە هواوی جەخت لەوە دەكاتەوە كە بەكارهێنەر سوود لەم خزمەتگوزاریانە وەربگرێت، هواوی پشت بەپرۆسێسەرێكی زیرەك و ناسینەوەی بەكارهێنەرو پێشبینی شتەكان دەبەستێت، لەگەڵ نزیكبوونەوەی سەردەمی زیرەك هواوی ستراتیژیەتی خۆی راگەیاند كە پابەندبوونی خۆی بەرامبەر بەكارهێنەر دووپاتدەكاتەوە بەئەزموونێكی دیجیتالی باشتر. یو ئاماژەی بەوەشدا كەستراتیژیەتی هواوی جەخت لە 5 بوار دەكاتەوە: ئامێری كەسی و ئۆتۆمۆبیل و خانوو و نوسینگە وو تەندروستی و توانای جەستەیی.
دروستكردنی ژینگەیەكی كراوە بۆ داهێنان، جانگ بینگان سەرۆكی بەشی خزمەتگوزاری بەرنامەكان لەهواوی وتارێكی پێشكەشكرد بەناونیشانی (پەیوەندی بكەن بەبەرنامەی شاینیگ ستار و بیەكەوە براوەی گۆڕانكاریەكانی دیجتال بین) ، لەوتارەكەدا ئاماژەی بەوە كرد لەگەڵ نزیكبوونەوەی سەردەمی دیجیتاڵ، هواوی پابەندە زەمینە سازبكات بۆ داهێنان لەبواری خزمەتگوزاری دیجیتاڵی زیرەک، لەرێگای بەرنامەی شایتیگ ستار و ستۆدیۆی داهێنان DigiX Innovation Studio هواوی هەوڵ دەدات هاوبەشەكان و پەرەپێدەرەكان باڵادەست بن لەگەڵ دابینكردنی ناوەڕۆك وباشترین خزمەتگوزاری بۆ بەكارهێنەران.
لەرۆژی كۆتایی كۆنگرە وەلید مەنسور سەرۆكی وەبەرهێنان لە كۆمپانیاكانی دەسەتپێشخەری لەرۆژهەڵاتی ناوەراست وتارێكی پێشكەش كرد و پشتگیری تەواوی لەبەرنامەی شاینیگ ستار لە هواوی كرد ، هواوی هەماهەنگی لەگەڵ زانكۆكان دەكات بۆ دابینكردنی ژینگەی پێویست بۆ پەرەپێدەران وەك هەماهەنگی لەگەڵ زانكۆكانی وڵاتی ئیمارات و زانكۆی ئەمریكی لە دوبەی.

كۆمپانیای هواوی بەرنامەی شاینیگ ستار بۆ زیاتر لە 450 هەزار پەرەپێدەر لەسەرتاسەری جیهان جێبەجێ كرد، سەبارەت بەتەكنەلۆژیای زیرەكی دەستكرد، هواوی هەڵدەستێت بە مەشقپێدانی تواناكان و پشتگیری لەداهێنان دەكات، هەروەها پشتگیری ئەپلیكێشنە تازەكان كە سیمای داهێنانی پێوە دیارە، هواوی بەنیازە ستۆدیۆی داهێنان DigiX Innovation Studio دروست بكات كەتیایدا پەرە بە یارییەكان و بەرنامەكانی خوێندن دەدات هەروەها دەكرێت بەرنامەكان و ئەپلیكەشنەكانی منداڵان بەرەو پێش ببات یان بوارەكانی دارایی و ئاسایش سەرەرای بەشداریكردنی ئەم دەسكەوتانە لەگەڵ بەكارهێنەران، بەڕێز جانگ پێشبینی زیادبوونی داهاتەكانی كۆمپانیای كرد لە ساڵی 2018 بەرێژەی 100% .
لەكۆنگرەكەدا رێگادرا چەندین كۆبونەوەی لاوەكی ئەنجام بدرێت لەبابەتەكانی زیرەكی دەستكرد و سیستەمی بەرهەمهێنان و بەبازاركردن، هەماهەنگی لەبوارەكانی HUAWEI Video وHUAWEI Reader لەگەڵ خزمەتگوزاری HUAWEI Music، و HUAWEI Themes و هتد ، هەروەها چەند كۆبونەوەیەک ئەنجامدرا سەبارەت بە خانوبەرەی زیرەک و پێشانگای HUAWEI Ability Gallery، و تواناكانی بەكارهێنەری EMUI Open Capability و سیستەمی پلاندانانی بەرهەم و HMS & Huawei Pay وSmart Wear & Sports and Health.
داهێنان لە تاقیكردنەوە دەستپێدەكات، هەماهەنگی پەیوەستە بە داهاتووەوە، ئەم كۆنگرەیە زەمینەساز بوو بۆ هاوبەشەكان، لەگەڵ ئەم هاوبەشانە هواوی بەنیازە باوەش بۆ شۆرشی زیرەک بكاتەوە و بەردەوامی دۆزینەوەی باشترین رێگا بۆ ژیانێكی دیجیتال.

 

 

 

 

 

ئۆتۆمبێل و تەکنەلۆژیا

سامسۆنگ مۆبایلی Galaxy W219 بە سناپدراگۆن 845 و دووانە کامێرا و دوانە ڕوونماوە ڕاگەیاند

خەڵک-

ئەوەی دەیخوێنیتەوە ڕاستە و پێت سەیر نەبێت ٢٠١٨ـەیە و سامسۆنگ مۆبایلی شێوە دەفتەری بە تایبەتمەندی بەرزەوە ڕاگەیاند. بۆ ئەوانەی بەم زنجیرە مۆبایلە ئاشنان، ئەوا W219 دوایین مۆبایلی ئەم زنجیرەیەیە و وەکو نەوەی پێشتری تەنها لە چین بەردەست دەبێت، بەڵام بۆی هەیە لە هەندێک وڵاتی تریش بەردەست بێت، و نرخەکەی خۆی لە ٢٧٠٠ دۆلار دەدات.

مۆبایلەکە کێشی ٢٥٧ گرامە. دوو ڕوونمای ٤.٢ ئینجی بە ڕوونی 1080p لە جۆری ئەمۆلێد تێدا بەکارهاتووە، پڕۆسێسەری سناپدراگۆن ٨٤٥ و ٦ گێگابایت ڕامی هەیە. هەروەک بژاردەی ١٢٨ گێگابایت و ٢٥٦ گێگابایتی بۆ بیرگەی ناوخۆیی هەیە و شوێنی دەرچەی بیرگەی SD بۆ زیادکردنی بیرگە هەیە.

کامێرای پشتەوەی دوانەیە و هەریەکەیان ١٢ مێگاپێکسڵن و هەمان توانای کامێرای نۆوت ٩یان هەیە. پاتری مۆبایلەکە ٣٠٧٠ ملی ئەمپێرە و پەنجەمۆری لە تەنیشتە و کامێراکەی توانای گرتنی ڤیدیۆیی هێواشی بە ٩٦٠ وێنە هەیە لە چرکەیەکدا، و هەروەها پشتگیری لە دووانە سیمکاردیش دەکات. بەداخەوە، شوێنی بیستۆکی ئاسایی 3.5mmـی نییە. دەربارەی سیستەمی وەگەرخەر، مۆبایلەکە  ئەندرۆید ٨.١ی ڕاستەوخۆ لەناو پاکەتەوە لەسەر جێگیر کراوە.

بۆ ئەو نرخە زۆری، کە ١٨,٩٩٩ یوانە و نزیکەی ٢٧٣٢ دۆلار دەکات، سامسۆنگ هەندێک تایبەتمەندی تایبەت پێشکەش بە کڕیاران دەکات ئەوانیش پەیوەندی تایبەت لە کاتی بوونی کێشە و پاککردنەوە و چارەسەری نەرمەواڵەی (سیستەمی) خۆڕایی. هەروەک سامسۆنگ ساڵانە گۆڕینی ڕوونما و پاتری بەبێ بەرامبەر دوو جار پێشکەش بە کڕیار دەکات.

فرۆشتنی ئەم مۆبایلە لە ڕێگەی کۆمپانیای چاینا یونیکۆن لە سبەی ١١\١١ دەست پێدەکات و بە ڕەنگەکانی زێڕی گوڵی و پلاتینی بەردەست دەبێت.

سەرچاوە: Kitn.net

بەردەوام بە لە خوێندنەوە

ئۆتۆمبێل و تەکنەلۆژیا

ئەم ڕێنماییانە تەمەنێکی درێژ بۆ ئۆتۆمبێلەکەت دەستەبەر دەکەن

خەڵک-

لە ئێستادا ئۆتۆمبێل وەك پێداویستییەكی سەرەكی لێهاتووە بۆ هەموو كەسێك، لەگەڵ ئەو سوودەی هەیەتی، پێویستی بە گرنگی پێدان و چاودێری بەردەوام هەیە تا بتوانین لە كاتی پێویستدا پشتی پێ‌ ببەستین، لێرەدا چەند خاڵێكی پێویست دەخەینە روو تا ئاگامان لە دۆخی ئۆتۆمبێلەكەمان بێت.

سەرەتا پێویستە خشتەیەكی كاتی بۆ چەند كارێكی رۆتینی ئۆتۆمبێلەكانمان دابنێین، باشترین خشتەش مانگانەیە، یان پاش رۆشتنی (5) هەزار كیلۆمەتر، گومان لەوەشدا نییە تا ئۆتۆمبێلەكە كۆنتر بێت، پێویستی بە چاككردنەوە و گرنگی پێدانی زیاتر دەبێت.

1- گۆڕینی رۆن: هەركات هەستت كرد رەنگی رۆنی بزوێنەرەكەت رەش بووە یان لینجی نەماوە، یا بۆنی سووتاوی لێدێت، بە خێرایی بیگۆڕە، بەڵام ئەگەر كەم بوو ئەوا بەبڕی پێویست رۆنی تێ‌ بكە، باشترین كاتیش بۆ پشكنینی رۆن، بەیانیانە پێش كاركردن بۆ ئۆتۆمبێلەكەت.

2- پێویستە ئاگاداری رۆنەكانی دیكەی وەك، رۆن ئیستۆپ، هایدرۆلیك، پاوەر، یان سیوەیل بین، كەمێك شارەزایی بەسە بۆ زانینی ئاستی پێویست و باشی ئەو جۆرە رۆنانە، پشتگوێ‌ خستنیان زیانی گەورەتری بەدواوە دێت.

3- ئەبێت بەردەوام ئاگاداری ئاوی رادێتەر بین كەم نەبێت، باشتر وایە ئاوی تایبەتی رادێتەری بۆ بكڕین لەگەڵ كەمێك ئەنتی فرێز بۆ وەرزی زستان، ئاوی فڵچەكانیش باشتر وایە دڵۆپێنراو بێت، ئەو ئاوەی لە سپلیتی ئاسایی ماڵانەوە دەردەچێت، باشترین جۆری ئاوە بۆ ئاوی فڵچەكان، ئەوتوانین سێ‌ یەكی دەبەی ئاوی فڵچەكانیش بكەین بە شلەیەكی پاككەرەوەی وەك موعجیزەی شوشە سڕین. ئەگەر توانیت چێكی ئاوی باترییەكەشت بكە، ئاوی ئاسایی بەكاربێنە ئەگەر ئاوەكەی كەمی كردبوو.

4- دەبێت هەر دوو یان سێ‌ رۆژ جارێك بۆنیتی ئۆتۆمبێلەكەت هەڵبدەیتەوە و چێكی وایەر و سوندە و پلاك و كەتاوت و فیوزەكان بكەیت (ئەوەی لێی دەزانیت)، ئەگەر هەستت بە سوتان یان ئاگر یان رەشبوونەوەی وایەر و تەقینی سۆندە و جاینە و هەر شتێكی تر كرد، بە خێرایی چاكی بكەرەوە.

5- گرنگی بە فلتەری هەوای بزوێنەرەكە بدە و زوو زوو پاكی بكەرەوە، ئەكرێت بە پاك نەكردنەوەی ئەو فلتەرە زیان بە بزوێنەرەكەت بگات، جگە لەوەی بڕێكی زیاتر بەنزین كاردەكات و هێزیشی لە كەمی دەدات، بە هەمان شێوە، فلتەری تەبریدیش دەبێت پاك بكرێتەوە، زۆرینەی ئۆتۆمبێلەكانیش فاتەری تەبریدیان لە پشتی سندوقی داشبۆردەكەدایە، یان لە ژێری ئەو سندوقەدایە.

6- دەبێت بەردەوام ئاگات لە لایتی ئۆتۆمبێلەكەت بێت، گڵۆپی لایتەكان هەرزانترین پارچەی ئۆتۆمبێلن و هەر كات سوتان، بیانگۆڕە و پشت گوێی مەخە، بە هەمان شێوە ماسیحەی جامی پێشەوە، ئەگەر ستۆك بووە بیگۆڕە.

7- گرنگترین خاڵیش ئەوەیە، بەردەوام تەماشای شوێنی وەستانی ئۆتۆمبێلەكەت بكە، ئەگەر هەستت بە لێچوونی رۆن یا هایدرۆلیك یان ئاو كرد، هۆكارەكەی بدۆزەرەوە و چارەی بكە، چونكە هەر بزوێنەرێك رۆن یان ئاوی لێ‌ بچێت، مانی ئەوەیە پێویستی بە چاك كردنەوەیە.

8- گرنگترین خاڵی سەلامەتیش، ئاگادار بوونە لە دۆخی تایەكان، دەبێت رۆژانە یا ئەوپەڕی دوو رۆژ جارێك تەماشایەكی تایەكانت بكەیت، كەمی یان زیادی هەوا یا شل بوونەوەی برغوكان، مەترسی بۆ سەر سەلامەتیت دروست دەكات، پەستانی هەوای پێویستیش بۆ تایەی زۆرینەی ئۆتۆمبێلە بچوكەكان (30 تا 35) پاوەن هەوایە.

بەردەوام بە لە خوێندنەوە

ئۆتۆمبێل و تەکنەلۆژیا

لە کاتی تەم و سەرما ئەم ڕێنماییانە لەبیر مەکە

خەڵک-

لەگەڵ ھاتنی وەرزی سەرما، دۆخی شۆفێری کردن سەخت دەبێت، تەم و دروستبوونی ھەڵم لەسەر جامی پێشەوەی ئۆتۆمبێل، دوو کێشەن بۆ شۆفێر ئەگەر بە وریاییەوە مامەڵەیان لەگەڵ نەکات، دەکرێت ڕووداوی نەخوازراو بخەنەوە.

پسپۆرانی ھاتووچۆ بۆ مامەڵەکردن لەگەڵ ئەو دوو کێشەیە، چەند ڕێنماییەکیان دارشتووە، ھەندێک لەوانە:

  • سڕینی بەشی ناوەوەی جامی پێشەوەی ئۆتۆمبێل بە پارچەیەک سابوون و دواتر سڕینەوەی بە پارچە قوماشێکی وشک، ھەڵمکردنی جامەکان بە ڕێژەی ٧٠٪ کەم دەکاتەوە.
  • لە بازاڕدا ھەندێک جۆری سپرا ھەن، بە رشتنیان بە جامەکاندا ڕێگر دەبێت لە ھەڵمکردنیان، گەرچی ئەم گرفتە لە ئۆتۆمبێلە نوێیەکان چارەسەر کراوە و کێشەیەکی ئەوتۆ دروستناکات.

لە کاتی بوونی تەم-یشدا ئەم ڕێنماییانە دەکرێت سوودی ھەبێت لە پاراستنی سەلامەتییت:

  • خێراییەکەت کەم بکەرەوە و نێوانی خۆت ئۆتۆمبێلەکەی پێش خۆت زیاد بکە: لێخوڕین بە هەمان خێرایی کەش و هەوای ئاسایی لە کەشی تەم دا مەترسییەکی گەورەیە، دڵنیابە لەوەی کە خێراییەکەت کەم بکەیتەوە، چونکە کاتی زیاترت دەبێت بۆ وەستان یان هەرحاڵەتێکی تری لە ناکاو. ئەگەر ڕیژەی بینین گەشتە ڕێژەیەکی زۆر کەم بە هۆی زۆری تەمەوە (٥٠ مەتر و کەمتر)، ئەوا شوێنێکی باش و سەلامەت بدۆزەرەوە و ئۆتۆمبێلەکەت بە زووترین کات پارک بکە، بەمەرجێک لەسەر لەینەکانی شەقامەکە نەبیت، وە چاوەڕێ بکە تاوەکو بارودۆخەکە ئاسایی دەبێتەوە.
  • هەمیشە لایتە نزمەکانت دابگیرسێنە، ڕووناکی بەرز نا: دوور بکەرەوە لە بەکارهێنانی لایتی بەرز (فول لایت) لەکاتی بوونی تەم، چونکە بەهۆی بوونی دەنکۆڵەی ووردی ئاو لە کەشی تەمدا وا دەکات ڕووناکییەکە بڵاو ببێتەوە و کاردانەوە دروست بکات، ئەگەر لە حاڵەتێکدا زانیت کە لایتە بەرزەکان سوودیان نییە ئەوە لایتە نزمەکان دابگیرسێنە بۆئەوەی لەلایەن شۆفێرانی تری سەرشەقامەکە ببینرێیت.
  • بەباشی هۆشت لەسەر شەقامەکە بێت: شۆفێری کردن لە کاتی تەم دا کارێکی گرانە و ناکرێت چەند کارێک بەیەکەوە بکەیت، بۆیە باشتر وایە ئەم ڕێکارانە بگریتە بەر، ڕادیۆکەت بکوژێنەرەوە، قسە لەگەڵ سەرنشینەکانی تر مەکە بۆئەوەی تەواو تەرکیزت لەسەر شەقامەکە بێت، جامی ئۆتۆمبێلەکەت بکەرەوە بۆ ئەوەی گوێت لە ئۆتۆمبێلەکانی دەرەوە بێت.
  • ھەوڵی دەرچوون و ساید گۆڕین مەدە: دەکرێت ئۆتۆمبێلەکانی دیکە خێراییان بەرز بێت، ئاستی بینین کەمە و ھەر جوڵەیەکی نائاسایی ئەگەری ڕووداوی نەخوازراو بەرز دەکاتەوە.
  • باشتر وایە لە سایدی ناوەڕاست یان لای چەپ بڕۆیت: ئەمەش بۆ ئەوەی دوور بکەویتەوە لەو ئۆتۆمبێلانەی لە کەناری شەقام یان لە سایدی لای ڕاست وەستاون یان خێراییان تەواو کەمکردۆتەوە.

بەھیوای سەلامەتی بۆ ھەموو لایەک

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین