ئێمە لە تۆرە کۆمەڵایەتیەکان

جیهان

ئەنجومەنی پیرانی ئەمریكا هەوڵی سەپاندنی سزا دەدات بەسەر توركیادا

خەڵك – بەشی هەواڵ

ئەنجومەنی پیران گوشارەكانی لەسەر وەزارەتی گەنجینەی ئەمریكا چڕكردووەتەوە بۆ سەپاندنی سزای دارایی بەسەر توركیا.

جیم ریچ سەرۆكی لیژنەی پەیوەندییەكانی دەرەوە لە ئەنجومەنی پیرانی ئەمریكا، تەواوی زانیارییەكانی بۆ ئاژانسی بلومبێرگی ئەمریكی پشتڕاستكردووەتەوە و ئاشكرای كردووە: تاكۆتایی مانگی دێسمبەر پڕۆژە یاسایەك گەڵاڵە دەكرێت بۆ سەپاندنی سزای دارایی دژی توركیا، لە بەرامبەر پەلاماردانی ڕۆژئاوای كوردستان و بەگەڕخستنی سیستمی دژە مووشەكی ئێس -400 ی ڕوسیايی.

سەرۆكی لیژنەی پەیوەندییەكانی دەرەوە لە ئەنجومەنی پیرانی ئەمریكا ئاماژەی بەوەشداوە، دیموكراتەكان پشتیوانی پڕۆژە بڕیارەكە دەكەن، ئەوەش لە كاتێكدایە مەولود چاوش ئۆغلۆ وەزیری دەرەوەی توركیا ڕایگەیاند، وڵاتەكەی بەڵێنی‌ بە هیچ وڵاتێكی تر نەداوە كە سیستمی ئێس 400 كارا نەكەن.

جیهان

ترەمپ: ئون پەیوەندییەكانی لەگەڵ مندا تێكنادات

خەڵك –بەشی هەواڵ

دۆناڵد ترەمپ سەرۆكی ئەمریكا هۆشداری دەداتە كیم جۆنگ ئون سەرۆكی كۆریای باكور لە بەردەوامیدان بە كارە سەركەشییەكانی لە دوای تاقیكردنەوەیەكی سەركەوتووانەی مووشەكی.

سەرۆكی ئەمریكا لەلێدوانێكدا دەڵێت “پێویستە كۆریای باكور چەكی ناوەكی لەنێوببات”.

ترەمپ دەڵێت “ئون زیرەكە و زۆر شتی هەیە لە دەستی بدات لە حاڵی بەردەوامیدان بە دووژمنكارییەكانی، لە سینگاپوورە رێككەوتنێكم لەگەڵ كردووە بۆ داماڵینی چەكی ناوەكی، بۆیە نایەوێت پەیوەندییەكانی لەگەڵ ئێمەدا تێكبدات”.

 

بەردەوام بە لە خوێندنەوە

جیهان

پێنج چەكداری ئێرانی لە سووریا كوژران

خەڵك –بەشی هەواڵ
لە ئەنجامی ئەو هێرشانەی گرووپە چەكدارەكانی سەر بە ئێرانی لە سووریا كردە ئامانج، پێنج چەكداری ئێرانی كوژراون.

ڕامی عەبدولڕەحمان بەڕێوەبەری ڕووانگەی سووریایی بۆ مافەكانی مرۆڤ بۆ ئاژانسی فڕانس پرێس ڕایگەیاند، پێنج چەكداری بیانی كوژراون لە هێرشەكەدا.

تاكو ئێستا هیچ لایەنێكی بەرپرسیارێتی هێرشەكەی لە ئەستۆ نەگرتووە، بەڵام سەرچاوە ڕۆژنامەوانییەكان دەڵێن، كوژراوەكان ئێرانین.

 

بەردەوام بە لە خوێندنەوە

جیهان

بارەگایەكی سوپای پاسداران لە سنوورەكانی نێوان عیراق و سوریا بۆردومان كرا

خەڵك-بەشی هەواڵ

بارەگایەكی سوپای پاسدارانی ئێران لە شاری بوكەمال لە سنوورەكانی نێوان عیراق و سوریا لەلایەن فڕۆكەی نەناسراوەوە بۆردومان كرا.

كەناڵی (ئەلحەدەس) بڵاویكردەوە، بنكەیەكی سوپای پاسدارانی ئێران لە بوكەمالی سنوورەكانی نێوان عیراق و سوریا بە فڕۆكەی نەناسراو بۆردومان كراوە.

بەپێی هەواڵی كەناڵەكە، هێزە ئاسمانییەكانی ئیسڕائیل ئەو بۆردومانەیان ئەنجام داوە و لانی كەم 5 سەرباز كوژراون و ژمارەی بریندارەكانیش ئاشكرا نەكراوە و تاكو ئێستاش سوپای پاسداران هیچ لێدوانێكی فەرمیان لەو بارەوە نەداوە.

بەردەوام بە لە خوێندنەوە

کوردستان