ئێمە لە تۆرە کۆمەڵایەتیەکان

کوردستان

لەسۆران گەنجێک خۆی خنکاند


خەڵك-نزار مستەفا
گەنجێكی دانیشتوی قەزای سۆران بە پەت خۆی خنكاند.

ئەمڕۆ پێنج شەممە، موقەدەم شەماڵ وتەبێژی بەڕێوبەرایەتی پۆلیسی سۆران بە ( بەخەڵك)ی ڕاگەیاند”سەر لە بەیانی ئەمڕۆ ئاگەداركراینەوە بەبوونی ڕوداوێكی مردن لەگەرەكی موجەمەعی گەڵاڵەی سەربەقەزای سۆران، بۆیە دەستبەجێ تیمەكانمان گەیشتنە شوێنی ڕوداوەكە و دواگەیشتنی تیمەكان تەرمەكە كەوتبووە خوارەوە”.

بە وتەی موقەدەم شەماڵ”تیمەكانیان دەستبەجێ تەرمەكەیان ڕەوانەی پزیشكی دادی سۆران كردبوو بۆ مەبەستی لێكۆڵینەوە و پشكنین لەهۆكاری مردنەكە”.

وتەبێژی پۆلیسی قەزای سۆران دەڵێت”بەپێی وتەی ئەوشایەت حاڵانەی لەشوێنی ڕوداوەكەبوون، گەنجەكە بە پەتك لەماڵەكەی خۆیدا، خۆی هەڵواسیوە و دەستبەجێ گیانی لەدەستداوە”.

موقەدەم شەماڵ ڕایگەیاند، ناوی گەنجەكە (ك.ر.خ)، و لەدایكبووی ساڵی 1986، و پیشەی كاسبە ونیشتەجێی قەزای سۆرانە.

کوردستان

وەزارەتی ناوخۆ ڕاگەیەنراوێكی لەسەر قەدەغەی هاتوچۆ بڵاوكردەوە


خەڵك-بەشی هەواڵ

 

وەزارەتی ناوخۆی حكومەتی هەرێمی كوردستان ڕایدەگەیەنێت، زۆر سوپاسی هاوڵاتیان دەكەین بۆ پابەندبوونیان بە ڕێنماییەكان حكومەتی هەرێمی كوردستان بۆ بەرەنگاربوونەوەی پەتای كۆرۆنا.
وەزارەتی ناوخۆی حكومەتی هەرێمی كوردستان لە ڕاگەیەنراوێكدا ئاماژە بۆ ئەوە دەكات، وەزارەتی ناوخۆ ئێستا سەرقاڵی تاوتوێكردنی پێشنیارەكانی پارێزگار و سەرپەرشتیاری ئیدارە سەربەخۆكانە و بەم نزیكانە بەیانێكی نوێی وەزاری دەردەكرێت بۆ دەستنیشانكردنی ڕێكارە نوێیەكان.

ئاشكراشیكرد، تاكو ڕاگەیاندنی بەیانی نوێ، قەدەغەی هاتووچۆ بەم شێوەی ئێستا بەردەوام دەبێت.

بەردەوام بە لە خوێندنەوە

کوردستان

كۆرۆنا، هۆكارێكە بۆ كەمبوونەوەی ژمارەی گیانلەدەستدانی هاووڵاتیان لە هەرێمی كوردستان


 

خەڵك-بەشی هەواڵ

بەڕێوەبەرایەتی هاتوچۆی پارێزگای سلێمانی ڕایدەگەیەنێت، كۆرۆنا قوربانیانی ڕووداوەكانی هاتووچۆ لەهەرێمی كوردستان كەمدەكاتەوە

بەڕێوەبەرایەتی هاتوچۆی پارێزگای سلێمانی لە ڕاگەیەنراوێكدا ئاماژە بۆ ئەوە دەكات، ژمارەی ڕووداوەكان لە مانگی ئاداری ساڵی ڕابردوو 400 ڕووداو بووە لەكاتێكدا لە مانگی ئاداری ئەمساڵدا 27 ڕووداوی هاتووچۆ تۆماركراوە.

ڕوونیشیكردەوە، ساڵی ڕابردوو تەنیا لەم مانگەدا 50 كەس گیانی لەدەستداوە، بەڵام ئەمساڵ تەنیا سێ كەس گیانی لەدەستداوە.

ئاشكراشیكرد، لە مانگی ئاداری ساڵی ڕابردوو 500 كەس بەهۆی ڕووداوەكانی هاتووچۆوە بریندار بوون، بەڵام لەمانگی ئاداری ئەمساڵدا تەنیا 25 كەس برینداربوون.

ئەمەش لەكاتێكدایە، بەهۆی قەدەغەكردنی هاتوچۆی هاووڵاتیان، وەزارەتی ناوخۆی حكومەتی هەرێم ڕێگای سەرجەم شار و شارۆچكەكانی قەدەغە كردووە و هاتوچۆ بە چینێكی كەمی هاووڵاتیانە كە كاری پێویست و خزمەتگوزاری ئەنجام دەدەن.

بەردەوام بە لە خوێندنەوە

کوردستان

بوومەلەرزەیەك ڕوویدا


خەڵك – بەشی هەواڵ
ئەمڕۆ دوو شەممە بوومەلەرزەیەك لە گەرمیان ڕوویدا.

بوومەلەرزەكە كاتژمێر 10:56 خولەك ڕوویدا و گوڕەكەشی 4.1 پلە بوو بە پێوەری ڕێختەر و بەشێك لە هاووڵاتییان هەستیان پێكرد.

ناوەندەكانی چاودێری بوومەلەرزە ڕوونیانكردەوە كە ئەوەی ئەمڕ بە قووڵایی 9 كیلۆمەتر لە ئاستی رووی زەوی روویداوە، بەڵام زیانی لێنەكەوتووەتەوە.

هۆبەی کەشناسی گەرمیانیش بڵاویکردەوە، ناوەندی بوومەلەرزەکە شاری کەلار بووە.

بەردەوام بە لە خوێندنەوە

کوردستان