ئێمە لە تۆرە کۆمەڵایەتیەکان

ژینگە

ژینگەی سلێمانی: بەنزینخانەكەی سەرچنار لای ئێمە كێشەی نەماوە

خەڵك – بەشی هەواڵ

ژینگەی سلێمانی رایگەیاند “ماوەی چەند ڕۆژێكە بابەتی دروسكردنی بەنزینخانەیەك لەنزیك سەرچاوەی ئاوی سەرچنار بۆتە جێگەی باس ، بۆیە فەرمانگەی ژینگەی سلێمانی ڕونكردنەوە دەداتە هاوڵاتیان كە ئەوەی پەیوەندی دارە بە كاری فەرمانگەكەمانەوە ئەم بەنزینخانە ڕێگە پێدراوەو پابەندی گشتت مەرج و ڕێنمایە ژینگەییەكانە كە لەڕێنمای ۱ ساڵی ۲۰۱۳ داهاتوە تایبەت بە پڕۆژەكان كە لەلایەن دەستەی پاراستن و چاكردنی ژینگە داندراوە” .

ژینگەی سلێمانی لە راگەیەندراوێكدا روونیكردەوە “ئەم بەنزینخانە لەسەرەتای دامەزراندنیدا كێشەی ژینگەی هەبوو بەوەی نزیك لەخانویەكی نیشتەجێ بوون بوو . بۆیە خاوەنەكەی ناچار كرا بەكڕینەوەی ئەو خانوەو خستنە سەر زەوی بەنزینخانەكە بۆیە دواتر بینرا كە گشت مەرج و ڕێنمایە ژینگەیەكانی تێدایە .بۆیە فەرمانگەكەمان ڕەزامەندی دەربڕی بە دامەزراندنی و بەڵێنی لێوەرگیراوە پابەندی گشت ڕێنمایە ژینگەیەكان بێت”.

راشیگەیاند “بەڵام شوێنی ئەم بەنزینخانەیە ئەگەر گرفتێك بۆ ئاوی سەر زەوی یان ژێر زەوی دروست بكات ئەوا بەڕێوەبەرایەتییەكانی ئاو و ئاوی ژێر زەوی دەتوانن سكاڵای یاسایی تۆمار بكەن بەمەبەستی ڕاگرتنی پڕۆژەكە” .

ژینگە

كەشناسی هۆشداری دەدات
دوو شەپۆلی باران و سەرما و بەفر هەرێمی كوردستان دەگرێتەوە

خەڵك- بەیش هەواڵ
بەپێی پێشبینییەكانی كەشناسی هەرێم، دوو شەپۆلی دیكەی باران و سەرما ناوچەكانی هەرێمی كوردستان دەگرێتەوە و ڕاشیدەگەیەنێت، كە ئەگەری بەفر بارین لە ناوچە شاخاوییەكان هەیە و هەینی دۆخەكە ئاسایی دەبێتەوە

بەڕێوەبەرایەتی گشتی كەشناسی و بوومەلەرزەزانی هەرێم لە هۆشدارییەكدا ئاماژەی بەوەكردووە، لە ئێوارەی ڕۆژی چوار شەممەوە هەرێمی كوردستان دەكەوێتە ژێر كاریگەری نزمە پاڵەپەستۆی دەریای سوور و كاریگەریەكەی بەشێوەی نمە باران دەبێت.

ئاشكراشی كردووە، ڕۆژی پێنج شەممە شێوەی دابارین دەگۆڕێت بۆ بارانی مام ناوەند و لێزمە باران بە تایبەت چەند ناوچەیەك و لەهەمان كاتدا هەورە تریشقەی لەگەڵ دەبێت و بارستە هەوایەكی سارد كار دەكاتە سەر ناوچەكەمان و پلەكانی گەرما ڕوو لە دابەزین دەكات و لە ناوچە شاخاویەكان ئەگەری بارینی بەفر هەیە.

ڕوونیشی كردۆتەوە، ڕۆژی هەینی كاریگەریەكەی لاواز دەبێت و تەنها باران بە شێوەی پچڕ پچڕ دەبێت و دواتر بەشێوەیەكی كاتی باران بارینەكە دەوەستێت.

جەختیشی كردۆتەوە، ڕۆژی دوو شەممەی داهاتوو دووبارە كاریگەریەكە چالاك دەبێتەوە.

بەردەوام بە لە خوێندنەوە

ژینگە

لەسنوری ئاغجەلەر چوار ڕاوچی لەكاتی ڕاودا دەستگیركران

خەڵك- بەشی هەواڵ
پۆلیسی دارستان و ژینگەی سلێمانی دەستگیركردنی چوار ڕاوچی لە سنوری ئاغجەلەر لەكاتی ڕاودا ڕادەگەیەنێت و دەشڵێت: “ڕاوكردن یەكێكە لەو دیاردە ترسناكانەی ڕووبەڕوی ئاژەڵ و باڵندە كێویەكان دەبێتەوە”.

بەڕێوەبەرایەتی پۆلیسی دارستان و ژینگەی سلێمانی لە ڕاگەیەنراوێكدا ئاماژەی بەوەكردووە، ڕاوكردن یەكێكە لەو دیاردە ترسناكانەی ڕووبەڕوی ئاژەڵ و باڵندە كێویەكان دەبێتەوە، ئەمەش هۆكارە بۆ لەناوچونی زۆرێك لەو باڵندە ناوازانەی لەكوردستاندا بوونیان هەیە.

ڕوونیشی كردۆتەوە، هەرچەندە ڕێنمایەكانی پۆلیسی دارستان بەردەوام هاووڵاتیان ئاگادار ئەكەنەوە خۆشەویستیان هەبێت بۆ ئاژەڵ و باڵندە كێوییەكان، بەڵام زۆرن ئەو هاووڵاتیانەی بێ گوێ دانە یاسا و ڕێنماییەكان دەبنە هۆی تێكدانی ئەو ژینگەیەی، كە ژیان تیێدا مافی هەمووانە.

ئاشكراشی كردووە، مەفرەزەیەكی بنكەی پۆلیسی دارستان و ژینگەی (ئاغجەلەر) سەر بە بەشی چەمچەماڵ لە ئەنجامی دوو دەرچوونی میدانیاندا بە سەرپەرشتی لێپرسراوی بنكە (ملازمی 2/ عەتید محەمەد) توانیان (4) سەرپێچیكار دەستگیر بكەن، كە سەرقاڵی ڕاوكردنی باڵندەی كێوی بوون.

ڕاشیگەیاندووە، توانرا دەست بگیرێت بەسەر (9) كەوی زیندو و (9) قەفەس و (10) دەستە دا و لەگەڵ (1) ماتۆڕسكیل و دواتر سەرجەم دەستگیركراوەكان و كەرەستەكانیان ڕووبەڕوی دادگا كرانەوە بۆ ڕێكاری یاسایی لەگەڵیان.

بەردەوام بە لە خوێندنەوە

ژینگە

كەشناسی پێشبینی بۆ كەشوهەوای سبەینێ‌ ڕاگەیاند

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم پێشبینی بۆ دۆخی كەشوهەوای سبەینێی بڵاوكردەوە و ئاماری ڕێژەی باران بارین-یشی ڕاگەیاند.

بەپێی پێشبینییەكانی كەشناسی هەرێم، سبەینێ دوو شەممە بەرزترین پلەی گەرما لە هەولێر 25 پلە و لە سلێمانی 22 پلە و لە دهۆك 18 پلە و لە كەركوكیش 26 پلە دەبێت و ئاسمانی سەرجەم شارەكانی هەرێمی كوردستانیش هەور و هەتاو دەبێت.

كەشناسی هەرێم بڕی باران بارینی لە 24 كاتژمێری ڕابردوو بڵاوكردەوە و بەپێی زانیارییەكان، زۆرترین بارانیش لە شاری چەمچەماڵی سەر بە پارێزگای سلێمانی بە بڕی 12.5 ملم باران باریوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 92%, 12
    12 92%
    12 - 92% هەموو دەنگەکان
  • وه‌زارەتی دارایی و ئابووری 8%, 1 دەنگ دان
    1 دەنگ دان 8%
    1 دەنگ دان - 8% هەموو دەنگەکان
  • وه‌زارەتی بازرگانی و پیشه‌سازی 0%, 0
    0
    0 - 0% هەموو دەنگەکان

کوردستان

دوایین