ئێمە لە تۆرە کۆمەڵایەتیەکان

عێراق

بەغدا، دوو خۆپیشاندەر كوژران

خەڵك-بەشی هەواڵ
لە خۆپیشاندانەكانی بەغدای پایتەخت، دوو خۆپیشاندەر كوژران و نزیكەی 25ی تر برینداربوون .

ئەمڕۆ چوار شەممە، ئاژانسی (فرانس پرێس) لە زاری سەرچاوەیەكەوە ئاماژەی بە كوژرانی دوو خۆپیشاندەر و برینداربوونی 25 خۆپیشاندەری تر كرد لە بەغدای پایتەخت، ئەمەش لەكاتێكدایە كە خۆپیشاندانی ناڕەزایی لە بەغدا و شارەكانی تری ناوەڕاست و باشووی عیراق لە 25ی تشرینی یەكەمی ڕابردووەوە بەردەوامن.

پێشتر ئاژانسی دەنگوباسی عیراقیە، ئاماژەی بە داخستنی ڕێگەی سەرەكی نێوان بەسرەو و ناسریە كردبوو لەلایەن خۆپیشاندەران، وێڕای داخستنی چەند پردێك لە نەجەف و زیقار، لەبەرانبەردا پۆلیس هێزەكانی ڕووبەڕووبوونەوەی ئاژاوەگێڕی پاشەكشەپێكرد و لەجێگەیدا هێزەكانی فریاكەوتن و پۆلیسی بۆ كۆنترۆڵكردنی ڕەوشەكە جێگیركرد.

دوێنێ‌ سێ‌ شەممە، پارێزگاری موسەننا لەپێناو ڕێگرتن لە دەستدرێژیكردنە سەر دامەزراوەكانی دەوڵەت و پاراستنی ئاشتی كۆمەڵایەتی، دوو ڕۆژ پشووی فەرمی لە بەڕێوەبەرایەتییەكانی پەروەردە و خوێندنگەكانی پارێزگەكە ڕاگەیاندبوو.

لە مانگی تشرینی یەكەمی ڕابردووەوە، تەوژمی خۆپیشاندان بەغدا و شارەكانی تری ناوەڕاست و باشووری عیراقی گرتۆتەوە و تێًیدا خۆپیشاندەران داوای چاكسازی و بەگژداچوونەوەی گەندەڵی و باشكردنی خزمەتگوزاری و دۆزینەوەی هەلی كاریان كرد، دواتر داواكارییان ڕوویان لە زیادبوون كرد و خۆپیشاندەران داوای گۆڕینی سیستمی حوكمڕانی و دوورخستنەوەی چینە سیاسییەكەی دوای ساڵی 2003یان كرد، لە ئەنجامی پێكداهەڵپژانی نێوان هێزە ئەمنییەكان و خۆپیشاندەرانیش، تا ئێستا زیاتر لە 300 كەس كوژراون و نزیكەی 15 هەزار كەسی تر برینداربوون.

عێراق

عیراق.. وەزیری پێشووی كارەبا بەڕێوەبەرێكی گشتی هەمان وەزارەت گەشتی دەرەوەی وڵاتیان لێ قەدەغەكرا

خەڵك – بەشی هەواڵ

سەرۆكایەتی دادگای تێهەڵچوونەوەی بەغدا / كەرخ بەشی لێكۆڵینەوە لە دۆسیەی دەستپاكی بە نووسراوی ژمارە 1264 لە 12/8/2020 كەئاڕاستەی دەزگای هەواڵگری نیشتمانی عیراقی كردووە بڕیاری ڕاگرتنی گەشتی دەرەوەی وڵاتی لە وەزیری پێشووی كارەبا و بەڕێوەبەری گشتی فەرمانگەی دارایی و ئابووری لە وەزارەتەكە دەركرد.

بەپێی نووسراوەكە، دادگای عیراق بڕیاری قەدەغەی گەشتی دەرەوەی وڵاتی دەركردووە بۆ هەریەك لە لوئەی حەمید جەواد وەزیری پێشووی كارەبای عیراق و فەلاح سەعید دلێمی بەڕێوەبەری گشتی فەرمانگەی دارایی و ئابووری لە وەزارەتی كارەبا.

بەردەوام بە لە خوێندنەوە

عێراق

چەكی زۆری بەدەستەوەیە
عیراق باس لە وەڵامدانەوەی توركیا دەكات

خەڵك- بەشی هەواڵ
وەزارەتی دەرەوەی عیراق ڕایدەگەیەنێت، وڵاتەكەی چەكی زۆری بەدەستەوەیە بۆ وەڵامدانەوەی دەستدرێژییەكانی توركیا بۆسەر خاكی عیراق.

ئەحمەد سەحاف وتەبێژی وەزارەتی دەرەوەی عیراق لە لێدوانێكیدا بۆ كەناڵی (العراقیە)ی نیمچە فەرمی ڕایگەیاند:”عیراق چەكی زۆری بەدەستەیە بۆ مامەڵەكردن لەگەڵ توركیا، لەوانە بودجەی بازرگانی كە زیاترە لە 16 ملیار دۆلاری ساڵانە، دەیان كۆمپانیای توركی لە عیراقدان، وێڕای پەیوەندییە نێودەوڵەتییەكانی و قوڵایی عەرەبی كە عیراق هەیەتی”.

بە وتەی سەحاف”ئۆپەراسیۆنێكی وەك ئەو ئۆپەراسیۆنە، دەبێتە مایەی لەقكردنی سەقامگیریی لە ناوچەكە، لەگەڵ ئەوەشدا كاتێك عیراق بەشێوازێكی دیپلۆماسی لەگەڵ ئەو دوژمنكاریی و دەستدرێژیانەدا مامەڵە دەكات، مانای ئەوە نییە كە توانای چارەسەری نییە”.

وتەبێژی وەزارەتی دەرەوەی عیراق، ئاماژەی بە بوونی هەماهەنگی نێوان وەزارەتی دەرەوە و سێ‌ سەرۆكایەتییەكەش كرد، سەبارەت بە دەستدرێژییەكانی ئەم دواییەی توركیا.

سەحاف دەڵێت”ئێمە جەخت لەسەر بنەما دەستورییەكان دەكەین كە نابێت خاكی عیراق بكرێتە ڕێڕەو بۆ دەستدرێژكردنە سەر وڵاتانی دراوسی، لەگەڵ ئەوەشدا ڕەتیدەكەینەوە خاكی عیراق بكرێتە شانۆ بۆ ئەنجامدانی ئۆپەراسیۆنە سەربازییەكان “.

دوێنێ‌ سێ‌ شەممە، فڕۆكە بێفڕۆكەوانەكانی توركیا هێرشێكیان لەسەر سنوری عیراق ئەنجامدا و لە ئاكامدا پێنج كەس شەهیدبوون كە چەند فەرماندەیەكی پاسەوانی سنوری عیراق لەنێوانیاندا بوو.

سەرۆكایەتی كۆماری عیراق، ئیدانەی هێرشەكەی توركیای كرد بۆسەر ناوچەی سیدەكان لە هەرێمی كوردستان و بە پێشێلكارییەكی مەترسیدار بۆسەر سەروەریی خاكی عیراق ناوی برد.

بەردەوام بە لە خوێندنەوە

عێراق

ملیۆنێك كرێكاری بیانی لە عیراقدا هەیە

خەڵك- بەشی هەواڵ
لیژنەی كار و كاروباری كۆمەڵایەتی لە پەرلەمانی عیراق، ئاماژە بە بوونی ملیۆنێك كرێكاری بیانی دەكات لە عیراق، جەختیش لەسەر چاوخشاندنەوە بە ژمارەی كرێكارانی بیانی و سودوەرگرتن لە دەستی كاریی ناوخۆ دەكاتەوە.

فازڵ فەتلاوی ئەندامی لیژنەی كار و كاروباری كۆمەڵایەتی لە پەرلەمانی عیراق لە لێدوانێكی ڕۆژنامەوانیدا ڕایگەیاند”خۆپیشاندان مافێكی شیاوی هەموو عیراقییەكانە بۆ دەستخستنی هەلی كار و دامەزراندن لە فەرمانگە و دامەزراوەكانی دەوڵەت و كەرتی تایبەت”، داواشی لە حكومەت كرد، گوێ‌ بۆ داواكاریی خۆپیشاندەران بگرێت و بەدەم داخوازییەكانیانیەوە بچێت.

بە وتەی فەتلاوی”ملیۆنێك كرێكاری بیانی هەن لەو كۆمپانیایانەدا كاردەكەن لە عیراق، بە كۆمپانیا نەوتییەكانيشەوە”، ئاماژەی بە 90%ی كرێكارانی بیانيش كرد كە لە كۆمپانیا نەوتییەكاندا لە عیراق كاردەكەن و فرە نەژادن.

ئەو پەرلەمانتارە دەڵێت”ئەوان كاردەكەن بۆ داڕشتنی یاسایەك كە خزمەت بە هاووڵاتی بكات، لەڕێی بەگەڕخستنی كەرتی تایبەت و زامنكردنی مافی كارمەندان بۆ دۆزینەوەی هەلی كار بۆ دەرچوان و بێكاران، وێڕای چاوخشاندنەوە بە ژمارەی كرێكارە بیانییەكان لە وڵاتدا”.

بڵاوبوونەوەی بێكاریی لەنێوان عیراقییەكاندا، هەزاران كەسی لە تشرینی یەكەمی 2019وە ناچاركردووە خۆپیشاندانی ناڕەزایی دەرببڕێت سازبكەن و داوای هەلی كار و خزمەتگوزاریی و چاكسازیی بكەن لە وڵاتدا.

بەردەوام بە لە خوێندنەوە

کوردستان