ئێمە لە تۆرە کۆمەڵایەتیەکان

ئابوری

“ناكرێت نوخبەی حكومڕانی هەرێمی كوردستان لەوپەڕی خۆشگوزەرانیدابن و زۆربەی خەڵكیش بێكار بن”

خەڵك- بەشی هەواڵ

پەسەندنەكردنی پڕۆژەیاسای چاكسازی مووچە و دەرماڵەكان نیگەرانی زۆربەی خەڵكی هەرێمی كوردستانی لێكەوتووەتەوە و پێیانوایە حكومەت جدی نییە لە جێبەجێكردنییدا، چاودێرێكی سیاسیش دەڵێت”مانەوەی ئەو دۆخە داراییە و نەبوونی پلان وایكردووە زۆربەی خەڵكی هەرێمی كوردستان دڵیان بۆ قەوارەكە خۆش نەبێت”.

عەدالەت عەبدوڵڵا، چاودێری سیاسی بە (خەڵك)ی ڕاگەیاند، جارێكی دیكە نەخشەی سیاسی لە ڕۆژهەڵاتی ناوەڕاست و ئەو وڵاتانەی بەشێك لە كوردستانیان بەركەوتووە، وێنا دەكرێتەوە و كورد بە یەك گوتار و بە یەك ئامانج لە نێو گەمەی سیاسی ناوچەكەدا نییە.

وتیشی”لە هەرێمی كوردستان بۆشاییەكی گەورە لە نێو نوخبەی سیاسی و خەڵكدا هەیە، بەرنامە و پلان بۆ ئیدارەكردنی وڵات نییە، ئەگەر بەغدا پارە نەنێرێت مووچە نییە، سەدان هەزار گەنجی بێكار هەن، لەوانەیە پێیانخۆش نەبێت عەرەب و فارس و تورك دەسەڵاتداریان بن، بەڵام بەلایانەوە گرنگ نییە قەوارەی سیاسی هەرێم دەمێنێتەوە یان نا”.

ناوبراو هەر لە قسەكان باسی لە گرنگی یەك گوتاری كورد كرد بۆ ئەم قۆناغە و ڕونیكردەوە، ئەگەر دەسەڵات بتوانێت چاكسازی بكات و خەڵك ئاشتبكاتەوە، كۆدەنگی نیشتیمانی بۆ پاراستنی ئەزمونی هەرێمی كوردستان دروست دەبێت، چونكە خەڵكی هەرێمی كوردستان خاوەنی هۆشیاریێكی زۆرن”باشترین نمونە شەڕی داعش بوو، سەرباری ئەوەی قەیران بوو، بەڵام خەڵك لە پشت بڕیاری سیاسی و سەربازی دەسەڵاتدارانەوە بوو”.

سەبارەت بەوەی ئەگەر چاكسازی نەكرێت، ئەو چاودێرە سیاسییە ئاماژەی بەوەكرد، دەبوو كابینەی نۆهەم وەك بڵاوی كردەوە مەبەستی چاكسازییە جدییەتی زیاتری بنواندایە و چاكسازی ڕاستەقینەی بكردایە، چونكە ناكرێت نوخبەی حكومڕانی هەرێمی كوردستاندا لەوپەڕی خۆشگوزەرانیدا بژین و زۆربەی خەڵكیش بێكار و ناڕازی بن.

هەر لە قسەكانیدا عەدالەت عەبدوڵڵا ئەوەی خستەڕوو، دەكرا بەرپرسانی هەرێمی كوردستان چاویان لە بەغدا بكردایە و لانیكەم مووچەی پلەباڵاكانیان هاوشێوەی بەغدا لێبكردایە”تائێستاش مووچەی پەرلەمانتارێك لە هەرێمی كوردستاندا 8 ملیۆن دینارە، بەڕاستی كارەساتە، چونكە سەدان هەزار گەنجی بێكار هەن، بودجەی وڵات و تەواوی چین و توێژەكان بۆ نوخبەیەكی دیاریكراو خەرج دەكرێت”.

ئابوری

گەنەڵ ئینێرجی: لە 2020دا 100 ملیۆن دۆلار لە حكومەتی هەرێم وەردەگرین

خەڵك – بەشی هەواڵ

كۆمپانیای گەنەڵ ئینێرجی ڕایدەگەیەنێت: سەرەڕای دواكەوتنی شایستە داراییەكانیان، بەڵام پێشبینی دەكەن لە ساڵی 2020دا نزیكەی 100 ملیۆن دۆلار وەك شایستە داراییەكانیان لە حكومەتی هەرێمی كوردستان وەربگرن.

كۆمپانیای گەنەڵ ئینێرجی كە سەرقاڵی بەرهەمهێنانی نەوت‌ و غازە لە هەرێمی كوردستان لە ڕاگەیەنراوێكدا ئاماژە بەوەدەكات: ساڵی 2019 بڕی 42 ملیۆن دۆلاریان وەك شایستە داراییەكانیان لە حكومەتی هەرێمی كوردستان وەرگرتووە‌ و بەپێی ئەو ڕێككەوتنەش كە لە نێوان هەردوولادا واژۆكراوە، پێشبینی دەكەن لە چارەكی یەكەمی ئەمساڵدا، سەرجەم شایستە داراییەكانیان لە حكومەتی هەرێمی كوردستان وەربگرنەوە.

كۆمپانیای گەنەڵ ئینێرجی جەختیشیكردووەتەوە، سەرەڕای ئەوەی لە ڕابردوودا شایستە داراییەكانیان بۆ چەند مانگێكی كەم دواكەوتووە، بەڵام ئەوان دڵنیان لەوەی كە پارەكانیان بەشێوەیەكی ڕێكوپێك لە حكومەتی هەرێمی كوردستان وەردەگرنەوە.

هەروەها گەنەڵ ئینێرجی پێشبینی دەكات، بۆ ساڵی 2020 پوختەی بەرهەمهێنانیان لە كێلگە نەوتییەكانی هەرێمی كوردستان بگاتە 35 هەزار و 400 بەرمیل نەوت لە ڕۆژێكدا، ئەوەش نزیكە لەهەمان ئەو ئاستەی كە لەساڵی 2019دا بەرهەمیان هێناوە.

ك.ج

بەردەوام بە لە خوێندنەوە

ئابوری

بەڕێوەبەرایەتییەك هەلی كار ڕادەگەیەنێت

خەڵك- بەشی هەواڵ
بەڕێوەبەرایەتی كار و ڕاهێنانی پیشەیی گەرمیان هەلی كار لە كەرتی تایبەت بە مووچەی 350 هەزار دینار ڕادەگەیەنێت.

بەڕێوەبەرایەتی كار و ڕاهێنانی پیشەیی گەرمیان لە ڕاگەیەنراوێكدا، كە وێنەی دەست (خەڵك) كەوتووە، ئاماژەی بەوەكردووە، هۆبەی كاری بەڕێوەبەرایەتیمان هەلی كاری ڕەخساندوە لەكەرتی تایبەت لە كۆمپانیای (فیردۆس) بۆ یەك كەس لە ڕەگەزی (نێر).

ڕاشیگەیاندووە، هەلی كارەكە بۆ كاری مەندوبیە و بە مووچەی (٣٥٠) هەزار دینارە و بە پێی زیاد فرۆشتنی مووچەكەی زیاد ئەكات.

جەختیشی كردۆتەوە، كاتی كار كردن (٨) كاتژمێرە بە مەرجێك دانیشتوی شاری كەلار بێت و شارەزایی كاری مەندوبی هەبێت.
أ.ح

بەردەوام بە لە خوێندنەوە

ئابوری

مووچەی سەرجەم وەزارەتەكان و خانەنشینان دابەش دەكرێت

خەڵك- بەشی هەواڵ
دوابەدوای گەیشتنی پارەی مووچە لە بەغداوە، وەزارەتی دارایی و ئابووری هەرێم خشتەی دابەشكردنی مووچەی مانگی 10ی سەرجەم وەزارەتەكان و خانەنشینانی ڕاگەیاند.

بەپێی خشتەی مووچە، كە لە وەزارەتی داراییەوە دراوە بە (خەڵك)، ئەم هەفتەیە مووچەی سەرجەم وەزارەتەكان و كەسوكاری شەهیدان و خاوەن پێداویستییە تایبەتەكان و زیندانیانی سیاسی دابەش دەكرێت.

هەر بەپێی خشتەكە، لە كۆتایی هەفتەدا مووچەی هەر سێ‌ سەرۆكایەتییەكەی هەرێم و خانەنشینانی سەربازی و مەدەنی خەرج دەكرێت.
أ.ح

بەردەوام بە لە خوێندنەوە

کوردستان