ئێمە لە تۆرە کۆمەڵایەتیەکان

جیهان

ئەردۆغان: میری قەتەڕ سەرسامی پڕۆژەكانمانە لە باكووری ڕۆژهەڵاتی سوریا

خەڵك – بەشی هەواڵ

سەرۆكی توركیا ڕایدەگەیەنێت، قەتەڕ دەبێتە پشتیوانیان لە جێبەجێكردنی ئەو پلانەی بە ناوی گەڕاندنەوەی ئاوارەكانی سوریاوە لە دژی ڕۆژئاوای كوردستان (باكووری ڕۆژهەڵاتی سوریا) دایڕشتووە.

ڕەجەب تەیب ئەردۆغان سەرۆك كۆماری توركیا لە میانی گەڕانەوەی لە قەتەڕەوە بۆ توركیا بە ڕۆژنامەوانانی ڕاگەیاند، پلانی نیشتەجێكردنی زیاتر لە دوو ملیۆن ئاوارەی سوریای لە ڕۆژئاوای كوردستان (باكووری ڕۆژهەڵاتی سوریا) بۆ تەمیم بن حەمەد ئالسانی میری قەتەڕ خستووەتەڕوو.

ئەردۆغان وتیشی: میری قەتەڕ سەرسامی پڕۆژەكانمان بوو.

سەبارەت بە ئەگەری پێشكەشكردنی كۆمەكی دارایی لەلایەن قەتەڕەوە بۆ پلانەكە، ئەردۆغان ئاشكرایكرد:”دەكرێت ئەوە لەگەڵ قەتەڕ پێكەوە جێبەجێ بكەین، هیچ ڕێگەچارەیەكی تریشمان لەبەردەستدا نییە”.

جێی ئاماژەیە، پێشتریش مەولود چاوشئۆغڵۆ وەزیری دەرەوەی توركیا ڕایگەیاندبوو، قەتەڕ پشتیوانی لە پەلامارە سەربازییەكانی وڵاتەكەی بۆ سەر ڕۆژئاوای كوردستان (باكووری ڕۆژهەڵاتی سوریا) كردووە.

جیهان

نزیكەی 325 هەزار كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2125 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2125 كەس لە ئێران تووشی ڤایرۆسی كۆرۆنا بوون و 132 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 324 هەزار و 692 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 264 كەس لە ئێران گیانیان لە دەستداوە.

بەردەوام بە لە خوێندنەوە

جیهان

بەڤیدیۆ..منداڵێكی هەژار چۆنێتی خواردنی مۆز نازانێت

خەڵك-بەشی هەواڵ

دیمەنی منداڵێكی هەژار تۆڕە كۆمەڵایەتییەكانی تەنیوە.
تۆڕی سپوتنیك بڵاویكردەوە، تۆمارێكی ڤیدیۆیی منداڵێكی هەژار بەناوی عوسمان كە نازانێت مۆز بخوات تۆڕە كۆمەڵایەتییەكانی تەنیوە.
لە تۆمارەكەدا، منداڵە هەژارەكە لە سەرەتادا نازانێت مۆزەكە چۆن بخوات و لە سەرەتادا دەیەوێت پێستەكەی بخوات.
بەكارهێنەرانی تۆڕە كۆمەڵایەتییەكان هەڵوێستی جۆراوجۆریان لەبارەی تۆمارەكەوە بڵاوكردووەتەوە و هەندێكیان ئاماژە بۆ ئەوە دەكەن، ئەوان زۆر كاریگەر بوون بە ڤیدیۆكە و ئەمەش كاریگەری درووستبوونی چینە كۆمەڵایەتییەكانە لە ئێران و خراپ بەكارهێنانی دەسەڵات لەلایەن بەرپرسانی ئێرانەوەیە.
بەشێكی دیكەش پێیان وایە، بڵاوكردنەوەی ئەم جۆرە تۆمارە ڤیدیۆییانە بۆ منداڵێكی هەژار باش نییە و ئەو منداڵەی پێ دەشكێت و بابەتێكی نامرۆڤانەیە.

بەردەوام بە لە خوێندنەوە

جیهان

تووشبوون بەکۆرۆنا نزیک دەبێتەوە لە ٢٠ ملیۆن کەس

خەڵک – بەشی هەواڵ

 

بەپێی نوێترین ئامار، زیاتر لە١٩ ملیۆن و ٥٤٨ هەزار تووشبووی کۆرۆنا لەجیهاندا تۆمارکراون.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ١٩ ملیۆن و ٥٤٨ هەزار تووشبووی ڤایرۆسی کۆرۆنای نوێ تۆمارکراون.

 

هەر بەپێی ئەو ئامارە، لەوماوەیەدا  زیاتر لە١٢ملیۆن و ٥٤٩ هەزار کەس چاکبوونەتەوە، کە لەبەرامبەردا زیاتر لە ٧٢٤ هەزار کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

کوردستان