ئێمە لە تۆرە کۆمەڵایەتیەکان

جیهان

ڕوسیا گومانی لە نەتەوە یەكگرتووەكان هەیە لەبارەی سوریاوە

خەڵك – بەشی هەواڵ

وەزیری دەرەوەی ڕوسیا ڕایدەگەیەنێت، مەترسی دەستتێوەردان و سەپاندنی چارەسەری دەرەكی بەسەر سوریا لە ئارادایە.

سێرگی لاڤرۆڤ وەزیری دەرەوەی ڕوسیا ڕایگەیاند، مەترسی دەستتێوەردان و سەپاندنی چارەسەری دەرەكی بەسەر سوریا لە ئارادایە، بە پێویستیشی زانی نەتەوە یەكگرتووەكان و لە نێویشیاندا گیر بیدرسۆن نوێنەری تایبەتی سكرتێری گشتی نەتەوە یەكگرتووەكان بۆ سوریا ئەو هەوڵانە پووچەڵ بكاتەوە و بە توندی بەرپەرچیان بداتەوە.

سێرگی لاڤرۆڤ بەدووریشی نەزانی لە كۆتایی ئەمساڵدا لەگەڵ گیر بیدرسۆن كۆببێتەوە و دووپاتیشیكردەوە، پێویستە بیدرسۆن پابەندی ئەو ئەركە بێت كە پێی سپێردراوە و ڕێگە نەدات دەستتێوەردانی دەرەكی لە لیژنەی نووسینەوەی دەستووری سوریا بكرێت.

وەزیری دەرەوەی ڕوسیا ئاماژەی بەوەشدا، زۆر گرنگە ئەو دەستتێوەردانە لە نووسینگەی نوێنەری نەتەوە یەكگرتووەكانەوە نەبێت، هەروەك پێویستیشە هاوسەنگی لە نێوان كادرانی نووسینگەی نوێنەری نەتەوە یەكگرتووەكان هەبێت.

جیهان

ئێران ڕوونکردنەوە لەبارەى تەقینەوەکەی باکووری ڕۆژهەڵاتی ئێران دەدات

خەڵک – بەشی هەواڵ

 بە پێی ڕاپۆرتی ئاژانسی هەواڵی مێهر، ئاگر لە مەخزەنی مەیعاناتی گازی کارگەی پێترۆ نەوتی شارۆچکەی پیشەسازی کاویان فەریمان لە باکووری ڕۆژهەڵاتی ئێران کە ناوچەیەکی زۆر گەرمە لەم وەرزەدا بەربوو.

ئەگەرچی هەندێ میدیا مانشێتی ئەم هەواڵەیان وا نووسیبوو کە تەقینەوە لە ناوچەیەکی پیشەسازی ئێران ڕوویدا، بەڵام ئەو دەنگۆیە ڕاست نەبوو و ئاگرکەوتنەوە بووە، کە دواتر ئاگرەکە گەیشتووەتە تەنکەرەکان .

بەرپرسی ئاگرکوژێنەوەی ئەو شارۆچکە پیشەسازیە وتی: ئاگرکەوتنەوە لە مەخزەنەکان (تەنکەر)ی مەیعاناتی گازی ئەو کارگایە بووە هۆی ئەوەی، لەو شەش تەنکەرە کە ئاگری تێچووبوو، یەکیان بتەقێت.

جەواد جەهان دۆست ڕایگەیاند: ئەو ئاگرکەوتنەوەیە هیچ خەسارێکی گیانی نەبووە و کەمێک خەسار بەر کارگەکە کەوتووە.

بەردەوام بە لە خوێندنەوە

جیهان

چاکبوونەوە لەکۆرۆنا نزیکدەبێتەوە لە ٨ ملیۆن کەس

خەڵک – بەشی هەواڵ

 

بەپێی نوێترین ئامار،زیاتر لەحەوت ملیۆن و ٧٠٩ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا نزیکی ١٣ملیۆن و ٢٤٣ هەزار کەس تووشی ڤایرۆسی کۆرۆنای نوێ بوون.

 

هەر بەپێی ئەو ئامارە، لەوماوەیەدا زیاتر لەحەوت ملیۆن و ٧٠٩هەزار کەس چاکبوونەتەوە، کە لەبەرامبەردا زیاتر لە ٥٧٥ هەزار  کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

جیهان

زانایانی بەریتانیا؛ ڤایرۆسی كۆڤید19 بەڕێژەی 97% لە كۆرۆنای شەمشەمەكوێرە دەچێت

خەڵك – تەندروستی

زانایانی پەیمانگای فرانسیس كریك لە بەریتانیا ڕایدەگەیەنن، ڤایرۆسی كۆرۆنا لە یەكگرتنی چەند ڤایرۆسێكەوە بووە و دواتر گۆڕاوە بۆ یەك ڤایرۆس، دەشڵێن،” ڤایرۆسی كۆرۆنا زۆر نزیكە لە ڤایرۆسی كۆرۆنای شەمشەمەكوێرە و ڕێژەی لێكچوونی ئەو دوو ڤایرۆسە لە 97%”.

تیمێكی زانایانی پەیمانگای فرانسیس كریك لەبەریتانیا لێكۆڵینەوەیەكی نوێیان لەبارەی ڤایرۆسی كۆرۆنا ئەنجامدا لە پێناو باشتر تێگەیشتن لەچۆنیەتی پەرەسەندنی ئەو ڤایرۆسە و هۆكاری بڵاوبوونەوەی بەئاسانی بەجیهاندا و ئاماژەیان بەوەكردووە، كە ئەوان لەو بڕوایەدان ڤایرۆسی كۆرۆنا بەهۆی یەكگرتنی چەند ڤایرۆسێكەوە بووبێت و دواتر گۆڕاوە بۆ یەك ڤایرۆس.
ڕاشیانگەیاندووە، ڤایرۆسی كۆرۆنا هاوشێوەی ڤایرۆسەكانی دیكە پرۆتینی هەیە، كە یارمەتی دەدات بچێتە نێو خانەكانی مرۆڤەوە، بۆیە ڤایرۆسی كۆرۆنا زۆر نزیكە لە ڤایرۆسی كۆرۆنای شەمشەمەكوێرە و ڕێژەی لێكچوونی ئەو دوو ڤایرۆسە 97%.
زانایانی بەریتانیا بۆیان دەركەوت پرۆتینی ڤایرۆسی كۆرۆنا زیاتر سەقامگیرە بەراورد بەڤایرۆسی شەمشەكوێرە و ئەوەش وادەكات توانای لكاندنی بەخانەكانی مرۆڤەوە نزیكەی هەزار جار زیاتر بێت لەتوانای لكاندنی ڤایرۆسی شەمشەكوێرە.

ئەمە لەكاتێكدایە، دوای بڵاوبوونەوەی ڤایرۆسی كۆرۆنا لەسەرتاسەری جیهان، زانایان و پسپۆڕان هەموو هەوڵێكیان چڕكردۆتەوە بۆ لێكۆڵینەوە لەو ڤایرۆسە بۆ ئاشكراكردنی نهێنیەكانی و بنبڕكردنی كە تائێستا بەهۆی ئەو ڤایرۆسەوە سەدان هەزار كەس گیانیان لەدەستداوە.

بەردەوام بە لە خوێندنەوە

کوردستان