ئێمە لە تۆرە کۆمەڵایەتیەکان

ژینگە

لەسەر ڕاوكردن دوو هاووڵاتی دەستگیر كران

خەڵك- بەشی هەواڵ

پۆلیسی دارستان و ژینگەی سلێمانی ڕایدەگەیەنێت، لە پێناو پارێزگاری كردن لە ئاژەڵ و بأڵندە كێویەكان و ڕێگری كردن لە بڕینی داری دارستانەكان مەفرەزەكانیان بەردەوام لە هەوڵ و ماندوبووندان بۆ دەستگیركردنی سەرپێچیكاران و بۆ ئەو مەبەستە لە سنوری دەربەندیخان (2) ڕاوچی دەستگیركران.

هێمن كمرخان ئەفندی، بەڕێوەبەڕی ڕاگەیاندن لە بەڕێوبەرایەتی پۆلیسی دارستان و ژینگەی سلێمانی بۆ (خەڵك) ڕایگەیاند، لە ئەنجامی گەڕان و پشكنینی سنوری چالاكیان مەفرەزەیەكی بەشی پۆلیسی دارستان و ژینگەی دەربەندیخان توانیان لە ناو شاری دەربەندیخان (٢) هاووڵاتی بە تۆمەتی ڕاوكردنی باڵندەی كێوی دەستگیر بكەن.

ڕاشیگەیاند، توانرا دەستبگرن بەسەر چەكی جۆری (بادی، لایت)ێك كە بۆ ڕاوكردن بەكاریان هێنابوو، دواتر سەرپێچیكاران ڕوبەڕووی یاسا كرانەوە.

ئاشكراشی كرد، لە سنوری گوندی (كانی خدر)ی سەر بە ماوەت لە ئەنجامی گەڕان و پشكنینی سنورەكەیان مەفرەزەكان توانیان دەست بگرن بەسەر (٩) داری بڕاوە و چەند كەلوپەلێكی داربڕینەوە، كە پێكهاتبوون لە (٢) مشاری كارەبایی (٢) تەورداس ویەك تەور و تەواوی ئەو كەلوپەلانەی بۆ بڕینەوەی دارەكان بەكارهێنرابوون.

جەختیشی كردەوە، پێش گەیشتنی مەفرەزەكە تۆمەتبارەكان هەڵاتبوون و شوێنەكانیان بەجێهێشتبوو، بۆیە لێكۆڵینەوە و بەدواداچوون بۆ دۆزینەوەی ناسنامەی سەرپێچیكاران بەردەوامە

ژینگە

وەرزی بارانبارینی ئەمساڵ چۆن دەبێت؟
پێشبینییە كەشناسیيەكان لەبارەی شەپۆلی گەرما و بارینی بەفر دەخرێنەڕوو

خەڵك- بەشی هەواڵ
بەپێی ڕاپۆرتە كەشناسییەكان، هیچ شەپۆلێكی گەرمای توندی هاوشێوەی شەپۆلەكەی كۆتایی مانگی ڕابردوو عیراق و هەرێم ناگرێتەوە و پلەكانی گەرما ڕوو لە دابەزین دەكەن و شارەزایەكی كەشناسی-ش دەڵێت: “دەنگۆی بەفربارین ڕاست نییە”.

بەپێی ڕاپۆرتێكی كەشناسی هەرێم، پلەكانی گەرما ڕوو لە دابەزین دەكەن و ئەگەری هەیە ئەمڕۆ باران لە چەند ناوچەیەكی شاخاوی دهۆك و هەولێر ببارێت.

ڕوونیشی كردۆتەوە، هەر ئەمڕۆ بارستە هەورێكی گەورە لە ئاڕاستەی ڕۆژئاوای هەولێر و لەكاتێكی ناوازەی ئێستای هاویندا ئاسمانی پایتەختی گرتۆتەوە.

لای خۆشیەوە، محەمەد كەمال، شارەزای كەشناسی بۆ (خەڵك) ڕایگەیاند، هاوینی ئەمساڵ كۆتایی بە شەپۆلەكانی گەرمای توند هاتووە، ئەگەری شەپۆلی گەرمای توندی هاوشێوەی پێش شەپۆلەكەی جەژنی قوربان ناوچەكەمان ناگرێتەوە و پلەكانی گەرمی بەم شێوەیەی ئەمڕۆ و هەندێك ڕۆژیش چەند پلەیەك دادەبەزێت.

سەبارەت بە دەنگۆی سەرما و بەفربارین لەم مانگەدا، كە لە تۆڕە كۆمەڵایەتییەكان هەیە، وتی، “دەنگۆی بەفربارین و سەرما لەم مانگەدا واتە مانگی هەشت (ئاب) لە ناوچە كوێستانییەكان ڕاست نییە و ئەوەی هەیه ناوچە شاخاوییە بەرزە سنورییەكان ئەگەری هەندێ بەفری كەم هەیە، ئەمەش لەساڵانی ڕابردوودا هەر هەبووە و كارناكاتە سەر دابەزینی پلەكانی گەرمی لەم مانگەدا”.

سەبارەت بەوەی وەرزی بارانبارینی ئەمساڵ چۆن دەبێت؟ ئەو شارەزا كەشناسییە وتیشی، “پێشبینی كەشوهەوا تەنها هەفتەیەك تا 10 ڕۆژە، ئەو زانیارییانەی بۆ وەرزی باران بارینی ئەمساڵ بڵاودەكرێنەوە، وشكەساڵی یان بارانی زۆر تەنها بۆچوونە و هیچ بنەمایەكی زانستییان نییه، لە مانگی ئەیلول واتە (9) نیشانەیەك بۆ چۆنییەتی وەرزی بارانبارین دەردەكەوێت، ئەو نیشانەیەش بە ڕێژەی 30% زیاتر نییە”.

بەردەوام بە لە خوێندنەوە

ژینگە

كەشناسی: لە هەندێك ناوچە باران دەبارێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێمی كوردستان كەشوهەوای ئەمڕۆ و سبەینێی شارەكانی هەرێمی بڵاوكردەوە و ڕایدەگەیەنێت، پلەكانی گەرما بەرز دەبنەوە.

بەپێی پێشبینییەكانی كەشناسی، ئەمڕۆ چوار شەممە ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان.

هەر بەپێی پێشبینییەكان، سبەینێ پێنج شەممە، هەیە ئاسمان ساماڵ دەبێت و پاشان دەگۆڕێت بۆ نیمچە هەور و پلەكانی گەرماش بەرز دەبنەوە.

بەردەوام بە لە خوێندنەوە

ژینگە

باران بارین لە هەرێمی كوردستان دەستپێدەكات

خەڵك- بەشی هەواڵ
سەرەڕای ئەوەی نزیكەی یەك مانگ و نیوی ماوە بۆ وەرزی پاییز، بەڵام بەپێی پێشبینییە كەشناسییەكان سبەینێ‌ لە چەند ناوچەیەكی هەرێم باران دەبارێت.

بەپێی ڕاپۆرتێكی كەشناسی هەرێم، سبەینێ چوار شەممە، ئاسمان ساماڵ دەبێت و پەڵە هەوریش دەردەكەوێت و لە دهۆكیش ئەگەری بارینی نمە باران بەتایبەت لە ناوچە شاخاوییەكان هەیە و پلەكانی گەرماش نزم دەبنەوە.

لای خۆشیەوە، محەمەد كەمال، شارەزای كەشناسی بۆ (خەڵك) ئاماژەی بەوەكرد، پێشبیینی دەكرێ سبەینێ‌ بەهۆی كاریگەری نزمە پەستانێكی لاواز لەسەر ناوچەكانی كوردستانی باكور و داخڵ بوونی بەشێكی هەورەكە و درووست بوونی هەوری ناوخۆیی لە ناوچە شاخاویەكانی هەردوو پارێزگای هەولێر و دهۆك ئەگەری بڕێك باران و هەورە تریشقە هەیە.

ڕاشیگەیاند، پلەكانی گەرما لەسەرجەم ناوچەكان بەبڕی جیاواز دادەبەزن و دواتر بەچەند پلەیەكی كەم بەرزدەبنەوە.

بەردەوام بە لە خوێندنەوە

کوردستان