ئێمە لە تۆرە کۆمەڵایەتیەکان

کوردستان

لە سێ‌ میحوەرەوە توركیا هێرشی بۆ سەر هەسەدە دەستپێكردەوە

خەڵك- بەشی هەواڵ
هێزەكانی سوریای دیموكرات (هەسەدە) ڕایدەگەیەنێت، كە سوپای توركیا و چەكدارە توندڕەوەكان لە سێ‌ میحوەرەوە هێرشیان بۆ سەر عەین عیسا دەستپێكردووە و دەشڵێت: “هێزەكانی ڕوسیا ئاگادارن و هیچ ڕێگریەك ناكەن”.

هێزەكانی سوریای دیموكرات لە ڕاگەیەنراوێكدا ئاماژەی بەوەكردووە، سوپای داگیركەری توركیا و چەكدارە توندڕەوەكانی ناسراو بە سوپای نیشتمانی هێرشێكی توندیان كردۆتە سەر شاری عەین عیسا و لە سێ‌ میحوەرەوە بە پاڵپشتی بۆردومانی ئاسمانی و زەمینی شەڕ بەردەوامە.

ڕاشیگەیاندووە، كە هێزەكانمان توانیویانە بەرپەرچی هێرشەكان بدەنەوە و لە ئێستادا لە عەین عیسا شەڕێكی قورس بەردەوامە.

هەسەدە ڕای گشتی ئاگادار كردۆتەوە، كە “ئەو هێرشانە بە بەرچاوی سوپای ڕوسیاوە ئەنجام دەدرێن و تا ئێستا بێدەنگن و هیچ كارێكیان نەكردووە بۆ ئەو داگیركارییە سەرشێتانەیە لەكاتێكدا بوونی ئەوان بۆ گرنتی كردنی ڕوونەدانی شەڕ و ئاگربەستە.

جەختیشی كردۆتەوە، كە گوێ‌ پێنەدانی هێزەكانی ڕوسیا بەو هێرشانە و هەڵنەستانیان بە ڕۆڵی خۆیان چەندین گومان دروست دەكات لای هێزەكانمان، كە ئەو ناگونجێت لەگەڵ ڕۆڵی ڕوسیا لەكاتێكدا ئەوان بۆ گرنتی كردنی چارەسەی سیاسی لە سوریا لەوێن.

کوردستان

هاتووچۆی سۆران بۆ ماوەی یەك هەفتە دەوام و مامەڵە ڕادەگرێت

خەڵك – بەشی هەواڵ
بەڕێوەبەرایەتی هاتووچۆی سۆران لە سبەینێوە بۆ ماوەی یەك هەفتە دەوام ڕادەگرێت.

ئەمڕۆ شەممە، بەڕێوەبەرایەتی هاتووچۆی سۆران لە ڕاگەیەندراوێكدا داوای لە هاووڵاتییان كرد لە سبەینێوە سەردانی بەڕێوەبەرایەتییەكەیان نەكەن بۆ ڕاییكردنی مامەڵەكانیان، هۆكارەكەشی بۆ گواستنەوەی بەڕێوەبەرایەتییەكە بۆ بینای نوێ گەڕاندەوە.

دەقی راگەیەندراوکە:
ئاگاداری هاووڵاتییانی خۆشەویست دەکەینەوە کە لە بەیانی رۆژی یەکشەممە ڕێکەوتی ١٢ / ٧ / ٢٠٢٠ تاکو رۆژی یەکشەممەی داهاتوو ڕێکەوتی ١٩/ ٧ / ٢٠٢٠ بە هیچ شێوەیەک سەردانی بارەگای بەڕێوەبەرایەتی هاتووچۆی سۆران نەکەن چونکە بۆ ماوەی یەک هەفتە رایکردنی مامەلەی سەرجەم هاووڵاتییان لە بەرێوەبەرایەتیەکەمان رادەگیرێت بە هۆی گواستنەوەی بارەگای بەرێوەبەرایەتیەکەمان بۆ باڵەخانەی (بینای) نوێی، وەک دەرکردن و نوێکردنەوەی مۆڵەت ، پشکنینی ئۆتومبێل ، هتد… ، بۆیە داوا لەو هاووڵاتییانە دەکەین کە کاری مامەڵەی نوێکردنەوە و دەرهێنانی مۆڵەت ، پشکنینی ئۆتۆمبێل ، تاقیکردنەوەی میکانیک ـ تورای رەمپە ، گەراج ، ناوشار ـ خولی وانەگوتنەوەی مۆڵەت یان هەر مامەڵەیەکی تریان لە بەرێوەبەرایەتی هاتووچۆی سۆران بە سەرجەم بەش و هۆبەکان هەیە لە بەیانی رۆژی یەکشەممە ١٢ / ٧/ ۲۰۲۰ تاکورۆژی یەکشەممەی داهاتوو ١٩ / ٧ / ۲۰۲۰ بەڕێکردنی مامەڵەی هاووڵاتییان رادەگیرێت بە هەموو شێوەیەک بۆیە لەماوەی دیارکراو سەردانی بەرێوەبەرایەتیەکەمان نەکەن.

بەردەوام بە لە خوێندنەوە

کوردستان

تووشبوویەكی دیكەی كۆرۆنا لە گەرمیان گیانی لە دەست دا

خەڵك – بەشی هەواڵ
ئەمڕۆ شەممە، تووشبوویەكی پەتای كۆرۆنا لە گەرمیان گیانی لە دەست دا.

ئەو هاووڵاتییە ئەفسەر بوو لە پۆلیسی نەوت و گازی گەرمیان و تەمەنی 40 ساڵە.

لە ماوەی 12 كاتژمێری ڕابردوودا ئەمە سێیەم حاڵەتی مردنی تووشبووانی كۆرۆنایە كە لە گەرمیان تۆمار كرابێت.

شەویش ڕابردووش دوو تووشبوو كە تەمەنیان 40 و 50 ساڵ بوو، لە گەرمیان گیانیان لە دەست دا.

ئەمڕۆش قایمقامیەتی شارۆچكەی سەیدسادق گیانلەدەستدانی تووشبوویەكی كۆرۆنای ڕاگەیاند.

بەردەوام بە لە خوێندنەوە

کوردستان

ژووری ئۆپەراسیۆنی گەرمیان شەش بڕیاری دەركرد

خەڵك – بەشی هەواڵ
ئیدارەی گەرمیان بڕیاری دا لە سبەینێوە بە لەبەرچاوگرتنی ڕێكارە تەندروستییەكان، دەوامی فەرمانگە و دامودەزگا حكومییەكان دەستپێبكاتەوە.

ئەمڕۆ شەممە، ژووری ئۆپەراسیۆنی ئیدارەی گەرمیان كۆبووەوە و ئەم شەش بڕیاری دەربارەی ڕێخستنەوەی دەوام و كردنەوەی بازاڕەكان لە دۆخی كۆرۆنادا دەركرد :

1-ده‌وامی فه‌رمانگه‌ و داموده‌زگاكانی حكومه‌تی هه‌رێم له‌ سبه‌ینێ (12/7/2020) وه‌ به‌ له‌به‌رچاوگرتنی خۆپارێزی و شێوازی ته‌ناوبی ده‌وام به‌ڕێژه‌ی 30% ی فه‌رمانبه‌ران ده‌ستپێده‌كات و هه‌فتانه‌ له‌ رۆژی یه‌كشه‌مه‌ تا چوارشه‌ممه‌ ده‌وام ده‌كرێت، هه‌ر هاوڵاتیه‌كیش كه‌ سه‌ردانی فه‌رمانگه‌كان ده‌كات رێكاری خۆپارێزی نه‌گرێته‌به‌ر مامه‌ڵه‌كه‌ی راییناكرێت.

2-كردنه‌وه‌ی بازاڕ و شوێنه‌ گشتییه‌كان و ماركێت و كافتریا و چێشتخانه‌ و چایخانه‌ و هۆڵه‌كانی له‌شجوانی و مه‌له‌وانگه‌ و سه‌رجه‌م شوێنی كاره‌كان، به‌ گرتنه‌به‌ری رێكاری توندی خۆپارێزی، هه‌ر شوێنێكیش خۆپارێزی نه‌كات داده‌خرێت، بۆ ئه‌و مه‌به‌سته‌ش لیژنه‌كانی چاودێری ته‌ندروستی و قایمقامیه‌ته‌كان چاودێری ورد ده‌كه‌ن.

3-مزگه‌وت و شوێنه‌ ئاینییه‌كان و پرسه‌ و هۆڵ و جێگای بۆنه‌ی كۆمه‌ڵایه‌تی به‌ داخراوه‌یی ده‌مێننه‌وه‌.

4-هاتوچۆی هاوڵاتیان و گه‌شتیاران له‌ نێوان ئیداره‌ی گه‌رمیان و پارێزگاكانی عێراق و مه‌رزی په‌روێزخان، به‌ داخراوه‌یی ده‌مێنێته‌وه‌.

5-ده‌سه‌ڵاتی ته‌واو ده‌درێت به‌ قایمقامه‌كان به‌ له‌به‌رچاوگرتنی بارودۆخی سنوری یه‌كه‌ی ئیدارییان بڕیاری زیاتر ده‌ربكه‌ن.

6-ژووری ئۆپه‌راسیۆنی ئیداره‌ی گه‌رمیان داوا له‌ هاوڵاتیانی خۆشه‌ویستی سنوره‌كه‌ ده‌كات بارودۆخی مه‌ترسیداری گه‌رمیان له‌به‌رچاوبگرن و خۆپارێزی بكه‌ن، ئه‌وه‌ش له‌ پێناو پاراستنی ته‌ندروستی خۆیان و هاوڵاتیان.

بەردەوام بە لە خوێندنەوە

کوردستان