ئێمە لە تۆرە کۆمەڵایەتیەکان

کوردستان

سبەینێ‌ پەرلەمانی كوردستان كۆدەبێتەوە

خەڵك – بەشی هەواڵ
پەرلەمانی كوردستان ئەمڕۆ دانیشتنی ئاسایی خۆی ئەنجامدا و كۆمیسیۆنی سەربەخۆی هەڵبژاردنەكان ئامادەكارییەكان و پڕۆسەی نوێكردنەوەی تۆماری دەنگدەرانی بۆ پەرلەمانتاران ڕوونكردەوە.

پەرلەمانی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، كاتژمێر 10ی بەیانی ئەمڕۆ 9ی تەمموز پەرلەمانی كوردستان بەسەرۆكایەتی د.جەعفەر ئیبراهیم ئێمینكی، جێگری سەرۆكی پەرلەمانی كوردستان و بێگەرد دڵشاد تاڵەبانی، سكرتێری پەرلەمان، دانیشتنی ژمارە (4)ی ئاساییی خولی بەهارە، ساڵی پێنجەم لە خولی چوارەمی هەڵبژاردنی ئەنجامدا.

ئەوەشخراوەتەڕوو، بەپێی خاڵی سێیەمی بەرنامەی كار داوای لە هەندرێن محەمەد، سەرۆكی كۆمیسیۆنی سەربەخۆی هەڵبژاردنەكان و ڕاپرسی كرد ڕوونكردنەوەكانی كۆمیسیۆن سەبارەت بەهەڵبژاردنەكانی هەرێمی كوردستان بخاتەڕوو.

لە ڕاگەیەنراوەكەدا هاتووە، “كۆتا خاڵی بەرنامەی كاری دانیشتنەكەی ئەمڕۆ، كە تایبەت بوو بە گفتوگۆكردنی پڕِۆژەی پەیڕِەوی ناوخۆی پەرلەمانی كوردستان دواخرا بۆ كاتژمێر 11ی پێشنیوەڕۆی سبەی 10/7/2018”.

دەقی ڕاگەیەنراوەكە:
سەعات 10ی بەیانی ئەمڕۆ 2018/07/09، پەرلەمانی كوردستان بەسەرۆكایەتیی د.جەعفەر ئیبراهیم ئێمینكی، جێگری سەرۆكی پەرلەمانی كوردستان و بێگەرد دڵشاد تاڵەبانی، سكرتێری پەرلەمان، دانیشتنی ژمارە (4)ی ئاساییی خولی بەهارە، ساڵی پێنجەم لە خولی چوارەمیمی هەڵبژاردنی ئەنجامدا.
سەرەتا جێگری سەرۆكی پەرلەمان، بەرنامەی كاری دانیشتنەكەی خوێندەوە كە لە چوار خاڵ پێكهاتبوو، خاڵی یەكەم بریتی بوو لەبەردەوامبوون لەسەر خوێندنەوەی بیرۆكەیەك سەبارەت بە (كێشەی بەبازاڕكردنی بەرهەمی جووتیاران)، خاڵی دووەمیش بریتی بوو لە خوێندنەوەی یەكەمی سێ پرۆژە یاساو بریار كە پێكهاتبوون لە پڕۆژە یاسای هەمواری یاسای بەكرێدانی خانووبەرە ژمارە 87ی ساڵی 1979 هەمواركراو لەهەرێم و پرۆژە یاسای هەمواری یاسای ژمارە 3ی ساڵی 2012 رێگا گشتییەكانی هەرێم و پرۆژە بریاری تەملیككردنی ئەو زەوییانەی زێدەڕۆییان لەسەر كراوە لەسنووری شارەوانییەكان. خاڵی سێیەمیش بریتی بوو لە گفتوگۆیەكی كراوە سەبارەت بەهەڵبژاردنەكانی هەرێمی كوردستان بەئامادەبوونی بەرێزان ئەندامانی دەستەی كۆمیسیۆنی سەربەخۆی هەڵبژاردنەكان و راپرسی. خاڵی چوارەم و كۆتاییش تایبەتبوو بە گفتوگۆكردنی پڕِۆژەی پەیڕِەوی ناوخۆی پەرلەمانی كوردستان، كە لەلایەن لیژنەی كاتی بۆ پێداچوونەوەی پەیڕەوی ناوخۆ ئامادەكراوە.
لەدەسپێكی دانیشتنەكەدا خاتوو بێگەرد دڵشاد تاڵەبانی، سكرتێری پەرلەمان پوختەی كارەكانی دانیشتنی پێشووی پەرلەمانی كوردستانی خستەڕوو.
دواتر د.جەعفەر ئیبراهیم ئێمینكی، جێگری سەرۆكی پەرلەمانی كوردستان بەرنامەی كاری دانیشتنەكەی خستەڕوو، بەپێی خاڵی یەكەمی بەرنامەی كار، لەلایەن پەرلەمانتار غەریب مستەفا، جێگری سەرۆكی لیژنەی كشتوكاڵ بیرۆكەیەك سەبارەت بە كێشەی بەبازاڕكردنی بەرهەمی جووتیاران بۆ پەرلەمانتاران خوێندرایەوە، كەتێیدا باس لەبەربەست و گرفتەكانی بەردەم بەبازاڕكردنی بەرهەمە خۆماڵییەكان كرا.
خاڵی دووەمیش بریتی بوو لە خوێندنەوەی یەكەمی سێ پڕۆژەیاسا و بڕیار كە پێكهاتبوون لە پڕۆژە یاسای هەمواری یاسای بەكرێدانی خانووبەرە ژمارە 87ی ساڵی 1979 هەمواركراو لەهەرێم و پڕۆژە یاسای هەمواری یاسای ژمارە 3ی ساڵی 2012 رێگا گشتییەكانی هەرێم و پڕۆژە بریاری تەملیككردنی ئەو زەوییانەی زێدەڕۆییان لەسەر كراوە لەسنووری شارەوانییەكان و لیژنەی یاسایی خوێندنەوەی بۆ هەرسێ پڕۆژەكە ئەنجامداو لەلایەن سەرۆكایەتیی پەرلەمانیشەوە ئاراستەی لیژنەی یاسایی و لیژنە پەیوەندیدارەكان كرا بۆ ئەنجامدانی رێككارە یاساییەكانی.
پاشان جێگری سەرۆكی پەرلەمان بەپێی خاڵی سێیەمی بەرنامەی كار داوای لە هەندرێن محەمەد، سەرۆكی كۆمیسیۆنی سەربەخۆی هەڵبژاردنەكان و راپرسی كرد روونكردنەوەكانی كۆمیسیۆن سەبارەت بەهەڵبژاردنەكانی هەرێمی كوردستان بخاتەڕوو. سەرۆكی كۆمیسیۆنی سەربەخۆی هەڵبژاردنەكان و راپرسی لەروونكردنەوەكانیدا چۆنیەتیی نوێكردنەوەی تۆماری دەنگدەران و پرۆسەكانی ئامادەكاری بۆ هەڵبژاردنەكان و چۆنیەتیی رێكخستنەوەی ناوەندەكانی تۆماری دەنگدەرانی بۆ پەرلەمان خستەڕوو. دوای تەواوبوونی روونكردنەوەكانی سەرۆكی كۆمیسیۆن، لەلایەن بەشی كارگێڕیی كۆمیسیۆنەوە لەرووی تەكنیكییەوە زانیاری لەبارەی چۆنیەتیی پاككردنەوەی تۆماری دەنگدەران و نوێكردنەوەی بۆ پەرلەمانتاران باسكران.
دواتر جێگری سەرۆكی پەرلەمان دەرگای گفتوگۆی بەڕووی پەرلەمانتاران كردەوەو چەندین پرسیارو تێبینی لەبارەی پرۆسەی دەنگدان و تۆماری دەنگدەران و وردەكارییەكانی دیكەی پەیوەست بەدەنگدەران ئاراستەی ئەندامانی دەستەی كۆمیسیۆنی سەربەخۆی هەڵبژاردنەكان و راپرسی كران و لەوەڵامیشدا روونكردنەوەی پێویست بۆ تێبینی و پرسیارەكانی پەرلەمانتاران درانەوە.
لەوبارەیەشەوە جێگری سەرۆكی پەرلەمان سوپاسی هەوڵ و ماندووبوونەكانی دەستەی كۆمیسیۆنی سەربەخۆی هەڵبژاردنەكان و راپرسی كرد و داواشی لێكردن دوای ئەنجامدان و تەواوكردنی كارەكانی پرۆسەی دەنگدان، راپۆرتی تایبەت بەپرۆسەكە پێشكەشی پەرلەمان بكەن و هەروەها راپۆرتی پێشووی ساڵانەش بدرێتە پەرلەمانتاران. بەمشێوەیە كۆتایی بەدانیشتنەكەی پەرلەمان هاتوو كۆتا خاڵی بەرنامەی كاری دانیشتنەكە كە تایبەتبوو بە گفتوگۆكردنی پڕِۆژەی پەیڕِەوی ناوخۆی پەرلەمانی كوردستان دواخرا بۆ سەعات 11ی پێشنیوەڕۆی سبەی 10/07/2018.

کوردستان

كەنەكە مەترسیی گەورە لە سەر رۆژئاوا و باشووری كوردستان ئاشكرا دەكات

خەڵك- بەشی هەواڵ

كۆنگرەی نەتەوەیی كوردستان كەنەكە رایگەیاند “سەرۆككۆماری توركیە، ڕەجەب تەیب ئەردۆغان، پاش ئەوەی كە لەگەڵ شەریكەكانی، باغچەلی و ئەرگەنەكۆن، ڕاوێژكاری كرد، فەرمانی دا كە هەر لە كۆبانی و گرێسپییەوە بگرە هەتا سەرێكانی و دێرك، واتە هەموو ڕێڕەو‌ی ژێر هێڵی قەتار، بخاتە ژێر كۆنتڕۆڵی خۆیەوە. ئامانجیان ئاشكرایە؛ دەیانهەوێت ئیدارەی خۆسەری ڕۆژئاوای كوردستان هەڵوەشێنن. دەوڵەتی تورك نایهەوێت گەلی كورد لەگەڵ هاوڵاتیانی لە وڵاتی خۆیدا بە ئازادی بژی. لەم بوارەدا، ئێران و هاوپەیمانانی حاكمی لە بەغدا و شام یارمەتیدەرین. خاڵی هاوبەشیان ئاستەنگكردنی ڕێی كوردانە”.

كەنەكە لە بەیاننامەیەكدا رونیكردەوە “هەوڵدانێكی بەم شێوەیە هەموو دەستكەوتەكانی گەلی كوردستان دەخاتە بن مەترسییەكی گەورەوە و هیچ ئەولەكاری و ئەمنییەتێكی بۆ لە گۆڕێدا ناهێڵێت. بە داگیركردنی بەرفرەی ڕۆژئاوای كوردستان لە لایەن دەوڵەتی توركەوە، باشووری كوردستانیش دەكەوێتەوە گەمارۆوە و هێدی هێدی دەخنكێندرێت. ئەوەش بە واتای ئەوەیە كە هەمووی كوردستان دەكەوێتە رەوشێكی مان و نەمانەوە”.

ئاماژە بەوەش دەكات “لە سەر كێشەی عەفرین ئەوە دەركەوت كە ڕووسیە لە فكری بەرژەوەندییەكانی خۆی و هاوپەیمانی خۆی، ڕێژیمی شامه. لە هێرشی بەغدا بۆ سەر كەركووك دا، ئەوەش دەركەوت كە ئامریكاش لە فكری خۆی دایە. لە ناو حیساباتی ئەو زلهێزانەی كە لە ناوچەكه ‌دان‌، كورد و كوردستانیش دەبێ بۆخۆیان حیسابی خۆیان بكەن. لە دژی هێزە تێرۆریستییەكان و هەندێك هێزی هەرێمی، ئامریكا لەگەڵ كورد لە ڕێكەوتنێك دایە. بەڵام بەداخەوە لە دژی دەوڵەتی تورك دەنگی خۆی نەرم دەكات و ئەوەش بوێری دەدات بە توركیە”.

كۆنگرەی نەتەوەیی كوردستان (كەنەكە) رەوشی ئێستا بە گرینگ دەبینێت و بانگ لە گەلی كوردستان و رێبەرانی دەكات كە ڕووداوی دوایی تەنیا بە هەڕەشە نەبینن “بە ڕژدی بگرنە دەست و قایمكاری پێویست وەربگرن و، پیشتیوانی لە گەلی ڕۆژئاوای كوردستان بكەن. ڕێبەرانی كوردستان دەبێ پێكەوه رەوشی ئێستا بە بەرپرسیارییەكی نەتەوەیی و نیشتمانی لە ئەستۆی خۆ بگرن و، پێكەوە پیلانی پاراستنی وڵات پێكبێنن و، بە یەكدەنگی خۆیان سەرنجی ئامریكا بۆ ئەوە ڕابكێشن كە سەركەوتنی توركیە بنكەوتنی ئامریكاشە”.

راشیگەیاندووە “ڕۆژ رۆژی مەترسییە. گەلی كوردستان، ڕێبەران و هەموو دینامۆی وڵات لە هەر كوێ بن، لە وڵات و لە دەرەوەی وڵات، دەبێ ئەم كێشەیە لە سەرووی هەموو كارێكی دیكە بگرنە دەست و خۆیان سەفەربەر بكەن بۆ ئەوەی كە ڕێ له ئە‌م داگیركەرییەی دەوڵەتی تورك بگرن”.

بەردەوام بە لە خوێندنەوە

کوردستان

وەزیری بەرگری توركیا زانیاری نوێ لەسەر بۆردومانەكەی مەخمور و شنگال ئاشكرا دەكات

خەڵك- بەشی هەواڵ

وەزیری بەرگری توركیا ئاشكرای كرد 20 فڕۆكەی جەنگی وڵاتەكەی شەوی رابردوو بنكەكانی پەكەكەیان لە شنگال و قەرەچووغ بۆردومانكردووە.

خولوسی ئاكار وەزیری بەرگری توركیا لە بەیاننامەیەكدا رونیكردەوە، 20 فڕۆكەی جەنگی بەشداری هێرشەكەی شەوی رابردووی شنگال و مەخمووریان كردووە و بەهۆیەوە 4 كەس كوژران و 5ی دیكەش بریندار بوون.

ئاشكراشیكرد بۆ یەكەمجار هێرشكراوەتە سەر چیای قەرەچووغ و هێرشەكە لە شێوەی هەڵكوتانەسەر بووە، تێیدا 20 فڕۆكەی جەنگی و ژمارەیەك فڕۆكەی بێ فڕۆكەوان و فڕۆكەی گوێزەرەوەی سووتەمەنی بەشدارییان كردووە، ئەوە بۆ یەكەمجارە هێرش بكرێتەسەر قەرەچووغ، تێیدا 30 بنكە و بارەگای پەكەكە لێیان دراوە.

بەردەوام بە لە خوێندنەوە

کوردستان

ناسنامەی قوربانییەكانی بۆردومانەكەی شەوی رابردووی مەخمور ئاشكرا بوو

خەڵك- بەشی هەواڵ

ناسنامەی ئەو چوار كەسەی شەوی رابردووی لە هێرشەكانی فڕۆكە شەڕكەرەكانی سوپای توركیا بۆ سەر مەخمور بوونە قوربانی، ئاشكرا بوو.

ئەنجومەنی گەلی مەخمور لە راگەیەندراوێكدا ئاشكرای كرد “سێ لەو شەهیدانە ئەندامانی یەك خێزانن، كە دایكێك و كچەكەی و نەوەیەكی بوون و لەگەڵ ژنێكی دیكەدا”.

ناسنامەی قوربانییەكان:
ئاسیا عەلی محەمەد – ٧٣ ساڵ

نارنج فەرحان قاسم – ٢٦ ساڵ، كچی ئاسیا عەلی.

ئەڤین كاوە مەحمود – ١٤ ساڵ، نەوەی ئاسیا عەلی.

ئەیلەم محەمەد عەمەر – ٢٣ ساڵ.

 

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین