ئێمە لە تۆرە کۆمەڵایەتیەکان

کوردستان

پۆلیسی هەولێر لەبارەی دۆزینەوەی تەرمی وتارخوێنی مزگەوتێك ڕوونكردنەوە دەدات

خەڵك – بەشی هەواڵ

بەڕێوەبەرایەتی پۆلیسی هەولێر دۆزینەوەی تەرمی مامۆستای ئایینی (یوسف ئەحمەد شێخ بزێنی) وتارخوێنی مزگەوتێكی كەركوك كە بە كوژراوی لە باڵەخانەیەكی شاری هەولێر دۆزرایەوە ڕوونكردنەوە دەدات.

لە ڕوونكردنەوەكەدا، بەڕێوەبەرایەتی پۆلیسی هەولێر ڕایدەگەیەنێت، بەگوێرەی ڕاپۆرتی پزیشكی دادی دەردەكەوێت كە ھیچ شوێنەوارێكی گوللە ولێدان یان ھەر ھۆكارێكی تر بە مامۆستای ئایینی (یوسف ئەحمەد شێخ بزێنی)یەوە دیار نەبووە و گیانلەدەستدانەكەشی تەنها كەوتنەخوارەوە لە شوێنێكی بەرزەوە بووە و پەڕاوی لێكۆلینەوەی بۆ كراوەتەوە و لەهەر پێشهاتێكی لێكۆلینەوەكان ڕوونكردنەوە دەخەنەڕوو.

جێی ئاماژەیە، سەر لە بەیانی ئەمڕۆ پێنج شەممە 21/11/2019 لە شاری هەولێر تەرمی (یوسف ئەحمەد شێخ بزێنی) پێش نوێژ و وتارخوێنی مزگەوتی حاجی عاسی لە كەركوك بە كوژراوی لە باڵەخانەیەكدا دۆزرایەوە.

 

دەقی ڕوونكردنەوەكەی بەڕێوەبەرایەتی پۆلیسی هەولێر..

 

روونكردنەوەیەك لەبەرێوەبەرایەتی پۆلیسی ھەولێر

دوای ئاگاداركردنەوەمان لەلایەن پاسەوانانی شوقەكانی زانیاری بە بوونی تەرمێك لە شوقەكەیان كاتژمێر ١١/٣٠بەیانی رێكەوتی٢٠١٩/١١/٢١ دەستبەجێ تیمی لێكۆلینەوەی بنكەی پۆلیسی خانەقا لەگەل تیمی بەلگەو تاوان گەیشتنە شوێنی رووداو دواتر تەرمەكە رەوانەی پزیشكی دادی كرا و دوای پشكنین و توێكاری كردنی تەرمەكە دەركەوت كەوا، كەسێك بەناوی (یوسف احمد محمد)موالید١٩٧٨خەلكی كەركوك .

وەبەگوێرەی راپۆرتی پزیشكی دادی دەردەكەوێت كەوا ھیچ شوێنەوارێكی گوله ولێدان یان ھەر ھۆكارێكی تر بە جەستەوەیەوە دیار نەبووە و گیان لەدەستدانەكەشی تەنھا كەوتنە خوارەوە له شوینیكی بەرزەوە بووە، وە پەڕاوی لێكۆلینەوەی بو كراوەتەوە و لەھەر پێشھاتێكی لێكۆلینەوەكان روونكردنەوە دەخەینە روو.

ڕاگەیاندنی پۆلیسی پارێزگای ھەولێر
٢٠١٩/١١/٢١

کوردستان

ئەنجامی تاقیكردنەوەی 12ی ئامادەیی ڕاگەیەنرا

خەڵك- بەشی هەواڵ
وەزیری پەروەردەی حكومەتی هەرێمی كوردستان بە فەرمی ئەنجامی تاقیكردنەوەی 12ی ئامادەیی بە هەموو بەشەكانەوە ڕاگەیاند.

ئالان حەمەسەعید، وەزیری پەروەردەی حكومەتی هەرێم لە كۆنگرەیەكی ڕۆژنامەوانیدا ئەنجامی تاقیكردنەوەكانی ڕاگەیاند و جەختیشی كردەوە، كە قەرەبووی خوێندكاران دەكرێتەوە، نەك بەهۆی بوونی هەڵە لە تاقیكردنەوەكان، بەڵكو بەهۆی ئەوەی هەندێك پرسیار زیاتر لە وەڵامێكی بۆ دەبێت.

ئاشكراشی كرد، كە خوێندكاران دەتوانن لە كاتژمێر 9ی شەوەوە ئەنجامەكان وەربگرنەوە و لەدوای 12ی شەویشەوە دەتوانن پەڕەی سۆما ببیننەوە.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە لە كاتژمێر 9ی شەوەوە لینكەكە كارا دەبێت.

لیستی یەكەمەكانی سەر ئاستی هەرێمی كوردستان
1- ڤانیا شێركۆ حەسەن فەرەج – هەڵەبجە – زانستی – كۆی گشتی نمرە: 700 تێكڕا: 100
2- لەنیا فەلاح حەسەن مەحموود – هەڵەبجە – زانستی – كۆی گشتی نمرە: 700 تێكڕا: 100
3- حەسەن ئامانج بورهان محەمەرەشید – هەولێر – زانستی – كۆی گشتی نمرە: 700 تێكڕا: 100
4- دەریا سلێمان عەلی تاهیر – دهۆك – زانستی – كۆی گشتی نمرە: 700 تێكڕا: 100
5- سارا بەردخان محەمەد عەبدوڵڵا – هەولێر – وێژەیی – كۆی گشتی نمرە: 690 تێكڕا: 98.57
6- دەرباز ئیسماعیل حوسێن عەلی – سلێمانی – وێژەیی – كۆی گشتی نمرە: 690 تێكڕا: 98.57
7- مینا زاهیر مستەفا خەلیل – سلێمانی – خوێندنی ئیسلامی – كۆی گشتی نمرە: 874 تێكڕا: 97.11
8- حەسیبە جەمال عومەر رەمەزان – هەولێر – ئامادەیی پیشەیی كشتوكاڵ – كۆی گشتی نمرە: 827 تێكڕا: 91.89
9- زەینەب عەبدولكەریم ئەحمەد سەعید – سلێمانی – ئامادەیی پیشەیی گەشتوگوزار – كۆی گشتی نمرە: 760 تێكڕا: 95
10- میر رەحیم كەریم حەمە ساڵح – سلێمانی – ئامادەیی پیشەسازی – كۆی گشتی نمرە: 750 تێكڕا: 93.75
11- لەنجە هیدایەت عەبدولرەحمان عوسمان – سلێمانی – ئامادەیی بازرگانی – كۆی گشتی نمرە: 629 تێكڕا: 89.86

بەردەوام بە لە خوێندنەوە

کوردستان

پەروەردە كاتی ئەنجامی تاقیكردنەوەی 12ی ئامادەیی ڕاگەیاند

خەڵك- بەشی هەواڵ
وەزارەتی پەروەردەی حكومەتی هەرێمی كوردستان ئاشكرای دەكات، كە ئەمشەو لە كاتژمێر 8:30 ئەنجامی تاقیكردنەوەی 12ی ئامادەیی بڵاودەكرێتەوە.

وەزارەتی پەروەردەی حكومەتی هەرێم لە ڕاگەیەنراوێكدا ئاماژەی بەوەكردووە، كاتژمێر ٨:۳۰ ی خولەكی ئەمشەو، وەزیری پەروەردە ئەنجامی تاقیكردنەوەكانی خولی یەكەمی قۆناغی ۱۲ ی ئامادەیی بە هەموو بەشەكانیەوە لە كۆنگرەیەكی ڕۆژنامەوانیدا ڕادەگەیەنێت.

خوێندكارانی پۆلی 12ی ئامادەیی دەتوانن بەشێوەی ئۆنلاین لە رێگەی ئەم لینكەوە ئەنجامەكانیان وەربگرنەوە، كە دوای ڕاگەیاندنی ئەنجامەكان لینكەكە كارا دەبێت.

بەردەوام بە لە خوێندنەوە

کوردستان

تەندروستی هەولێر سەنتەری داتا و زانیاری كۆرۆنای دامەزراند

خەڵك- بەشی هەواڵ
بەڕێوەبەرایەتی گشتی تەندروستی هەولێر ڕایدەگەیەنێت، كە سەنتەری داتا و زانیاری بۆ توشبوانی كۆرۆنا دامەزراندووە و دەشڵێت: “ئەوانەی پشكنینیان كردووە ئەنجامەكانی لەوێوە وەرگرنەوە”.

بەڕێوەبەرایەتی گشتی تەندروستی هەولێر لە ڕاگەیەنراوێكدا ئاماژەی بەوەكردووە، كاتی پێدانەوەی ڕاپۆرتی ئەنجامی پشكنین لە كاتژمێر (٨:٠٠)ی بەیانی تاوەكو (٤:٠٠)ی ئێوارە دەبێت.

ئاگاداریەك بۆ هاوڵاتیانی خۆشەویستی سنوری شاری هەولێر
بەڕێوەبەرایەتی گشتی تەندروستی هەولێر (سەنتەری داتاو زانیاری)دامەزراندوە بۆ هاوڵاتیانی خۆشەویست بۆ مەبەستی وەرگرتنەوەی ئەنجامی پشكنینی ڤایرۆسی كۆڕۆنا- COVID19 كە ئەو هاونیشتیمانیانەی لە ڕێگەی سەنتەرەكانی چارەسەری ڤایرۆسی كۆڕۆنا پشكنینیان ئنجام دابوو ، بۆ ئەم مەبەستە ژمارەی تایبەت دەستیشانكراوە وەكو ئاسانكاری بۆ وەرگرتنەوەی ئەنجامی پشكنینەكانیان كە لەخوارەوە ئاماژەی پێكراوە،
١.كاتی دەوام :لە گشت ڕۆژانی هەفتە كاتژمێر(٨:٠٠)ی بەیانی تاوەكو (٨:٠٠)ی ئێوارە دەبێت.
۲.كاتی پێدانەوەی ڕاپۆرتی ئەنجامی پشكنین لە كاتژمێر (٨:٠٠)ی بەیانی تاوەكو (٤:٠٠)ی ئێوارە دەبێت.
شوێن:سەنتەری داتاو زانیاری COVID-19 لەنێو نەخۆشخانەی چاو ، كە دەكەوێتە سەر ڕێگای بنەسڵاوە گەڕەكی شارەوانی تەنیشت یانەی ئاسۆی وەرزشی.
07502578585
07502579292
07502580101
07502580202
ڕاگەیاندنی بەڕێوەبەرایەتی گشتی تەندروستی هەولێر
۱۲ی ئابی ۲۰۲۰

بەردەوام بە لە خوێندنەوە

کوردستان