ئێمە لە تۆرە کۆمەڵایەتیەکان

عێراق

ئاماژە بە هەنگاوەكانی چاكسازیش دەكات
فەتح بۆ خەڵك: عەبدولمەهدی میراتگری گەندەڵییەكانی پێشووە

خەڵك- بەشی هەواڵ
هاوپەیمانی فەتح كە لەلایەن هادی عامرییەوە سەركردایەتی دەكرێت پێیوایە، حكومەتەكەی عادل عەبدولمەهدی میراتگری گەندەڵی و شكستی حكومەتە یەك لەدوا یەكەكانی پێشووە، بۆیە لەئێستادا بارگرانییەكی زۆری كەوتووتە ئەستۆ.

سیهام موسەوی، پەرلەمانتاری هاوپەیمانی فەتح، لە لێدوانێكیدا بۆ (خەڵك) ڕایگەیاند:”عادل عەبدولمەهدی و حكومەتەكەی، میراتگری 16 ساڵی ڕابردووی حكومەتەكانی ترن كە پڕبوون لە شكست و گەندەڵی، گەندەڵییەك لەسەر ئاستی تەواوی عیراق، هەر لە باكوورەوە بگرە، تا دەگاتە ئەوپەڕی باشووری وڵات”.

سەبارەت بەو مۆڵەتەی لەلایەن لایەنە سیاسییەكانی عیراقەوە دراوە بە عەبدولمەهدی، موسەوی وتی:”ناكرێت ئەو هەموو چەوتییەی بەسەر یەكدا كەڵەكەبووە، لەو ماوە كەمەدا لەلایەن حكومەتی ئێستاوە ڕاستبكرێنەوە، بەڵام ئەو ماوە كورتەی دراوە بە سەرۆك وەزیران و لەچەند خاڵێكدا كۆكراوەتەوە، بۆ ئەوەیە گۆڕانكاریی وەزاری بكات و كەسانی لێوەشاوە و كارامە و سەربەخۆ و تەكنۆكرات لە پۆستە وەزارییەكاندا دابنێت، لەگەڵ دوورخستنەوەی ئەو وەزیرانەی دەستەواژەیان لەسەر هەیە”.

بە وتەی پەرلەمانتارەكەی فەتح”دەبێت سەرۆكی حكومەت، كار بۆ چاكسازیی بكات لەڕووی باشكردنی باروگوزەرانی هاووڵاتیان، لەگەڵ بەگژداچوونەوەی گەندەڵی و لێپچینەوە لەگەڵ زۆرترین ژمارەی ئەو بەرپرسانەی لە گەندەڵییەوە تێوەگلاون، لەڕێی دەستەی نەزاهە و دادگاكانەوە، ئەم هەنگاوانەش لەپێناو ڕازیكردنی شەقام و هاووڵاتیان، تا وا هەست بكەن بە ڕاستی حكومەت كار دەكات و هەنگاو بەرەو چاكسازیی هەڵدەنێت”.

عێراق

كۆسرەت ڕەسوڵ پەیامێك ئاڕاستەی سیستانی دەكات

خەڵك – بەشی هەواڵ

سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان پەیامێك ئاڕاستەی مەرجەعی باڵای شیعەكان لە عیراق دەكات.

لە پەیامەكەدا، كۆسرەت ڕەسوڵ ڕایگەیاندووە:”بەڕێز ئایەتوڵڵا عوزما سەماحەتی سیستانی، لە هەواڵی تەندروستی جەنابتان دەپرسم و داواكارم لە خوای گەورە شیفای بەخێرتان بدات و تەندروستیتان بەرەو باشی بچێت بۆ خزمەتی گەلی عیراق”.

جێی ئاماژەیە، دوێنێ‌ پێنج شەممە نووسینگەی ئایەتوڵا عەلی سیستانی مەرجەعی باڵای شیعەكان لە عیراق بڵاویكردەوە، بەهۆی شكانی ئێسكی قاچی چەپی نەشتەرگەری بۆ كراوە.

 

دەقی پەیامەكە..

كۆسرەت ڕەسوڵ پەیامێك ئاڕاستەی سیستانی دەكات

‎بەڕێز ئایەتوڵڵا عوزما سەماحەتی سیستانی

‎لە هەواڵی تەندروستی جەنابتان دەپرسم و داواكارم لە خوای گەورە شیفای بەخێرتان بداو تەندروستیتان بەرەو باشی بچێ بۆ خزمەتی گەلی عێراق.

‎جارێكی تر لەخوای گەورە داواكارم شیفای بەخێرتان بدا.

‎كۆسرەت ڕەسول عەلی

‎سەرۆكی ئەنجومەنی باڵای سیاسی و بەرژەوەندى

‎یەكێتیی نیشتمانیی كوردستان

 

ك.ج

بەردەوام بە لە خوێندنەوە

عێراق

بەغدا.. خۆپیشاندەرێك كوژرا و 10ی تریش برینداربوون

خەڵك – بەشی هەواڵ

میدیا عیراقییەكان بڵاویان كردەوە، لە شاری بەغدا گرژی و ئاڵۆزی لە نێوان هێزە ئەمنییەكان و خۆپیشاندەران هاتووەتە ئاراوە.

ڕوونیشكراوەتەوە، لەسەر پردی (سنك) لە بەغدا گرژی لە نێوان خۆپیشاندەران و هێزە ئەمنییەكان دروستبووە بەهۆیەوە خۆپیشاندەرێك كوژراوە و 10ی تریش برینداربوون.

ك.ج

بەردەوام بە لە خوێندنەوە

عێراق

عەلاوی: ئەمریكا و ئێران خاكی عیراقییان بۆ یەكلاكردنەوەی ململانێكانیان هەڵبژاردووە

خەڵك-بەشی هەواڵ

سەرۆكی هاوپەیمانی وەتەنیە ڕایدەگەیەنێت، ئەمەریكا و ئێران، خاكی عێراقییان بۆ یەكلاكردنەوەی ململانێكانیان هەڵبژاردووە.

ئەیاد عەلاوی سەرۆكی هاوپەیمانی وەتەنیە لە تویتێكدا لە هەژماری تایبەتی خۆی بڵاویكردەوە، هەریەك لە ئەمەریكا و ئێران، خاكی عیراقییان بۆ یەكلاكردنەوەی ململانێكانیان هەڵبژاردووە.

ووتیشی”دەبێت ئەو دوو وڵاتە خاكی عیراق نەكەنە گۆڕەپانی شەڕی نێوانیان، كە ڕووبەڕووی تیرۆر بووەتەوە و تا ئێستا لەژێر بەندی شەشەمدایە”.

ئاشكراشیكرد، دەبێت دەسەڵاتدارانی عیراق، سەرەتا بیر لە بەرژەوەندی وڵات و گەلەكەی بكەنەوە، دواتر سەلامەتی گەلانی ناوچەكە.

ئەمەش لەكاتێكدایە، ئەمریكا و ئێران لەنێو خاكی عیراقدا دەستیان كردووە بە ڕاستكردنەوەی حساباتەكانیان و لە چەند هەفتەی ڕابردووشدا هەردوولا بۆردومانی بنكە و بارەگاكانی یەكتریان لە عیراقدا كرد.

س.ع

بەردەوام بە لە خوێندنەوە

کوردستان