ئێمە لە تۆرە کۆمەڵایەتیەکان

جیهان

تڕەمپ هەڕەشەی توند لە ئەردۆغان دەكات

خەڵك-بەشی هەواڵ

سیناتۆرێكی ئەمریكی نهێنی كۆبوونەوەی نێوان دۆناڵد تڕەمپ و ڕەجەب تەیب ئەردۆغان ئاشكرا دەكات.

ڕۆژنامەی فۆرمی ئەمریكی ڕاپۆرتێكی لەسەر سەردانەكەی ئەردۆغان بۆ ئەمریكا بڵاوكردەوەو تێیدا كیڤن كارمر سیناتۆری ئەمریكی ڕایدەگەیەنێت، ئەردۆغان لە سەرەتای كۆبوونەوەكەدا، ویستی ڤیدیۆیەكمان پیشان بدات تڕەمپ ڕووی بەرەو ئێمە وەرگێڕاو بە توانجەوە وتی”دڵی بەمە خۆشە، گوێی لێبگرن”.
یەكێكی دیكە لە سیناتۆرە ئامادەبووەكان بە ئەردۆغانی ڕاگەیاندووە، تۆ كێشەی ئاسایشی ناوخۆی وڵاتەكەت هەیە، ئێمەش دەتوانین بڕۆین لەبەردەم كۆشكی سپی كوردێك بێنین و موعاناتەكانی خۆی بگێڕێتەوە كە لەسەر دەستی ئێوە تووشی بووە.

كیڤن كارمر ئاشكراشیدەكات، ئەردۆگان كەوتە گلەییكردن و نامەكەی مانگی ئۆكتۆبەری تڕەمپی لە جانتاكەی دەرهێنا و وتی”نیگەرانم بەم نامەیە!” تڕەمپیشزەردەخەنەیەكی كردو وتی”ئەمە كۆپی نامەكەیە، دەبوو نامە ئەسلییەكەت بهێنایەتەوە لەگەڵ خۆت”، بەڵام ئەو بەجدی وەریگرتوو، وتی”نوسخە ئەسلییەكەم لە توركیا جێهێشتووە”.
ڕۆژنامەكە ئەوەشی بڵاوكردوەتەوە، تڕەمپ بە ئەردۆغانی وتووە”تۆ كێشەت لەگەڵ كوردی وڵاتەكەی خۆت هەیە، كوردەكان لە سوریا چی بكەن، ئەوان گوناهیان چییە؟ تۆ سەرەتا دەبێت لەگەڵ كوردی وڵاتەكەی خۆت ڕێككەویت، ئەوكات گلەیی لە كوردەكان لە سوریا بكەیت”.

ئەو سیناتۆرە دەڵێت”ئەردۆگان بەردەوام بووە لە گلەیی و ئاماژەی بۆ ئەوە كردووە، ئەمریكا بەردەوامە لە شكاندنی سومعە و ناوبانگی توركیا وبەسەدان هەزار دۆلاری لە ڕێگەی هەواڵگرییەوە بۆ كوردەكان خەرجكردووە كە لە ئەوروپا و وڵاتان خۆپیشاندان بكەن و سومعەیان لەكەداربكەن، لەبەرانبەردا تڕەمپ توڕە بوو پێیوت”ئێوە چین تا ئێمە سومعەتان لەكەدار بكەین، چۆن پارە بۆ شتی وا خەرج دەكەین، ئێوە هێرشتان كردووەتەسەر كوردەكانی سوریا، ئەوانیش بەشی ئەوە دۆستیان هەیە پشتگیریان لێبكەن”.

ئاشكراشیكرد، تڕەمپ پێشنیاری بۆ ئەردۆغان كردووە، بیربكاتەوە لە ناتۆ و كۆتایی بە گرێبەستەكانی بهێنێت لە كڕینی مووشەكی ئێس 400 و بەڵێن بدات هێرش دووبارە نەبێتەوە بۆ سەر كوردەكان، چونكە ئەوان دژی داعش لەگەڵ ئێمە جەنگیون و پەرە بە ئابوری هەردوولا دەدەین بەبڕی 100 ملیار دۆلار، جا ئەم سەفقەیەت پێ باش و پێ پەسەندە یان سزا ئابوورییەكان بسەپێنین.

جیهان

ئەنجومەنی پیرانی ئەمریكا بەفەڕمی دانی بە جینۆسایدكردنی ئەرمەنییەكاندانا

خەڵك – بەشی هەواڵ

ئەنجومەنی پیرانی ئەمریكا بەشێوەیەكی فەڕمی دانینا بە جینۆسایدكردنی ئەرمەنییەكان لە سەردەمی جەنگی یەكەمی جیهانییدا لەلایەن ئیمپراتۆریەتی عوسمانییەوە.

بۆب مینیندز ئەندامی لیژنەی پەیوەندییەكانی دەرەوەی ئەنجومەنی پیرانی ئەمریكا ڕایگەیاند، “دەنگمان بە بڕیاری جینۆسایدكردنی ئەرمەنییەكاندا و ئەوەش كارێكی ڕاستە كە ئەنجومەنی پیرانی ئەمریكا كردی و ئەم كارەی واتای ئەوەیە لەسەر ڕێگەی ڕاستی مێژوو دەڕوات”.

لایخۆشیەوە، تيد كروز سیناتۆری تەكساس لەبارەی دەنگدانەكە ڕایگەیاند”ئەمە سێیەمین هەفتەیە لەسەریەك كە دەمانەوێت دەنگ لەسەر ئەم پڕۆژەیە بدرێت. سوپاسگوزارم كە ئەمڕۆ سەركەوتنمان بەدەستهێنا”.

هەنگاوەكەی ئەنجومەنی پیرانی ئەمریكا لەكاتێكدایە، دوێنێ‌ چوارشەممە لیژنەی پەیوەندییەكانی دەرەوەی ئەنجومەنەكە دەنگیدا بۆ سەپاندنی سزا بەسەر توركیادا، ئەوەش لە بەرامبەر ئۆپراسیۆنی توركیا بۆسەر ڕۆژئاوای كوردستان و كڕینی سیستمی ئێس 400ی ڕوسیایی.

پێشتریش، لە كۆتایی تشرینی یەكەمی ڕابردووشدا ئەنجومەنی نوێنەرانی ئەمریكا بە زۆرینەی دەنگ كۆمەڵكوژی ئەرمەنییەكانی بە جینۆساید ناساند.

تائێستاش 39 حكومەت و پەرلەمان كۆمەڵكوژیی ئەرمەنەكانیان “بەجینۆساید” ناساندووە و “گرنگترین” ناساندنیش لەلایەن یەكێتی ئەوروپاوە بوو. ئەو هەنگاوە كێشەیەكی دیپلۆماسی گەورەی لە نێوان توركیا و یەكێتی ئەوروپا دروست كرد.

كۆمەڵێك ڕێكخراوی جیهانییش كۆمەڵكوژیی ئەرمەنەكانیان وەك “جینۆساید” ناساندووە وەك: نەتەوە یەكگرتووەكان، پەرلەمانی ئەوروپا، ئەنجومەنی ئەوروپا، ئەنجومەنی كڵێسای جیهانی و ڕێكخراوی مافی مرۆڤ.

لەسەر ئاستی كەسایەتییەكانیش، لە ساڵی 2007 دا 35 كەسایەتی براوەی خەڵاتی نۆبڵ، پێكەوە یاداشتێكیان واژۆكرد و كۆمەڵكوژییەكەیان بە “جینۆساید” ناساند.

جێی ئاماژەیە، پڕۆسەی جینۆسایدكردنی ئەرمەنەكان لە ساڵی 1915 تا 1923 لەلایەن ئیمپراتۆریەتی عوسمانی ئەنجامدرا و تێیدا یەك ملیۆن و نیو ئەرمەنی كوژران.

بەردەوام بە لە خوێندنەوە

جیهان

برایان هۆك: ئەمریكا و ئێران دەتوانن ڕێككەوتن ئەنجام بدەن

خەڵك – بەشی هەواڵ

تایبەتی وەزارەتی دەرەوەی ئەمریكا بۆ كاروباری ئێران ڕایدەگەیەنێت، ئەمریكا دەتوانێت لەگەڵ ئێران ڕێككەوتن ئەنجام بدات.

برایان هۆك نوێنەری تایبەتی وەزارەتی دەرەوەی ئەمریكا بۆ كاروباری ئێران لە لێدوانێكدا بۆ ڕۆژنامەوانان ڕایگەیاند، هەوڵەكانیان بەردەوام دەبێت بۆ ئازادكردنی سەرجەم ئەو ئەمریكاییانەی لە زیندانەكانی ئێراندا ماون.

وتیشی، واشنتۆن نزیكەی 40 ساڵە پەیوەندییە دیپلۆماتییەكانی لەگەڵ كۆماری ئیسلامی ئێراندا پچڕاندووە ، هەر بۆیە وڵاتی سویسرا وەك نێوەندگیرێك پرسی ئاڵوگۆڕكردنی زیندانیانیان لە نێوان ئەمریكا و ئێراندا لە ئەستۆ گرتووە.

برایان هۆك ئەوەشیخستەڕوو، ئیدارەی واشنتۆن ئەو هەوڵانەی سویسرا بەرز دەنرخێنێت، هەروەك ئاشكرایكرد، ئاڵوگۆڕی ئەم دواییە دەستگیركراوەكان سەلمێنەری ئەو ڕاستیەیە كە ئەمریكا دەتوانێت لەگەڵ ئێران ڕێككەوتن ئەنجام بدات.

بەردەوام بە لە خوێندنەوە

جیهان

ئەمریكا: لەدوای هێرشەكانی توركیاوە دەبێت لێكۆڵینەوە لە ئەنجامدانی تاوان لە سوریا بكرێت

خەڵك – بەشی هەواڵ

وەزیری بەرگری ئەمریكا ڕایدەگەیەنێت، هەماهەنگییەكی پتەومان لەگەڵ هێزەكانی سوریای دیموكرات هەیە.

مارك ئیسپەر وەزیری بەرگری ئەمریكا سەبارەت بە پەیوەندییەكانی نێوان سوپای ئەمریكا و هێزەكانی سوریا دیموكرات ڕایگەیاند: ئەمریكا هەماهەنگییەكی پتەوی لەگەڵ هێزەكانی سوریای دیموكرات (هەسەدە) هەیە و ئەو پەیوەندییەش نهێنی نییە و لە چوارچێوەی ئەركەكانیانە لە ناو هاوپەیمانی نێودەوڵەتی دژی داعشە لە سوریا.

مارك ئیسپەر ئاماژەی بۆ ئەوەشكرد، ستراتیژی ئەمریكا لە سوریا ڕێگرتنە لە سەرهەڵدانەوەی داعش لە ناوچەكە، لەگەڵ هاوپەیمانەكانیشیان سەركەوتنی ئەو ستراتیژەیان بە دەستهێناوە.

وەزیری بەرگری ئەمریكا ئەوەشیخستەڕوو، 500 بۆ 600 سەربازیان لە چەند ناوچەیەكی ڕۆژهەڵاتی سوریا جێگیركردووە، بەمەبەستی لەناوبردنی پاشماوەكانی داعش.

هەروەك ئاشكراشیكرد، لەدوای هێرشەكانی توركیاوە دەبێت لێكۆڵینەوە لە ئەنجامدانی تاوان لە سوریا بكرێت و ئەنجامدەرانی تاوانی جەنگیش سزا بدرێن.

بەردەوام بە لە خوێندنەوە

کوردستان