ئێمە لە تۆرە کۆمەڵایەتیەکان

کوردستان

مامۆستایان و فەرمانبەران بانگەوازی خۆپیشاندان بۆ سێ‌ مووچەی ئەمساڵ دەكەن

خەڵك- بەشی هەواڵ
دوابەدوای ئەوەی پەڕلەمانتارێكی هەرێم ڕایگەیاند، كە سێ‌ مووچەی كۆتایی ئەمساڵی فەرمانبەران و مووچەیەكی خانەنیشنان پاشەكەوت دەكرێت، مامۆستایان بانگەواز بۆ خۆپیشاندانی سەرتاسەری دەكەن.

لە چەند ڕۆژی ڕابردوودا سۆران عومەر، ئەندامی پەڕلەمانی كوردستان ئاشكرای كرد، كە مووچەی مانگەكانی (10 و 11 و 12)ی فەرمانبەران و مووچەیەكی خانەنشینان پاشەكەوت دەكرێت، بەڵام ئاوات جەناب نوری، وەزیری دارایی هەرێم ڕەتی كردەوە و لە ڕوونكردنەوەیەكدا وتی، “مووچەی فەرمانبەران پاشەكەوت ناكرێت و هەر 30 ڕۆژ جارێك مووچە دەدرێت”.

لە ئێستا بەشێكی زۆری مامۆستایان و فەرمانبەران لە تۆڕە كۆمەلایەتییەكان بانگەشەی خۆپیشاندان دەكەن بۆ وەرگرتنەوەی ئەو 3 مووچەیەی ئەمساڵ و هۆشداری دەدەن، ئەگەر ئەو مووچانەیان پاشەكەوت بكرێ‌ بایكۆت دەستپێدەكەنەوە.

لای خۆشیەوە، گوڵان محەمەد، مامۆستای زانكۆ لە سلێمانی لە هەژماری خۆی لە فەیسبووك لە نووسینێكدا بە ناونیشانی (ماف دەسەندرێت…نادرێت) ڕایگەیاندووە، “لە حاڵەتی دزینی مووچەی مانگی ( ۱۰+۱۱+۱۲ / ۲۰۱۹) و بەردەوامی دزینی مووچەی مووچەخۆران بەناوی پاشەكەوتەوە، پێویستە هەمووان بێینە دەنگ و بەكرداری توند بەرانبەریان بوەستینەوە و بێدەنگ نەبین و درێژە بەدەوامی بێ مووچە و پاشەكەوتكردنی مووچە نەدەین”.

وتوشیەتی، “ئەگەر دەڵێیت خۆپیشاندانیش سوودی نیە من دەپرسم بۆچی ساڵی (2016) لەترسی خۆپیشاندانی زۆری جەماوەری زوڵملێكراو نەیانتوانی چارەكە مووچەی مانگەكانی (10+11+12) ڕابگرن؟”.

جەختیشی كردۆتەوە، “بەڵێ بۆ بەردەوامی خۆپیشاندان و جوڵاندنی شەقام و كۆڵنەدان و بێدەنگ نەبونمان دژی زوڵم و ستەم و درێژەدان بە پاشەكەوتی مووچەی مووچەخۆران و دزینی سێ مووچەی كۆتایی مانگەكانی ساڵ بەناوی پاشەكەوتەوە “.

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان

هەولێر.. سێ هەزار ماتۆڕسکیل دەستیبەسەردا گیراوە

خەڵک – بەشی هەواڵ

 

لەماوەى مانگێکدا لەپارێزگای هەولێر دەستبەسەر سێ هەزار ماتۆڕسکیلدا گیراوە.

 

عه‌میدى مافپه‌روه‌ر دیدار عومه‌ر بەڕێوه‌به‌ری هاتوچۆی پارێزگاى هه‌ولێر ڕایگەیاند، ماتۆڕسكیله‌كان كێشه‌یه‌كى زۆریان بۆ ڕێڕه‌وى هاتوچۆ دروستكردبوو، چه‌ند جارێك پێش ئێستا ئاگادارمانكردنه‌وه.

 

ئاماژەى بەئەوەشدا، ماوه‌ى مانگێكه‌ ده‌ستمان پێكردووه‌، نزیكه‌ى سێ هەزار ماتۆڕسكیلمان ده‌ستبه‌سه‌رداگرتووه‌.

 

باسی لەئەوەشکرد، به‌هیچ جۆرێك ئەو ماتۆڕسکیلانە نادرێته‌وه‌ خاوه‌نەکانیان، كه‌ هۆكاره‌كه‌ى نه‌بوونى (ئه‌وه‌لیات و مۆڵه‌تى یاسایی) بێت.

 

بەردەوام بە لە خوێندنەوە

کوردستان

یەك مەتر زەوی بە هەزار دینار فرۆشراوە
نهێنی سووتاندنی سنەوبەرەكانی سلێمانی ئاشكرا كرا

خەڵك-بەشی هەواڵ

 

سەرۆكی فراكسیۆنی گۆڕان لە ئەنجومەنی پارێزگای سلێمانی نهێنی سووتاندنی سنەوبەرەكانی سلێمانی ئاشكرا دەكات.
ڕێبوار ئەحمەد سەرۆكی فراكسیۆنی گۆڕان لە ئەنجومەنی پارێزگای سلێمانی بە میدیای حزبەكەی ڕاگەیاند، ئەو ١٣٢ دۆنم زەویەی دارسنەوبەرەكانیان لەبەردەمیدا سوتاندووە دراوە بە دوو كۆمپانیا بەناوەكانی (وێستكار، كوردستان مۆتۆر) بەیاسای وەبەرهێنان مەتری دراوە بەهەزار دینار و دۆنمی بە دوو ملیۆن و نیو دینار.
ئاشكراشیكرد، بەهای زەوییەكان پێنج ملیۆن دۆلارە، ئەم دوو كۆمپانیایە پەنجا پێشانگای ئۆتۆمبێلی تێدا دروست دەكەن هەر پێشەنگایەك دەفرۆشرێت بە یەك ملیۆن دۆلار.

وتیشی” لەو شوێنە چەند پڕۆژەیەك دەكرێن كە یەكێكیان لەسەر ڕووبەری (132) دۆنم زەوییە و ئەوەی دیكە لەسەر ڕووبەری (50) دۆنم زەوی، پڕۆژەكانیش بریتین لەكۆگای هەمەجۆر و گەراج”.

بەردەوام بە لە خوێندنەوە

کوردستان