ئێمە لە تۆرە کۆمەڵایەتیەکان

جیهان

پنتاگۆن: هێرشەكەی توركیا هەلی گەڕانەوەی بۆ داعش خۆشكرد

خەڵك- بەشی هەواڵ
وەزارەتی بەرگری ئەمریكا ڕایدەگەیەنێت، ڕێكخراوی داعش پاشەكشەكردنی ئەمریكا لە باكووری سوریا و هێرشەكەی توركیای بۆسەر ناوچەكە قۆستۆتەوە، بۆ خۆڕێكخستنەوە ڕیزەكانی، پێشبینیش دەكات لەئێستادا توانای هەبێت ئامادەكاری بۆ هێرشی نوێ‌ بۆسەر ڕۆژئاوا بكات.

بەپێی ڕاپۆرتێك، كە لەلایەن وەزارەتی بەرگری ئەمریكاوە بڵاوكرایەوە، “ڕێكخراوی داعش لە دوای پاشەكشەكردنی ئەمریكا لە باكووری سوریا و هێرشرەكەی توركیا بۆسەر ناوچەكە، توانیوتی ڕیزەكانی خۆی ڕێكبخاتەوە، بۆیە لەئێستادا پێشبینی ئەوە دەكرێت، ڕێكخراوەكە بتوانێت هێرشی نوێ‌ لە دژی ڕۆژئاوا ئەنجام بدات”.

پاشەكشەكردنی هێزەكانی ئەمریكا لە باكووری خۆرهەڵاتی سوریا، ڕێخۆشكەر بوو بۆ ئەنجامدانی ئۆپەراسیۆنی سەربازی توركیا لە دژی شەڕڤانانی كورد، كە سەركردایەتی شەڕەكانیان دەكرد لە دژی داعش و ئەو گرتوخانانە بەڕێوەدەبەن، كە چەكدارە دیلەكانی سەر بە ڕێكخراوەكەی تێدا زیندانین.

نووسینگەی پشكنەری گشتی لە وەزارەتی بەرگری ئەمریكا، كە دەزگایەكی سەربەخۆیە بۆ نبكۆڵكاری لە دوایین ڕاپۆرتیدا دەڵێت: “ڕێكخراوی داعش هێرشەكەی توركیا و كەمبوونەوەی هێزەكانی ئەمریكای لە باكووری خۆرهەڵاتی سوریادا قستۆتەوە بۆ ڕێكخستنەوەی هێز و تواناكانی لەنێو سوریا و پیلاندانان بۆ ئەنجامدانی هێرش و پەلامارەكانی لە دەرەوە”.

هەر لە ڕاپۆرتەكەدا هاتووە، “پێدەچێت ڕێكخراوی داعش هەلی ئەوەی لەبەردەستدا بێت بتوانێت ڕۆژئاوا بكاتەوە بە ئامانج و كۆمەكی 19 لق و تۆڕە جیهانییەكانی بكاتەوە، ئەمەش بەپێی ئەو زانیارییانەی، كە لەلایەن ئاژانسی هەواڵگری وەزارەتی بەرگری ئەمریكاوە فەراهەم كراون”.

جیهان

سەرۆك وەزیرانی ئۆكرانیا دەستلەكاردەكێشێتەوە

خەڵك – بەشی هەواڵ

سەرۆك وەزیرانی ئۆكرانیا نامەی دەستلەكاركێشانەوەی پێشكەشی سەرۆكی وڵاتەكەی كرد.

ئۆلیسكی هۆنچاروك سەرۆك وەزیرانی ئۆكرانیا لە لاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە، كاتێك پۆستی سەرۆك وەزیرانی وەرگرتووە بۆ جێبەجێكردنی بەرنامەی سەرۆكی وڵات بووە و بڕوای وابووە ئەو كارە دەبێتە دەستپێكێكی باش بۆ كرانەوە و ڕێكخستنەوەی كارەكانی حكومەت.

سەرۆك وەزیرانی ئۆكرانیا ئاماژەی بەوەشداوە، بۆ لادانی هەر گومانێك لەسەر ڕێز و بڕوای تەواوی بە سەرۆكی ئۆكرانیا دەستلەكاركێشانەوەی پێشكەشی سەرۆك كرد, هەروەك مافی ئەوەشی هەیە كە دەستلەكاركێشانەوەكەی بخاتە بەردەم پەرلەمان.

ئۆلیسكی هۆنچاروك سیاسەتمەدار و پارێزەری تەمەن 36 ساڵ لە 29 ی ئابی 2019 پۆستی سەرۆك وەزیرانی وەرگرت و بەوەش بووە بچووكترین سەرۆك وەزیرانی ئۆكرانیا لە مێژووی نوێی ئەو وڵاتەدا.

بەردەوام بە لە خوێندنەوە

جیهان

خامنەیی لە سوجدەدا بوو
بەڤیدیۆ..ڕۆحانی پێش هەموان خامنەیی جێهێشت

خەڵك-بەشی هەواڵ

حەسەن ڕۆحانی سەرۆك كۆماری ئێران لەكاتی نوێژی هەینیدا و لە پشت خامنەیی ڕێبەری باڵای كۆماری ئیسلامی ئێران نوێژی دەكرد، بەڵام زۆر بەخێرایی سەلامی دایەوە و ریزی نوێژخوێنانی جێهێشت.

تۆڕی سپوتنیك چەند ڤیدیۆیەكی بلاوكردووەتەوە كە لە تۆڕە كۆمەڵایەتییەكان بڵاوكراوەتەوە، ئاماژە بۆ ئەوە دەكات، ڕۆحانی لە پشت خامنەیی و لە تەنیشت عەلی لاریجانی سەرۆكی پەڕلەمانی ئێرانەوە دانیشتووە، بەڵام پێش ئەوەی خامنەیی هەستێتەوە، ڕۆحانی شوێنەكە جێدەهێڵێت، هۆكارەكەشی نازانرێت.

ئەمڕۆ هەینی، دوای 8 ساڵ خامنەیی وتاری نوێژی هەینی دا و ڕایگەیاند، ئەمریكا بەشێوەیەكی ترسنۆكانە قاسم سولەیمانیی كوشت و نەیانتوانی ڕووبەڕوو شەڕی سولەیمانی بكەن.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

جیهان

خامنەیی: گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات

خەڵك-بەشی هەواڵ

 

دوای هەشت ساڵ، عەلی خامنەیی ڕێبەری باڵای كۆماری ئیسلامی ئێران، وتاری ڕۆژی هەینی پێشكەش دەكات.

عەلی خامنەیی ڕێبەری باڵای كۆماری ئیسلامی ئێران لە وتاری ئەمڕۆ هەینی 17-1-2020 ڕایگەیاند، دوو هەفتەی پڕ لە ڕووداومان بەڕێ كرد و دەبێت وانە لە ڕووداوەكانیش وەربگرین.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

کوردستان