ئێمە لە تۆرە کۆمەڵایەتیەکان

عێراق

ئاماژە بە دوو پڕۆژە یاسا دەكات
وتەبێژی حكومەتی عیراق بۆ (خەڵك): ڕۆڵی حزبە تەقلیدییەكان كۆتاییان دێت

خەڵك-ئیدریس جەبار
وتەبێژی حكومەتی عیراقی ئاماژە بە پێشكەشەكردنی دوو پڕۆژە یاسا دەكات لەلایەن حكومەتەوە بۆ پەڕلەمان، كە بە وتەی ئەو، “لێوەی كۆتایی بە ڕۆڵ و هەژموونی حزبە تەقلیدییەكانی ئێستای سەر گۆڕەپانی سیاسی عیراق دێت”.

سەعد حەدیسی، وتەبێژی نووسینگەی عادل عەبدولمەهدی، سەرۆك وەزیرانی عیراق، لە لێدوانێكی تایبەت بە (خەڵك) ڕایگەیاند، “لەڕێی دوو پڕۆژە یاسا، كە یاسای كۆمسیۆنی باڵای هەڵبژاردنەكان و یاسای هەڵبژاردنەكانە، بۆ یەكەمجار دەخرێتەگەڕ و لێوەی كۆتایی بە ڕۆڵ و هەژموونی حزبە تەقلیدییەكان دینێت لە ژیان و كاری سیاسی لە عیراق، بە هەمان شێوە كەمكردنەوەی تەمەنی خۆكاندیدكردن، بوارێكی باش بۆ لاوان دەڕەخسێنێت، بۆ هاتنە نێو كاری سیاسی”.

بە وتەی حەدیسی، “ئەو یاسایە، ڕێگە لە پلە تایبەتەكان دەگرێت، بۆ وەرگرتنی پۆستەكان و خۆكاندیدكردن بۆ پۆستەكانی سەرۆك كۆمار تا دەگاتە بەڕێوەبەری گشتی، واتا ڕێگە لەوانە دەگرێت، كە ئێستا لەو پۆستانەدان تا جارێكی تر خۆیان كاندید نەكەنەوە، بە هەمان شێوە لەڕێی ئەو یاسایەوە ڕێگە لە براوەكانی هەڵبژاردن دەگرێت، جارێكی تر پۆستی وەزیر یان پۆستی هاوشێوە وەربگرن، ئەمەش یەكەمجارە لە وڵاتدا ڕوودەدات، وێڕای پشتبەستن بە سیستمی ئەو براوەیەی زۆرترین دەنگی هێناوە، ئەمەش ڕێگە لە دووبارەكردنەوەی براوەی نێو لیستە هاوبەشەكان دەگرێت، كە زاڵ دەكران بەسەر ئەوانی تردا”.

سەبارەت بە كۆمسیۆنی باڵای هەڵبژاردنەكانیش، سەعد حەدیسی وتی، “بۆیەكەمجار لەڕێی یاساكەوە، كۆمسیۆن بەدوور دەبێت لە دەستوەردان و كاریگەری پەڕلەمان یان ئەنجوومەنی وەزیران، سێ‌ دادوەر دیاری دەكرێن، كە دووانیان لە ئەنجوومەنی باڵای دادوەرییەوە كاندید دەكرێن و ئەوی تریان لەلایەن ئەنجوومەنی باڵای دادوەری هەرێمی كوردستانەوە دەستنیشان دەكرێت، وێڕای دەتنیشانكردنی دوو مامۆستای زانكۆ، كە یەكێكیان دەبێت پسپۆڕ بێت لە زانستە سیاسییەكان و ئەوی تر دەبێت پسپۆڕی بواری زانیارییە تەكنەلۆجییەكان بێت، ئەمانەش لەلایەن ڕاگرانی زانكۆكانەوە كاندید دەكرێن، لەگەڵ هەڵبژاردنی ڕاوێژكاری شورای دەوڵەت لەگەڵ دانانی ژمێریارێكی یاسایی، كە دەبێت لەلایەن دیوانی چاودێری دراییەوە كاندید بكرێت”.

وتەبێژی حكومەتی عیراق دەڵێت: “ناوی ئەمانە بۆ سەرۆكایەتی كۆمار بەرزدەكرێتەوە تا پەسەند بكرێن، بەمشێوە هیچ بوارێك بۆ ڕۆڵ و كاریگەری و دەستوەردانی حزبەكان و فراكسیۆنە پەڕلەمانییەكان نامێنێت لەڕووی كاندیدكردنی ئەو ناوانە، وێڕای داڕشتنەوەی هەڕەمی كۆمسیۆن، كە لە یاساكەدا ئاماژەی پێكراوە، دوای ئەوەی 38 كەسی بە پلەی بەڕێوەبەری گشتی لەخۆگرتبوو، ئەم ژمارەیە بۆ تەنیا 8 كەس كەمدەكرێتەوە، ئەمەش وادەكات كۆمسیۆن زیاتر چالاك بێت لە كارەكانی و لەگەڵ هەموو ئەمانەشدا داهاتێكی زۆر بۆ خەزێنەی دەوڵەت دەگەڕێتەوە”.

سەبارەت بەوەی ئەم هەنگاوەی حكومەت بەدەنگەوەچوونی داواكاری و داخوازی خۆپیشاندەران بێت، حەدیسی ڕایگەیاند، “بەڵێ‌ لەگەڵ ئەوەی خۆپیشاندەران داوای باشكردن و چاكسازییان كردبوو لە لایەنە خزمەتگوزاری و ئابووریەكان،بە هەمان شێوە داوای چاكسازییان كردبوو لە سیستمی سیاسی عیراقیدا بكرێت و گۆڕانكاری لە كۆمسیۆنی باڵای هەڵبژاردنەكان و یاسای هەڵبژاردنەكان بكرێت، ئەمەش بە دەنگەوەچوونی داواكاری خۆپیشاندەرانە، كە دەبێت گۆڕانكاری لە سیستمی سیاسیدا بكرێت و لەڕێی ئەم یاسایانەشەوە، هەلی گەورە بۆ هاتنەپێشەوەی حزبە بچوك و كەسێتییە سەربەخۆكان و تاكەكان بۆ بەشدایی لە پڕۆسەی سیاسی و پەڕلەماندا دەڕەخسێت و دەبێتە مایەی كۆتایی هێنان بە ڕۆڵ و هەژموونی حزبە تەقلیدییەكان، كە لەئێستادا باڵیان بەسەر گۆڕەپانی سیاسی وڵاتدا كێشاوە”.

عێراق

“لێكۆڵینەوەكان لەڕووداوی تیرۆركردنی هاشمی بەردەوامە”

خەڵك – بەشی هەواڵ

وتەبێژی فەرماندەی گشتیی هێزە چەكدارەكانی عیراق ڕایگەیاند: لێكۆڵینەوەكان لەڕووداوی تیرۆركردنی هیشام هاشمی شرۆڤەكاری سیاسیی و ئەمنیی بەردەوامییان هەیە.

عەمید یەحیا ڕەسوڵ فەرماندەی گشتیی هێزە چەكدارەكانی عیراق لە جریوەیەكدا لەهەژماری تایبەتی خۆی لەتۆڕی كۆمەڵایەتی تویتەر بڵاویكردەوە: هیشام هاشمی شارەزایەكی بەتوانا و گرنگ بوو لەبوارەكەی خۆی، هاوڕێیەكی ڕەوشت بەرز بوو، لێكۆڵینەوەكان لەڕووداوی تیرۆركردنەكەی بەردەوامە.

پێشتریش، مستەفا كازمی سەرۆك وەزیرانی عیراق جەختیكردەوە، كە دەبێت سەروەری یاسا هەمیشە دەنگی بەرز و كۆتا بێت، دەبێت دەزگا پەیوەندیدارەكان ڕێنماییەكانی جێبەجێ‌ بكەن و پەلە بكەن لە تەواوكردنی لێكۆڵینەوەكانی تیرۆركردنی هیشام هاشمی شارەزای ئەمنیی.

بەردەوام بە لە خوێندنەوە

عێراق

ژمارەی ئەوانەی چاكبوونەتەوە زیاترن
عیراق و هەرێم، 2229 حاڵەتی تووشبوونی نوێ‌ بە كۆرۆنا تۆماركرا

 

خەڵك- بەشی هەواڵ
وەزارەتی تەندروستی عیراق 2229 حاڵەتی توشبوونی نوێ‌ بە ڤایرۆسی كۆرۆنا لەعیراقدا ڕادەگەیەنێت و ئاماژە چاكبوونەوەی 2274 كەسیش دەكات كە نەخۆشییەكەیان پەڕاندووە و چاكبوونەتەوە.

بەپێی بەیاننامەیەك كە لەلایەن وەزارەتی تەندروستی عیراقەوە بڵاوكرایەوە” لەماوەی 24 كاتژمێری ڕابردوودا 2229 حاڵەتی توشبوونی نوێ‌ لە تێكڕای پارێزگەكانی عیراقدا تۆماركران و2274 كەسیش بە تەواوەتی چاكبوونەوە و گەڕانەوە ماڵەكانیان.

بەپێی ئامارەكان، بەغدا زۆرترین ژمارەی مردن و تووشبوانی تۆماركردووە، و پاشان پارێزگەی زیقار لە پلەی دووەمدایە كە 199 كەس تووشی كۆرۆنا بوون و 6 كەسیش لە پارێزگەكەدا لەماوەی 24 كاتژمێری ڕابردوودا بەهۆی ڤایرۆسەكەوە گیانیانلەدەستداوە.

لە بەیاننامەكەی وەزارەتی تەندروستی عیراقدا هاتووە،” تۆماركردنی حاڵەتەكانی توشبوون بە كۆرۆنا بەسەر زۆرێك لە پارێزگەكاندا دابەشبوون كە بەمشێوەیەن: بەغدا، ڕەسافە: 374 حاڵەت، مەدینە توب: 64 حاڵەت، بەغدا كەرخ: 337 حاڵەت، بەسرە: 173 حاڵەت، نەجەف: 132 حاڵەت، سلێمانی: 159 حاڵەت، هەولێر: 85 حاڵەت، كەركوك: 89 حاڵەت، دهۆك: 10 حاڵەت، كەربەلا: 103 حاڵەت، واست: 55 حاڵەت، دیالە: 85 حاڵەت، میسان:20 حاڵەت، زیقار: 199 حاڵەت، ئەنبار: 16 حاڵەت، نەینەوا: 22 حاڵەت، بابل: 159 حاڵەت، سەڵاحەدین: 13 حاڵەت، دیوانیە: 111 حاڵەت، موسەننا: 23 حاڵەت”.

هەر لە بەیاننامەكەدا وەزارەتی تەندروستی عیراق، ئاماژەی بە تۆماركردنی 100 حاڵەتی گیانلەدەستدانیش كرادووە لەماوەی 24 كاتژمێری ڕابردوو لە تێكڕای پارێزگەكانی عیراق و هەرێمی كوردستان.

وەزارەتی تەندروستی عیراق دەڵێت”كۆی گشتی ژمارەی تووشبوان بە ڤایرۆسی كۆرۆنا لە وڵاتدا گەیشتۆتە 79735 كەس و لەو ژمارەیەش 3250 كەس گیانیانلەدەستداوە و 46998 كەس نەخۆشییەكەیان پەڕاندووە و چاكبوونەتەوە، ئەوانەش كە تائێستا لە نەخۆشخانەن و چارەسەرییان بۆ دەكرێت 29487 كەسن كە 412 حاڵەتیان باری تەندروستییان ناجێگیرە”.

ومنژ تفشی المرچ فی العراق، اشارت الوزارە الی أن مجموع حالات الشفا‌و بلغت 46998 ومجموع الإصابات بلغت 79735 ، والراقدین الكلی 29487 ، والراقدین فی العنایە المركزە 412 ، ومجموع الوفیات 3250.

بەردەوام بە لە خوێندنەوە

عێراق

دەبێت نرخی ئەمپێر كەمبكەنەوە
عیراق، بەبێ‌ بەرانبەر سوتەمەنی دەدرێتە موەلیدە ئەهلییەكان

خەڵك- بەشی هەواڵ
سەرچاوەیەكی ئاگادار ڕایدەگەیەنێت، مستەفا كازمی سەرۆك وەزیرانی عیراق فەرمانی بە وەزارەتی نەوت كردووە، بەبێ‌ بەرانبەر سوتەمەنی بۆ موەلیدە ئەهلییەكان دابین بكات، تا لەبەرانبەردا كاتژمێرەكانی پێدانی كارەبا زیاتربكەن و نرخەكانیش كەمبكەنەوە.

ئەمڕۆ دوو شەممە، سەرچاوەیەكی ئاگادار بە ماڵپەڕی (السومریە نیوز)ی ڕاگەیاندووە”وەزارەتی نەوت بەخۆڕایی سوتەمەنی بۆ موەلیدە ئەهلییەكان دابین دەكات، تا لەبەرانبەردا نرخەكانیان كەمبكەنەوە و كاتژمێری پێدانی كارەبا زیاتربكەن”.

بە وتەی سەرچاوەكە كە نەیویستبوو ناوی خۆی ئاشكرا بكات”ئەم هەنگاوە بە فەرمانی مستەفا كازمی بووە”.

بەردەوام بە لە خوێندنەوە

کوردستان