ئێمە لە تۆرە کۆمەڵایەتیەکان

کوردستان

بۆ یەكەمجار، پێشانگایەكی تایبەت بە دەستنووسە دێرینەكان كرایەوە

خەڵك-ئارام سەردار
لەژێر ناونیشانی (دەستنووسەكان ناسنامەی شارستانیەتیبوونەمانە) ئەمڕۆ سێ شەممە ۱۹ی تشرینی دووەمی ۲۰۱۹ لە هەولێر، لەلایەن بەڕێوەبەرایەتی كتێبخانەی ناوەندی و دەستنووس و كۆرنەرەكانی سەر بەزانكۆی سەڵاحەدین بۆ جاری یەكەم پێشانگایەكی تایبەت بە دەستنووسە دێرینەكان كرایەوە.

فائیز مەلابەكر، بەرپرسی هۆبەی دەستنووسەكان لەبارەی پێشانگاكە بە (خەڵك)ی ڕاگەیاند، وەك لەناونیشانەكەمان ڕوونمان كردۆتەوە ئامانجمان گەیاندنی پەیامێكە بۆ هەموو لایەك و نەوەی ئێستاش، كە گەلی ئێمەش خاوەن مێژوو و شارستانیەتی خۆیەتی و تاوەكو ئێستاش كۆی گشتی ئەو دەستنووسانەی ئێستا هەمانە ژماریان 700 دەستنووس دەبێت و كۆنترین دەستنووسیش، كە هەمانە مێژووەكەی بۆ 500 ساڵ پێش ئیستا دەگەڕێتەوە.

دەشڵێت: “لە پێشانگاكەدا نزیكەی 19 دەستنووسمان نمایش كردووه، كە بریتین لەدەستنووسی قورئان و مێژوویی و ئەدەبی و كەشكۆڵ و كتێبی فارسی”.

ئاماژەی بۆ ئەوەشكرد، نزیكەی ٤۰ بۆ ٥۰ دەستنووس وون بوون، بۆیە هەوڵی گەڕانەوەیان دەدەین.

کوردستان

پەرلەمانی عیراق پرۆژەی هەمواری یاسای هەڵبژاردنەكانی پەسەند كرد

خەڵك –بەشی هەواڵ

پەرلەمانی عیراق هەمواری یاسای هەڵبژاردنەكانی پەسەند كرد.

لە دانیشتنی شەوی ڕابردووی پەرلەمانی عیراقدا سەرجەم بڕگە و مادەكانی پڕۆژەی هەمواری یاسای كۆمسیۆنی باڵای هەڵبژاردنەكانی پەسەند كرد.

بەپێی یاسا نوێیەكە كۆمسیۆن لە حەوت دادوەر و دوو ئەندامی ئەنجومەنی دەوڵەت پێكدێت و بەڕێوەبەرەكانی پێشووی كۆمسیۆن دەگوازرێنەوە فەرمانگەكانی دیكە و كارمەندەكانیش لە شوێنی خۆیاندا دەمێننەوە.

لای خۆیەوە محەمەد حەلبووسی سەرۆكی پەرلەمانی عیراق لە لێدوانێكدا ڕایگەیاند یاساكە بە خواستی گەل دەركراوە.

بەردەوام بە لە خوێندنەوە

کوردستان

سەقز.. بەهۆی تەقینەوەیەك زیاتر لە 40 بوونە قوربانی

خەڵك –بەشی هەواڵ

بە هۆی تەقینەوەیەكی زۆپای غاز لە باڵەخانەیەكی ئاهەنگگێڕان لە سەقز 11 كەس كوژران و 34 كەسی دیكە بریندار بوون.

حوسێن خوەش ئێقباڵ جێگری سیاسی ئەمنی و كۆمەڵایەتی پارێزگاری كوردستان (سنە) بە ئاژانسەكانی ئێرانی ڕاگەیاند تەقینەوەكە بەهۆكاری زۆپایەكی غازەوە بووە.

ڕوونیشیكردەوە، تەقینەوەكە لە كاتژمێر ۱۰ی شەوی ڕابردوو ڕوویداوە و برینداران گواستراونەتەوه بۆ نەخۆشخانەكانی سەقز و سنە.

بەردەوام بە لە خوێندنەوە

کوردستان

ئەردۆغان: سێ هەزار چەكداری داعشمان كوشتووە

خەڵك –بەشی هەواڵ
ڕەجەب تەیب ئەردۆغان سەرۆكی توركیا دەڵێت “لە شارۆچكەی باب لە باكوری سووریا سێ هەزار چەكداری داعشمان كوشتووە”.

ئەردۆغان لە گوتارێكدا لە لەندەن كە بۆ بەستنی لوتكەی ناتۆ چووبووە ئەوێ، ڕایگەیاند، داعش پەیوەندی بە ئیسلام و ئەوانەوە نییە.

ڕاشیگەیاند داعش و فەتحوڵڵا گولەن و پەكەكە و یەپەگە و نازییەكان بیركردنەوەیان یەكە.

بەردەوام بە لە خوێندنەوە

کوردستان