ئێمە لە تۆرە کۆمەڵایەتیەکان

کوردستان

لە حەسەكە هێزەكانی ئەمریكا ئۆپەراسیۆنێكی تایبەت ئەنجام دەدەن

خەڵك- بەشی هەواڵ
هێزەكانی ئەمریكا لە ڕیفی حەسەكە لە ڕۆژئاوای كوردستان، ئۆپەراسیۆنێكی تایبەت ئەنجام دەدەن، بەپێی ئاژانسی دەنگوباسی فەرمی سوریاش، ئەو هێزانە لە ئۆپەراسیۆنەكەدا دوو كەسیان دەستگیركردووە.

ئەمڕۆ سێ‌ شەممە، ئاژانسی دەنگوباسی فەرمی سوریا (سانا) بڵاویكردەوە، “هێزەكانی ئەمریكا دابەزینێكی ئاسمانییان لە ڕیفی حەسەكە ئەنجامدا”.

(سانا) كە لەڕێی هەواڵێكی بەپەلەوە ئاماژەی بە ڕووداوەكە كردبوو، دەڵێت: “هێزەكانی ئەمریكا دابەزینێكی ئاسمانییان لەڕێی هێلیكۆپتەرێكەوە لەسەر ماڵێك لە گوندی تەل ئەحمەر لە باشووری ڕیفی حەسەكە ئەنجامدا”.

هەر بەپێی ئاژانسەكە، “لەو ئۆپەراسیۆنەدا هێزەكانی ئەمریكا دوو كەسییان دەستگیركرد”، بەبێ‌ ئەوەی وردەكاریی زیاتر لەسەر ڕووداوەكە بڵاوبكاتەوە.

کوردستان

“ڕەنگە سەرۆك كۆمار و سەرۆكی پەرلەمانیش دەستلەكاربكێشنەوە”

خەڵك –بەشی هەواڵ

مەحمود عوسمان سیاسەتمەداری ناسراوی كورد ڕایگەیاند “رەنگە دەستلەكاركێشانەوە بگاتە سەرۆك كۆمارو سەرۆكی پەرلەمانی عیراقیش”.

مەحمود عوسمان بە ئاژانسی هەواڵی تەسنیم-ی ئێرانی ڕاگەیاند “رەنگە دەستلەكاركێشانەوەی عادل عەبدولمەهدی سەرۆكوەزیرانی عێراق، سەرۆك كۆمار و سەرۆكی پەرلەمانیش بگرێتەوە، لەبەر ئەوەی بەشداری دەسەڵاتییان كردووە و گەل لێیان قایل نییە”.

لە بارەی رۆڵی ئەمریكاشەوە ئەو سیاسەتمەدارە كوردە دەڵێت “ئەمریكا لە عێراق و ڕۆژهەڵاتی نێوەڕاست پێگەی نەماوە، بەیاننامە لەلایەن باڵیۆزخانەو بەرپرسانی ئەمریكاییەوە سوودی نییە، لەدوای ساڵی 2003وە سیاسەتی هەڵەی ئەمریكا، گەندەڵی دارایی و كێشەی عیراقییەكانی زۆرتركرد”.

بەردەوام بە لە خوێندنەوە

کوردستان

لە سۆران ژنێك كوژرا

خەڵك –بەشی هەواڵ

بەڕێوەبەرایەتی پۆلیسی سۆران لە ڕاگەیەندراوێكدا كوژرانی ژنێكی ڕاگەیاند.
بەپێی زانیارییەكانی پۆلیسی سۆران، ئەو ژنە لەلایەن دراوسێیەكیانەوە بە هەڵە كوژراوە بە دەمانچە.

بەپێی راگەیەندراوەكە، ژنەكە كاتێك سەردانی ماڵی دراوسێكەیانی كردووە، كوڕێكی ماڵەكە خەریكی دەمانچە بووە و فیشەك لەدەستی دەرچووە و خۆی ڕادەستی پۆلیس كردووە .

بەردەوام بە لە خوێندنەوە

کوردستان

كۆیە.. ڕووداوێكی هاتووچۆ دوو قوربانی لێكەوتەوە

خەڵك –بەشی هەواڵ

ڕووداوێكی هاتووچۆ لە سنووری شاری كۆیە دوو قوربانی لێكەوتەوە.

بەپێی سەرچاوەیەكی پۆلیس، دوو ئۆتۆمبێل لە سەر ڕێگای قوشتەپە بەیەكیان داداوە، بەهۆیەوە دوو هاووڵاتی گیانیان لەدەستداوە.

ئەو دوو هاووڵاتییە كوڕ و باوك بوون و خەڵكی قوشتەپە بوون.

بەردەوام بە لە خوێندنەوە

کوردستان