ئێمە لە تۆرە کۆمەڵایەتیەکان

جیهانی

مانچستەر یونایتد ئامادەکاری بۆ گواستنەوەیەکی گەورە دەکات !

خەڵک سپۆرت

ئیدارەی یانەی مانچستەر یونایتد هەوڵەکانی بۆ گواستنەوەی گەوهەرێکی نەرویجی دەست پێکردووە و تاکە یانەن لەگەڵ خێزانی یاریزانەکە گفتوگۆیان کردووە.

ماڵپەڕی “میترۆ”ی بەریتانی لە چەند سەرچاوەیەکی نزیکی مانچستەر یونایتدەوە ئاشکرای کردووە، لە چەند ڕۆژی ڕابردودا باوکی ئێرلینگ هالاندی ئەستێرەی لاوی یانەی ڕێدبول سالزبۆرگ سەردانی “کارینگتن”ی کردووە، کە تایبەتە ناوچەی بە مەشق و ڕاهێنانەکانی “ڕێد دێڤڵز”، لێرەدا چاوی بە ئۆلی گۆنار سۆڵشایەری ڕاهێنەر و ستافەکەی کەوتووە و پاشان لە نوسینگەکانی یونایتد کۆبونەوەی نهێنی ئەنجامدراوە.

بەپێی سەرچاوەکە، هالاند داواکراوی چەندین یانەی زەبەلاحی ئەوروپایە، بەڵام یونایتد بە سودوەرگرتن لە ئەزمونی سۆڵشایەر کە خەڵکی وڵاتی نەرویجە هەموو هەوڵێک دەدەن هالاند پەلکێشی پێکهاتەکەیان بکەن، تاکە کێشەشیان مینۆ ڕایۆلای لێپرسراوی کاروباری یاریزانە ١٩ ساڵەکەیە کە پەیوەندیەکی خراپی لەگەڵ ئیدارەی سورە زەبەلاحەکان هەیە.

هالاند لەم وەرزەدا لەکۆی ١٨ یاریی توانیویەتی ٢٦ گۆڵ تۆمار بکات و شەش گۆڵیش بۆ هاوڕێکانی دروست بکات، تا ئێستا گۆڵکاری خولی یانە پاڵەوانەکانی ئەوروپایە بە تۆماری حەوت گۆڵەوە.

جیهانی

خشتە و کاتی یارییەکانی ئەمڕۆی جامی کەنداو و خولەکانی ئەوروپا (یەک شەممە)

خەڵک سپۆرت

ئەمڕۆ ململانێی یانەکانی ئەوروپا لە خولە ناوخۆییە ناودارەکانی (ئەڵمانیا، ئیتاڵیا، ئیسپانیا، ئینگلتەرا، فەرەنسا) بەردەوامی دەبێت و یاریی کۆتایی جامی کەنداوی ٢٤ لە یاریگای “ستاد عەبدوڵا بن خەلیفە: ئەنجام دەدرێن، ئەمانەی خوارەوەش گرنگترین ئەو یارییانەن کە ئەنجام دەدرێن:

جامی کەنداو (یاریی کۆتایی)

بەحرەین – سعودیە (٧:٠٠)

خولی ئینگلیزی

ئەستۆن ڤێلا – لیستەر سیتی (٥:٠٠)

نیوکاسڵ یونایتد – ساوزهامبتۆن (٥:٠٠)

نۆریچ سیتی – شیفێڵد یونایتد (٥:٠٠)

برایتۆن – وڵڤەرهامبتۆن (٧:٣٠)

خولی ئیسپانیا

ئیبار – خیتافێ (٢:٠٠)

ڕیاڵ بیتیس – ئەتلەتیک بلباو (٤:٠٠)

ڤەلەد وەلید – ڕیاڵ سۆسیداد (٦:٠٠)

لیگانێس – سێلتا ڤیگۆ (٨:٣٠)

ئۆساسۆنا – سڤیلیە (١١:٠٠)

خولی ئیتاڵیا

لیچی – جێنەوا (٢:٣٠)

تۆرینۆ – فیورنتینا (٥:٠٠)

ساسولۆ – کالیەری(٥:٠٠)

سپال – بریشیا (٥:٠٠)

سامپدۆریا – پارما (٨:٠٠)

بۆلۆنیا – میلان (١٠:٤٥)

خولی ئەڵمانیا

یونایۆن بەرلین – کولن (٥:٣٠)

ڤێردەربریمەن – پادێربۆرن (٨:٠٠)

خولی فەرەنسا

ستاد ڕیمس – سانت ئیتیان (٥:٠٠)

نانت – دیجۆن (٧:٠٠)

مارسیلیا – بۆردۆ (١١:٠٠)

بەردەوام بە لە خوێندنەوە

جیهانی

زێدان چووە ڕیزی ڕاهێنەرە ئەفسانەییەکانی ڕیاڵەوە و تەنها سێ ناوی لەبەردەمدا ماوە

خەڵک سپۆرت

زینەدین زێدانی فەرەنسی یاریی لەدوای یاریی مێژووی تاکە کەسی تۆمار دەکات و بەبردنەوەی لە یانەی ئیسپانیۆل توانی ڕاهێنەرێکی مێژوویی یانەی شاهانە لەڕووی ڕیکۆردەکانەوە تێپەڕبکات.

ئەمڕۆ یانەی شاهانەی مەدرید لەیاریگای “سانتیاگۆ بێرنابیۆ” میوانداری ئیسپانیۆلی کەتەلۆنی کرد و بە ئەنجامی دوو گۆڵی بێوەڵام سەرکەوتنیان بەدەست هێنا، زینەدین زێدانی ڕاهێنەری شاهانە لەسەر ئاستی تاکە کەسی توانی یاریی ژمارە ١٢٢ وەک ڕاهێنەری یانەکە ئەنجام بدات کە لەو ماوەیەدا ٨٢ بردنەوە و ٢٤ یەکسانبوون و ١٥ دۆڕاندنی تۆمار کردووە، هەروەها پێکهاتەکانی بەگشتی ٣٠٩ گۆڵیان تۆمار کردووە و ١٢٦ گۆڵیان لەسەر تۆمار کردووە.

بەم ڕیکۆردەوە “زیزۆ” توانی ڕیکۆردەکانی لویس مۆلۆنی ئەفسانەی ڕاهێنەرانی مێرەنگی یەکسان بکاتەوە کە لەسەردەمی خۆیدا لەهەمان ژمارەی یارییدا ٧٤ بردنەوە و ٢ یەکسانبوون و ١٢ دۆڕاندنی تۆمار کردووە.

لەمێژووی “لۆس بلانکۆس”ی مەدریدیدا تەنها سێ ڕاهێنەر زیاتر لە زێدان ئەرکی ڕاهێنانی پێکهاتەی شاهانەیان لەئەستۆ بووە، پێکهاتوون لە: لیۆ بینهاکەر ١٣٩ یاریی، ڤیسینتی دێل بۆسکی ١٥٣ یاریی، هەروەها میگێل مونۆزی ئەفسانەیی کە لە ٤٢٤ یارییدا ڕاهێنەری یانە زەبەلاحەکەی مەدرید بووە و مەحاڵە ڕاهێنەرێک بتوانێت هەمان ڕێژە تۆمار بکاتەوە.

بەردەوام بە لە خوێندنەوە

جیهانی

لەبەر پێنج هۆکار، ئەگەر ئارسیناڵ ئەنچلۆتی بکڕێت دەگەڕێتەوە لوتکە

کارگێڕی یانەی ئارسیناڵ ماوەیەکە ئونای ئیمیری ڕاهێنەریان دوورخستۆتەوە و لەجێگەی لیۆنبێرگ بەشێوەی کاتیی دەستبەکار بووە، شارەزایان پێیان وایە کارلۆ ئەنچلۆتی باشترین هەڵبژاردەیە لەبەردەم کاربەدەستانی یانە ئینگلیزیەکەدا.

ئەنچلۆتی تەمەن (٦٠) ساڵ وەرزی ڕابردوو لەگەڵ یانەی ناپۆلی پلەی دووەمی ڕیزبەندی یانەکانی ئیتاڵیای دەستەبەر کرد، بەڵام لەم وەرزەدا بەهۆی کێشە کارگێڕیەکان و تێکچوونی پەیوەندیەکانی لەگەڵ ئیدارەی ناپۆلی کەوتۆتە بارودۆخێکی ناهەموارەوە و تائێستا لەپلەی حەوتەمی ڕیزبەندیدان و لەکۆی (١٤) یاریی تەنها پێنج بردنەوەیان تۆمار کردووە.

لەلایەکی ترەوە یانەی ئارسیناڵ لەململانێکانی وەرزی ٢٠١٩/٢٠٢٠ی “پریمەرلیگ” لە ئاستێکی مامناوەنددا بوون و لەکۆی (١٤) یاریی تەنها چوار بردنەوەیان بەدەستهێناوە و لەپلەی نۆیەمدان، ئەگەریش هەیە لەحاڵی بەردەوامبوونی ئەنجامە خراپەکاندا دووچاری قەیرانی قوڵتربن.

ڕۆژنامەی “زە سەن”ی بەریتانی ئاشکرای کردووە، لەنێو سەرجەم ڕاهێنەرانی جیهاندا کارلۆ ئەنچلۆتی لەبەر (پێنج هۆکار) شایستەترینە بۆ وەرگرتنی پۆستی ڕاهێنەری تۆپچیەکانی شاری لەندەن، هۆکارەکانیش بریتین لە:

  • شارەزایی لە پریمەرلیگدا هەیە و لە ساڵی ٢٠٠٩ وەک ڕاهێنەری چێڵسی جێگەی گوس هیدینگی هۆڵەندی گرتەوە، پلەی سێیەمی خولەکەی بەدەستهێنا، دواتر نازناوی خولی ناوخۆ و “فا کاپ”ی کۆکردەوە، کاتێک ماڵئاوایی لە بلوزی لەندەن کرد ڕێژەی بردنەوەکانی لەڕیزبەندی ڕاهێنەرانی خولەکەدا سێیەم بوو.

  • براوەی نازناوەکانە، بەپێچەوانەی ئارسیناڵەوە کە (١٦) ساڵە هەگبەی نازناوەکانی بەتاڵە، مێژووی ئەنچلۆتی بۆ یانە ئینگلیزیەکە گونجاوە و بەوە ناسراوە کە لە چنینەوەی نازناوەکاندا شارەزایە و ١٢ خولی ناوخۆی لە چوار خولی جیاواز و سێ نازناوی خولی یانە پاڵەوانەکانی لەگەڵ میلان و ڕیاڵ مەدرید بەدەستهێناوە.
  • لە گەڕاندنەوەی ئاستی یاریزانان و هاندانی ئەستێرەکاندا بەتواناترینی بوارەکەی خۆیەتی، لەبارەیەوە زلاتان ئیبراهیمۆڤیچ و کریستیانۆ و چەندینێکی تر ڕایانگەیاندووە، ئەگەر بارودۆخی نەخوازراو نەبوایە حەزیان بەوە بووە بۆ هەتا هەتایە لەگەڵ ئەم ڕاهێنەرەدا کاربکەن.
  • تاکتیکی دیاریکراوی نییە و لەگەڵ بارودۆخەکاندا گۆڕانکاری دەکات، بەپێچەوانەی ئونای ئیمیری ڕاهێنەری پێشوو کە تەنها بە یەک شێوازی هێرشبەری یاریی دەکرد و لەڕووی بەرگریەوە لاواز بوو، ئەنچلۆتی پاڵپشت بە پلانی (٤ – ٤ – ٢) یاریی دەکات و جۆری ئەو یاریزانانەی کاریان پێدەکات بەراورد بە یاریزانانی ئارسیناڵ زۆر گونجاوە.
  • دەتوانێت کاریگەری لەسەر نوێکردنەوەی بۆندی یاریزانە گەورەکان دروست بکات و یاریزانی گەورەتریش پەلکێشی ڕیزەکانی گانەرز بکات، لەپێشوودا ئەندازیاری کڕینی چەندینێکی وەک جەیمس ڕۆدریگێز و گاریس بەیل و تیاگۆ سیلڤا و لوکاس مۆرا و ڕۆناڵدینیۆ بووە.
بەردەوام بە لە خوێندنەوە

کوردستان