ئێمە لە تۆرە کۆمەڵایەتیەکان

عێراق

پەڕلەمانتارێكی كورد: لە عیراق كێشەی مووچە نییە
“حزبەكانی عیراق تەسفیە حسابی خۆیان لەسەر خۆپیشاندانەكان دەكەن”

خەڵك – بەشی هەواڵ
ئەندامێكی پەڕلەمانی عیراق ڕایدەگەیەنێت، سەرەتاكانی خۆپیشاندان لە عیراق تەنها بۆ خزمەتگوزاری بوو، بەڵام دواتر لایەنە سیاسیەكان تەسفیە حسابی خۆیانی لەسەر دەكەن، دەشڵێت: “لە عیراق كێشەی مووچە نیە، كێشەی داهاتی عیراق لە گرێبەستەكاندایە”.

د. میران محەمەد، ئەندامی پەڕلەمانی عیراق لە فراكسیۆنی یەكێتی بە (خەڵك)ی ڕاگەیاند، لە سەرەتاكانی خۆپیشاندان هاووڵاتیان خۆپیشاندانیان بۆ داواكاری خزمەتگوزاری بوو، لە هەموو ڕووەكانەوە، بەتایبەت كەرتی تەندروستی لە عیراق زۆر زۆر خراپە.

وتیشی، “لایەنە سیاسیەكانی عیراق بۆ تەسفیە حسابی خۆیان دەستیان لەگەڵ خۆپیشاندانەكان تێكەڵ كرد، بۆیە ئەوەی لێكەوتەوە، كە ئێستا داوای گۆڕینی حكومەت و دەستوور و سیستەمی سیاسی دەكەن لە عیراقدا”.

ڕاشیگەیاند، لایەنە سیاسیەكانی عیراق لەماوەی دوای ڕووخانی ڕژێمی پێشوو ئەگەر نیازیان چاكسازی بوایە دەبوو لە ساڵی 2003وە شتێك بكرایە، بەڵام ئێستا 2019 هیچ شتێكیان نەكردووە.

ئاماژەی بۆ ئەوەشكرد، ئەم چاكسازیانەی بڕیاری لەبارەوە دراوە ئیرادەیەك هەیە بۆ جێبەجێكردنی و ماوەی ساڵێكی پێویستە تا بكرێت، لە شەفافیەت و نەمانی دزی لەسەر داهاتی گشتی ئەم وڵاتە.

ئاشكراشیكرد، لە عیراق كێشەی مووچە نیە، ئەوەی كێشەی بۆ داهاتی عیراق دروست كردووە ئەو گرێبەستانەیە، كە هەر لایەنە بە وەزیرەكەی خۆی لە حكومەت كردویەتی بۆ نمونە گرێبەستێك بە ملیارێك دۆلار بووە وەزیر 2 ملیاری بۆ تەرخان كردووە.

عێراق

“ئەگەر پلانی نێودەوڵەتی نەبێت، كازمی لە چاكسازییەكانی سەركەوتوو دەبێت”

خەڵك-تەنیا هەورامی

 

سەرۆكی بزاڤی چاكسازی و گەشە ڕایدەگەیەنێت، ئەو كارەی كازمی دەستیپێكردووە قورسە، بەڵام سوورە لەسەر جێبەجێكردنی چاكسازییەكانی لە عیراق.

دوای دەستبەكاربوونی موستەفا كازمی وەك سەرۆك وەزیرانی عیراق، دەیەوێت بەشێك لە بودجەی بەهەدەردراوی عیراق بگێڕێتەوە بۆ خەزێنە دەوڵەت و بەو هۆیەشەوە چەندین چاكسازی لە دەروازە سنوورییەكان تاكو بڕینی مووچەی هەزاران فەرمانبەری دوو مووچە دەست پێكردووە.

د.محەمەد بازیانی سەرۆكی بزاڤی چاكسازی و گەشە بە (خەڵك)ی ڕاگەیاند، كازمی لەسەرەتای هاتنییەوە خۆی بە شەهیدی زیندوو ناوبردووە و پێشبینی ئەوەش دەكات لەهەر كاتێكدا تیرۆر بكرێت.
وتیشی”ئەو كارەی كازمی دەستیداوەتێ قورسە، بەڵام بەردەوامە لەسەر ئەوەی ئەو چاكسازیانە بكات، بەتایبەت دەروازە سنوورییەكان كە لەوێوە گەندەڵی زۆر هەیە بەكوردستانیشەوە”.
ئاماژەی بۆ ئەوەش كرد، دەسەڵاتدارانی كوردیش دەڵێن ئامادەیمان هەیە و هەماهەنگی دەكەین.
ئاشكراشیكرد، وەكو ئەوەی سەرۆكی دەزگایەكی هەواڵگری عیراق بووە، زانیاری لەسەر گەندەڵكاران هەیە و سەركەوتوو دەبێت، بە مەرجێك ئەگەر پلانی نێودەوڵەتی ڕێگر نەبێت.
ڕوونیشیكردەوە، ئەم پیاوە كاری زۆری كردووە و دڵم خۆشە بەو چاكسازیانە، بەڵام لە داهاتوودا وەك باس دەكرێت دەبێتە دیكتاتۆرێك یان نا، بەدڵنیاییەوە دیكتاتۆرەكان هەموویان بەو شێوەیە دروست دەبن و خزمەتی خەڵك دەكەن لە كۆتایدا بڕیارەكانیان لە بەرژەوەندی خۆیان دەبێت، ئەویش پەیوەستە بە گەلی عیراقەوە.

بەردەوام بە لە خوێندنەوە

عێراق

داهاتی خاڵێكی سنووری عیراق تەنها لە یەك ڕۆژدا، زیاتر لە 2 ملیار دینارە

خەڵك-بەشی هەواڵ

 

دەستەی‌ دەروازە سنوورییەكانی‌ عیراق ڕایدەگەیەنێت، داهاتی‌ ڕۆژانەی‌ بەندەری‌ ئوم قەسر تەنیا لە یەك ڕۆژدا لە دوو ملیار دینار زیاترە.

دەستەی‌ دەروازە سنوورییەكانی‌ عیراق لە ڕاگەیەنراوێكدا ئاماژە بۆ ئەوە دەكات، داهاتی‌ ڕۆژی‌ 13ی‌ ئەم مانگە لە بەندەری‌ ئوم قەسر لە پارێزگای‌ بەسرە دوو ملیار و 126 ملیۆن دینار بووە.
ئاشكراشیكرد، داهاتەكە بەجۆرێك بووە بەشی‌ زۆری‌ لە ڕێگەی‌ سەپاندنی‌ گومرگەوە بووە لەسەر ئاڵۆگۆڕی‌ بازرگانی‌ و ئەوەی‌ دیكەی‌ لە ڕێگەی‌ باجەوە بەدەستهاتووە.

جەخت لەوەش دەكات، داهاتەكە زیاد بووە و ئەو زیادبوونەیش لە ئەنجامی‌ جێبەجێكردنی‌ سەرجەم ڕێكار و یاساكانی‌ چاودێریی‌ و وردبینی‌ و پشكنینی‌ ئەمنی‌ بەدیهاتووە، بەتایبەتی‌ لەدوای‌ گەیشتنی‌ ڕێنماییەكانی‌ مستەفا كازمی‌ سەرۆك وەزیرانی عیراق لە بواری‌ چاكسازی‌ لە داهاتی‌ دەروازە سنوورییەكاندا.

ئەمەش لەكاتێكدایە، دوای بوونی بە سەرۆك وەزیران دەیەوێت سەرجەم خاڵە سنوورییەكان بخاتەوە ژێر ڕكێفی حكومەتی عیراقی و لیژنەیەكی چاودێری سەرپەرشتییان بكات.

بەردەوام بە لە خوێندنەوە

عێراق

عیراق.. بڕیارێكی نوێ‌ لەبارەی فرۆشتنی دەرمانەوە دەدرێت

خەڵك – بەشی هەواڵ

وەزیری تەندروستی عیراق بڕیارێكی نوێ‌ لەبارەی فرۆشتنی دەرمان لە دەرمانخەكان دەردەكات.

حەسەن تەمیمی وەزیری تەندروستی و ژینگەی عیراق ڕایگەیاند: فەرمانگەی چاودێری و پشكنینی ئاگاداركردووەتەوە، كە سەرجەم ئەو دەرمانخانە تایبەتانە دابخەن كە پابەندی بڕیار و ڕێنماییەكان نین و هەردەرمانخانەیەك كڕین و فرۆشتن بەو دەرمانانە بكات كە پشكنینیان بۆ نەكراوە یاخود لەلایەن وەزارەتی تەندروستییەوە بڕیاریان لەسەر نەدراوە دادەخرێن.

پێشتر لیژنەی باڵای تەندروستی و سەلامەتی نیشتمانیی عیراق ڕایگەیاندبوو، سەرجەم دەرمانخانەكان بەمەرج دەكرێنەوە كە پابەندی ڕێنماییەكانی خۆپارێزی بن و دەرمان و چارەسەر بۆ تووشبووانی كۆرۆنا بەكارنەهێنن.

بەردەوام بە لە خوێندنەوە

کوردستان