ئێمە لە تۆرە کۆمەڵایەتیەکان

ئابوری

خەڵك؛ نوێترین زانیاری لەسەر پلەبەرزكردنەوەی فەرمانبەران ئاشكرادەكات

خەڵك- بەشی هەواڵ
ماوەی چوار ساڵە حكومەتی هەرێمی كوردستان بەشێوەی نایاسایی بەرزكردنەوەی پلەی فەرمانبەران “ترفیع”ی ڕاگرتووە و پەرلەمانتارێكی لیژنەی یاساییش دەڵێت: “دوای پەسەندكردنی پڕۆژە یاسای چاكسازی ئەو بابەتەش چارەسەر دەكرێت”.

خەدیجە عومەر، ئەندامی لیژنەی یاسایی پەڕلەمانی كوردستان بە (خەڵك)ی ڕاگەیاند، پێشتر بەهۆی قەیرانی داراییەوە بڕیاری ڕاگرتنی بەرزكردنەوەی پلەی فەرمانبەران دراوە.

وتیشی، “تائێستا نازانرێت حكومەتی هەرێم دەتوانێت بڕیارێكی نوێ بدات و بەرزكردنەوەی پلەی فەرمانبەران دەستپێبكاتەوە یان نا، بەڵام لەوانەیە بە پەسەندكردنی پڕۆژە یاسای چاكسازی ئەو بابەتەش چارەسەر بكرێت، چونكە پێشبینی دەكرێت پارەیەكی شیاو بۆ حكومەت بگەڕێتەوە”.

پڕۆژە یاسای چاكسازی لە شوباتی 2018 دا پەسەند كرا، بەڵام بەهۆی تەرخانكردنی چوار ملیۆن و 500 هەزار دینارەوە بۆ خانەنشینی پەڕلەمانتاران ناڕەزایەتی زۆری لێكەوتەوە و بەوەش تەواوی پڕۆژەكە شكستی هێنا و نێردرایەوە بۆ حكومەت.

ڕاگرتنی بەرزكردنی پلەی فەرمانبەران تەنها فەرمانبەرانی مەدەنی گرتۆتەوە و كارمەندانی سەربازی و ناوخۆی هەرێم لەكاتی خۆیدا پلەكانیان بۆ بەرزدەكرێتەوە.

ئەمە لەكاتێكدایە، كە چەند ڕۆژێكە فەرمانبەران هاشتاگی (#بەڵێ‌_بۆ_گەڕانەوەی_پلەبەرزكردنەوە)یان ڕاگەیاندووە و داوا لە سەرۆك وەزیرانی هەرێم دەكەن ئەو مافە یاساییەیان بۆ بگەڕێنێتەوە.

ئابوری

وەزارەتی دارایی لەبارەی مووچەی پاشەكەوتكراوەكانەوە ڕوونكردنەوەیەك بڵاودەكاتەوە

خەڵك – بەشی هەواڵ
وەزارەتی دارایی و ئابووری حكومەتی هەرێم ڕایدەگەیەنێت، هەندێك كەس بە ئاگا یان بێ ئاگا دەیانەوێت لە بەهای ئەو سەركەوتنە گەورەیەی شاندی هەرێمی كوردستان بۆ ڕێكەوتن لەگەڵ بەغدا كەمبكەنەوە، دەشڵێت،”سەرباری ئەوەی كە مووچە نەدراوەكان و پاشەكەوتەكانی مووچەش لەسەردەمی ئەم كابینەیەدا نەبووە، بەڵام حكومەتی هەرێم و وەزارەتی دارایی بەرپرسیاریەتی هەموویان لە ئەستۆ دەگرێت”.

وەزارەتی دارایی و ئابووری حكومەتی هەرێم لە ڕوونكردنەوەیەكدا، كە وێنەیەكی دەست (خەڵك) كەوتووە ڕایگەیاندووە، ئەمرۆ پێنجشەممە 5/12/2019، لە دیوانی وەزارەت، كۆنگرەیەكی ڕۆژنامەوانی سەبارەت بە ڕێكەوتنی نێوان هەرێم و بەغدا بەسترا و سەرۆك و ئەندامانی شاندی حكومەتی هەرێم، دۆسیەی بودجە و نەوت ئەنجامی ڕێكەوتنی شاندی هەرێمی كوردستانیان بۆ ڕۆژنامەنووسان ئاشكراكرد.

دەشڵێت،”وەزیری دارایی ئەوەی بۆ هەموو لایەك خستەڕوو، كە حكومەت مووچەی 8 مانگی فەرمانبەران و 12 مانگی خانەنشینان قەرزدارە، بەڵام هیچ ئاماژەیەك بە مووچە ناتەواوەكان نەداوە، كە بە ڕێژەی جیاواز بە پاشەكەوت دابەشكراون”.

ڕاشیگەیاندووە، بەداخەوە هەندێك كەس بە ئاگایی یان بە بێ ئاگا ڕاستیەكان دەشێوێنن دەیانەوێت لە بەهای ئەو سەركەوتنە گەورەیەی شاندی هەرێمی كوردستان كەمكەنەوە.

 

وێنەی ‏وەزارەتى دارایی و ئابووری - وزارة المالية والاقتصاد‏.

 

بەردەوام بە لە خوێندنەوە

ئابوری

لە حاڵەتی دواكەوتنى پەسەندكردنی بودجەدا
حكومەتی عیراق بەمشێوەیە مووچە دابەش دەكات

خەڵك- بەشی هەواڵ
ئەندامێكی لیژنەی دارایی پەرلەمانی عیراق ڕایدەگەیەنێت، حكومەتی ئێستا ناتوانێت بودجەی ساڵی داهاتوو پێشكەش بكات، تا ئەو كاتەی حكومەتی نوێ‌ پێكدەهێنرێت.

حەنین قەدۆ، ئەندامی لیژنەی دارایی لە پەرلەمانی عیراق لە لێدوانێكیدا بۆ میدیاكانی عیراق، ڕایگەیاندووە”بودجەی گشتی فیدراڵی بۆ ساڵی داهاتوو تا ئەم ساتەش لای لیژنەی ئابورییە لە ئەنجومەنی وەزیران، كێشەیەكی زۆر هەیە بۆ دابینكردنی بڕە داراییەكان بۆ بەجێگەیاندنی ئەو ئەركانەی لەئەستۆیەتی بەرانبەر بە گەلی عیراق كە بە كێشەی مەترسیدار دادەنرێن”.

بە وتەی قەدۆ”پەرلەمان لەئێستادا بەشێوەیەكی نافەرمی بڕگەكانی بودجەی داهاتوو تاوتوێ‌ دەكات، تا زەمینە سازی بۆ داڕشتنی كۆتایی بكات، لەپێناو دەرچوون لەم ئاستەنگە گەورەیەی كە تێیكەوتووین بەهۆی ئەو ئەركە گەورەكانی كەوتوونەتە سەرشانی حكومەت و وەزارەتی دارایی و پەرلەمان”، ڕەتیشیكردەوە “حكومەتی ئێستا بتوانێت بودجەی ساڵی داهاتوو پێشكەش بكات، تا ئەو كاتەی حكومەتی نوێ‌ پێكدەهێنرێت”.

ئەو ئەندامەی لیژنەی دارایی پەرلەمانی عیراق دەڵێت”لەحاڵەتێكدا گەر پەسەندكردنی بودجەی داهاتوو بەهەر هۆیەكەوە بێت دواكەوت، ڕێژەی 1/12ی بودجەی ساڵی داهاتوو مانگانە خەرج دەكرێت بۆ مەبەستی مووچەی فەرمانبەران، تا ئەو كاتەی بودجەكە پەسەند دەكرێت”.

بەردەوام بە لە خوێندنەوە

ئابوری

زانیاری نوێ لەسەر گێڕانەوەی پاشەكەوتی مووچەی فەرمانبەرانی هەرێم

خەڵك-سەعد مەلا عەبدوڵڵا گوڵپی

ئەندامێكی پەڕلەمانی عیراق ڕایدەگەیەنێت، دەبێت عیراق یارمەتی هەرێم بدات لە دانەوەی پاشەكەوتی مووچەی فەرمانبەران.

دوای چەندین گفتوگۆ و كۆبوونەوەی نێوانیان، ئەمڕۆ وەزیری دارایی حكومەتی هەرێم بە فەڕمی ڕێككەوتنی هەرێم و بەغدای ڕاگەیاند و بەپێی ڕێككەوتنەكە ڕۆژانە هەرێم 250 هەزار بەرمیل ڕادەستی سۆمۆ دەكات و لەبەرانبەردا عیراقیش بەشە بودجەی هەرێم دەنێرێت.

شیروان میرزا ئەندامی لیژنەی دارایی لە پەڕلەمانی عیراق بە (خەڵك)ی ڕاگەیاند، پاشەكەوتی مووچە ئەركی حكومەتی هەرێمە بیداتەوە.
وتیشی”پێموایە هەرێم پێشنیاری كردووە و داواشی لە حكومەتی عیراقی كردووە یارمەتی بدات لە دانەوەی قەرزەكان و لەناو قەرزەكانیش بەشێكی پاشەكەوتی مووچەی فەرمانبەرانی هەرێمە”.

لای خۆشیەوە ئومێد سەباح ئەندامی شاندی هەرێم بۆ داوستان لەگەڵ بەغدا لە كۆنفڕانسێكی ڕۆژنامەوانیدا ڕایگەیاند، گێڕانەوەی مووچە پاشەكەوتكراوەكان مافێكی هەرێم و فەرمانبەرانی هەرێمە و دەبێت ئێمە پارێزەری سەرەكی ئەو بابەتە بین و بیگێڕێنەوە بۆ خاوەن ماف.
وتیشی” ئێمە بە بەغدامان ڕاگەیاندووە هۆكاری ئەو كێشەیەی ڕووی لە هەرێم كردووە ئەوەیە كە بودجەكەمان لەلایەن ئێوە بڕدراوە”.

ڕوونیشیكردەوە، بە شاندی عیراقیمان ڕاگەیاندووە، فەرموون بەرهەمی نەوتی و سەرجەم داهاتەكانمان لە ساڵانی ڕابردوو هەمانبووە و ئەو داهاتەی هاتووەتە دەستی ئێمە حساب بكەن و لەبەرانبەردا ئێوەش چەندێك پارەی ئێمەتان لابووە نەتانداوە بەراورد بكەین ئەوكات بە ڕوونی دەردەكەوێت كە ئێمە داهاتمان چەند بووە و چەندمان لێبڕدراوەو ئالیەتی پێویستیشمان بۆ داناوە.

بەردەوام بە لە خوێندنەوە

کوردستان