ئێمە لە تۆرە کۆمەڵایەتیەکان

جیهان

خامنەیی: پێویستە بڕیاری گرانكردنی بەنزین جێبەجێ بكرێت

خەڵك-بەشی هەواڵ

ڕێبەڕی شۆڕشی كۆماری ئیسلامی ئێران ئاشكرایكرد، جێبەجێكردنی بڕیاری سەركردەی دەسەڵاتەكانی ئێران بۆ گرانكردنی بەنزین پێویستە و گرانی بەنزینیش نابێت كار بكاتەسەر گرانبوونی كاڵاكانی دیكە.
ڕێبەڕی شۆڕشی كۆماری ئیسلامی ئێران لە گوتاری ئەمڕۆ یەكشەممەیدا ئاماژەی بۆ ئەوە كرد، پەیوەندیم بە گرانبوونی نرخی بەنزینەوە نییە، بەڵام بۆچوونی پسپۆڕان لەو بوارە قبوڵكراوە.
خامنەیی ئاشكراشیكرد، بەرپرسانی ئێران بە پشتیوانی پسپۆڕان بڕیارێكیان داوە و دەبێت جێبەجێ بكرێت، بەدڵنیایشەوە هەندێك لە هاوڵاتیان نیگەرانی ئەو بڕیارەن و ناڕەحەت دەبن و یاخود زیانیان بەردەكەوێت، بەڵام تێكدان و ئاگرتێبەردان كاری ئەوان نییە.

دەشڵێت “دژە شۆڕش و دوژمنانی ئێران هەمیشە ئەم جۆرە كارە تێكدەرانە دەكەن بۆ تێكدانی ئارامی لە ئێران ئەوانەشی بەرگریان لێدەكەن هیشتا بەم كارەوە سەرقاڵن”.
ئاشكراشیكرد، ئەم جۆرە كارانە ئارامی وڵات تێكدەدەن، بەڵام هیچ كەسێكی عاقڵ و هۆشمەند وڵاتەكەی ناگەیەنێتە ئەو دۆخە ناهەموارە، پێویستە بەرپرسان هەرچەند دەتوانن چاودێری دۆخەكە بكەن تاكو كێشەكانی هاوڵاتیان چارەسەر ببن.

جیهان

لاڤرۆڤ: ڕوسیا وەڵامی هەموو هەڕەشەكانی ناتۆ دەداتەوە

خەڵك – بەشی هەواڵ

وەزیری دەرەوەی ڕوسیا ڕایدەگەیەنێت، “مۆسكۆ وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا”.

سێرگی لاڤرۆڤ وەزیری دەرەوەی ڕوسیا لە كۆنفڕانسێكی ڕۆژنامەوانیدا سەبارەت بە كۆبوونەوە و چالاكییەكانی هاوپەیمانی باكووری ئەتڵەسی ناتۆ ڕایگەیاند، “ناتۆ بودجەیەكی زۆری بۆ بەهێزكردنی بەرگری و هێزە سەربازییەكانی هاوپەیمانییەتییەكەیان تەرخانكردووە، كە لەمێژووی هاوپەیمانییەتییەكەیان هاوشێوەی نەبووە”.

لاڤرۆڤ ئاماژەی بەوەشكرد، “ئامانجی ناتۆ لەئەنجامدانی ئەو كارە بەهێزكردنی پێگەی خۆیەتی لەجیهاندا و سەپاندنی دەسەڵاتی خۆیەتی لە ڕۆژهەڵاتی ناوەڕاستدا”.

وەزیری دەرەوەی ڕوسیا جەختیشیكردەوە، “ڕوسیا وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا لە هەر كوێیەكی جیهاندا بێت”.

سێرگی لاڤرۆڤ ئەوەشی خستەڕوو، “ناتۆ و ڕوسیا و چین بە دوژمن دەزانێت و بەردەوام دژایەتیان دەكات”، وتیشی، “ئێمە خۆمان ناگلێنین لە پێشبڕێكی بەهێزكردنی سەربازی وڵاتەكەمان لەدژی ناتۆ، ڕوسیا شێوازی تایبەتی هەیە بۆ وەڵامدانەوە بەجۆرێك ئاسایشی وڵاتەكەمانی تێدا مسۆگەربێت”.

بەردەوام بە لە خوێندنەوە

جیهان

ڕوسیا: هەوڵەكانی ئەمریكا مەترسین لەسەر تەواوی مرۆڤایەتی

خەڵك – بەشی هەواڵ

جێگری سكرتێری ئەنجومەنی ئاسایشی ڕوسیا ڕایدەگەیەنێت: “ڕێوشوێنەكانی ئەمریكا لەبواری چەك ئامانجی وێرانكردنی هەیكەلی سەقامگیری ستراتیژی و دەستبەسەراگرتنی جیهانییە و هەڕەشە لە هەموو مرۆڤایەتی دەكات”.

ڕەشید نور گالیێڤ جێگری سكرتێری ئەنجومەنی ئاسایشی ڕوسیا لەلێدوانێكدا بەئاژانسی “ئینتەرفاكس”ی وڵاتەكەی ڕاگەیاندووە:”ئەو ڕێوشوێنانەی ئەمریكا گرتوویەتیەبەر بۆ وێرانكردنی هەیكەلی سەقامگیری ستراتیژی ئامانجەكەی ئەوەیە سەرجەم كۆت و بەندە نێودەوڵەتییەكان لەسەر كەرتی پیشەسازی سەربازیی ئەمریكی لابدات”.

جێگری سكرتێری ئەنجومەنی ئاسایشی ڕوسیا ئاماژەی بەوەشداوە، كشانەوەی واشنتۆن لە ڕێككەوتننامەی داماڵینی مووشەكی مامناوەند و كورتمەودا و دروستكردنی گرژی لەسەر بابەتی تێپەڕاندنی ڕێككەوتنی دانانی سنورێك بۆ چەكە ستراتیژییە هێرشبەرەكان و ڕەتكردنەوەی واژۆكردنی ڕێككەوتنی قەدەغەكردنی تەواوەتی چەكە ئەتۆمییەكان لەهەنگاوەكانی ئەمریكان، سەرەڕای كشانەوە لە پلانی كاری هاوبەش تایبەت بە یەكلاكردنەوەی كەیسی بەرنامە ئەتۆمییەكەی ئێران.

ڕەشید نور گالیێڤ بۆچوونی وڵاتەكەی زیاتر دەخاتەڕو و دەڵێت “پێمانوایە ئەو كارانە هەوڵدانێكی نابەرپرسانەی ئەمریكایە بۆ كۆنتڕۆڵكردنی جیهان لە ڕێگەی بەرزكردنەوەنەی توانا سەربازییەكانی، ئەوەش مەترسی لەسەر سەرجەم مرۆڤایەتی دروستدەكات”.

بەردەوام بە لە خوێندنەوە

جیهان

مووشەكە دوورهاوێژەكانی ئێران وڵاتانی ئەوروپای نیگەران كردووە

خەڵك – بەشی هەواڵ

وەزارەتی دەرەوەی فەڕەنسا ڕایدەگەیەنێت، مووشەكە دوورهاوێژەكانی ئێران وڵاتی فەڕەنسای نیگەران كردووە.

ئەجنیس فۆند دیر وتەبێژی وەزارەتی دەرەوەی فەڕەنسا لە لێدوانێكی ڕۆژنامەوانیدا ڕایگەیاند، چەندین جار نیگەرانی خۆیان سەبارەت بە مووشەكە دوورهاوێژەكانی ئێران ڕاگەیاندووە.

جەختیشییكردەوە، ئەو جۆرە مووشەكانە بوونەتە هەڕەشە بۆسەر ئاسایشی نێودەوڵەتی.

هاوكات هەریەك لە وڵاتانی بەریتانیا و ئەڵمانیا هەمان نیگەرانییان دەربڕیوە و ڕایانگەیاندووە، مووشەكەكانی ئێران توانای هەڵگرتنی كڵاوەی ئەتۆمییان هەیە و ناكرێت چاویان لێبپۆشرێت، لە بەرامبەریشدا حكومەتی ئێران ئەو تۆمەتانەی ڕەتكردەوە و ڕایگەیاند، لێدوانی ئەو وڵاتانەی ئەوروپا نیشانەی ئەوەیە كە ناتوانن پابەندبن بە ڕێككەوتنە ئەتۆمییەكەوە.

بەردەوام بە لە خوێندنەوە

کوردستان