ئێمە لە تۆرە کۆمەڵایەتیەکان

ئابوری

هەولێر.. لەسەرەتای ئەمساڵەوە هاووڵاتیان بە بڕی 200 ملیۆن دینار سزادراون

خەڵك – بەشی هەواڵ

قائیمقامی هەولێر ڕایدەگەیەنێت، لەسەرەتای ئەمساڵەوە تائێستا بەهۆی سەرپێچی و پابەندنەبوونەوە، بڕی 200 ملیۆن دینار سزای هاووڵاتییان دراوە.

نەبەز عەبدولحەمید قائیمقامی هەولێر لەلێدوانێكی ڕۆژنامەوانیدا ڕایگەیاند، وەك قائیمقامییەتی قەزای ناوەندی هەولێر، سەرپەرشتی 28 لیژنە دەكەن، كە ڕۆژانە كاری چاودێری هەموو سێكتەرەكان دەكەن.

قائیمقامی هەولێر ئاماژەی بەوەشدا، “لە یەكەم ڕۆژی ئەمساڵەوە تائێستا زیاتر لە 200 ملیۆن دینار سزای ئەو شوێنانە دراوە، كە سەرپێچییان كردووە، بە سەدان تۆن خۆراك و دەرمان دەستیان بەسەرداگیراوە، سەدان شوێن داخراون، كافتریاكانی كە بەدەر لە ڕێنماییەكان كرابوونەوە و شوێنی قوماركردن بوون داخران، لیژنەكانمان بەردەوامن و پێویستمان بە هاوكاری هاووڵاتیان هەیە، ئەگەر تێبینی یان هەر شوێنێك هەیەتی ئەوا ئاگادارمان بكاتەوە”.

لە بەشێكی تری وتەكانیدا نەبەز عەبدولحەمید ئاماژەی بەوەكرد، دەیانەوێت شێوازی نووسینی تابلۆكان ڕێكبخەنەوە و بەو هەڵانەدا بچنەوە، كە لە نووسینی تابلۆكاندا هەیە.

قائیمقامی هەولێر وتیشی،”ئاگاداری گەشتوگوزار كراوەتەوە لەكاتی نوێكردنەوەی مۆڵەت، پێداچوونەوە بۆ تابلۆكان بكرێت و پێویستە بە زمانێكی كوردی پاراو بنووسرێت و ئەوەش مەرجی سەرەكی نوێكردنەوەی مۆڵەتە”.

ئابوری

وەزیری كارەبا: ھەموو ھەرێمی كوردستان لە پڕۆژەی نوێی وێستگەی خەبات سوودمەند دەبێت

خەڵك – ئارام سەردار
وەزیری كارەبا ڕایگەیاند بە خستنەگەڕی وێستگەی هەڵمیی كارەبای خەبات لە هەولێر، 10%ی كارەبای ھەرێمی كوردستان زیاد دەبێت.

ئەندازیار کەمال محەمەد وەزیری کارەبای هەرێمی كوردستان ڕایگەیاند، پڕۆژەی وێستگەی هەڵمی کارەبای نیشتیمانی خەبات بڕی ٥٦٤ ملیۆن ٤۸۳ هەزار دۆلار لەچوارچێوەی ڕێککەوتنێکە کە لە ۲۰۱۳ لەنێوان وەزارەتی سامانە سروشتیەکان و کۆمپانیای نەوتی کۆری کرابوو، ئێستاش ئێمە نزیکەی ۲۸۰۰ مێگاوات کارەبامان هەیە دابەشی سەر شارەکانی دەکەین، بەم پڕۆژەیە نزیکەی ۳۰۰ مێگاوات کارەبا واتە لە ۱۰٫٥٪ زیاتر دەبێت، بەمەش بەشێکی کێشەکانی کارەبا چارەسەردەبێت، چونکە ئێستا ۱٤بۆ ۱٥ کاتژمێر کارەبا دەدرێت بەهاوڵاتیان بە کارپێکردنی ئەو پڕۆژەیە تاوەکو ۱۷ کاتژمێر کارەبا دابین دەکرێت.

دەشڵێت، ئیمە کۆمەڵێک پلانی کورت خایان و درێژخایانمان هەیە لەئێستاشدا بۆ هەزار و ٥٤۰ مێگاواتی تر گرێبەستمان کردوە، ٥۰۰ مێگاوات لەبازیان و ٥۰۰ مێگاواتی تر لەخورمەلە، هەروەها ۳۰۰ مێگاواتی تر بەئاو بەرهەم دێت لەسۆران و زاخۆ و ڕاپەڕین، ۱٦٥مێگاواتیش لەگەرمیان بەهۆی غازی سوتێنراو بەرهەم دێت، ۷٥ مێگاواتیش بەووزەی خۆر لەتەندەردایە.

وەزیری كارەبا ئەوەشی خستەڕوو، پڕۆژەکان هی حکومەتن و سوتەمەنیەکەش لەسەر نەوتی ڕەشە، پێویستی بەنەقڵ نیە، پلانیشمان هەیە ڕەوشی کارەبا زۆر باش دەبێت، لەکارەبا بەرەو کەرتی تایبەت دەچین بەهەمان نرخ و هاوبەشی بەڵام پڕۆژەکە وادەکات کۆمپانیاکە بەرپرس بێت لەم ٤٤٪ەی کارەبا کە ون دەبێت، هاوڵاتیانیش وەک یەک پارەی کارەبا بدەن.

بەردەوام بە لە خوێندنەوە

ئابوری

لە هەولێر وێستگەی كارەبای هەڵمیی خەبات دەخرێتەگەڕ

خەڵك – بەشی هەواڵ
بڕیارە ئەمڕۆ سێ شەممە، وێستگەی کارەبای هەڵمیی خەبات لە هەولێر بخرێتەگەڕ.

پێشنیوەڕۆی ئەمڕۆ بە ئامادەبوونی مەسرور بارزانی سەرۆکی حکومەتی هەرێمی کوردستان و قوباد تاڵەبانی جێگری سەرۆکی حکومەت، ڕێوڕەسمی بەگەڕخستنی وێستگەی کارەبای هەڵمی خەبات بەڕێوەدەچێت.

پێشتر تیمێکی کۆریای باشوور بۆ بەگەڕخستنی وێستگەی کارەبای هەڵمی خەبات سەردانی هەولێریان كرد و بە دوو قۆناغ کاریان لەسەر وێستگەکە کردبوو. ئەمەش دوای ئەوەی 40 ملیۆن دۆلار بۆ بەگەڕخستنی وێستگەکە تەرخانکرا.

وەزارەتی کارەبا ئاماژەی بەوەکردووە، بە تەواوکردنی کارەکانی وێستگەکە، بڕی 150 مێگاوات کارەبا بۆ هەرێمی کوردستان زیاد دەبێت، کە ئەمەش سوودی بۆ زیادکردنی کاتژمێرەکانی کارەبای نیشتمانی لەم وەرزە گەرمەدا دەبێت.

بەردەوام بە لە خوێندنەوە

ئابوری

“هاوسەنگی بۆ بازاڕی نەوت دەگەڕێتەوە”

خەڵك – بەشی هەواڵ

ئەمینداری گشتیی ڕێكخراوی وڵاتانی هەناردەی نەوت (ئۆپیك) ڕایدەگەیەنێت: هاوسەنگی بۆ بازاڕی نەوت دەگەڕێتەوە.

محەمەد باركیندۆ ئەمینداری گشتیی ڕێكخراوی وڵاتانی هەناردەی نەوت (ئۆپیك) ئەمڕۆ دووشەممە ڕایگەیاند: بازاڕی نەوت بەهۆی بەرزبوونەوەی داخوازی لەسەری لەهاوسەنگی نزیك دەبێتەوە.

ئەمینداری گشتیی ئۆپیك ڕاشیگەیاند: ئەوەی یارمەتیدەرە لە نزیكبوونەوە و هێنانەدی هاوسەنگی بازاڕ، ئاڕاستەكانی داخوازی و خستنەڕووە.

هاوكات وڵاتانی جیهان هەنگاو بەرەو ئەوە دەنێن ڕێكارەكانی داخستنی سنوورەكان و گەشتە ئاسمانییەكان سووك بكەن، وێڕای ئەوەی وڵاتانی ئۆپیك پڵەس بڕیاری ئەوەیان دابوو ئاستی بەرهەمهێنانی نەوت تا ئاستێكی باش كەم بكەنەوە و پاڵپشتیی لە بازاڕی نەوت بكەن.

بەردەوام بە لە خوێندنەوە

کوردستان