ئێمە لە تۆرە کۆمەڵایەتیەکان

ئابوری

خەڵك؛ وردەكاری دامەزراندنی مامۆستایان و فەرمانبەرانی گرێبەست بڵاودەكاتەوە

خەڵك-ئارام سەردار
جێگری سەرۆكی لێژنەی یاسایی لە پەڕلەمانی كوردستان ڕایدەگەیەنێت، ۲۹ هەزار و ۸۸٦ مووچەخۆری گرێبەست لەهەرێمی كوردستان هەن، پڕۆژەكە پەیوەندی بە مەسەلەی دامەزراندن نیە، بەڵكو ئەوەی هەیە مووچەخۆرانی گرێبەست بكرێنە هەمیشەیی، لە قۆناغی دووەمیش بۆ ئەوەی حكومەت بتوانێت خۆبەخشان و وانەبێژان دوای ئەوەی گرێبەستەكان دەبن بەفەڕمی ئەوان بكرێن بەگرێبەست.

عەباس فەتاح، جێگری سەرۆكی لێژنەی یاسایی لە فڕاكسیۆنی یەكێتی لە پەڕلەمانی كوردستان بە(خەڵك)ی ڕاگەیاند، لەهەرێمی كوردستان بەپێی ئەو ئامارەی وەزارەتی دارایی و ئابووری داویەتی كۆی گشتی فەرمانبەرانی گرێبەست، كە مامۆستایانیش دەگرێتەوە بریتین لە ۲۹ هەزار و ۸۸٦ كەس.

لەبارەی پڕۆژە یاساكەی دامەزراندنی فەرمانبەرانی گرێبەست دەڵێت: “پڕۆژە یاسایەكە بۆ ئەو فەرمانبەرانەیە، كە ماوەیەكی زۆرە گرێبەستن و نەبوون بەفەڕمی، پێویستە بۆ دڵنیایی و داهاتووی خۆیان دابمەزرێن، بەر لەبڕیاری دامەزراندنی مامۆستایانی گرێبەستیش پڕۆژە یاسایەكە، كە پڕۆژەی فڕاكسیۆنی یەكێتیە لەلایەن حكومەت ڕەزامەندی لەسەر درابوو، بەڵام حكومەت بڕیاری بۆ مامۆستایانی گرێبەست دەركرد و ئێستاش پڕۆژەكە لەسەر داوای حكومەت بۆ دوو هەفتە گەڕێندراوەتەوە بۆ حكومەت بۆ پێداچوونەوە”.

ئاماژەی بەوەشكرد، پڕۆژەكە پەیوەندی بە مەسەلەی دامەزراندن نیە، بەڵكو ئەوەی هەیە مووچەخۆرانی گرێبەست بكرێنە هەمیشەیی، لە قۆناغی دووەمیش بۆ ئەوەی حكومەت بتوانێت خۆبەخشان و وانەبێژان دوای ئەوەی گرێبەستەكان دەبن بەفەڕمی ئەوان بكرێن بەگرێبەست، ئەگەر نەتوانرێت دابمەزرێن هیچ نەبێ بكرێنە گرێبەست”.

بەپێی پڕۆژە یاساكە، سەرجەم فەرمانبەرانی گرێبەست، كە لە ۳ ساڵ خزمەتیان زیاترە دەكرێن بەهەمیشەیی و ماوەی خزمەتی گرێبەستەكەیان بۆ هەژمار دەكرێت بۆ سەرمووچە و پلەبەرزكردنەوە و خانەنشینی.

ئابوری

یەك شەممەی داهاتوو مووچەی ئەم شوێنانە دابەش دەكرێت

خەڵك- بەشی هەواڵ

یەك شەممەی داهاتوو مووچەی مانگی ئەیلولی وەزارەتی شەهیدان و ئەنفالكراوەكان و كەسوكاری شەهیدان و زیندانیانی سیاسی دابەش دەكرێت.

بەپێی زانیارییەكانی كە (خەڵك) لە وەزارەتی دارایی و ئابورییەوە دەستی كەوتووە، ڕۆژی یەك شەممەی داهاتوو مووچەی كارمەندانی وەزارەتی شەهیدان و ئەنفالكراوەكان و كەسوكاری شەهیدان و زیندانیانی سیاسی دابەش دەكرێت.

دابەشكردنی مووچەی مانگی ئەیلول لەكاتێكدایە مووچەی سێ‌ مانگی فەرمانبەرانی هەرێمی كوردستان لەمساڵدا نادیارە.

بەردەوام بە لە خوێندنەوە

ئابوری

فراكسیۆنەكەی هادی عامری داوای ڕادەستكردنی تەواوی نەوتی هەرێم دەكات

خەڵك- بەشی هەواڵ

هەرێم و بەغدا لەسەر ناردنی نەوت و مووچەی فەرمانبەران ڕێككەوتوون، بەڵام فراكسیۆنی فەتح كە لەلایەن هادی عامرییەوە سەرۆكایەتی دەكرێت دژ بە ڕێككەوتنەكەیە و داوای تەواوی نەوتی هەرێم دەكات.

ئەحمەد كینانی، پەرلەمانتاری فراكسیۆنی فەتح بۆ ماڵپەڕەكانی عیراق قسەی كردووە و وتویەتی”براكانمان لە هەرێمی كوردستان پابەندنەبوون بە ڕێككەوتنی 2019ەوە و نەوتیان ڕادەستی سۆمۆ نەكرد، تەنها داهاتی نەوتیش نییە، بەڵكو پێویستە تەواوی نەوت و داهاتەكان بگەڕێنەوە بۆ بەغدا و دواتر بەسەر تەواوی هاووڵاتیاندا دابەش بكرێت”.

هەر لە قسەكانیدا ئەو پەرلەمانتارە ڕەخنەی ئەوەی لە بەغدا گرتووە، كە زیاتر لە 12%ی داهاتی عیراق ڕەوانەی هەرێم دەكات، بەبێ‌ ناردنی هیچ بڕێكی نەوت لە ڕێگای سۆمۆوە.

بەردەوام بە لە خوێندنەوە

ئابوری

سەندیكای ئابووریناسان: پڕۆژەی چاكسازی بە هەدەردانی سامان كەمدەكاتەوە

خەڵك-بەشی هەواڵ

سەرۆكی لقی سەندیكای ئابووریناسانی كوردستان ڕایدەگەیەنێت، هەر پڕۆسەیەكی چاكسازی لەپێناو باشتركردنی ژیانی خەڵك بێت هەموو هاوڵاتیان و لایەنەكانیش پشتگیری دەكەن.

نەوزاد شێخ كامیل سەرۆكی سەندیكای ئابووریناسانی كوردستان بە (خەڵك)ی ڕاگەیاند، ئەو پڕۆژە چاكسازییەی ساڵانێكە كاری لەسەر دەكرێت، خۆشبەختانە دوابڕیاری لێدرا و كۆمەڵێك خاڵی تێدایە كە 90%ی زیاتر لە خزمەتی هاوڵاتیاندایە و دەبێتە هۆكارێك بۆ كەمكردنەوەی گەندەڵی و بەهەدەردانی سامانی گشتی و بەرپاكردنی دادپەروەری كۆمەڵایەتی كە بەهۆی ئەو دۆخە سیاسییە نالەبارەی لە ڕابردوودا هەبووە ئەم یاسای چاكسازییە بەشێكی زۆر ئەو كەموكوڕیانە چارەسەر دەكات.

وتیشی”ئەم پڕۆژەیە پڕۆژەیەكی نیشتمانییە و هەموو لایەنەكان بەڵێنیان داوە پشتگیری بكەن و ئەوەش زەمانی سەركەوتی پڕۆژەكەیە”.

ئاشكراشیكرد، پڕۆژەكە دەست دەبات بۆ كۆمەڵَێك مەلەف كە لە ڕابردوودا بەهۆی دۆخی سیاسییەوە دەستی بۆ نەبراوە، ئێستاش ئەو پڕۆژەیە هەندێك كەس پێیان ناخۆشە و لە بەرژوەندیان دەدرێت، بەڵام لە كۆتایدا خەڵك لێی سودمەند دەبێت.

ڕوونیشیكردەوە، داهاتی تاك زیاد دەكات و نزیكەی 100 ملیار دینار دەگەڕێتەوە و دادپەروەری كۆمەڵایەتی بەرپا دەكاتەوە كە كۆمەڵَك خەڵك سوودمەند بوون لەمەودا ئەو بابەتە بنەبڕ دەكرێت.

بەردەوام بە لە خوێندنەوە

کوردستان