ئێمە لە تۆرە کۆمەڵایەتیەکان

جیهان

بە ڤیدیۆ؛ لە شارێكی ئێران بانكی نیشتمانی سووتێنرا

خەڵك- بەشی هەواڵ
دژی گران كردنی نرخی بەنزین لە زۆربەی ناوچەكانی ئێران و بەتایبەت ڕۆژهەڵاتی كوردستان هاووڵاتیان ڕژاونەتە سەر شەقامەكان و دروشم دژی بەرپرسانی باڵای وڵاتەكە دەڵێنەوە و لەلایەن خۆپیشاندەرانیشەوە بنكەیەكی پۆلیس سووتێنرا.

دوانیوەڕۆی ئەمڕۆ شەممە، بەهۆی هێرشی هێزەكانی پۆلیس بۆ سەر خۆپیشاندەران، بنكەیەكی پۆلیس لەناوەندی شاری كرماشان لە ڕۆژهەڵاتی كوردستان، لەلایەن خۆپیشاندەرانەوە سووتێندرا و ئۆتۆمبێلەكانی ئاگركوژێنەوەش، كە بۆ كوژاندنەوەی ئاگرەكە هاتبوون، ڕووبەڕووی تووڕەیی خەڵك بوونەوە و نەیانتوانی بچنە نزیك بنكەكە.

لە مەیدانی ئازادی شاری كرماشان هێزە ئەمنییەكان بە گازی فرمێسكڕێژ و ئاوی بە تەوژم هێرشیان كردۆتە سەر خۆپیشاندەران و چەندین كەس برینداربوون.

هاوكات خۆپیشاندەران لە شاری بهبهان لە باشووری ڕۆژئاوای ئێران ئاگریان بەردا لە بانكی نیشتمانی.

لە هەمان كاتدا لە بەندەری بووشەهۆ هێزە ئەمنییەكان بە غازی فرمێسكڕێژ و ئاوی بەتەوژم دەیانەوێت بڵاوە بە خۆپیشاندەران بكەن.

جیهان

هەلیكۆپتەرێك لە ئەمریكا كەوتەخوارەوە

خەڵك –بەشی هەواڵ

بەیانی ئەمڕۆ لە ویلایەتی مینیسوتای ئەمریكا هەلیكۆپتەرێك كەوتەخوارەوە.

بەپێی ڕاگەیەندراوی نووسینگەی پاسەوانی نیشتیمانی ویلایەتی مینیسوتا هەلیكۆپتەرەكە سەر بە هێڵی ئاسمانی سوپای پاسەوانی نیشتیمانی بووە و لە گەشتێكی تاقیكردنەوەدا بووە.

بەهۆی ڕووداوەكەوە سێ سەربازی ئەمریكایی گیانیان لەدەستدا.

بەردەوام بە لە خوێندنەوە

جیهان

خۆپیشاندان لە فەرەنسا دەستیپێكرد

خەڵك –بەشی هەواڵ

بە شێوازێكی بەرفراوان خۆپیشاندان لە فەرەنسا دەستیپێكرد لە دژی یاسای خانەنشینی.

لە زۆرتر لە 250 شار و شارۆچكەی فەرەنسا بە بەشداری نزیكەی 500 هەزار كەس خۆپیشاندان دەستیپێكردووە لە دژی یاسای خانەنشینی كە لەلایەن حكومەتەوە ئامادەكراوە.

لە پاریس نزیكەی 250 هەزار كەس بەشداری خۆپیشاندانەكانیان كرد، لەوێ تێكهەڵچوون لە نێوان خۆپیشاندەران و هێزە ئاسایشییەكاندا ڕوویدا و قوربانی كەوتنەوە.

لە هەندێك شوێنیش مانگرتنی گشتی ڕاگەیەندراوە و بەشێك لە گەشتە ئاسمانییەكانیش هەڵوەشێندرانەوە و دەیان كەسیش قۆڵبەست كراون.

بەردەوام بە لە خوێندنەوە

جیهان

لاڤرۆڤ: ڕوسیا وەڵامی هەموو هەڕەشەكانی ناتۆ دەداتەوە

خەڵك – بەشی هەواڵ

وەزیری دەرەوەی ڕوسیا ڕایدەگەیەنێت، “مۆسكۆ وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا”.

سێرگی لاڤرۆڤ وەزیری دەرەوەی ڕوسیا لە كۆنفڕانسێكی ڕۆژنامەوانیدا سەبارەت بە كۆبوونەوە و چالاكییەكانی هاوپەیمانی باكووری ئەتڵەسی ناتۆ ڕایگەیاند، “ناتۆ بودجەیەكی زۆری بۆ بەهێزكردنی بەرگری و هێزە سەربازییەكانی هاوپەیمانییەتییەكەیان تەرخانكردووە، كە لەمێژووی هاوپەیمانییەتییەكەیان هاوشێوەی نەبووە”.

لاڤرۆڤ ئاماژەی بەوەشكرد، “ئامانجی ناتۆ لەئەنجامدانی ئەو كارە بەهێزكردنی پێگەی خۆیەتی لەجیهاندا و سەپاندنی دەسەڵاتی خۆیەتی لە ڕۆژهەڵاتی ناوەڕاستدا”.

وەزیری دەرەوەی ڕوسیا جەختیشیكردەوە، “ڕوسیا وەڵامی هەموو هەڕەشەكانی ناتۆ دەداتەوە كە دەیكاتە سەر بەرژەوەندییەكانی ڕوسیا لە هەر كوێیەكی جیهاندا بێت”.

سێرگی لاڤرۆڤ ئەوەشی خستەڕوو، “ناتۆ و ڕوسیا و چین بە دوژمن دەزانێت و بەردەوام دژایەتیان دەكات”، وتیشی، “ئێمە خۆمان ناگلێنین لە پێشبڕێكی بەهێزكردنی سەربازی وڵاتەكەمان لەدژی ناتۆ، ڕوسیا شێوازی تایبەتی هەیە بۆ وەڵامدانەوە بەجۆرێك ئاسایشی وڵاتەكەمانی تێدا مسۆگەربێت”.

بەردەوام بە لە خوێندنەوە

کوردستان