ئێمە لە تۆرە کۆمەڵایەتیەکان

کوردستان

حزبی سۆسیالیست كۆنگرە دەبەستێت و گۆڕانكاری دەكات

سلێمانی ـ نزار جەزا

حزبی سۆسیالیست دیموكراتی كوردستان ئامادەكاری بۆ بەستنی كۆنگرەی حەوتەمی حزبەكەی دەكات.

بەختیار كەریم وتەبێژی حزبی سۆسیالیست دیموكراتی كوردستان بە(خەڵك)ی ڕاگەیاند، بەستنی كۆنگرە بۆ هەر حزبێك گرنگی خۆی هەیە، بۆئەوەی خۆی نوێ بكاتەوە و لەگەڵ گۆڕانكارییەكان خۆی بگونجێنێت، بەڵام ئەم چەند ساڵە بەهۆی خراپی بارودۆخی كوردستان و قەیرانی داراییەوە بەستنی كۆنگرەی هەندێك حزب دواكەوت.

ئاماژەی بەئەوەشدا، لەكۆبوونەوەی ئەنجومەنی سەركردایەتی حزبی سۆسیالست لیژنەیەكی حەوت كەسی تایبەت بۆ ئامادەكاری بەستنی كۆنگرەی حەوتەم پێكهاتووە.

ناوبراو كە ئەندامی لیژنەی ئامادەكاری كۆنگرەی حزبەكەیەتی ڕوونیكردەوە، هەموو ئامادەسازییەكیان بۆ بەستنی كۆنگرە كردووە، لەڕووی هەموواركردنەوەی پەیڕە و پڕۆگرامی حزب و پڕۆژەی حزب و گۆڕینی ئاڵا و زۆر گۆڕانكاری دیكە.

وتیشی:”وەك حزب پێمان باشە محەمەد حاجی مەحمود ببێتەوە بە سكرتێری گشتی حزب، بەڵام ئەم بابەتە لەناو كۆنگرە قسەی لێدەكرێتەوە و هەر كەسێك خۆی بۆ ئەو پۆستە بپاڵێوێت ئازادە و لە كۆنگرە بڕیاری لێدەدرێت”.

کوردستان

حەسەكە.. تەقینەوەیەك ڕوویدا

خەڵك – بەشی هەواڵ

تەقینەوەیەكی بەهێز لەشاری حەسەكەی ڕۆژئاوای كوردستان ڕوویدا.

بەپێە زانیارییەكان، كاتژمێر 8ی ئەمشەو تەقینەوەك لە شاری حەسەكەی ڕۆژئاوای كوردستان ڕوویداوە كە دەنگێكی بەهێزی هەبووە و دوكەڵێكی گەورە ئاسمانی شارەكەی گرتووەتەوە، دوابەدوای ڕووداوەكەش تیمەكانی ئاگركوژێنەوە و تەندروستی ڕەوانەی شوێنی ڕووداوەكە كراون.

هاوكات، كەناڵی (ڕوسیا تودەی) بڵاویكردووەتەوە: تەقینەوەكە لە جبەخانەیەكی چەك و تەقەمەنی سەربازیی هێزەكانی سوریای دیموكرات (هەسەدە) بووە بەهۆی بەرزبوونەوەی پلەی گەرماوە ڕوویداوە.

جێی ئاماژەیە، تائێستا هیچ لایەنێكی فەڕمی لە ڕۆژئاوای كوردستان زانیاری تەواوی لەسەر هۆكاری ئەو تەقینەوەیە و زیانەكانی ئاشكرا نەكردووە.

بەردەوام بە لە خوێندنەوە

کوردستان

سەیدسادق.. دوو تووشبووی تری كۆرۆنا گیانیان لەدەستدا

خەڵك – بەشی هەواڵ

قائیمقامیەتی شارۆچكەی سەیدسادق گیانلەدەستدانی دوو تووشبووی تری ڤایرۆسی كۆرۆنای ڕاگەیاند.

قائیمقامیەتی شارۆچكەی سەیدسادق لە ڕاگەیەندراوێكدا ڕایگەیاند: دوو حاڵەتی نوێی مردن بە ڤایرۆسی كۆرۆنا تۆماركرا كە دوو پیاوی تەمەن ٦٦ ساڵ و ٥٠ ساڵن و دانیشتووی شارۆچكەكەیانن.

قائیمقامیەتی شارۆچكەی سەیدسادق ڕوونیشیكردووەتەوە: ئەو هاووڵاتییانە پاش ماوەی چەند ڕۆژێك داخڵ بوونیان و خەواندنیان لە نەخۆشخانە، ئێوارەی ئەمڕۆ گیانیان لە دەستدا.

بەمەش ژمارەی مردن بە ڤایرۆسی كۆرۆنا لە شارۆچكەی سەیدسادق گەیشتە 17 حاڵەت.

بەردەوام بە لە خوێندنەوە

کوردستان

بەندكراوێك لە سلێمانی بە كۆرۆنا گیانی لەدەستدا

خەڵك- بەشی هەواڵ

ڕاگیراوێكی گرتن و گواستنەوەی گەرمیان لە نەخۆشخانەی سلێمانی دوای ئەنجامدانی نەشتەرگەرییەك گیانی لەدەستدا.

بەڕێوەبەرایەتی گشتی تەندروستی گەرمیان لە ڕاگەیەنراوێكدا ئاماژەی بەوەكردووە، ڕاگیراوێكی گرتن و گواستنەوەی گەرمیان، كە توشبوی كۆرۆنا بوو، پاش ئەنجامدانی نەشتەرگەری لەچەند ڕۆژی ڕابردوودا، ئێوارەی ئەمڕۆ لە نەخۆشخانەی سلێمانی گیانی لەدەستدا.

ڕوونیشی كردۆتەوە، ئەو ڕاگیراوە پێشتر لە پشكنینەكانی تیمەكانمان دەركەوت، كە تووشبووی كۆرۆنایە، بەڵام دواتر بەھۆی حاڵەتێكی دیكەی تەندروستیەوە ڕەوانەی سلێمانی كرا و لەوێ نەشتەرگەری بۆ ئەنجامدرا، پاش مانەوەی بۆ ماوەی ٢ ڕۆژ لە نەخۆشخانەی سلێمانی گیانی لەدەستدا.

بەردەوام بە لە خوێندنەوە

کوردستان