ئێمە لە تۆرە کۆمەڵایەتیەکان

هەواڵەکان

لەیسینگ لوقمان: دەمەوێت ڕیکلام بۆ جلی کوردی سلێمانی بکەم!

خێزان

خانمە مۆدێل لەیسینگ لوقمان ڕایدەگەیەنێت کە ئەو لە کاری مۆدێلدا زیاتر حەز بە جلوبەرگی کوردی و بەتایبەتیش ستایل و مۆدێلی سلێمانیانە دەکات.

لەیسینگ لوقمان ڕایگەیاندووە”من سەرەتا کە دەستم کرد بە کاری مۆدێل هەر زیاتر ڕیکلامم بۆ جلوبەرگی کوردی دەکرد، بە هۆی ئەوەشەوە زیاتر بەو جۆرە ناسرام”

لەیسینگ وتیشی”ئەو جلوبەرگە کوردییانەی کە ڕیکلامم بۆ دەکردن زیاتر مۆدێلی سلێمانی بوون، کە ڕەمزی شارەکەمە، شاری ڕۆشنبیری و حەبسەخانی نەقیبە، هەر بۆیە بەو کارە زۆر دڵخۆش بووم، بەڵام وەک بەکارهێنانی ڕۆژانە ئەوەیان پەیوەستە بە شوێن و کارەکەمەوە و هەموو کات بە کاری ناهێنم”

 

هەواڵەکان

گۆرانی بەناوبانگی عێراقی (شلونك عيني شلونك) دەکرێتەوە بە کوردی … چۆنی کچه‌که چۆنی

خێزان

هونەرمەندێکی کورد گۆرانی بەناوبانگی هونەرمەندی  عێراقی  بە رەگەز کورد (سەڵاح عەبدولغەفور) دەکاتەوە بە کوردی و لە کۆنسێرتکدا  لەگەڵ گروپێکی موزیکی بیانیدا لە وڵاتی هۆڵەندا پێشکەشی دەکات.

هونەرمەند کاروان حەمید حەلاق کە لە ماوەی ڕابردوو بەشداری کرد لە مەراسیمی TEDxAmsterdam لە شاری ئەمستەردامی پایتەختی هۆڵەندا، گۆرانی بەناوبانگی عێراقی (شلونك عيني شلونك)  ی بە زمانی کوردی پێشکەشکرد.

ئەم گۆرانیە یەکێکە لە بەناوبانگترین گۆرانیە عێراقیەکان کە چەند هونەرمەندێکی دیکە و لە نێویاندا ئیبراهیم تاتڵەساس ئاوازەکەی بەکار هێناوەتەوە.

 

گۆرانیەکە بە کوردی:

گۆرانیە عێراقیەکە

 

گۆرانیەکەی ئیبراهیم تاتڵەساس

بەردەوام بە لە خوێندنەوە

هەواڵەکان

فەڕەنسا مەدالیای زێڕ بە نووسەر و هونەرمەندێک دەبەخشێت

خەڵک-ئارام سەردار
دووای ئەوەی توێژەر و هونەرمەند حەمە هاشم دانەیەک لە کتێبی (رۆدان) بە مۆزەخانەی رۆدان لە پاریس دەبەخشێت، لەلایەن بەڕێوەبەری سەرپەرشتیاری مۆزەخانەکەوە مەدالیای رێزی پێشکەش دەکرێت.

حەمە هاشم، توێژەر و هونەرمەندی شێوەکار بە(خەڵک)ی ڕاگەیاند، ئەۆ مەدالیا زێڕەی پێشکەشی کراوە پاش ئەوەی دانەیەک لە کتێبی (ڕۆدان) بە مۆزەخانەی رۆدان لە پاریس بەخشی، پێگەیشتنی ئەو ڕێزلێنانەش، جگە لەوەی ھەستێکی مەعنەوی خۆشت پێ دەبەخشێ، تینیشت دەداتێ بۆ گەورە بینینی کولتووری ئەوروپی کە رێز لە ھەموو جوانییەک دەگرن .

لەبارەی ناوەڕۆکی کتێبەکەشی وتی، یه‌كه‌م به‌رهه‌می كوردی له‌سه‌ر ئۆگست ڕۆدان، (1840- 1917)، کە هونه‌رمه‌ندێكی په‌یكه‌رتاشی ناوداری فەڕه‌نسیی بووە‌ یه‌كێك بووە له‌و په‌یكه‌رتاشه‌ ده‌گمه‌نانه‌ی لەسەر توێژینەوە و کارەکانی ناوبراو له‌ زانكۆ و په‌یمانگه‌كانی هونه‌ره‌ جوانه‌كان بابەتەکانی ده‌خوێندرێ و توێژینه‌وه‌ی له‌سه‌ر ده‌كرێ.

ئەوەش دەخاتەڕوو، بەرگی کتێبەکەشی په‌یكه‌ری (بیركردنه‌وه‌یه‌) کە یه‌كێكە له‌ په‌یكه‌ره‌ هه‌ره‌ به‌ناوبانگه‌كانی ئەو هونەرمەندە فەڕەنسیە، لەناوتڕۆکی کتێبەکەشمدا بە‌ زمانێكی ئه‌كادیمی توێژینه‌وه‌كانی خۆم ده‌رباره‌ی ئه‌و په‌یكه‌رتاشه‌ خستووه‌ته‌ ڕوو كه‌ ده‌كرێ خوێندکارانی ئه‌و بواره‌ سوودی لێ بكه‌ن.

مۆزەخانەی ڕۆدان لە پاریس ساڵانە نزیکی یەک ملیۆن سەردانی دەکەن، لە ساڵی 1919 تایبەت بەبەرهەمەکانی ئەو هونەرمەدە ناودارە درووست کراوە،کە زیاتر لە ٦ هەزار و ٦۰۰ پەیکەر و ۸۰۰ هەزار تابلۆی کۆن و ۷ هەزار ئەنتیکەی هونەری تێدا دانراوە، جگە لەوەش بەشێک لە کارەکانی (کیمیل کلۆدیل)ی خوێندکاری ڕۆدان دانراون.

 

بەردەوام بە لە خوێندنەوە

هەواڵەکان

کۆلێژێک لە زانکۆی هەڵەبجە، شاری هەڵەبجە سەوز دەکات

خێزان

کۆلێجی زانستە مرۆڤایەتییەکانی زانکۆی هەڵەبجە پرۆژەی سەوزکردنی پارێزگای هەڵەبجەی ڕاگەیاند کە لە چوارچێوەی پرۆژەکەدا٢٠٠ نەمام و ٧ هەزار دار بەڕوو لە شاری هەڵەبجە دەچێندرێت.

د. نەریمان هەڵەبجەیی ڕاگری كۆلێژی زانستە مرۆڤایەتیەكان لە بارەی پرۆژەکەوە ڕایگەیاند” ئامانجمان لەم پرۆژە یە سەوزکردنی و پاک ڕاگرتنی ژینگەی پارێزگای هەڵەبجەیە ، قۆناغی یەکەمی پرۆژەکە پێکهاتووە لە ٢٠٠ نەمام و ٧ هەزار دار بەڕوو كە نەمامەکان بەهاوکاری شارەوانی هەڵەبجە دەچێنرێن و دار بەڕووەکانیش لەلایەن خوێندکارانی بەشی جوگرافیا لە شاخی شنروێ دەچێنرێن”

د. نەریمان هەڵەبجەیی وتیشی”پرۆژەکە بە چاودێری بەڕێز پ.ی.د. مهاباد کامل عبدالله سەرۆکی زانکۆی هەڵەبجە و لەلایەن بەشی جوگرافی کۆلێجمان لەڕێی لێژنەیەکی پسپۆری ئەو بەشەوە بە هاوکاری شارەوانی هەڵەبجە بەرێوە دەچێت”

بەردەوام بە لە خوێندنەوە

کوردستان