ئێمە لە تۆرە کۆمەڵایەتیەکان

عێراق

عەسائیبی ئەهلی حەق: دوو كەناڵی تەلەفیزیۆنی دەدەینە دادگا

خەڵك- بەشی هەواڵ
بزوتنەوەی عەسائیبی ئەهلی حەق ڕایدەگەیەنێت، هەردوو كەناڵی حوڕە و (ئێن ئار تی) دەدەنە دادگا بەو هۆیەی “هەواڵی درۆیان بڵاوكردووەتەوە”.

بەپێی بەیاننامەیەك كە ئەمڕۆ شەممە لەلایەن بزوتنەوەی عەسائیبی ئەهلی حەقەوە بڵاوكرایەوە”بزوتنەوەی عەسائیبی ئەهلی حەق نیگەرانە بەرانبەر بە لادان لە كاریی پیشەگەریی هەردوو كەناڵی حوڕە و (ئێن ئار تی)، لە ڕووداوەكانی عیراق، هەرچەندە ئەمەش یەكەمجاريان نييە بەو شێوەیە ڕەفتار دەكەن”.

بەپێی بەیاننامەكەی عەسائیب”ئەو دوو كەناڵە ماوەیەكە مەرجەعیەتی ئاینی و حەشدی شەعبی و نەریتە كۆمەڵایەتییەكان دەكەنە ئامانج و لەسەر ڕێڕەوی خۆیان بەردەوامن بۆ هاندانی توندوتیژی و دروستكردنی پشێوی لە وڵاتدا لەڕێی تەوژمەكانی ناڕەزایی كە ماوەیەكە وڵاتیان گرتووەتەوە و لەو ڕێگەیەوە هەواڵی درۆ و زانیاریی شێواو بڵاودەكەنەوە”.

بزوتنەوەی عەسائیبی ئەهلی حەق دەڵێت”هەوڵەكانی ئەو دوو كەناڵە كە ئاشكرایە لە یەك سەرچاوەوە كۆمەك دەكرێن، لە شێواندنی ڕاستییەكانی ڕووداوەكانەوە دەستییان پێكرد كە لە چوارچێوەی پرۆژەیەكی قێزەون و خراپدایە و ئامانج لێی هێنانەدی ئەو خواستە سیاسییانەیە كە ڕوو لە دەستوەردانی بیانیین لە وڵاتدا، مەرجەعیەتی باڵای ئاینییش لەو بارەیەوە هۆشداریی داوە”.

ئەو بزوتنەوەیە كە لەلایەن قەیس خەزعەلییەوە سەركردایەتی دەكرێت، ئاماژە بە گرتنەبەری ڕێڕەوە یاساییەكان دەكات بۆ سكاڵا تۆماركردن لەسەر ئەو دوو كەناڵە كە بەپێی بەیاننامەكەی “هەواڵی ناڕاستییان لەسەر بزوتنەوەكە بۆ شێواندنی ڕای گشتی بڵاوكردووەتەوە”.

عێراق

بەغدا.. دوو تەقینەوە ڕوویاندا

خەڵك – بەشی هەواڵ

لە ڕژهەڵاتی بەغدای پایتەخت دوو بۆمبی چێنراو تەقینەوە و بە هۆیەوە 2 كەس بریندار بوون.

بەپێی زانیارییەكان، تەقینەوەكان لە ناوچەی بەلەدیاتی ڕۆژهەڵاتی بەغدا ڕوویانداوە و بە هۆیەوە دوو هاووڵاتی بریندار بوون.

دوبەدوای ڕووداوەكەش هێزە ئەمنییەكان بە مەبەستی ئەننجامدانی لێكۆڵینەوە چووەنەتە شوێنی ڕووداوەكە و بریندارەكانیش گەیەندراونەتە نەخۆشخانە بەمەبەستی وەرگرتنی چارەسەر.

بەردەوام بە لە خوێندنەوە

عێراق

باڵیۆزخانەی ئەمریكا: ئەوەی لە گۆڕەپانی وەسبە ڕویدا تۆقێنەرە

خەڵك- بەشی هەواڵ
باڵیۆزخانەی ئەمریكا لە بەغدا ڕایدەگەیەنێت، ئەوەی لە گۆڕەپانی وەسبە ڕویدا “شتێكی تۆقێنەرە”.

بەپێی بەیاننامەیەك كە لەلایەن باڵیۆزخانەی ئەمریكا لە بەغدا بڵاوكرایەوە”بەردەوام ڕاپۆرتی زۆر نیگەرانبەخشمان پێدەگات و چالاكوانان و خۆپیشاندەرانی ئاشتیخواز ڕووبەڕووی هەڕەشە و ڕفاندن و كوشتن دەبنەوە”.

هەر لە بەیاننامەكەدا هاتووە”ناكرێت لێبوردەبین بەرانبەر بەو كردەوانە، نابێت حكومەتی عیراق ڕێگە بەو كردەوە لەیاسا دەرچوانە بدات و بەمشێوەیەى ئێستا بێدەنگ بێت”.

باڵیوزخانەی ئەمریكا، لە بەیاننامەكەیدا بە توندی بەكارهێنانی توندوتیژی و ترساندنی ئیدانەكردووە بۆ لەگەڕخستنی خۆپیشاندانى ئاشتیخواز و یاسایی و دادپەروەر، و ڕایگەیاندووە”لەگەڵ هەموو ئەوانەدا ڕووداوەكەی ئەمڕۆی گۆڕەپانی وەسبە شتێكی تۆقێنەر بوو”.

هەر لە بەیاننامەكەدا، باڵیۆزخانەی ئەمریكا دەڵێت”پێشتر ڕامانگەیاندووە و جارێكی تر دووپاتیدەكەینەوە، حكومەتی ولایەتە یەكگرتووەكان پشتیوانی لە خواستی عیراق دەكات بۆ هێنانەدی ئاسایش و سەقامگیری و سەروەریی، ئەمە شتێكە تەنیا لەڕێی ڕاگرتنی توندوتیژی و كوشتن و بڕین و ڕفاندنەوە دەهێنرێتەدی”.

بەردەوام بە لە خوێندنەوە

عێراق

گێڕانەوەیەكی فەرمی لەبارەی ڕووداوەكەی ئەمڕۆی گۆڕەپانی وەسبەی بەغدا بڵاودەكرێتەوە

خەڵك- بەشی هەواڵ
وتەبێژی فەرماندەی گشتی هێزە چەكدارەكانی عیراق، وردەكاریی ڕووداوی كوشتن و هەڵواسینی تەرمەكەی گۆڕەپانی وەسبە لە ناوەڕاستی بەغدا، دەگێڕێتەوە.

لیوا ڕوكن عەبدولكەریم خەڵەف، وتەبێژی فەرماندەیی گشتی هێزە چەكدارەكانی عیراق لە لێدوانێكی ڕۆژنامەوانیدا ڕایگەیاندووە”ئەو كەسەی ئەمڕۆ كوژرا، تەمەنی 16 ساڵە و ناوی هەیسەم عەلی ئیسماعیلە، بەر لە كوژرانی لەگەڵ ژمارەیەك كەسدا كە خۆیان وەك خۆپیشاندەر ناساندووە، دەمەبۆڵێ‌ و شەڕە قسە لەنێوانیاندا دروستبووە لە نزیك ماڵەكەی كە داوای لێكردبوون شوێنەكە چۆڵ بكەن”.

بە وتەی خەڵەف”ئەو شەڕە قسەیە بۆتە مایەی دروستبوونی شەڕ لەنێوانیاندا و لاوەكەش بە دەمانچە چەند گوللـەیەكی بەسەریاندا تەقاندووە، لەبەرانبەردا ئەو كەسانە ماڵەكەیان بە بۆمبی مۆڵۆتۆف سوتاندووە”.

وتەبێژی فەرماندەی گشتی هێزە چەكدارەكانی عیراق دەڵێت”ژمارەی ئەوانە لەبەردەم ماڵی لاوەكەدا زۆر بووە، بۆیە چونەتە ژوورەوە و لەپاش كوشتنی بە یەكێك لە ستونەكاندا لە گۆڕەپانی وەسبە تەرمەكەیان هەڵواسیوە”.

عەبدولكەریم خەڵەف، ڕایگەیاندووە” هێزە ئەمنییەكان دەستوەردانییان نەكردووە و چاوەڕوانی بڕیاری لایەنە پەیوەندیدارەكانن، چونكە ترسی ئەوەیان هەیە لەگەڵ ئەو كەسەناڕێكخراوانەدا پێكدادان دروست ببێت”.

لەڕێی تۆڕە كۆمەڵایەتییەكان، چەند دیمەنێك بڵاوبووەوە كە تێیاندا كوشتنی كەسێك و هەڵواسینی بە ستونێكی كارەبایی دەردەكەوێت لە گۆڕەپانی وەسبە لە بەغدا و تۆمەتی كوشتنی پێنج خۆپیشاندەری دراوەتەپاڵ كە دەوترێت لە هەینی ڕابروودا لەسەرسەربانی ماڵەكەی خۆیەوە تەقەی لە خۆپیشاندەرانی سنەك كردووە.

هەر لەو چوارچێوەیەدا، خۆپیشاندەرانی گۆڕەپانی تەحریر لە بەغدا، حاشايان لە ڕووداوەكەی وەسبە كرد و تەئكیدیان لەسەر ئاشتیخوازيی خۆپیشاندانەكانیان كردەوە.

بەردەوام بە لە خوێندنەوە

کوردستان