ئێمە لە تۆرە کۆمەڵایەتیەکان

کوردستان

هەڵبژاردنە ناوخۆییەكانی یەكێتی دەستپێدەكەن

خەڵك- بەشی هەواڵ
هەڵبژاردنە ناوخۆییەكانی‌ یەكێتی‌ نیشتیمانی‌ كوردستان دەستپێدەكەن، سەرۆكی لیژنەی ئامادەكاری كۆنگرەی یەكێتيش دەڵێت، ئەمڕۆ لە چوارچێوەی ئامادەكارییەكان بۆ كۆنگرەی یەكێتی، هەڵبژاردنی كۆمیتەكان دەست پێدەكات.

بەپێی‌ خشتەی‌ هەڵبژاردنەكانی یەكێتیی نیشتمانیی كوردستان وابڕیارە، ڕۆژی شەممە 2019/11/16، كۆنفرانسی كۆمیتەكانی سنوری چالاكی مەڵبەندەكانی (حەمرین- كەركوك- شارەزوور- كۆیە – شەنگال – دهۆك – گەرمیان) سازبكرێت و لە ‎ڕۆژی یەك شەممەش ڕێكەوتی 2019/11/17، كۆنفرانسی كۆمیتەكانی سنوری چالاكی مەڵبەندەكانی (سلێمانی- سۆران- ھەولێر- بغداد -خانەقین) سازبكرێت.

هەر بەپێی خشتەی هەڵبژاردنەكانی یەكێتی، ڕۆژی دوو شەممە ڕێكەوتی 2019/11/18، كۆنفرانسی كۆمیتەكانی سنوری چالاكی مەڵبەندەكانی (چەمچەماڵ، نەینەوا، ڕاپەڕین) ئەنجام دەدرێت.

پێشتر كۆمسێۆنی‌ هەڵبژاردنەكان ‎داوای‌ لە سەرجەم بەشداربووانی كۆنفرانسەكان كردبوو، لە كات و شوێنی دیاریكراودا لە كۆمیتەكانی خۆیان ئامادەبن بۆ بەشداری لە پرۆسەكە و بەپێویستیشی زانیبوو، هەموو بەشداربوانی كۆنفرانسەكە كارتی بایۆمەتری یان پسوڵەی تۆماری بایۆمەتری دەنگدانیان پێ بێت، بە پێچەوانەوە “مافی بەشداری كردنیان لە كۆنفرانسەكاندا نابێت”.

هەر لەو بارەیەوە سەرۆكی لیژنەی ئامادەكاری كۆنگرەی یەكێتی نیشتیمانی رایگەیاندووە، ئەمڕۆ لە چوارچێوەی ئامادەكارییەكان بۆ كۆنگرەی یەكێتی، هەڵبژاردنی كۆمیتەكان دەست پێدەكات.

رزگار عەلی سەرۆكی لیژنەی كۆنگرەی یەكێتی لە لێدوانێكدا بۆ میدیاكانی حزبەكەی ڕایگەیاندووە، كۆنفرانسەكان ئەمڕۆ لە سنوری مەڵبەندەكانی كەركووك و شارەزو رو كۆیە و شەنگال و دهۆك ئەنجام دەدرێن، و كۆنفرانسەكان بە دەنگدانی كۆمیتەكان دەست پێدەكەن و تێدا ئەندام كەرت و ئەندامانی كۆمیتە و جێگری كۆمیتەكان دەنگ دەدەن.

کوردستان

وەزیرێكی عیراق گەیشتە شاری سلێمانی

خەڵك-بەشی هەواڵ

 

وەزیری لاوان و وەرزشی عیراق گەیشتە شاری سلێمانی.

بەرەبەیانی ئەمڕۆ پێنج شەممە 26-11-2020، عەدنان دەرجال وەزیری لاوان و وەرزشی عیراق گەیشتە شاری سلێمانی و لە لایەن پارێزگاری سلێمانی و وەفدێكی وەرزشی شارەكەوە پێشوازی لێكرا.

عەدنان دەرجال وەزیری لاوانا و وەرزشی عیراق لە لێدوانێكدا ڕایگەیاند، ئامانجی هاتنی بۆ سلێمانی بەسەركردنەوەی چەند یەكەیەكی وەرزشی و سازدانی چەندین كۆبوونەوە دەبێت لەگەڵ وەرزشكارانی سلێمانی.

بەپێی زانیارییەكان، سبەینێ ناوبراو سەردانی شاری كەركوك دەكات.

بەردەوام بە لە خوێندنەوە

کوردستان

لە ڕووداوێكی هاتوچۆدا كەسێك بووە قوربانی

خەڵك-بەشی هەواڵ

 

بەڕێوەبەرایەتی هاتوچۆی سلێمانی ڕایدەگەیەنێت، لە ڕووداوێكی هاتووچۆدا لەنزیك كەمپی ئاوارەكانی عەرەبەت كەسێك برینداربوو.
بەڕێوەبەرایەتی هاتوچۆی سلێمانی لە ڕاگەیەنراوێكدا ئاماژە بۆ ئەوە دەكات، ڕووداوەكە بەهۆی پەڕینەوەی ئاژەڵێكەوە ڕوویداوە، كەبەهۆی تاریكییەوە ئۆتۆمبێلی بارهەڵگر جۆری ئەتیكۆ مارسیدس لە ئاژەڵەكە دەدات و لەوكاتەدا ئۆتۆمبێلی دواتریش كە لەجۆری بارهەڵگرە كۆنتڕۆڵی خێرایی لەدەستدەدات و خۆی دەكێشێت بە ئۆتۆمبێلی یەكەمدا.

ئاشكراشیكرد، بەهۆی ڕووداوەكەوە كەسێك بریندار بووە و زیانی مادیی بەر هەردوو ئۆتۆبێلەكە كەوتووە.

بەردەوام بە لە خوێندنەوە

کوردستان

ئەمینداری یەكگرتوو: توندوتیژی لەگەڵ ژندا نیشانەی كزی ئیمانە

خەڵك-بەشی هەواڵ

 

ئەمینداری گشتی یەكگرتوو ڕایدەگەیەنێت، توندوتیژی لەگەڵ ژندا نیشانەی كزی ئیمانە.

سەلاحەدین محەممەد بەهائەدین ئەمینداری گشتی یەكگرتووی ئیسلامی كوردستان لە تویتێكدا بە بۆنەی ڕۆژی جیهانی بەرەنگاربوونەوەی توندوتیژی دژی ژنان ئاماژە بۆ ئەوە دەكات، ٢٥ نۆڤەمبەر، ڕۆژی بەرەنگاری توندوتیژی دژی ژنان، ڕێنماییەكانی پێغەمبەری سەروەرمان بیر دەخاتەوە (درودی خوای لەسەر بێت) كەدەفەرموێ: ( النساء شقائق الرجال، ما أكرمهن إلا كريم، وما أهانهن إلا لئيم”) توندوتیژی لەگەڵ ژندا نیشانەی كزی ئیمان و سەقەتی ئەخلاق و نزمی ئاستی نەجابەت و ڕەسەنایەتییە.

دوێنێ 25-11-2020 ڕۆژی جیهانی توندوتیژی دژی ژن بوو، بەو بۆنەوە سەرۆكایەتی هەرێم و سەرۆكایەتی حكومەت و پەڕلەمان و لایەنە پەیوەندیدارەكانی هەرێم ڕاگەیەنراویان لەو بارەوە بڵاوكردەوە.

بەردەوام بە لە خوێندنەوە

کوردستان