ئێمە لە تۆرە کۆمەڵایەتیەکان

کوردستان

هاوسەرۆكی پەیەدە: بەدرێژایی مێژوو توركیا ویستوویەتی كورد لەناوبەرێت

خەڵك- بەشی هەواڵ
هاوسەرۆكی پارتی یەكێتی دیموكرات (پەیەدە) ئاشكراشی دەكات، كە ئەردۆغان لە خەونی زیندووكردنەوەی سەردەمی عوسمانیدایە و دەشڵێت: “توركیا بە درێژایی مێژوو خۆی سەرقاڵ كردووە بە لەناوبردنی كورد”.

شاهۆز حەسەن، هاوسەرۆكی پەیەدە لە چاوپێكەوتنێكی لەگەڵ ئاژانسی (هاوار) ڕایگەیاندووە، ڕەجەب تەیب ئەردۆغان، سەرۆكی توركیا هەوڵی زیندووكردنەوەی عوسمانی دەدات و لەسەر ئەو بنەمایەش هاوكاری داعش

دەكات تاكو ئامانجەكەی بەدی بهێنێت.

ڕاشیگەیاندووە، توركیا لەڕێگەی هێرشەكانیەوە هەوڵی جێبەجێ‌ كردنی چەند پلانێك دەدات، چونكە بە درێژایی مێژوو ئەو دەوڵەتە سەرقاڵی لەناوبردنی كورد بووە و داگیركارییەكەشی لە سوریا هەر بۆ ئەو مەبەستەیە.

هاوسەرۆكی پەیەدە دەڵێت: “لە سوریا داعش تێكشكێنراوە، بەڵام توركیا دەیەوێت زیندووی بكاتەوە لەڕێگەی هێرشەكانیەوە، هەروەها لە سوریا ئەزموونی خۆبەڕێوەبەری هەیە، كە ئەوەش توركیای نیگەران و شڵەژاو كردووە، كە ئەوەش هۆكارێكی دیكەی داگیركاریەكەیەتی”.

شاهۆز حەسەن ئاماژەی بەوەشكردووە، كە ئەو چەكدارە توندڕەوانەی هێرشین دەكردە سەر باكوور و ڕۆژهەڵاتی سوریا، ئێستا بە هاوكاری توركیا هێرشیان دەستپێكردۆتەوە، كە ئەو چەكدارانە هەمان عەقڵیەت و بۆچوونی داعشیان هەیە، بەڵام ئەردۆغان ئەوان بەكاردەهێنێت بۆ زیندووكردنەوەی عوسمانیەتی نوێ‌.

جەختیشی كردۆتەوە، كە ئەردۆغان دەیەوێت داعش بكاتە پێكهاتەیەكی فەرمی، كە مەترسی تەواو بۆ سەر هەمووان دروست بكات، بۆیە پلانەكانی ئەردۆغان لەو چوارچێوەیەدایە، بەڵام ڕێگری لەبەردەم ئەو پلانە لەڕێگەی پاڵپشتی كردنی بەرگری باكوور و ڕۆژهەڵای سوریاوە دەبێت.

کوردستان

كارگەی سۆلاڤ لە سلێمانی داخرا

خەڵك- بەشی هەواڵ

بەهۆی سەرپێچی كردن و جێبەجێكردنی مەرج و ڕێنماییەكانی كاركردن بەگشتی و بەتایبەت ژینگەییەكان، لیژنەهاوبەشەكانی قائیمقامیەتی سلێمانی كارگەی سۆلاڤی داخست و خاوەنەكەی ڕووبەڕووی دادگا دەكاتەوە.

قائیمقامیەتی سلێمانی لە ڕاگەیەندراوێكدا نوسیویەتی”لەئەنجامی سەردان وپشكنینەكانیان بۆ كارگە وهەموو ئەوشوێنانەی دەبنە هۆی پیس بوونی ژینگە ئەمڕۆ یەكشەممە 2019.12.15 لیژنەی ژینگەی سەربەلیژنە هاوبەشەكای قائیمقامیەت لەناوچەی تانجەرۆی شاری‌ سلێمانی كارگەی سۆلاڤی بۆ دروستكردنی كابینە و پلاستیك و شوشە داخستووە.”

هەروەها نوسراوە” كارگەی سۆلاڤ پابەندی مەرج و رێنماییەكانی ژینگە ‌نەبووه، نەبوونی رێژەی سەوزایی، هەبوونی بڕێكی زۆر خۆڵ و خاشاك لەحەوشەی كارگەكە لەگەڵ نەبوونی پێداویستی سەلامەتی بۆ ئەو كارمەند و كرێكارانەی لەوێ كاردەكەن.”

بەپێی ڕاگەیەندراوەكەی قائیمقامیەتی سلێمانی، پێشتر چەندجارێك كارگەی سۆلاڤ لەكەموكورتییەكانی ئاگاداركراوەتەوه تا چارەسەریان بكات و پابەندی مەرجەكانی ژینگەببێت، بەڵام بەردەوام بووە لەسەرپێچی بۆیە لیژنەی باڵای لیژنەهاوبەشەكانی قائیمقامیەتی سلێمانی پێشنیاریان كردووە كارگەكە دابخرێت و نەكرێتەوە تائەوكاتەی سەرجەم مەرجەكانی جێبەجێ دەكات‌.

بەردەوام بە لە خوێندنەوە

کوردستان

موچەی كەمئەندامان نابڕدرێت

خەڵک-ئارام سەردار

سەرۆکی ئەنجوومەنی کۆمەڵە کەمئەندامیەکانى هەولێر ڕەتی دەکاتەوە، ئەو ۱۰۰ هەزار دینارەی وەک هاوکاری دەدرێت بە کەمئەندامان و خاوەن پێداویستیە تایبەتەکان کە فەرمانبەرن، لەچووارچێوەی پڕۆژە چاکسازیەکە ببڕدرێت.

دڵشاد خۆشناو، سەرۆکی ئەنجوومەنی کۆمەڵە کەمئەندامیەکان هەولێر لەبارەی بڕینی ۱۰۰ هەزار دیناری پارەی کەمئەندامان و خاوەن پێداویستیە تایبەتەکان کە فەرمانبەرن بە(خەڵک)ی ڕاگەیاند، لەگەڵ ڕەوانەکردنی پڕۆژەیاسای چاکسازی دەنگۆیەکی بەهێز هەبوو کەوا ئەو کەم ئەندامان و خاوەن پێداویستیە تایبەتەکان کە فەرمانبەرن بڕی ۱۰۰ هەزار دینار مانگانە وەردەگرن دەبڕدرێت، بەڵام بەدوواداچوونمان کرد کە ئەمە ڕاست نیە و چارەسەرکراوە، واتە هەموو کەمئەندامان و خاوەن پێداویستیە تایبەتەکان کە فەرمانبەرن دڵنیا دەکەینەوە کە هاوکاریەکانیان نابڕدرێت.

دەشڵێت، ئەو هاوکاریەی کەوا بە کەمئەندامان دەدرێت، مووچە نیە، بۆیە ناکرێت هیچ لێبڕینێک بیگرێتەوە، ئەوانەشی مووچە وەردەگرن ئەوا مافی فەرمانبەری خۆیان وەردەگرن، ئێستاش بەپێی بەدوواداچوونەکانیان لەڕێگەی پەڕلەمانەوە لەوە دڵنیابوونەتەوە، ئەوهاوکاریە نابڕدرێت.

بەپێی بڕیاری حکومەتی هەرێم، کەمئەندامان و خاوەن پێداویستیە تایبەتەکان کە فەرمانبەرن مانگانە بڕی ۱۰۰هەزار دینار و ئەوانەشی هیچ مووچەیەکیان نیە ۱٥۰ هەزار دیناریان پێدەدرێت.

بەردەوام بە لە خوێندنەوە

کوردستان

بانكی ڕافیدەین: 25 ملیۆن دینار پێشینە دەدەین بە فەرمانبەران

خەڵك- بەشی هەواڵ

بانكی ڕافیدەین ڕایگەیاند، لە كارەكانیان بەردەوامن بۆ پێدانی پێشینەی فەرمانبەران كە بڕەكەی لە 5 ملیۆن دینارەوە دەستپێدەكات و دەگاتە 25 ملیۆن دینار.

لە ڕاگەیەندراوێكدا بانكی ڕافیدەین ئەمڕۆ باسی لەوەكردووە، ئەوان تەنها لە ڕێگەی كارتی زیرەكەوە مامەڵە بۆ پێدانی پێشینە دەكەن و بەردەوامیش دەبن.

هەر لە ڕاگەیەندراوەكەدا ئاماژە بەوەكراوە، فەرمانبەرانی حكومەت دەتوانن داوای پێشینە بكەن و بەپێی مووچە و داواكارییەكانیان بڕی پێدانی پێشینەكانیان دەگۆڕێت.

بەردەوام بە لە خوێندنەوە

کوردستان