ئێمە لە تۆرە کۆمەڵایەتیەکان

کوردستان

بەڤیدیۆ؛ چەند گەنجێك ئاڵای توركیا لە پێشانگای نێودەوڵەتی سلێمانی دەهێننە خوارەوە

خەڵك – بەشی هەواڵ
چەند گەنجێكی خۆبەخش لە شاری سلێمانی، ئاڵای توركیایان لە نێو ڕیزبەندی ئاڵاكانی وڵاتانی بەشدار لە پێشانگای نێودەوڵەتی كتێب لە سلێمانی هێنایە خوارەوە.

ئاژانسی (ڕۆژنیوز) تۆمارێكی ڤیدیۆیی بڵاوكردەوە، كە تێیدا دەردەكەوێت لە پێشانگای نێودەوڵەتی كتێب لە سلێمانی، ئاڵای توركیا، كە هاوشێوەی ئاڵای وڵاتانی بەشدار لە پێشانگاكە هەڵكراوە، لەلایەن كۆمەڵێك گەنجەوە دەهێنرێتە خوارەوە.

بەپێی ڤیدیۆكە، ئەو گەنجانە هۆكاری داگرتنی ئاڵای دەوڵەتی تورك دەگەڕێننەوە بۆ دژایەتی داگیركارییەكانی توركیا لە ڕۆژئاوای كوردستان.

ئەوەش لەكاتێكدایە، ماوەیەكە دژی داگیركارییەكانی ئەو وڵاتە بە تایبەت لە ڕۆژئاوا و ڕۆژهەڵات و باشووری كوردستان، دەیان چالاكی ئەنجام دراون، هەروەها بایكۆتی شتومەكی توركی بەردەوامی هەیە و ڕوو لە فراوانبوونە.

کوردستان

بارزانی: هاوبەشی خەمی هاوڵاتیانی شاری سەقزم

خەڵک ـ بەشی هەواڵ

مەسعود بارزانی، په‌یامێكی سه‌ره‌خۆشی بۆ خه‌ڵكی شاری سه‌قزی رۆژهه‌ڵاتی كوردستان بڵاوکرده‌وه‌ و تێیدا ده‌ڵێت: “خۆم بە هاوبەشی خەمی هاووڵاتیانی خۆشەویستی شاری سەقز دەزانم”.

شەوی ڕابردوو لە ئەنجامی ته‌قینه‌وه‌ی سیستمی گه‌رمكه‌ره‌وه‌ هۆڵێكی زه‌ماوه‌ند كه‌ به‌ سیستمی غاز كار ده‌كات، ژمارەیەك هاووڵاتیی شاری سه‌قز گیانیان لەدەست داو ژمارەیەكی دیكه‌ش بریندار بوون.

ده‌قی په‌یامه‌كه‌:

“پەیامی سەرەخۆشیی سەرۆك بارزانی بۆ خەڵكی شاری سەقز

بەناوی خودای بەخشندە و میهرەبان

بەداخێكی زۆرەوە شەوی ڕابردوو لە ئەنجامی ڕووداوێكی دڵتەزێن لە هۆڵێكی زەماوەندی شاری سەقز ژمارەیەك هاووڵاتیی ئەم شارە گیانیان لەدەست داوە و ژمارەیەكی تریش بریندار بوونە.

بەم بۆنە خەمناكەوە پرسە و سەرەخۆشیی خۆم ئاراستەی كەسوكاری قوربانیانی ئەو ڕووداوە دڵتەزێنە دەكەم و هیوای چاكبوونەوەی خێرایش بۆ برینداران دەخوازم و .

مسعود بارزانی

6ـ12ـ2019

 

 

بەردەوام بە لە خوێندنەوە

کوردستان

ژنێكی بە تەمەن لەنيوەڕۆ وە دیار نەماوە كوڕەكەی بانگەوازێك بڵاودەكاتەوە

خەڵك – بەشی هەواڵ
هاووڵاتیەكی بەتەمەن لە گەڕەكی تاڤگەی شاری سلێمانی لەكاتی چوونی بۆ مزگەوت و ئەنجامدانی نوێژی هەینی تا ئێستا نەگڕاوەتەوە و كوڕەكەی لە ڕێگەی (خەڵك)ەوە داوای هاوكاری لە هاووڵاتیان دەكات.

فریاد ڕەسوڵ، كوڕی زەینەب ئیبراهیم بە (خەڵك) ی ڕایگەیاند، ئەمڕۆ دایكم بۆ ئەنجامدانی نوێژی هەینی لەماڵ چۆتە دەرەوە و تا ئێستا نەگڕاوەتەوە و هیچ سۆراخێكی نازانین و دەزگا ئەمنیەكانیشمان لێ ئاگاداركردۆتەوە .

وتیشی ،”ماڵمان لە گەڕەكی تاڤگەیە و بۆ نوێژی هەینی چۆتە مزگەوتی (حاجی حەمە خان) دایكم تەمەنی 71 ساڵ دەبێت و هیچ كێشەیەكی دەروونی نیە، بەڵام ڕەنگە ماڵەكەی لە بیركرد بێت، بەهۆی ئەوەی تازە هاتوینەتە ئەو گەڕەكەوە”.

ڕاشیگەیاند ، دەزگا ئەمنییەكانمان ئاگاداركردۆتەوە و لە نیوەڕۆ وە هیچ سۆراخێكی نیە، داوامان لە هاووڵاتیان ئەوەیە ، هەر كەس زانیاری دەربارەی دایكم هەیە پەیوەندی بە ژمارە موبایلی 07730454764 ەوە بكات.

بەردەوام بە لە خوێندنەوە

کوردستان

“لەسەر فەرمانی فەرماندەیی گشتی پێشمەرگە هێز ڕەوانەی گەرمیان كرا”

خەڵك- بەشی هەواڵ

ئەمڕۆ هێزێكی پێشمەرگەی كوردستان بە چەكی قورسەوە بە فەرمانی فەرماندەیی گشتی هێزەی پێشمەرگەی كوردستان بەرەو گەرمیان جووڵەی پێكرا.

بەپێی هەواڵی ئاژانسی ئەنادۆڵۆ، جەعفەر مستەفا جێگری سەرۆكی هەرێمی كوردستان لە كاتی جوڵەكردن بە هێزەكەی پێشمەرگە لەگەڵ فەرماندەكانی پێشمەرگەدا كۆبووەتەوە.

جەعفەر مستەفا ڕوونیكردەوە، لەسەر فەرمانی نێچیرڤان بارزانی سەرۆكی هەرێمی كوردستان و فەرماندەی گشتی هێزی پێشمەرگەی كوردستان، هێز ڕەوانەی ناوچەی گەرمیان كراوە.

ڕەوانەكردنی هێزی پێشمەرگە بۆ گەرمیان دوای دوو هێرشی چەكدارانی داعش بوو لە دوو هەفتەی ڕابردوو كە بەهۆیەوە زۆرتر لە پێنج پێشمەرگە و ئاسایش شەهید و ژمارەیەكی دیكەش بریندار بوون.

بەردەوام بە لە خوێندنەوە

کوردستان