ئێمە لە تۆرە کۆمەڵایەتیەکان

جیهان

بەشار ئەسەد: كوردەكان نیشتمان پەروەرن و گفتوگۆیان لەگەڵ دەكەین

خەڵك- بەشی هەواڵ
سەرۆكی سوریا ڕایدەگەیەنێت، كە زۆرینەی كوردەكانی سوریا نیشتمان پەروەرن و هەندێكیان لە ئێستادا بە فەرمانی ئەمریكا كاردەكەن و دەشڵێت: “توركیا دەیەوێت بە دروستكردنی ناوچەی ئارام و هێنانی ئاوارەكان ناكۆكی تایفی دروست بكات”.

بەشار ئەسەد، سەرۆكی سوریا لە چاوپێكەوتنێكی لەگەڵ كەناڵی (ڕوسیا 24) و ئاژانسی (ڕوسیا سیفۆدینا) ڕایگەیاندووە، كە بوونی ئەمریكاییەكان لە سوریا بووە هۆی دروست بوونی پێكدادانی سەربازی و بەهۆیەوە زیانێكی زۆر لە ئەمریكاییەكان كەوت.

ڕاشیگەیاندووە، هیچ كەسێك باوەڕ ناكات توركیا بیەوێت 3 ملیۆن ئاوارەی سوری بگەڕێنێتەوە باكووری ڕۆژهەڵات، بەڵكو ئەوەی توركیا دەیكات ناونیشانێكی مرۆییە و ڕژێمی توركیا خستویەتیەڕوو، كە ئامانج لێی فێڵ كردنە و دەیەوێت ناكۆكی دروست بكات لە ناوچەكە لەسەر بنەمانی تائیفی و ببێتە هۆی هێنانی تیرۆرستان و خێزانەكانیان تاوەكو كۆمەڵگەیەكی توندڕەو، كە لەگەڵ سیاسەتی ئەو بگونجێت دروست بكات، هەربۆیە ئەردۆغان بۆ ئەوە هەوڵ دەدات.

ئەسەد ئاماژەی بەوەكردووە، كە زۆرینەی كوردانی سوریا نیشتمانپەروەرن و لەگەڵ دەوڵەت و گەلەكەیان وەستاونەتەوە، بەڵام هەندێكیان لەگەڵ هەندێك لە عەرەبەكانیش كاردەكەن لەژێر فەرمانی ئەمریكاییەكان، بەڵام دوای گیڕانەوەی سوپای سوریا بۆ ناوچەكانی باكور گفتوگۆ دەستی پێكردووە تاوەكو بڕوایان پێ‌ بهێنین، كە سەقامگیری كاتێك دروست دەبێت، كە هەمووان پابەندی دەستوور بن.

دەشڵێت: “کوردەکان هەمان ئەو کوردانەی پێش ٢٠١١ەن و هیچ کێشەیەکمان نییە لەگەڵیاندا، بەڵام بەشێکیان داوای فیدڕاڵی و ئیدارەی خۆبەڕێوەبەری دەکەن ئەوە دەبێت عەرەبی بێت و لەژێر دەسەڵاتی حکومەتی سوریدا بێت، چونکە ئەو ناوچانە هەمووی کورد نییە و جیاوازە لە باکوری عیراق (هەرێمی كوردستان) و باشوری ڕۆژهەڵاتی تورکیا”.

وتوشیەتی، “دوای 9 ساڵ لە جەنگ، بڕوامان وایە، كە زۆرینەی سورییەكان تێگەیشتوون لە گرنگی یەكڕیزی لەگەڵ دەوڵەت سەرەڕای جیاوازیە سیاسیەكانمان”.

ئەسەد ڕاشیگەیاندووە، جەنگ زۆرینەی كۆمەڵگاكەی كۆڕیوە، بەڵام ئەوەش بەمانای دابەشبوونی وڵات یان ڕۆیشتن بەرەو جیابوونەوە یان لاوازبوونی دەوڵەت نایەت، چونكە ڕێگا بە هیچ جیابوونەوەیەك نادەین، بۆیە دەبێت جەنگ بووبێتە هۆی ئەزموون و وڵاتەكەمان بە بەهێزییەوە لێی دەربچێت.

جیهان

سەرۆك وەزیرانی ئۆكرانیا دەستلەكاردەكێشێتەوە

خەڵك – بەشی هەواڵ

سەرۆك وەزیرانی ئۆكرانیا نامەی دەستلەكاركێشانەوەی پێشكەشی سەرۆكی وڵاتەكەی كرد.

ئۆلیسكی هۆنچاروك سەرۆك وەزیرانی ئۆكرانیا لە لاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە، كاتێك پۆستی سەرۆك وەزیرانی وەرگرتووە بۆ جێبەجێكردنی بەرنامەی سەرۆكی وڵات بووە و بڕوای وابووە ئەو كارە دەبێتە دەستپێكێكی باش بۆ كرانەوە و ڕێكخستنەوەی كارەكانی حكومەت.

سەرۆك وەزیرانی ئۆكرانیا ئاماژەی بەوەشداوە، بۆ لادانی هەر گومانێك لەسەر ڕێز و بڕوای تەواوی بە سەرۆكی ئۆكرانیا دەستلەكاركێشانەوەی پێشكەشی سەرۆك كرد, هەروەك مافی ئەوەشی هەیە كە دەستلەكاركێشانەوەكەی بخاتە بەردەم پەرلەمان.

ئۆلیسكی هۆنچاروك سیاسەتمەدار و پارێزەری تەمەن 36 ساڵ لە 29 ی ئابی 2019 پۆستی سەرۆك وەزیرانی وەرگرت و بەوەش بووە بچووكترین سەرۆك وەزیرانی ئۆكرانیا لە مێژووی نوێی ئەو وڵاتەدا.

بەردەوام بە لە خوێندنەوە

جیهان

خامنەیی لە سوجدەدا بوو
بەڤیدیۆ..ڕۆحانی پێش هەموان خامنەیی جێهێشت

خەڵك-بەشی هەواڵ

حەسەن ڕۆحانی سەرۆك كۆماری ئێران لەكاتی نوێژی هەینیدا و لە پشت خامنەیی ڕێبەری باڵای كۆماری ئیسلامی ئێران نوێژی دەكرد، بەڵام زۆر بەخێرایی سەلامی دایەوە و ریزی نوێژخوێنانی جێهێشت.

تۆڕی سپوتنیك چەند ڤیدیۆیەكی بلاوكردووەتەوە كە لە تۆڕە كۆمەڵایەتییەكان بڵاوكراوەتەوە، ئاماژە بۆ ئەوە دەكات، ڕۆحانی لە پشت خامنەیی و لە تەنیشت عەلی لاریجانی سەرۆكی پەڕلەمانی ئێرانەوە دانیشتووە، بەڵام پێش ئەوەی خامنەیی هەستێتەوە، ڕۆحانی شوێنەكە جێدەهێڵێت، هۆكارەكەشی نازانرێت.

ئەمڕۆ هەینی، دوای 8 ساڵ خامنەیی وتاری نوێژی هەینی دا و ڕایگەیاند، ئەمریكا بەشێوەیەكی ترسنۆكانە قاسم سولەیمانیی كوشت و نەیانتوانی ڕووبەڕوو شەڕی سولەیمانی بكەن.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

جیهان

خامنەیی: گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات

خەڵك-بەشی هەواڵ

 

دوای هەشت ساڵ، عەلی خامنەیی ڕێبەری باڵای كۆماری ئیسلامی ئێران، وتاری ڕۆژی هەینی پێشكەش دەكات.

عەلی خامنەیی ڕێبەری باڵای كۆماری ئیسلامی ئێران لە وتاری ئەمڕۆ هەینی 17-1-2020 ڕایگەیاند، دوو هەفتەی پڕ لە ڕووداومان بەڕێ كرد و دەبێت وانە لە ڕووداوەكانیش وەربگرین.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

کوردستان