ئێمە لە تۆرە کۆمەڵایەتیەکان

جیهان

برێت ماكگۆرك: ئەو 15 پرسیارەی كە ترەمپ دەیەوێت ئاڕاستەی ئەردۆغانی بكات، بەڵام نایكات

خەڵك – بەشی هەواڵ

لەگەڵ ئەوەی، ڕەجەب تەیب ئەردۆغان سەرۆك كۆماری توركیا لە كۆشكی سپییە و لەگەڵ دۆناڵد ترەمپ سەرۆكی ئەمریكا كۆدەبێتەوە، برێت ماكگۆرگ نێردەی پێشووی سەرۆكی ئەمریكا بۆ شەڕی دژی داعش لە هەژماری تایبەتی خۆی لە تۆڕی كۆمەڵایەتی توویتەر نووسیویەتی، 15 پرسیار هەن كە لەوانەیە ترەمپ بیەوێت ئاڕاستەی ئەردۆغانی بكات، بەڵام نایكات.

برێت مەكگۆرك ئەو 15 پرسیارەی ترەمپی بۆ ئەردۆغان بەمشێوەیە ڕیزكردووە:

– بەغدادی چۆن لە خانوویەكی سەلامەت و لەنێو ئەو هەموو توونێلە ئامادەكراوە بە دووری پێنج كیلۆمەتر لە سنووری ئێوە دەژیا؟

– بۆچی جێگرەوەی دووەمی بەغدادی لە جەرابلس دۆزرایەوە كە شارۆچكەیەكی بچووكی سەر سنووری ئێوەیە و لەژێر كۆنتڕۆڵی ئێوەیە؟

– كاتێك داواتكرد ئەمریكا 30 كیلۆمەتر هەسەدە لە سنوورەكانت دووربخاتەوە، دەتزانی كە بەغدادی بەدووری پێنج كیلۆمەتر لە سنوورەكەتەوە لەگەڵ خێزانەكەی دەژیا؟

– بۆچی ئەو ناوچانەی سوریا كە تۆ دەتەوێت كۆنتڕۆڵیان بكەی یا لەژێر دەسەڵاتی تۆدابن هەمیشە دەبنە پێگەی سەلامەت بۆ سەركردەكانی قاعیدە و داعش؟

– لە چەند هەفتەی ڕابردوو وتت كە چەند كەسێكی نزیك لە بەغدادیت دەستگیركردوون لەنێویاندا ژنەكەی بەغدادی هەیە. بۆچی تا ئێستا ئەو كەسە داواكراوانەی جیهانت دەستگیرنەكردوون؟ ئەوانە چیان دەكرد لە توركیا؟

– ئەو 40 هەزار چەكدارە بیانییە چۆن ئاوا ئازادانە لەڕێگەی توركیاوە چوونە سوریا، كە بەشێكیان قاعیدەبوون و بوونە بڕبڕەی پشتی داعش؟

– بۆچی داواكانت بۆ داخستنی سنوور بەسەر داعش ڕەتكردەوە، كاتێك هەسەدە داعشی تێكشاند، سنوورەكانت بەسەر داعش داخست؟

– بۆچی گەڕانی هاوبەشت لەگەڵ پوتن و ڕوسیا لە سوریا قبوڵكرد، بەڵام ڕەتتكردەوە لە هەندێ ناوچە گەڕانی هاوبەش لەگەڵ سەربازانی ئەمریكا ئەنجامبدەی و سەربازانی ئێمەت خستە مەترسییەكی گەورە لە باكووری ڕۆژهەڵاتی سوریا كە دوو لەسەر سێی كەوتە دەست ڕوسیا و ئەسەد؟

– بۆچی هەوڵی چەند ساڵە و ملیۆنان دۆلاری ئەمریكی و جێگیركردنی باشترین پلانداڕێژی سەربازی لە ئەنقەرە بۆ ئەو گرووپەی ئۆپۆزیسیۆن بوو كە تۆ جەختت دەكردەوە هاوكارن لە شەڕی دژی داعش، دوایش دەركەوت كە زۆر توندڕەون تا سەربازانی ئەمریكایی هاوبەشیان لەگەڵدا بكات و لەگەڵیاندا هەست بە سەلامەتی بكەن؟

– بۆچی، هاوپەیمانێكی ناتۆ بووەتە گەورەترین زیندانی بۆ ڕۆژنامەوانان؟

– بۆچی حكومەتەكەت بە ئەنجامدانی مامەڵەی نایاسایی لەگەڵ ئێران بووە گەورەترین لە جیهان لەڕووی خۆ دزینەوە لە سزاكان و گیرفانی لێپرسراوە باڵاكانی توركیای پێ پڕبوو؟ ئەو هەموو ملیار دۆلارە بۆ كوێ ڕۆیشت؟

– كاتێك هەڕەشەی ناردنەوەی دوو بۆ سێ ملیۆن پەنابەر دەكەی بۆ باكووری ڕۆژهەڵاتی سووریا، ئەو خەڵكانەی كە لەوێ دەژین بۆ كوێ بڕۆن؟ لەگەڵ ترەمپ هاوڕای كە كوردەكان بتوانن لە ناوچە ڕەسەنەكانیان كۆچبكەن بۆ ناوچەكانی دوور لە كێڵگە نەوتییەكان؟

– بۆچی لە 6ی ئۆكتۆبەر دوابەدوای پەیوەندییە تەلەفۆنییەكەت لەگەڵ ترەمپ هەڕەشەی سەربازیشت لە باكووری ڕۆژهەڵاتی سوریا دەكرد و لە هەمان ڕۆژدا سیستمی مووشەكی ئێس 400ی ڕوسیایت بەدەستگەیشت، ئایا ئەمە بەڕێككەوت بوو؟

– بۆچی تەلەڤزیۆنی فەڕمی وڵاتەكەت “ئۆپراسیۆن”ی كوشتنی ژنە كوردێك (هەڤرین خەڵەف) بەرزدەنرخێنێت تا ئەوكاتەی زانرا كە “لە ڕاستیدا” ئەوە تاوانی جەنگە و تەواوی هەواڵەكان لەسەر ئەو كوشتنە ڕەشكرانەوە؟ هیچ كەسێك لەسەر ئەوە دراوەتە دادگا؟

– بۆچی بەردەوام پێداگری لەسەر فراوانكردنی دسەڵاتی گرووپە توندڕەوەكانی وەك قاعیدە دەكەی كە بەرپرسیارن لە ئەنجامدانی تاوانی مرۆیی؟ ئایا هیچ لەم گرووپانە باكووری ڕۆژهەڵاتی سوریا چەكی ئەمریكایی بەكاردێنن؟ ئەم گرووپانە لە ئاسمانی ئەو ناوچانە چالاكن كە لەژێر كۆنتڕۆڵی ئەمریكان؟

جیهان

سەرۆك وەزیرانی ئۆكرانیا دەستلەكاردەكێشێتەوە

خەڵك – بەشی هەواڵ

سەرۆك وەزیرانی ئۆكرانیا نامەی دەستلەكاركێشانەوەی پێشكەشی سەرۆكی وڵاتەكەی كرد.

ئۆلیسكی هۆنچاروك سەرۆك وەزیرانی ئۆكرانیا لە لاپەڕەی تایبەتی خۆی لە تۆڕی كۆمەڵایەتی فەیسبوك بڵاویكردەوە، كاتێك پۆستی سەرۆك وەزیرانی وەرگرتووە بۆ جێبەجێكردنی بەرنامەی سەرۆكی وڵات بووە و بڕوای وابووە ئەو كارە دەبێتە دەستپێكێكی باش بۆ كرانەوە و ڕێكخستنەوەی كارەكانی حكومەت.

سەرۆك وەزیرانی ئۆكرانیا ئاماژەی بەوەشداوە، بۆ لادانی هەر گومانێك لەسەر ڕێز و بڕوای تەواوی بە سەرۆكی ئۆكرانیا دەستلەكاركێشانەوەی پێشكەشی سەرۆك كرد, هەروەك مافی ئەوەشی هەیە كە دەستلەكاركێشانەوەكەی بخاتە بەردەم پەرلەمان.

ئۆلیسكی هۆنچاروك سیاسەتمەدار و پارێزەری تەمەن 36 ساڵ لە 29 ی ئابی 2019 پۆستی سەرۆك وەزیرانی وەرگرت و بەوەش بووە بچووكترین سەرۆك وەزیرانی ئۆكرانیا لە مێژووی نوێی ئەو وڵاتەدا.

بەردەوام بە لە خوێندنەوە

جیهان

خامنەیی لە سوجدەدا بوو
بەڤیدیۆ..ڕۆحانی پێش هەموان خامنەیی جێهێشت

خەڵك-بەشی هەواڵ

حەسەن ڕۆحانی سەرۆك كۆماری ئێران لەكاتی نوێژی هەینیدا و لە پشت خامنەیی ڕێبەری باڵای كۆماری ئیسلامی ئێران نوێژی دەكرد، بەڵام زۆر بەخێرایی سەلامی دایەوە و ریزی نوێژخوێنانی جێهێشت.

تۆڕی سپوتنیك چەند ڤیدیۆیەكی بلاوكردووەتەوە كە لە تۆڕە كۆمەڵایەتییەكان بڵاوكراوەتەوە، ئاماژە بۆ ئەوە دەكات، ڕۆحانی لە پشت خامنەیی و لە تەنیشت عەلی لاریجانی سەرۆكی پەڕلەمانی ئێرانەوە دانیشتووە، بەڵام پێش ئەوەی خامنەیی هەستێتەوە، ڕۆحانی شوێنەكە جێدەهێڵێت، هۆكارەكەشی نازانرێت.

ئەمڕۆ هەینی، دوای 8 ساڵ خامنەیی وتاری نوێژی هەینی دا و ڕایگەیاند، ئەمریكا بەشێوەیەكی ترسنۆكانە قاسم سولەیمانیی كوشت و نەیانتوانی ڕووبەڕوو شەڕی سولەیمانی بكەن.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

جیهان

خامنەیی: گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات

خەڵك-بەشی هەواڵ

 

دوای هەشت ساڵ، عەلی خامنەیی ڕێبەری باڵای كۆماری ئیسلامی ئێران، وتاری ڕۆژی هەینی پێشكەش دەكات.

عەلی خامنەیی ڕێبەری باڵای كۆماری ئیسلامی ئێران لە وتاری ئەمڕۆ هەینی 17-1-2020 ڕایگەیاند، دوو هەفتەی پڕ لە ڕووداومان بەڕێ كرد و دەبێت وانە لە ڕووداوەكانیش وەربگرین.

وتیشی”گەلی ئێران خۆڕاگر و سوپاسگوزارە و ستەم و دەستدێریژیش قبوڵ ناكات، هەر گەلێك پشت بە خودا ببەستێت سەركەوتن چاوەڕێی دەكات”.

ئاشكراشیكرد، هەزاران كەس بۆ گیانی قاسم سولەیمانی هاتنە سەر شەقامەكان و گەلانی ناوچەكەش تیرۆركردنی سولەیمانیان ڕەتكردەوە.

ڕوونیشیكردەوە، ڕۆژی هێرشی مووشەكی ئێران بۆسەر بنكەكانی ئەمریكا گرنگ بوو، هەروەها مێژووییش بوو، 41 ساڵیشە گەلی ئێران لەسەر یەك سەركەوتن تۆمار دەكات، هەربۆیە دوو هەفتەی ڕابردوو پڕ شكۆ بوون بۆ ئێران.

بەردەوام بە لە خوێندنەوە

کوردستان