ئێمە لە تۆرە کۆمەڵایەتیەکان

کوردستان

لەڕێی فەیسبوكەوە ڕۆژنامەنووسە دەستگیركراوەكەی گەرمیان ئازاد كرا

خەڵك – بەشی هەواڵ

ئەمڕۆ بە بڕیاری دادگای كەلار (ئازاد عوسمان) بەڕێوەبەری ڕادیۆی (دەنگ) لە گەرمیان دەستگیركرا، دوای بەدەنگەوەهاتنی قوباد تاڵەبانی لەڕێی تۆڕی كۆمەڵایەتی فەیسبوكەوە لەسەر ئەو دۆسیەیە، ئەو ڕۆژنامەنووسە بە بارمتەی دارایی بە بڕی یەك ملیۆن دینار ئازادكرا.

ئەمەش لە كاتێكدایە، دادوەری دادگای كەلار ئازاد عوسمان بەڕێوەبەری ڕادیۆی (دەنگ)ی لە گەرمیان، بەپێی ماددەی 433 لە یاسای سزادانی عیراقی دەستگیركردبوو كە تایبەتە بە تۆمەت هەڵبەستن.

جێی ئاماژەیە، دوای بڵاوبوونەوەی هەواڵی دەستگیركردنی ئازاد عوسمان بەڕێوەبەری ڕادیۆی (دەنگ) لە گەرمیان لە تۆڕە كۆمەڵایەتییەكان، قوباد تاڵەبانی جێگری سەرۆكی حكومەتی هەرێمی كوردستان ڕایگەیاند، زیندان شوێنی ڕۆژنامەنووس و ڕەخنەگران نییە، بەڵكو شوێنی دز و پیاوكوژانە، دەشڵێت: “نووسین بە نووسین وەڵام دەدرێتەوە”.

قوباد تاڵەبانی، جێگری سەرۆكی حكومەتی هەرێم لە هەژماری تایبەتی خۆی لە تۆڕی كۆمەڵایەتی فەیسبوك ڕایگەیاند، “ئەگەر ڕۆژنامەنووسێك هەڵەیەكی كرد و بێ بەڵگە كەسێك و لایەنێكی تۆمەتبار كرد ئەوا یاسای كاری ڕۆژنامەگەریمان هەیە و دەبێت بەپێی یاسا مامەڵەی لەگەڵدا بكرێت، نەك پەنا ببرێت بۆ دەستگیركردن و هەڕەشە و توندوتیژی”.

قوباد تاڵەبانی ئەوەشیخستبووەڕوو،”لەماوەی داهاتوودا كۆبوونەوەیەكی بەرفراوان لەگەڵ لایەنە پەیوەندیدارەكان و ڕۆژنامەنووسان ڕێكدەخەم بۆ ئەوەی ڕێوشوێنێك بدۆزینەوە بۆ چۆنیەتی كۆتاییهێنان بەم جۆرە مامەڵەكردنانە، كە دواهەمینیان دەستگیركردنی ڕۆژنامەنووس (ئازاد عوسمان)ە”.

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان