ئێمە لە تۆرە کۆمەڵایەتیەکان

ئابوری

یاسایەكی پەڕلەمان ناڕەزایی لێ‌ دەكەوێتەوە
خەڵك؛ بڕی پارە و وردەكاری تاپۆكردنی خانووە زیادەڕۆكان بڵاودەكاتەوە

خەڵك – بەشی هەواڵ
یاسای تاپۆكردنی خانووە زیادەڕۆكان، كە لە پەڕلەمانی كوردستان دەرچووە ناڕەزایی هاووڵاتیانی لێ‌ دەكەوێتەوە و بە “نادادپەروەرانە” وەسفی دەكەن و ئەندامێكی لیژنەی كاروباری یاسایی لە پەڕلەمانی كوردستان ڕایدەگەیەنێت، یاسای تاپۆكردنی زیادەڕۆكان تەنها بۆ خانووە یان ئەوانەی هێشتا تەواو نەكراون، واتە بۆ زەوی نیە.

ڕۆژان محەمەد كەریم، ئەندامی لیژنەی كاروباری یاسایی لە پەڕلەمانی كوردستان بە (خەڵك)ی ڕاگەیاند، بەپێی یاسای تاپۆكردنی خانووە زیادەڕۆكان، تەنها لەناوچە زیادەڕۆكان خانووی تەواوكراو یان ئەوانەی هەیكەلن و بەشێكیان تەواو نەكراون دەگرێتەوە و زەوی ناگرێتەوە.

وتیشی، “بەرامبەر تاپۆكردنی ئەو خانووە زیادەڕۆیانە لە پارێزگاكان بڕی (15-30) هەزار و شارۆچكەكان (10-15) هەزار و شارەدێیەكان لە نێوان (5-8) هەزار دینار بۆ هەر مەتر دووجایەك دیاریكراوە، هەروەها لە یاساكەدا ڕەچاوی هەندێك شوێن و یەكەی نیشتەجێبوون كراوە، كە پێشتر لەلایەن ڕژێمی پێشووە ڕووخێنراوە یان بەهەر هۆكارێكی دیكە زیانیان بەركەوتووە و بۆتەوە بە زەوی، ئەوانە بەهەمان شێوە تاپۆ دەكرێن”.

ڕاشیگەیاند، ئەو زەویانەی لە گەڕەكێكدا هەموو بۆتە خانوو تەنها ئەو زەویە یان چەند پارچە زەویەك ماوە، ئەگەر خاوەنەكەی بەڵگەنامەی پێویستی لەسەری هەبوو، كە زەویەكەی بەناوەوەیە ئەوا بۆ تاپۆكردنی ئەو زەویە ڕێژەی 50%ی نرخی ڕاستەقینەی لێ وەردەگیرێت، ئەوجا تاپۆ دەكرێت.

لای خۆشیانەوە ژمارەیەك هاووڵاتی لە سلێمانی بۆ (خەڵك) ڕایانگەیاند، كە لە ساڵانی سەردەمی قەیرانی دارایی زەوییان لە ناوچە بێ‌ تاپۆكان كڕیوە بەو پێیەی لە شارەوانی (فۆڕم)ی هەیە و بەهۆی قەیرانەوە نەتوانراوە بیكەن بەخانوو، بەڵام لە یاسا نوێیەكەدا تاپۆكردنی زەویەكان نایانگرێتەوە.

ڕاشیانگەیاند، كە ئەو زەویانە كەوتوونەتە سنووری شارەوانیەكان و هیچ كێشەیەكیان نییە و لە شارەوانی فۆڕمیان بۆ كراوە و بەناویانەوەیە، بەڵام یاسا نوێیەكە ڕێگەیان پێ‌ نادات تاپۆی بكەن و ئەوانەشی لەناو گەڕەكێكن و تاپۆكردنەكە دەیانگرێتەوە پارەیەكی زۆر وەردەگرن بەرامبەر تاپۆكردنی، كە 50%ی نرخی زەویەكەیە.

دەشڵێن: “ئەوە نادادپەروەریە بەرامبەرمان، چونكە ئەگەر زەویەك لەو ناوچانە بایی 20 هەزار دۆلار (2 دەفتەر) بێت دەبێت بۆ تاپۆكردن بڕی (یەك دەفتەر دۆلار) بدەین”.

ئابوری

گەنەڵ ئینێرجی: لە 2020دا 100 ملیۆن دۆلار لە حكومەتی هەرێم وەردەگرین

خەڵك – بەشی هەواڵ

كۆمپانیای گەنەڵ ئینێرجی ڕایدەگەیەنێت: سەرەڕای دواكەوتنی شایستە داراییەكانیان، بەڵام پێشبینی دەكەن لە ساڵی 2020دا نزیكەی 100 ملیۆن دۆلار وەك شایستە داراییەكانیان لە حكومەتی هەرێمی كوردستان وەربگرن.

كۆمپانیای گەنەڵ ئینێرجی كە سەرقاڵی بەرهەمهێنانی نەوت‌ و غازە لە هەرێمی كوردستان لە ڕاگەیەنراوێكدا ئاماژە بەوەدەكات: ساڵی 2019 بڕی 42 ملیۆن دۆلاریان وەك شایستە داراییەكانیان لە حكومەتی هەرێمی كوردستان وەرگرتووە‌ و بەپێی ئەو ڕێككەوتنەش كە لە نێوان هەردوولادا واژۆكراوە، پێشبینی دەكەن لە چارەكی یەكەمی ئەمساڵدا، سەرجەم شایستە داراییەكانیان لە حكومەتی هەرێمی كوردستان وەربگرنەوە.

كۆمپانیای گەنەڵ ئینێرجی جەختیشیكردووەتەوە، سەرەڕای ئەوەی لە ڕابردوودا شایستە داراییەكانیان بۆ چەند مانگێكی كەم دواكەوتووە، بەڵام ئەوان دڵنیان لەوەی كە پارەكانیان بەشێوەیەكی ڕێكوپێك لە حكومەتی هەرێمی كوردستان وەردەگرنەوە.

هەروەها گەنەڵ ئینێرجی پێشبینی دەكات، بۆ ساڵی 2020 پوختەی بەرهەمهێنانیان لە كێلگە نەوتییەكانی هەرێمی كوردستان بگاتە 35 هەزار و 400 بەرمیل نەوت لە ڕۆژێكدا، ئەوەش نزیكە لەهەمان ئەو ئاستەی كە لەساڵی 2019دا بەرهەمیان هێناوە.

ك.ج

بەردەوام بە لە خوێندنەوە

ئابوری

بەڕێوەبەرایەتییەك هەلی كار ڕادەگەیەنێت

خەڵك- بەشی هەواڵ
بەڕێوەبەرایەتی كار و ڕاهێنانی پیشەیی گەرمیان هەلی كار لە كەرتی تایبەت بە مووچەی 350 هەزار دینار ڕادەگەیەنێت.

بەڕێوەبەرایەتی كار و ڕاهێنانی پیشەیی گەرمیان لە ڕاگەیەنراوێكدا، كە وێنەی دەست (خەڵك) كەوتووە، ئاماژەی بەوەكردووە، هۆبەی كاری بەڕێوەبەرایەتیمان هەلی كاری ڕەخساندوە لەكەرتی تایبەت لە كۆمپانیای (فیردۆس) بۆ یەك كەس لە ڕەگەزی (نێر).

ڕاشیگەیاندووە، هەلی كارەكە بۆ كاری مەندوبیە و بە مووچەی (٣٥٠) هەزار دینارە و بە پێی زیاد فرۆشتنی مووچەكەی زیاد ئەكات.

جەختیشی كردۆتەوە، كاتی كار كردن (٨) كاتژمێرە بە مەرجێك دانیشتوی شاری كەلار بێت و شارەزایی كاری مەندوبی هەبێت.
أ.ح

بەردەوام بە لە خوێندنەوە

ئابوری

مووچەی سەرجەم وەزارەتەكان و خانەنشینان دابەش دەكرێت

خەڵك- بەشی هەواڵ
دوابەدوای گەیشتنی پارەی مووچە لە بەغداوە، وەزارەتی دارایی و ئابووری هەرێم خشتەی دابەشكردنی مووچەی مانگی 10ی سەرجەم وەزارەتەكان و خانەنشینانی ڕاگەیاند.

بەپێی خشتەی مووچە، كە لە وەزارەتی داراییەوە دراوە بە (خەڵك)، ئەم هەفتەیە مووچەی سەرجەم وەزارەتەكان و كەسوكاری شەهیدان و خاوەن پێداویستییە تایبەتەكان و زیندانیانی سیاسی دابەش دەكرێت.

هەر بەپێی خشتەكە، لە كۆتایی هەفتەدا مووچەی هەر سێ‌ سەرۆكایەتییەكەی هەرێم و خانەنشینانی سەربازی و مەدەنی خەرج دەكرێت.
أ.ح

بەردەوام بە لە خوێندنەوە

کوردستان