ئێمە لە تۆرە کۆمەڵایەتیەکان

ژینگە

ئامادەكاری بۆ حاڵەتی لەناكاوی باران و بەفر دەكرێت

خەڵك- بەشی هەواڵ
قائیمقامی هەڵەبجە لەگەڵ بەرپرسانی فەرمانگە خزمەتگوزارییەكانی پارێزگاكە كۆدەبێتەوە و باس لە ئامادەكارییەكان دەكرێت بۆ هەر حاڵەتێكی لەناكاوی بەفر و باران.

نوخشە ناسح، قائیمقامی ناوەندی پارێزگای هەڵەبجە لە هەژماری خۆی لە فەیسبووك ئاماژەی بەوەكردووە، كە ئەمڕۆ لەگەڵ بەڕێوەبەری بەرگری شارستانی و سەرۆكی شارەوانی هەڵەبجە و بەڕێوەبەری ڕێگاوبان و بەشی ئامێرەكانی شارەوانی كۆبوونەوە.

ڕاشیگەیاندووە، لەكۆبوونەوەیەكی فراواندا باس لە خۆئامادەكردن كرا بۆ هەر حاڵەتێكی لە ناكاوی بەفر و باران لەوەرزی زستاندا، كە ڕووبدات.

ماوەی نزیكەی دوو مانگ بەسەر وەرزی پاییزدا تێپەڕ بووە، بەڵام تا ئێستا چەند شەپۆلێكی كەمی باران بارین ناوچەكانی هەرێمی كوردستانی گرتۆتەوە و لە ماوەی ئەم مانگەشدا تا ئێستا باران نەباریوە لەكاتێكدا لە ساڵی ڕابردوودا ڕێژەی باران بارین زیاتر بووە و لافاو زیانی زۆری لە هاووڵاتیان و جووتیاران دا.

ژینگە

لە 24 كاتژمێردا، بڕی باران بارین لە شارەكانی هەرێم بڵاوكرایەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان ڕێژەی باران بارینی لە 24 كاتژمێری ڕابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین ڕێژەی بارین باران لە 24 كاتژمێری ڕابردوو لە ناوچەی ئاكرێ سەر بە پارێزگای دهۆك بە بڕی 15.6 ملم باریوە.

بەردەوام بە لە خوێندنەوە

ژینگە

خۆڵبارین دەستپێدەكات
شەپۆلێكی بەفر و باران هەرێمی كوردستان دەگرێتەوە

خەڵك- بەشی هەواڵ
كەشناسی هەرێم پێشبینییەكانی بۆ دۆخی كەشوهەوای ئەمڕۆ و سبەینێ‌ بڵاودەكاتەوە و ڕایدەگەیەنێت، بارینی بەفر و باران ناوچەكانی هەرێم دەگرێتەوە و ئاشكراشی دەكات، كە خۆڵبارین ڕوودەدات.

بەڕێوەبەرایەتی گشتی كەشناسی و بوومەلەرزەزانی هەرێم لە ڕاپۆرتێكدا ئاماژەی بەوەكردووە، كە ئەمڕۆ هەینی ئاسمانی ناوچەكانی هەرێم هەور دەبێت لەگەڵ دابارینی نمە باران لە ناوچە جیاجیاكان و لە ناوچە شاخاوییەكانیش بەفر دەبارێت.

ڕاشیگەیاندووە، سبەینێ‌ شەممە ئاسمان هەور دەبێت لەگەڵ دابارینی نمە باران لە ناوچە جیاجیاكان و بەفر لە ناوچە شاخاوییەكان دەبارێت.

ئاماژەی بەوەشكردووە، ئەگەری هاتنی تۆز و خۆڵ هەیە بۆ ماوەیەكی دیاری كراو لەگەڵ كاریگەری نزمە پاڵەپەستۆكە.
أ.ح

بەردەوام بە لە خوێندنەوە

ژینگە

كەشناسی، هۆشداری هاتنی شەپۆلێكی سەرما و سۆڵە دەكات

خەڵك-بەشی هەواڵ

 

بەڕێوەبەرایەتی گشتی كەشناسی و بومەلەرزەزانی هەرێمی كوردستان ڕایدەگەیەنێت، ئەمشەو لە كاتەكانی درەنگدا كاریگەری شەپۆلێكی باران كاردەكاتەسەر هەرێمی كوردستان.
بەڕێوەبەرایەتی گشتی كەشناسی و بومەلەرزەزانی هەرێمی كوردستان لە ڕاگەیەنراوێكدا ئاماژە بۆ ئەوە دەكات، بەیانی ڕۆژی هەینی باران بارین دەستپێدەكات، سەرەتا ئاستی باران ڕێژەی كەمتر دەبێت، بەڵام دوای نیوەڕۆی ڕۆژی هەینی كاریگەری باران زیاتر دەبێت و بەفریش لەناوچە شاخاوییەكان دەبارێت.
ئاشكراشیدەكات، ئاستی باران و بەفر لە سنووری پارێزگای دهۆك لە ماوەی كاریگەری هاتنی ئەم شەپۆلە زیاتر دەبێت لەچاو ناوچەكانیتر، كاریگەری ئەم نزمە پاڵەپەستۆیە تاكو رۆژی دوو شەممە دەمێنێتەوە لەسەر ناوچەكەمان.
س.ع

بەردەوام بە لە خوێندنەوە

کوردستان