ئێمە لە تۆرە کۆمەڵایەتیەکان

کوردستان

“بەرپرسێكی یەكێتی لە حكومەت دەگۆڕێت”
یەكێتی و گۆڕان لەسەر پۆستێكی حكومەتی هەرێم ناكۆكن

خەڵك – بەشی هەواڵ
سەرچاوەیەكی باڵا لە وەزارەتی پێشمەرگە ڕایدەگەیەنێت، لە ئێستادا یەكێتی پۆستی ئەمینداری پێشمەرگە بە پشكی خۆی دەزانێت و نادرێتە بزوتنەوەی گۆڕان، دەشڵێت: “ئەمینداری ئێستای وەزارەتی پێشمەرگە لە شوێنەكەی نامێنێت و كەسێكی دیكە دەخرێتە ئەو شوێنە”.

ماوەیەكە بڕیاری پڕكردنەوەی پۆستەكانی كابینەی نۆیەمی حكومەتی هەرێم بۆتە باسی گەرمی ئەو لایەنانەی حكومەتی ئێستایان پێكهێناوە، پۆستی ئەمینداری گشتی وەزارەتی پێشمەرگە لەنێوان بزوتنەوەی گۆڕان و یەكێتی هێشتا یەكلانەبۆتەوە و یەكێتی ئامادە نیە ئەو پۆستە ڕادەست بكات، چونكە بە پشكی خۆی دەزانێت.

سەرچاوەیەكی باڵا لە وەزارەتی پێشمەرگەی حكومەتی هەرێم بە (خەڵك)ی ڕاگەیاند، لەچوارچێوەی گۆڕانكاری لەو پۆستانەی ماون لە دوای پێكهێنانی كابینەی نۆیەمی حكومەتی هەرێم و بەپێی ئەو ڕێككەوتنەی لەنێوان پارتی وەك لایەنی بڕاوەی هەڵبژاردن و یەكێتیی نیشتمانیی كورستان كراوە، پۆستی وەزیری پێشمەرگە لەگەڵ ئەمیندار بۆ یەكێتی دەبێت و بریكاری وەزیر و سەرۆكی ئەركان بۆ پارتی دەبێت.

وتیشی، “یەكێتی پۆستی ئەمیندار وەردەگرێت و ئامادەنیە ڕادەستی بزوتنەوەی گۆڕانی بكات، بۆ یەكلاكردنەوەی ئەو پۆستەش لەنێوان ئەو دوو لایەنە هێشتا بڕیاری كۆتایی نەدراوە”.

ڕاشیگەیاند، هەرچەندە لە ئێستادا پۆستی ئەمینداری وەزارەتی پێشمەرگە لەدەستی یەكێتیدایە، بەڵام گۆڕانكاری لە پۆستەكەدا دەكرێت و كەسێكی دیكە لە پشكی یەكێتی دەبێتە ئەمینداری گشتی وەزارەتی پێشمەرگە.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان