ئێمە لە تۆرە کۆمەڵایەتیەکان

کوردستان

كاندیدی سەرۆك وەزیران ئاشكراكرا
“بارزانی بۆ وەرگرتنی پۆستی سەرۆك كۆماری عیراق كاندید دەكرێت”

خەڵك- بەشی هەواڵ
بەپێی ڕێكەوتنێكی نێوان هاوپەیمانی فەتح و پارتی دیموكراتی كوردستان و ئیئتیلافی دەوڵەتی یاسا، پشتیوانی لە مەسعود بارزانی، سەرۆكی پارتی دیموكراتی كوردستان دەكرێت، تا پۆستی سەرۆك كۆماری داهاتووی عیراق وەربگرێت.

لە ڕێكەوتنێكی نێوان پارتی و هاوپەیمانی فەتح و دەوڵەتی یاسادا، كە لە میدیا عیراقیەكان بڵاوكراوەتەوە، هاتووە، “هەر سێ‌ لایەنەكە پشتیوانی لە مەسعود بارزانی، سەرۆكی پارتی دیموكراتی كوردستان دەكەن، تا پۆستی سەرۆك كۆماری داهاتووی عیراق وەربگرێت”.

لە ڕێكەوتنەكەدا، كە ئیمزای هەریەك لە (محەمەد هاشمی) سەركردە لە هاوپەیمانی فەتح و (محەمەد سنێد) سەركردە لە ئیئتیلافی دەوڵەتی یاسا و (فازڵ میرانی) سكرتێری مەكتەبی سیاسی پارتی دیموكراتی كوردستانی لەسەرە، هەر سێ‌ لایەن، لەسەر چەند خاڵێك ڕێكەوتوون بۆ دروستكردنی گەورەترین كوتلەی پەرلەمانی لەپێناو پێكهێنانی حكومەتی داهاتووی عیراق.

لە یەكەم خاڵی ڕێكەوتنەكەشدا، هەر سێ‌ لایەن پشتیوانی لە كاندیدی كورد دەكەن بۆ وەرگرتنی پۆستی سەرۆك كۆمار، كە مەسعود بارزانی یە، لەبەرانبەردا و لە خاڵی دووەمی رێكەوتنەكە، پارتی دیموكراتی كوردستان پشتیوانی خۆی بۆ وەرگرتنی پۆستی سەرۆك وەزیرانی داهاتوو لەلایەن نوری مالكی-یەوە دەربڕیوە.

هەروەها فەتح و دەوڵەتی یاسا “پشتیوانی لە هەوڵەكانی پارتی دەكەن بۆ ڕاكێشانی هەریەك لە یەكێتی نیشتمانی كوردستان و بزوتنەوەی گۆڕان بۆ نێو هاوپەیمانییەكەیان و پارتیش دەستكراوە دەبێت تا لایەنە سونییەكان ڕازیی بكات بۆ هاتنە نێو هاوپەیمانییە نوێیەكە”.

هەر لە دەستنووسەكەدا هاتووە، “هەریەك لە هاوپەیمانی فەتح و ئیئتیلافی دەوڵەتی یاسا، بەڵێن دەدەن بە دامەزراندنی ئیدارەیەكی سەبازی هاوبەش لە كەركوك و سەرلەنوێ‌ بڵاوەپێكردنی هێزەكانی پێشمەرگە لە پارێزگاكە، لەگەڵ مانەوەی هێزەكانی حكومەتی فیدڕاڵ”.

وەك تێبینیش سەبارەت بەو بڕەگەیە، لایەنەكان لەسەر ئەوە ڕێكەوتوون، كە هەر لە پاش پێكهێنانی حكومەت، بە سەرپەرشتی نوێنەری نەتەوە یەكگرتووەكان گەڕانەوەی پێشمەرگە بۆ كەركوك جێبەجێ‌ بكرێت، لە كۆتاییشدا لایەنەكان ڕێكەوتوون لەسەر دەستپێكردنەوەی دانوستانەكان لەبارەی هەناردەكردنی نەوت لە هەرێمی كوردستان و بە پشتیوانی لایەنەكان (فەتح و دەوڵەتی یاسا)، پشكی 17% لە بودجەی گشتی فیدڕاڵ بۆ ساڵی 2019، بۆ كورد دابین بكرێت.

بۆ وەرگرتتی زانیاریی زیاتر لەو بارەیەوە، (تۆڕی میدیایی خەڵك) پەیوەندی كرد بە هەریەك كاكەمین نەجار و مەحمود محەمەد، ئەندامانی مەكتەبی سیاسی پارتی و فازڵ میرانی، سكرتیری مەكتەبی سیاسی پارتی و خەسرەو گۆران، بەرپرسی دەزگای هەڵبژاردنی پارتی، بەڵام هیچ كام لەو پەیوەندییانە وەڵامیان نەدایەوە.

کوردستان

پشده‌ر: كه‌سێك به‌ تۆمه‌تی به‌زۆر سه‌ندنی پاره‌ له‌ خه‌ڵك ده‌ستگیر كرا

خەڵک-

بەپێی ڕاگەیەنراوێکی بەڕێوەبەرایەتیی پۆلیسی ڕاپەڕین، ئەمڕۆ کەسێک بە تۆمەتی بەزۆر سەندنی پارە لە خاوەن مارکێتەکان، دەستگیر کراوە.

بەڕێوەبەرایەتیی پۆلیسی سۆران ڕایگەیاند: “پاش به‌ده‌ستهێنانی زانیاری له‌ لایه‌ن هاوڵاتیان و به‌ سود وه‌رگرتن له‌ كامێرای چاودێری، هێزه‌كانی نوسینگه‌ی نه‌هێشتنی تاوان لە قەزای پشده‌ر، كه‌سێكیان ده‌ستگیر كرد كه‌ به‌ زۆر پاره‌ی له‌ خاوه‌ن ماركێته‌كان سه‌ندووه‌، بۆ ئه‌م مه‌به‌سته‌ش له‌ لایه‌ن هاوڵاتییانه‌وه‌ سكاڵای یاسایی له‌سه‌ر تۆمار كراوه‌.”

ئەوەشی ڕاگەیاند: ئەو تۆمەتبارە به‌ مادده‌ی ٤٥٢ له‌ یاسایی سزادانی عێراقی‌ به‌ند كراوە و پاش لێكۆڵینه‌وه‌ش له‌گه‌ڵیدا دانی ناوه‌ به‌ تاوانه‌كه‌یدا، په‌ڕاوی لێكۆڵینه‌وه بۆ دۆسیەکە كراوه‌ته‌وه‌ و لێكۆڵینه‌وه‌ش به‌رده‌وامه‌.

 

بەردەوام بە لە خوێندنەوە

کوردستان

باڵیۆزی تورکیا لە بەغدا: نه‌وتی كه‌ركوك بۆ ئێمە و عێراقیش گرنگە

خەڵک-

باڵیۆزی توركیا له‌ به‌غدا ڕایگەیاند، “كردنه‌وه‌ی دووه‌مین ده‌روازه‌ی سنوریی نێوان توركیا و عێراق، ده‌بێته‌ هۆی كارئاسانی له‌ بازرگانی و فراوانكردنی رێگاكانی بازرگانی لە نێوان ئەو دوو وڵاتە.

فاتیح یڵدز باڵیۆزی توركیا له‌ به‌غدا له‌باره‌ی دوا پێشهاته‌كانی ده‌روازه‌ی ئۆڤا، ڕایگەیاند: “كردنه‌وه‌ی ئەم ده‌روازه‌ سنوریییە په‌یوه‌نددارە به‌ په‌یوه‌ندییه‌كانی نێوان حكومه‌تی هه‌رێمی كوردستان و به‌غداوە، ئێمە هه‌ست به‌ پێویستیی ئەو هاوسه‌نگییه‌ ده‌كه‌ین.”

ئەوەشی ڕاگەیاند: “كردنه‌وه‌ی ئەو دروازە سنورییە، ده‌بێته‌ هۆی كارئاسانی له‌ بازرگانی و فراوانكردنی رێگاكانی بازرگانی، کارێکی باش نییه‌ جێگره‌وه‌ت نه‌بێت بۆ قه‌باره‌یه‌كی بازرگانی بە بڕی‌ ١٣ ملیار دۆلار”.

فاتح یڵدژ ئاماژەی بەوەش کرد: نه‌وتی كه‌ركوك بۆ توركیا و عێراق په‌یوه‌ستێكی گرنگی وزه‌یه، ئه‌و هێڵه‌ی كه‌وتووه‌ته‌ كار، ئه‌و هێڵه‌یه‌‌ له‌ هه‌رێمی كوردستانه‌وه‌ دێت. هێڵه‌ كۆنه‌كه‌ چاوه‌ڕوانی سه‌رله‌نوێ بنیاتنانه‌وه‌یه‌. كۆمپانیا توركییه‌كان خواستی خۆیان بۆ بنیاتنانه‌وه‌ی هێڵه‌كه‌ نیشانداوه‌. پێویسته‌ بیره‌ نه‌وته‌كانی كه‌ركووك و هێڵی بۆریی گواستنه‌وه‌ی نه‌وت، به‌توانای راسته‌قینه‌ی خۆی كار بكات. ئه‌مه‌ش بابه‌تێكه‌ په‌یوه‌سته‌ به‌ حكومه‌تی عێراقه‌وه‌.

باڵیۆزی تورکیا لە بەغدا دەڵێت: نه‌ بیره‌ نه‌وته‌كان به‌وپه‌ڕی توانایانه‌وه‌ كارده‌كه‌ن، نه‌ هێڵه‌كه‌ به‌وپه‌ڕی توانایه‌وه‌ كارده‌كات. وه‌ك چاره‌سه‌رێكی كاتی ته‌ماشای ئه‌مه‌ ده‌كه‌ین، به‌ڵام سه‌رله‌نوێ ده‌ستپێكردنه‌وه‌ی گرنگه‌ و رێككه‌وتنی به‌غدا و هه‌رێمیش له‌وباره‌وه‌ گرنگه‌. كه‌ركووك و به‌غدا پێویستیان به‌و داهاته‌یه‌ كه‌ له‌ هه‌نارده‌كردنی نه‌وت به‌ده‌ستدێت. لێره‌دا باوه‌ڕمان وایه‌ ئه‌گه‌ر توانای هێڵه‌كه‌ بگه‌ڕێته‌وه‌ بۆ دۆخی جاران، په‌یوه‌ندییه‌كانیش ده‌گه‌ڕێنه‌وه‌ دۆخی جاران.”

بەردەوام بە لە خوێندنەوە

کوردستان

ھێزە ئەمنییەکانی تورکیا ٢٥ ژنیان لە بارەگای ئامەدی ھادەپ دەستگیر کرد

خەڵک-

پاشنیوەڕۆی ئەمڕۆ ھێزە ئەمنییەکانی تورکیا ٢٥ ژنیان لەبارەگای ئامەدی پارتی دیموکراتی گەلان (ھادەپ) دەستگیر کرد، کە بۆ پشتیوانی لە پەرلەمانتارێکی ژن بڕیاریان دابوو سێ رۆژ مانبگرن.

پاشنیوەڕۆی ئەمڕۆ ھێزە ئەمینییەکانی تورکیا، چوونە نێو بارەگای شاری ئامەدی پارتی دیموکراتی گەلان (ھادەپ) و ٢٥ ژنیان دەستگیر کرد.
ئەو ژنانە بڕیاریان دابوو بۆ ماوەی ٣ رۆژ مانگرتن رابگەیەنن، وەک پشتیوانییەک لە لەیلا گوڤەن هاوسەرۆکی کۆنگرەی جڤاکا دیموکراتیک و پەرلەمانتاری هەدەپە.

لەیلا گوڤەن ماوەی زیاتر لە مانگێکە بە تۆمەتی بوونی پەیوەندی بە پارتی کرێکارانی کوردستانەوە دەسـتگیرکراوە و پێدەچێت ڕووبەڕووی سزای زیندانی کردنی چەند ساڵە بێتەوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین