ئێمە لە تۆرە کۆمەڵایەتیەکان

کوردستان

مەسرور بارزانی: پێویستە مافەكانی فەرمانبەران لەبەرچاو بگیرێت

خەڵك- بەشی هەواڵ
كۆبوونەوەی سەرۆكایەتی حكومەتی هەرێم لەگەڵ سەرۆكایەتی ئەنجوومەنی پارێزگاكانی هەرێم كۆتایی هات و سەرۆكی حكومەت دەڵێت: “پێویستە مافەمانی فەرمانبەران لەبەرچاو بگیرێت”.

مەسرور بارزانی، سەرۆك وەزیرانی هەرێمی كوردستان لە هەژماری خۆی لە فەیسبووك ڕایگەیاندووە، ئەمڕۆ سێ شەممە ٢٠١٩/١١/١٢ لەگەڵ سەرۆكی ئەنجوومەنی پارێزگاكانی هەرێمی كوردستان كۆبووینەوە و جەختمان لە سەر گرنگی ڕۆڵی ئەنجوومەنی پارێزگاكان لە چاودێریكردنی جێبەجێكردنی كارنامەی حكومەت بەتایبەتی جێبەجێكردنی بەرنامەی چاكسازی و بەدامەزراوەیی كردن و ڕێكخستنەوەی داهات و خەرجییەكان كرد.

ڕاشیگەیاندووە، داوامان لە ئەنجوومەنی پارێزگاكان كرد لە جێبەجێكردنی پڕۆژەكان لە چوارچێوەی سیاسەتی گشتی و بە ئاڕاستەی نەهێشتنی ڕۆتین و ئاسانكاریكردن لە ڕایی كردنی مامەڵەی هاووڵاتیان هاوكاری حكومەت بن.

دەشڵێت: “فەرمانبەرانی حكومەت لە سەرۆكی حكومەت و وەزیرەكانەوە تا بچووكترین فەرمانبەر لە دەزگاكانی حكومەتدا، ئەركیان خزمەتكردنی هاووڵاتیانی هەرێمی كوردستانە بە بێ جیاوازی، لە هەمانكاتدا پێویستە مافەكانی فەرمانبەرانیش لە بەرچاو بگیرێت و كار بكەین بۆ ئەوەی كۆمەڵگەكەمان لە بەكارهێنەرەوە بكەینە بەرهەمهێنەر”.

کوردستان

حەسەكە.. تەقینەوەیەك ڕوویدا

خەڵك – بەشی هەواڵ

تەقینەوەیەكی بەهێز لەشاری حەسەكەی ڕۆژئاوای كوردستان ڕوویدا.

بەپێە زانیارییەكان، كاتژمێر 8ی ئەمشەو تەقینەوەك لە شاری حەسەكەی ڕۆژئاوای كوردستان ڕوویداوە كە دەنگێكی بەهێزی هەبووە و دوكەڵێكی گەورە ئاسمانی شارەكەی گرتووەتەوە، دوابەدوای ڕووداوەكەش تیمەكانی ئاگركوژێنەوە و تەندروستی ڕەوانەی شوێنی ڕووداوەكە كراون.

هاوكات، كەناڵی (ڕوسیا تودەی) بڵاویكردووەتەوە: تەقینەوەكە لە جبەخانەیەكی چەك و تەقەمەنی سەربازیی هێزەكانی سوریای دیموكرات (هەسەدە) بووە بەهۆی بەرزبوونەوەی پلەی گەرماوە ڕوویداوە.

جێی ئاماژەیە، تائێستا هیچ لایەنێكی فەڕمی لە ڕۆژئاوای كوردستان زانیاری تەواوی لەسەر هۆكاری ئەو تەقینەوەیە و زیانەكانی ئاشكرا نەكردووە.

بەردەوام بە لە خوێندنەوە

کوردستان

سەیدسادق.. دوو تووشبووی تری كۆرۆنا گیانیان لەدەستدا

خەڵك – بەشی هەواڵ

قائیمقامیەتی شارۆچكەی سەیدسادق گیانلەدەستدانی دوو تووشبووی تری ڤایرۆسی كۆرۆنای ڕاگەیاند.

قائیمقامیەتی شارۆچكەی سەیدسادق لە ڕاگەیەندراوێكدا ڕایگەیاند: دوو حاڵەتی نوێی مردن بە ڤایرۆسی كۆرۆنا تۆماركرا كە دوو پیاوی تەمەن ٦٦ ساڵ و ٥٠ ساڵن و دانیشتووی شارۆچكەكەیانن.

قائیمقامیەتی شارۆچكەی سەیدسادق ڕوونیشیكردووەتەوە: ئەو هاووڵاتییانە پاش ماوەی چەند ڕۆژێك داخڵ بوونیان و خەواندنیان لە نەخۆشخانە، ئێوارەی ئەمڕۆ گیانیان لە دەستدا.

بەمەش ژمارەی مردن بە ڤایرۆسی كۆرۆنا لە شارۆچكەی سەیدسادق گەیشتە 17 حاڵەت.

بەردەوام بە لە خوێندنەوە

کوردستان

بەندكراوێك لە سلێمانی بە كۆرۆنا گیانی لەدەستدا

خەڵك- بەشی هەواڵ

ڕاگیراوێكی گرتن و گواستنەوەی گەرمیان لە نەخۆشخانەی سلێمانی دوای ئەنجامدانی نەشتەرگەرییەك گیانی لەدەستدا.

بەڕێوەبەرایەتی گشتی تەندروستی گەرمیان لە ڕاگەیەنراوێكدا ئاماژەی بەوەكردووە، ڕاگیراوێكی گرتن و گواستنەوەی گەرمیان، كە توشبوی كۆرۆنا بوو، پاش ئەنجامدانی نەشتەرگەری لەچەند ڕۆژی ڕابردوودا، ئێوارەی ئەمڕۆ لە نەخۆشخانەی سلێمانی گیانی لەدەستدا.

ڕوونیشی كردۆتەوە، ئەو ڕاگیراوە پێشتر لە پشكنینەكانی تیمەكانمان دەركەوت، كە تووشبووی كۆرۆنایە، بەڵام دواتر بەھۆی حاڵەتێكی دیكەی تەندروستیەوە ڕەوانەی سلێمانی كرا و لەوێ نەشتەرگەری بۆ ئەنجامدرا، پاش مانەوەی بۆ ماوەی ٢ ڕۆژ لە نەخۆشخانەی سلێمانی گیانی لەدەستدا.

بەردەوام بە لە خوێندنەوە

کوردستان