ئێمە لە تۆرە کۆمەڵایەتیەکان

ئابوری

وتەبێژی حكومەت بۆ (خەڵك) باسی مووچە و خانەنشینی دەكات

خەڵك- بەشی هەواڵ
وتەبێژی حكومەتی عیراق ڕایگەیەنێت، لە سەرەتای دەستپێكردنی تەوژمی خۆپیشاندانەكان، حكومەت لەسەر چەند ڕێڕەوێك دەستیكردووە بە كاركردن بۆ چاكسازی، بە تایبەتیش لەڕووی داڕشتنی ئەو یاسایانەی، كە پەیوەندییان بە بنەما و كرۆكی پڕۆسەی سیاسییەوە هەیە لە وڵات، وێڕای خستنەگەڕی هەوڵەكانی بۆ كەمكردنەوەی مووچەی بەرپرسە باڵاكان.

سەعد حەدیسی، وتەبێژی حكومەتی عیراق بە (خەڵك)ی ڕاگەیاند، “لە چوارچێوەی چاكسازییەكاندا، حكومەتی عیراق دەستیكردووە بە داڕشتنی پرۆژە یاسایەك بۆ هەمواركردنی یاسای هەڵبژاردنەكان و لەگەڵ داڕشتنی یاسایەك بۆ چاودێریكردنی سەرچاوەی موڵك و سامانی گەورە بەرپرسان، لەگەڵ ڕەوانەكردنی پڕۆژە یاسای خانەنشینی یەكگرتوو، كە هەلی زیاتری كاركردن و دامەزراندن بۆ لاوان و بێكاران و خاوەن بڕوانامەكان دەڕەخسێنێت”.

بە وتەی سەعد حەدیسی، “پرۆژە یاسای خانەنشینی یەكگرتوو، كە ئێستا لەبەردەستی پەڕلەمانە ئەگەر پەسەند بكرێت، دەبێتە مایەی چارەسەكردنی زۆرێك لە كێًشەكانی پەیوەست بە بێكاری و دەبێتە مایەی ڕەخساندنی هەلێكی گەورە بۆ دامەزراندنی ژمارەیەكی زۆری هاووڵاتیان”.

وتەبێژی حكومەتی عیراق، ئاماژەی بە پێكهێنانی چەند لیژنەیەكی تایبەتیش كرد،”بۆ كەمكردنەوەی مووچەی گەورە بەرپرسان بۆ نیو هێندەی ئێستای مووچەكانیان، لەگەڵ ڕەوانەكردنی كاندیدەكان بۆ ئەنجوومەنی ڕاژەی فیدڕاڵی، كە هەموو پڕۆسەكانی تایبەت بە وەزیفەی گشتی و مەرجەكان و پێوەرەكان و میكانیزمەكانی پێشكەشكردنی بۆ ئەنجوومەنەكە لەخۆدەگرێت و ناوی ئەو كاندیدەكانیش لەلایەن پەڕلەمانەوە پەسەندكراوە”.

هەر لە چوارچێوەی چاكسازییەكانی حكومەتی عیراق، حەدیسی وتی، “هەوڵەكانیش بۆ نەهێشتنی دوو مووچەیی یان زیاتر لەلایەن حكومەتەوە دەستیپێكردووە، لەڕێی زامنكردنی دابەشكردنی داهاتەكان بەسەر عیراقییەكاندا، بەهەمان شێوە لەڕێی گەڕاندنەوەی ئەو پارانەی لەڕێی یاسا نوێیەكانەوە دەستەبەر دەكرێن، كار بۆ دانانی سندوقێك دەكرێت، كە لێوەی مووچە بۆ هەموو ئەوانە دەبڕدرێتەوە، كە هیچ داهاتێكیان نییە و سەرچاوەی دابینكردنی بژێوی ژیانیان بۆ نەڕەخساوە”.

ئابوری

پسپۆڕێكی یاسایی: خانەنشینی پەرلەمانتاران لە خراپترین و نادادپەروەرترین یاساكانی جیهانن

خەڵك- بەشی هەواڵ

د. ئیسماعیل نامیق، پسپۆڕی یاسایی ڕایگەیاند، خانەنشینكردنی پەرلەمانتاران و وەزیرەكانی هەرێمی كوردستان لە خراپترین و نادادپەروەرترین یاساكانی جیهانن.

ناوبراو لە فەیسبوكی خۆی نوسیویەتی”كەسێك تەمەنی كەمتر بێت لە 30 ساڵ مانگانە شەش ملێون دینار بچێتە سەر هەژماری بانكیەكەی!! ئەم نادادیە لەكوێی دونیادا هەیە؟ چۆن بەم شێوەیە كوردستان ئاوەدان دەكرێتەوەو بەرهەمی خۆماڵی زیاد دەكرێت؟”.

هەر لە نوسینەكەیدا د.ئیمساعیل نامیق وتویەتی” یاساكانی تایبەت بەخانەنشینی پەرلەمانتاران و وەزیرەكان و خاوەن پلە باڵاكان لەهەرێمی كوردستاندا، لەنمونەی خراپترین ونادادپەروەرترین یاساكانی جیهانن، حەق وایە لەبەر خراپی وغەریـبی ونادادیان بخرێنە كتێبی گینسەوە و لەناوەندەكانی خوێندندا لەڕیزی پێشەوەی یاسا خراپەكان بەنمونە بهێنرێنەوە.”

لە بەشێكی دیكەی وتارەكەیدا ناوبراو وتویەتی” ئەم یاسایانە لەهەر ووڵاتێكی دیكەدا بوونایە، حكومەتیان لەسەر ئەڕوخێنرا وداڕێژەران و جێبەجێ كەرانی یاساكەش دەخرانە كونجی زیندانەوە.”

بەردەوام بە لە خوێندنەوە

ئابوری

پەرلەمانتارێكی عیراق: پێویستە مووچەی پلەباڵاكانی هەرێم وەك عیراقی لێبكرێت

خەڵك- بەشی هەواڵ

دوای دەستپێكردنی خۆپیشاندانی فراوان لە عیراق مووچە و دەرماڵە و ئیمتیازاتی پەرلەمانتاران و پلەباڵاكان بەشێوەیەكی بەرچاو كەمكرانەوە، بەپێچەوانەی هەرێمی كوردستانەوە كە تائێستا مووچەی پلەباڵاكان دەستكاری نەكراوە و پەرلەمانتارێكی عیراقیش دەڵێت”پێویستە هەرێمی كوردستانیش وەك عیراقی لێبكرێت”.

حەسەن ئاڵی، پەرلەمانی پەرلەمانی عیراق بە (خەڵك)ی ڕاگەیاند، ئەوان لەگەڵ كەمكردنەوەی مووچەی پەرلەمانتاران و پلەباڵاكان بوون، چونكە هەنگاوێك بووە بۆ دەستبەركردنی دادگەری كۆمەڵایەتی.

وتیشی”پێویستە ئەو بڕیارانەی پەرلەمانی عیراق لە هەرێمی كوردستانیش سودی لێوەربگیرێت و دەستكاری مووچەی پلەباڵاكان بكرێتەوە، بەتایبەتی هەرێمی كوردستان و عیراق بە قۆناغێكی سەختی ئابورییدا دەڕۆن و خەڵكانی زۆر هەژارن”.

بەپێی نوێترین بڕیارەكانی عیراق مووچەی وەزیر و پەرلەمانتاران بۆ 4 ملیۆن و 500 هەزار دینار كەمكرایەوە، لەكاتێكدایە لە هەرێمی كوردستاندا مووچەی پەرلەمانتار و وەزیر 8 ملیۆن و 200 هەزار دینارە.

بەردەوام بە لە خوێندنەوە

ئابوری

ئەمڕۆ خوێندنەوەی یەكەم بۆ پڕۆژەیاسای چاكسازی دەكرێت

خەڵك- بەشی هەواڵ

دوای چوار ڕۆژ لە ناردنی لەلایەن حكومەتەوە بڕیارە ئەمڕۆ دووشەممە پەرلەمانی كوردستان كۆبوونەوەی ئاسایی خۆی بكات و خوێندنەوەی یەكەم بۆ پڕۆژەیاسای چاكسازی بكات.

پڕۆژەیاسای چاكسازی لەلایەن حكومەتی هەرێمی كوردستانەوە بۆ چاكسازی ئامادەكراوە، بەڵام ڕووبەڕووی ڕەخنەی توندبووەتەوە، بەتایبەتی مووچە و خانەنشینی پەرلەمانتاران و پلەباڵاكان گۆڕانكارییەكی ئەوتۆیان تێدا نەكراوە.

ماڵپەڕی فەڕمی پەرلەمانی كوردستان بڵاوی كردووەتەوە، ئەمڕۆ خوێندنەوەی یەكەم بۆ پڕۆژەكە دەكرێت.

بەپێی زانیارییەكان دەنگ لەسەر پڕۆژەیاسای كاری ڕیكلامیش دەدرێت و خوێندنەوەی دووەمیش بۆ پڕۆژەیاسای ماددەهۆشبەرەكان دەكرێت.

مووچەی هەر پەرلەمانتار و وەزیرێك لە هەرێمی كوردستان 8 ملیۆن و 200 هەزار دینارە و دواتر خانەنشین دەكرێن و بەپێی پڕۆژەیاسای چاكسازیش مووچەی خانەنشینی هەریەكەیان لە 6 ملیۆن و 560 هەزار دینارەوە كراوە بە 5 ملیۆن و 250 هەزار دینار.

بەردەوام بە لە خوێندنەوە

کوردستان