ئێمە لە تۆرە کۆمەڵایەتیەکان

ژینگە

لە سلێمانی كارگەیەكی ڕیسایكڵین داخرا

خەڵك- بەشی هەواڵ

بەهۆی هەبوونی بڕێكی زۆر پاشماوەی زیانبەخش لەناو كارگەكەیدا و پابەندنەبوونی بە مەرجە ژینگەییەكان لیژنە هاوبەشەكانی قائیمقامیەتی سلێمانی كارگەیەكی ریسایكڵینی فوراتی داخست.

تابان محەمەد، سەرۆكی لیژنەی ژینگەی سەربەلیژنە هاوبەشەكانی قائیمقامیەتی سلێمانی رایگەیاند؛ بەهۆی پابەند نەبوونی بەمەرج و رێنماییەكانی كاركردن و پیسكردنی ژینگە، لیژنەكان كارگەی فوراتیان لەناوچەی پیشەسازی داخست”.

وتیشی” بەپێی رێنماییەكانی كاركردن لەكاتی مۆڵەت پێدان بەكارگەكان، رواندنی درەخت و چاندنی رێژەیەك سەوزایی دەكرێت بەمەرج بەسەریەوە بۆیە پێویستە پابەندبێت پێوەی، بەڵام كارگەی فورات سەرپێچی كردووە.”
هەروەها؛ نەبوونی یەكەی چارەسەری ئاوەڕۆی كارگەكە، ئەمەش یەكێكە لە سەرپێچییەكان بۆیە پێویستە چارەسەری بۆ بدۆزێتەوه، لەبەر ئەوەی پێشتر پسوڵەی سەرپێچی و دواتر سزای دارایی دراوە بەڵام بەردەوام بووە لەسەر جێبەجێ نەكردنی مەرج و رێنماییەكانی كاركردن”.

تابان محەمەد، نوێنەری بەڕێوەبەرایەتی ژینگە ئاماژەی بۆ ئەوەكرد؛ بەفەرمانی قائیمقامی سلێمانی كارگەی فرات بۆ تواندنەوەی پلاستیك دادەخرێت تائەو كاتەی سەرجەم مەرجەكانی كاركردن جێبەجێ دەكات”.

لیژنەی ژینگە، یەكێكە لە لیژنە هاوبەشەكانی قائیمقامیەتی سلێمانی، رۆژانە سەردانی هەموو ئەو كارگە و شوێنكارانە دەكات بەدوكەڵ و دەنگی بەرز ژاوەژاو و بەپاشەڕۆكانی مەترسی پیسبوونی ژینگەی دروستبكات، لەكاتی هەبوونی سەرپێچی سەرەتا شوێنەكە ئاگاداردەكاتەوه بەپابەندبوونی، لەكاتی دوبارە كردنەوەی سەرپێچی سزای دارایی شوێنەكە دەدات، بەردەوام بوونیشی لەسەر سەرپێچی شوێنەكە دادەخرێت و خاوەنەكەشی روبەروی رێكاری یاسایی دەكاتەوە.‌‌

ژینگە

شەپۆلی بارانی بەهارە و هەورەتریشقە دەستپێدەكات

خەڵك- بەشی هەواڵ
بەپێی پێشبینییە كەشناسییەكان، لە سبەینێوە شەپۆلێكی باران بارینی بەلێزمە و تەرزە و هەندێك كات پچڕ پچڕی بەهاری ناوچەكانی هەرێمی كوردستان دەگرێتەوە و هەندێك كاتیش هەورەتریشقەی لەگەڵدایە.

بەپێی ڕاپۆرتە كەشناسییەكان، لە سبەینێ‌ چوار شەممەوە تا ناوەڕاستی هەفتەی داهاتوو دوو نزمە پاڵەپەستۆی دەریای سوور و دەریای سپی ناوەڕاست هەڵدەكەنە سەر ناوچەكانی هەرێمی كوردستان و بەهۆیەوە هەندێك كات باران بارینی بەلێزمە و تەرزە دەبێت و هەندێك كاتیش پچڕ پچڕ دەبێت و هەورە تریشقەشی لەگەڵ دەبێت.

هەر بەپێی ڕاپۆرتەكان، ئەو شەپۆلە بارانە بەهۆی ئەوەی شەپۆلێكی بەهارەیە و تاو تاوە ڕێژەی دابارین لەناوچەیەك بۆ ناوچەیەكی دیكە جیاواز دەبێت و هەندێك كاتیش خێرایی با زیاد دەكات.

لای خۆشیەوە، دەستەی كەشناسی عیراق لە ڕاپۆرتێكدا ئاماژەی بەوەكردووە، هەردوو ڕۆژی چوار شەممە و پێنج شەممە ئاسمان هەوری باراناوی دەبێت و هەورەتریشقەی لەگەڵ دەبێت و خێرایی با مامناوەند دەبێت، هاوكات لە ناوچە شاخاوییەكان بەفر دەبارێت.

ڕاشیگەیاندووە، كە ڕۆژی هەینی شەپۆلەكە كاریگەری لاوازتر دەبێت و نمە باران لە ناوچەكانی هەرێم دەبارێت بەهۆی ئەوی ئاسمان هەور دەبێت و ڕۆژی شەممەش كاریگەری شەپۆلەكە بەردەوام دەبێت و بارانی بەلێزمە ەدەبارێت و هەورە تریشقەی لەگەڵ دەبێت و خێرایی با نزیكەی 20 كیلۆمەتر دەبێت لە كاتژمێرێكدا.

بەردەوام بە لە خوێندنەوە

ژینگە

بڕی باران بارینی 24 كاتژمێری ڕابردوو بڵاوكرایەوە

خەڵك- بەشی هەواڵ

لە ماوەی 24 كاتژمێری ڕابردوودا لە ناوچە جیاجیاكانی هەرێمی كوردستان بە بڕی جیاواز باران باریووە.

كەشناسی هەرێمی كوردستان ئاماژەی بەوەكردووە، لە قەزای مێرگەسور لەو ماوەیەدا زۆرترین بڕی باران باریووە.

بەردەوام بە لە خوێندنەوە

ژینگە

پۆلیسی دارستان 11 ڕاوچی دەستگیر دەكات

خەڵك- بەشی هەواڵ
بەڕێوەبەرایەتی پۆلیسی دارستان و ژینگەی سلێمانی دەستگیر كردنی 11 ڕاوچی لە سنووری پێنجوێن و چەمچەماڵ ڕادەگەیەنێت و داواش لە هاووڵاتیان دەكات، لە ڕاوكردن دووربكەونەوە، چونكە دەبێتە هۆی لەناوچونی ئاژەڵ و بألندە كێوییەكان.

عەمید هێمن كەمەرخان، بەڕێوەبەری پۆلیسی دارستان و ژینگەی سلێمانی بۆ (خەڵك) ڕایگەیاند، یەكێك لەو هۆكارانەی دەبێتە هۆی لەناوچونی ئاژەڵ و بألندە كێوییەكان ڕاوكردنە، هەرچەندە بەهۆی ئەرك و ماندووبوون و شەونخونی ئەفسەر و كارمەندانی بەڕێوەبەرایەتیمان لەسەرجەم بەش و بنكەكانمان توانراوە ڕێگریەكی زۆر باش لەو دیاردەیە بكرێت، بەڵام هەندێك لە هاووڵاتیان بێ هەستكردن بە بەرپرسیارێتی دەبنە هۆی زیان گەیاندن بە سروشت و ژینگەی كوردستان.

ڕاشیگەیاند، مەفرەزەیەكی بنكەی پۆلیسی دارستان و ژینگەی (گەرمك) بەهاوبەشی لەگەڵ بارەگای بەش لە دەرچوونێكی مەیدانیاندا توانیویانە (٤) هاووڵاتی لەسەر ڕاوكردنی باڵندەی كێوی دەستگیر بكەن و دەست بگرن بەسەر (٢) كەروێشك و (١٣) باڵندەی كێوی (كەو) و (٤) چەكی جۆری تاپڕ و (٢٢) فیشەكی تاپڕ و (٢) چەقۆ و ئۆتۆمبێلێك و (٢) لایتی دەستی.

ڕاشیگەیاند، كە پەڕاوی لێكۆڵینەوە بۆ دەستگیركراوەكان كراوەتەوە و ڕووبەڕی یاسا كرانەتەوە.

هاوكات بەپێی ڕاگەیەنراوێكی ئەو بەڕێوەبەرایەتییە، ئەمڕۆ دوو شەممە لەئاكامی دەرچوونی مەفرەزەیەكی مەیدانی هاوبەشی نێوان بەشی پۆلیسی دارستانی چەمچەماڵ و بنكەی پۆلیسی دارستانی شۆڕش بۆ بەرزاییەكانی (مەنیلە) توانیان ۷ ڕاوچی دەستگیر بكەن .

عەمید هێمن داوا لە هاووڵاتیان دەكات، “لەپێناو پاراستنی سروشت و ژینگەی كوردستان دا پێویستە هەمووان پابەندبن بەڕێنماییەكانی پۆلیسی دارستان”.

بەردەوام بە لە خوێندنەوە

کوردستان