ئێمە لە تۆرە کۆمەڵایەتیەکان

کوردستان

دوو ڕێستۆرانت لە سلێمانی داخران

خەڵك- بەشی هەواڵ

بەهۆی پابەندنەبوونیان بەمەرج و رێنماییەكانی كاركردن، لیژنە هاوبەشەكانی قائیمقامیەت دوو رێستۆرانتی لە سلێمانی داخست.

هەرێم عەبدولڕەحمان، سەرۆكی لیژنەی كافتریا و رێستۆرانت و شوێنە گەشتوگوزارییەكان رایگەیاند؛ لەئەنجامی سەردانە بەردەوامەكانی لیژنەكە دەركەوتووە هەردوو رێستۆرانتی ( VIPسەرچنار و سایەگوڵ2) پابەندی مەرج و رێنماییەكانی كاركردن نابن.

ناوبراو دەڵێت” یەكێك لەسەرپێچییەكانی ( VIPسەرچنار و سایەگوڵ2) نەبوونی كارتی تەندروستی و ڤایرۆسییە، بەپێی رێنماییە تەندروستییەكان پێویستە كارمەندی چێشتخانە، رێستۆرانت و هەموو ئەوشۆێنانەی خواردن و خواردنەوە پێشكەش بەهاووڵاتیان دەكەن هەڵگری كارتی تەندروستی بن،‌ بۆ كارمەندانی بیانیش پێوستە خاوەنی كارتی ڤایرۆسی بن تا دڵنیابنەوە لە سەلامەتی تەندروستییان و مەترسی نەخۆشی گواستراوەیان لێنەكرێت‌.”

هەروەها باسی لەوەكردووە، پابەندنەبوونی شوێنەكان بەجۆری ئەو مۆڵەتەی بۆ كاركردن وەریانگرتووە و بەپێچەوانەی رێنماییەكان كاریان تێداكردووە، لەگەڵ هەبوونی ژووری (VIP) كە بەپێی رێنماییەكانی كاركردن پێوستە ئەوشوێنانەی ژووری (VIP) هەیە كامێرای چاودێری بۆ دابنرێت بەپێچەوانەوە شوێنە روبەروی رێكاری یاسایی دەكرێتەوە.

کوردستان

کەرنەڤاڵێکی شیعری لەسەر ئارامگەی شێركۆ بێكەس ئەنجامدەدرێت

خەڵک – بەشی هەواڵ

 

بڕیارە دوو شەممەی داهاتوو کەرنەڤاڵێکی شیعریی لەسەر ئارامگەی شێركۆ بێكەس لە پاركی ئازادیی لەسلێمانی ئەنجامبدرێت.

 

لەژێر ناونیشانی  (با شیعر بکەینە سەنگەری بەرگری) ڕێکخراوی نوێگەر بۆ گەشەپێدانی هونەری کەرنەڤاڵێکی شیعری لەسەر ئارامگەی شێركۆ بێكەس لە پاركی ئازادیی لەسلێمانی ڕێکدەخات.

 

کەرنەڤاڵەکە لە ڕۆژی ۱۰ی۸ی۲۰۲۰ دووشەممە، کاتژمێر ٦ی ئێوارە ئەنجامدەدرێت

 

لەکەرنەڤاڵە شیعیرییەکەدا هەریەک لەم شاعیرانەى خوارەوە بەشداری دەکەن:

بەندی عەلی
ڕۆژ هەڵەبجەیی
فاتیح سەلام
سروە عوسمان
سەردار قادر
هەڵاڵە شەوکەت لهۆنی
هاوشان عەزیز
ڕەوەند ساڵح
مەریوان قەرەداغی

بەردەوام بە لە خوێندنەوە

کوردستان

ڤیدیۆ؛ توركیا دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە

خەڵك – بەشی هەواڵ
ئەمڕۆ هەینی سوپای توركیا لە ڕێی هەژماری فەرمی خۆیەوە لە تویتەر، دیمەنی نوێی هێرشە ئاسمانی و زەمینییەكانی بۆ سەر هەرێمی كوردستان بڵاوكردەوە.

توركیا هاوكات لەگەڵ هێرشەكانی بۆ سەر هەرێمی كوردستان، لە باكوور و ڕۆژئاوای كوردستانیش هێرش و ئۆپەراسیۆنی سەربازیی ئەنجام دەدات.

ئەمڕۆ وەزارەتی بەرگری توركیا بانگەشەی ئەوەی كردووە كە لە ماوەی 24 كاتژمێری ڕابردوودا 17 گەریلای پەكەكەیان كردووەتە ئامانج، بەڵام پەكەكە ئەو زانیارییانەی پشتڕاست نەكردووەتەوە.

بڵاوكردنەوەی دیمەنە ڤیدیۆییەكەش هاوكاتە لەگەڵ بۆردومانەكەی ئەمڕۆی فڕۆكە جەنگییەكانی سوپای توركیا بۆ سەر گوندی قامیشی سەر بە شارۆچكەی ماوەت لە سنووری ناوچەی شارباژێڕی سلێمانی.

بەردەوام بە لە خوێندنەوە

کوردستان

فڕۆكە جەنگییەكانی توركیا ناوچەی شارباژێڕیان بۆردومان كرد

خەڵك – بەشی هەواڵ
ئەمڕۆ هەینی فڕۆكە جەنگییەكانی توركیا چەند گوندی قامیشی سەر بە ناوچەی شارباژێڕی سلێمانییان بۆردومان كرد.

بە پێی زانیارییە سەرەتاییەكان بۆردومانەكە بووەتە هۆی ئاگركەوتنەوە لە ناوچەكە، بەڵام ئەگەری بوونی زیانی گیانی لەو هێرشەدا نەزانراوە.

سوپای توركیا چەند ناوچەیەكی سنووری شارباژێڕی سلێمانییان وەك سنووری چالاكی پەكەكە دەستنیشان كردووە و ناوبەناو بەو بیانووە بۆردومانی دەكەن.

بەردەوام بە لە خوێندنەوە

کوردستان