ئێمە لە تۆرە کۆمەڵایەتیەکان

کوردستان

پێویستە سەرجەم هاووڵاتیان سەردانی نێوەندەكانی نوێكردنەوەی تۆماری دەنگدەران بكەن

هەولێر- ئارام سەردار

سەرۆكی كارگێڕی هەڵبژاردنی كۆمسیۆنی باڵای سەربەخۆی هەڵبژاردن و راپرسی لەهەرێمی كوردستان لەكۆبونەوەی پەرلەمانی كوردستان رایگەیاند”ئەو تۆمارەی كە لەكۆمسیۆن كاری لەسەر دەكرا تۆماری كۆمسیۆنی باڵای سەربەخۆی هەڵبژاردنەكانی عێراق بوو و تێبینیەكی زۆری لەسەر هەبوو، چونكە بەپێی داتا بەیسەكە 3 ملیۆن و 363 هەزار 429 دەنگدەر هەبوو، بۆیە لەسەر ئەو داتابەیسە لەمانگی 10 كاركرا بۆ رێكخستنەوە و راستكردنەوەی ئەو هەڵانەی تێیدابوو”.

رێزان حەمە رەشید لە كۆبونەوەی پەرلەمان، وتیشی ” لەمانگی 11ی 2017 كۆمسیۆن پەیڕەوێكی دەركرد بۆ بژاركردن و نوێكردنەوەی تۆمارەكە، چونكە قسەی زۆر هەبوو لەسەر ئەوەی داتای مردوو و لەیەكچووو و ناوی دووبارە هەیه لەگەڵ ناوی كەسانی زۆر بەتەمەن”.
راشیگەیاند، لەبەر ئەوە كۆمسیۆن لەمانگی 1ی ئەمساڵ پەیڕەوێكی تری دەركرد و بڕیاریدا داتابەیسی وەزارەتی بازرگانی هەرێم بكرێـتە بنچینە بۆ نوێكردنەوەی تۆماری دەنگدەران.

ئەوەشی خستەڕوو” تەنها زانیاری كە بەكارمان هێناوە لەداتابەیسی كۆمسیۆنی عێراق بریتی بوە لەژمارەی دەنگدەر و ناو و ناونیشانی بنكەی دەنگدان، جیاوازی نێوان داتابەیسی عیراق و ئەوەی ئێمە دروستمان كرد بریتی بووە لە 208 هەزار و 445 كەس”.

وتیشی “ئەوانەی تەمەنیان لەسەروی 90 ساڵە دەرهێنراون و ئەگەر ماون ناویان تۆمار دەكرێ، ئەمە بۆ ئەوانەی ناویشیان دووبارە بووە واتە دەبێ هەموو هاوڵاتیان سەردانی ناوەندی نوێكردنەوەی تۆماری دەنگدەران بكەن”.

کوردستان

دانیشتنێكی دیكەی دادگاییكردنی دەمیرتاش بەڕێوەچوو

خەڵك- بەشی هەواڵ

دوێنێ پێنج شەممە دادگایەكی دیكەی سەڵاحەدین دەمیرتاش هاوسەرۆكی پێشووی پارتی دیموكراتی گەلان (هەدەپە) لە لایەن نۆزدەهەمین دادگای سزا قورسەكانی ئەنقەرەوە بەڕێوەچوو.

سەڵاحەدین دەمیرتاش لە دانیشتنی دادگاییكردنیدا رایگەیاند “دادگایەك ناتوانێت لە بەرانبەر من وەها ڕەفتار بكات. ئەگەر ئێوە دان بە بڕیاری دادگای مافی مرۆڤی ئەورووپادا نانێن، دەتوانن بەئاشكرا بڵێن بڕیارەكەی دادگای مافی مرۆڤی ئەورووپا پەیوەندی بە ئێمەوە نییە. هەر نەبێ بڕیاری ئەوەتان نەدابوایە كە بێلایەنن یان لایەنگر”.

لە دادگاییكردنەكەدا سەزای تەمەللی هاوسەرۆكی گشتیی هەدەپە و چەندین پەرلەمانتاری هەدەپە ‌و دەیان پارێزەری دۆسیەی دەمیرتاش ئامادە بوون. لە شاندە بیانییەكانیش تەنیا ڕێ بە ٥ كەس درا ئامادەی دانیشتنەكە بن و بە بیانووی جۆراوجۆر ڕێگری لە ٦ كەسیان كرا. هەروەها ڕێگە بە ڕۆژنامەوانان نەدرا دەربازی هۆڵی دانیشتنەكە بن، تەنیا ڕێ بەو ڕۆژنامەوانانە درا كە كارتی زەردیان هەیە.

دەستەی دادگا لە دانیشتنی دوانیوەڕۆیدا بڕیاری دا دەمیرتاش بە زیندانی كراوی بمێنێتەوە و دانیشتنەكەشی بۆ ٢٣-٢٤-٢٥ی كانوونی دووەمی ٢٠١٩ دواخست.

بەردەوام بە لە خوێندنەوە

کوردستان

داوای قەدەغەكردنی راوی ریشۆڵە دەكرێت

سلێمانی ـ نزار جەزا

ڕیشۆڵە یەكێكە لەباڵندە گرنگەكان بۆ ڕاگرتنی هاوسەنگی ژینگە و زەوییە كشتوكاڵییەكان، ڕێكخراوێكی بواری كشتوكاڵیش داوادەكات لایەنە پەیوەندیدارەكان هاوكاربن بۆ كەمكردنەوەی ڕاوكردنی ڕیشۆڵە.

ڕۆژیار سیروان سەرپەرشتیاری رێكخراوی گروپی كشتوكاڵی ARD، بە(خەڵك)ی ڕاگەیاند، بەڕاوكردنی ڕیشۆلە هاوسەنگی ژینگە تێكدەچێت و دەردە كشتوكاڵییەكان لەناو كێڵگەدا دروستدەبێت، بەجۆرێك لەپاش كێڵانی زەوی، مێرووە زیانبەخشەكانی ناو خاكەكە دێنە سەر خاكەكە و ڕیشۆڵە ئەم مێرووانە دەخوات، بەڵام ئەگەر ڕیشۆڵە نەبێت، دووبارە ئەم مێرووانە دەچنەوە ناو خاكەكە و زیان بە خاكەكە و بەروبومی خاكەكە دەگەیەنن.

ئاماژەی بەئەوەشدا، لەئەنجامی ئەمەدا نەخۆشییە كشتوكاڵییەكان زیاد دەكات، لەبەرامبەر ئەم نەخۆشییانەدا جوتیار قڕكەرە كیمیاییەكان بەكاردەهێنێت، ئەم قڕكەرەكەش لەبازاڕدا بەنرخێكی هەرزان دەفرۆشرێت و زیانی زۆری هەیە.

زیاتر ڕوونیكردەوە، یەكێك لەو مادە كیمیاییە قڕكەرانە مادەی دیازینۆنە، كە لەجیهاندا قەدەغە كراوە، چونكە هۆكارە بۆ دروستبوونی نەخۆشی شێرپەنجە، هاوكات ئەم مادەیە لەتوانایدایە بۆ ماوەی دە ساڵ لەخاكدا دەمێنێتەوە و لەكاتی باران باریندا ڕۆدەچێتە خوارەوە بۆ ناو ئاوی ژێر زەوی و پیسی دەكات.

ناوبراو داواشیكرد، چیتر ڕیشۆڵە ڕاونەكرێت و لەگەڵ لیژنەكانی قائیمقامیەت و لایەنە پەیوەندیدارەكان لەهەماهەنگیدان بۆ ئەوەی ڕێگری بكەن لە ڕاوكردنی ڕیشۆڵە.

وتیشی:”بەپێی یاسا ڕاوكردنی هەر ڕیشۆڵەیەك غەرامەكەی 100 هەزار دینارە”.

بەردەوام بە لە خوێندنەوە

کوردستان

لە سلێمانی نۆرینگەیەك و دەرمانخانەیەك داخران

خەڵك- بەشی هەواڵ
بەهۆی نەبونی مۆڵەت و بە نایاسایی كاركردن، لیژنەی تەندروستی سەر بە لیژنە هاوبەشەكانی قائیمقامیەتی سلێمانی نۆرینگەیەك و دەرمانخانەیەك دادەخات.

گۆران قادر، سەرۆكی لیژنە هاوبەشەكان لە راگەیەندراوێكدا رایگەیاند “لە ئەنجامی پشكنینە بەردەوامەكانی لیژنەی هاوبەشی تەندروستی بۆ دەرمانخانە و نۆرینگە و تاقیگە پزیشكیەكان، بەهۆی پابەند نەبونیان بە مەرج و رێنماییەكانی كاركردن نۆرینگەی جەمال و دەرمانخانەی رێنما لەشاری سلێمانی دادەخرێن”.

وتیشی “نۆرینگەی جەمال لە گەڕەكی كانی كوردەی شاری سلێمانی پێشتر پسوڵەی بۆكراوە و ئاگاداركراوەتەوە پابەندی ئەو (18) جۆر دەرمانەی سەندیكای دەرمانسازان ‌بۆی دیاریكردون بێت و جۆری زیاتر لە دەرمانخانەكەیدا نەبێت، بەڵام بەهۆی سەرپێچیەوە بڕیاری داخستنی شوێنەكە دراوە”.هەروەها وتی “سەرپێچی دەرمانخانەی رێنما لە گەڕەكی تاڤگە نەبونی مۆڵەتی كاركردنە، بەپێی یاسا رێگە بەو شوێنانە نادرێت بێ مۆڵەت كاربكەن، بۆیە شوێنەكە دادەخرێت تا ئەوكاتەی مۆڵەتی كاركردن تەواودەكات”.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 31 دەنگ دان
    31 دەنگ دان 86%
    31 دەنگ دان - 86% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 6%, 2
    2 6%
    2 - 6% هەموو دەنگەکان

کوردستان

دوایین